Sport

Presidenti i Atletico Madridit pas shortit ndaj Manchester Cityt: Ëndërroj për triumf në Ligën e Kampionëve

Atletico Madridi veçse është duke ëndërruar që të arrijë finalen e Ligës së Kampionëve.

Published

3 years ago

on

Kampioni italian, Atletico Madrid është optimist se do ta eliminojnë Manchester Cityn nga Liga e Kampionëve, ka thënë presidenti i klubit, Enrique Cerezo.

Atletico Madridi veçse është duke ëndërruar që të arrijë finalen e Ligës së Kampionëve, ka thënë presidenti i klubit pasi që kuptoi se do të përballet me Manchester Cityn në çerekfinale të kësaj gare.

Fituesi i kësaj përballje do të ndeshet me fituesin e ndeshjes mes Chelseat dhe Real Madridit, dhe presidenti Cerezo ka thënë se skuadra e tij veçse ka filluar përgatitjet për gjysmëfinale dhe finale.

“Ne kemi qëllime të mëdha. Vijmë nga Manchesteri, dhe tani rikthehemi aty, dhe do të mundohemi të bëjmë një tjetër paraqitje të mirë. Por duhet të jemi të vetëdijshëm që shorti ësht ky, dhe City ka një trajner të mirë dhe një skuadër fantastike, por edhe ne i kemi të dy këto gjëra”, tha Cerezo.

“Ne kemi prekur njërën nga finalet, nuk kam dëshirë të përballem me skuadra spanjolle, por mbetet të shihet, ne kemi një skuadër që jemi me fat që shkojmë përsëri drejt një qyteti që veçse kemi qenë. Jemi të lumtur që kemi arritur një gjysmëfinale me Real Madridin, një finale në Paris do të ishte fantastike, por ne gjithsesi do të jemi në njërën, kemi arsye për të ëndërruar dhe ne do të ëndërrojmë”, shtoi presidenti i Atletico Madridit.

Ndeshja e parë e çerekfinales mes Atleticos dhe Cityt do të zhvillohet më datën 6 prill në stadiumin “Etihad”, kurse ndeshja e kthimit do të zhvillohet më 13 prill në “Wanda Metropolitano”.

Related Topics:
Continue Reading

Sport

Abraham nga aeroplani, do të jem në sulm me dyshen shqiptare

Published

8 hours ago

on

July 1, 2025

By

Besiktasi po përforcohet në repartin e sulmit për sezonin e ri.

Dhe ata kanë siguruar shërbimet e sulmuesit të njohur, Tammy Abraham nga Roma.

Në një video të publikuar nga vetë klubi turk, Abraham nga aeroplani jep mesazhin për tifozët e gjigantit turk.

Te Besiktasi ai do të luaj përkrah dyshes shqiptare, Milot Rashicës dhe Ernest Muçit.

Abraham sezonin që lamë pas ishte i huazuar te Milani, ku bëri 44 paraqitje dhe shënoi 10 gola dhe 7 asistime.

Continue Reading

Sport

Ansu Fati zyrtarizohet te Monaco

Published

11 hours ago

on

July 1, 2025

By

Monaco ka bërë lëvizjen e tretë në këtë afat kalimtar.

Pas Paul Pogbas dhe Eric Dierit, “bardhekuqtë” kanë siguruar shërbimet e Ansu Fatit.

Spanjolli, do t’i bashkohet në formë huazimi me të drejtë blerjeje për 11 milionë euro.

Fati zgjodhi numrin 31 në fanellë, numër që e kishte pasur fillimisht në debutimin e tij me Barcelonën si edhe te Brightoni.

Continue Reading

Sport

Nis gara për organizimin e Botërorit të Klubeve, FIFA shqyrton mundësinë për ta luajtur në dimër

Published

14 hours ago

on

July 1, 2025

By

FIFA po shqyrton mundësinë që edicioni i ardhshëm i FIFA Club World Cup të zhvillohet gjatë dimrit, një ndryshim që shkakton trazira në kalendarin e kampionateve europiane.

Katari, vendi që organizoi Kupën e Botës në 2022, ka shprehur interesin për të qenë nikoqiri i radhës së këtij turneu të zgjeruar, pas edicionit të parë këtë verë në SHBA. Për shkak të temperaturave gjatë verës në Katar, turneu duhet të mbahet në dhjetor, siç ndodhi edhe me Kupën e Botës në 2022.

Sipas raportimeve të The Guardian, përfaqësues të Katarit kanë zhvilluar bisedime me zyrtarët më të lartë të FIFA-s në SHBA për një mundësi ndryshimi të vendit të organizimit. Katar synon të organizojë këtë turne në dhjetor 2029.

Ky plan po ndeshet me kundërshtime të forta nga ligat evropiane, përfshirë Premier League, që paralajmërojnë ndërprerje të rëndësishme në sezon. Në 2022, zhvendosja e Kupës së Botës në dimër kishte detyruar ndalimin e kampionateve për më shumë se një muaj, një përvojë që ligat dëshirojnë ta shmangin.

Katar ofron ofertë të fortë duke pretenduar se mund të organizojë një Club World Cup me zero emetime karboni. Stadiumet e ndërtuara për Kupën e Botës janë ende të gatshme, gjë që do të ulë kostot dhe do të minimizojë udhëtimet për tifozët. Lojtarët janë ankuar për kushtet e motit gjatë turneut të fundit, me disa ndeshje të pezulluara për shkak të bubullimave e stuhive të verës në SHBA, përfshirë edhe ndeshjen Chelsea-Benfica që u ndërpre për dy orë.

Sindikatat e lojtarëve, si FifPro, kanë shprehur shqetësime për sigurinë e mirëqenien e sportistëve, ekspertët paralajmërojnë se situata e motit pritet të jetë sfiduese edhe në Kupën e Botës 2026 që zhvillohet në SHBA, Meksikë e Kanada.

Edhe Kupa e Botës 2034 në Arabinë Saudite të zhvendoset në dimër për shkak të kushteve klimatike.

Continue Reading

Sport

Messi drejt rikthimit në Barcelonë?

Published

15 hours ago

on

July 1, 2025

By

Kanë kaluar katër vite që kur Lionel Messi u largua nga Barcelona, por fansat ende ëndërrojnë rikthimin e legjendës argjentinase te klubi i zemrës së tij.

Në moshën 38-vjeçe, Messi luan në MLS me Inter Miami, ku kontrata e tij zgjat deri më 31 dhjetor 2025, spekulimet për një rikthim të mundshëm te Barcelona janë rikthyer fuqishëm në media.

Sipas gazetarit Esteban Edul nga ESPN Argentina, Messi po konsideron të lërë MLS-në rreth gjashtë muaj përpara FIFA Botërorit 2026, me synimin për të luajtur në një ligë më konkurruese dhe për t’u përgatitur më mirë për turneun.

Bisedimet për rinovimin e kontratës me Inter Miami janë pezulluar, duke lënë të hapur mundësinë e largimit në dritaren e transferimeve dimërore. Messi u shpall kampion bote me Argjentinën në Botërorin 2022 në Katar dhe do të hyjë në Botërorin 2026 si kampion në fuqi, me shpresën për të mbrojtur titullin.

Nëse vendos të largohet nga MLS, lidhjet për rikthimin në Barcelonë do të rifillojnë, siç ndodhi edhe kur u largua nga PSG në 2023.

Raportime të fundit sugjerojnë se marrëdhënia e prishur me bordin drejtues të Barcelonës, nën presidencën e Joan Laportas, e bën një rikthim të vështirë.

Gazetari Guillem Balague, i afërt me kampin e Messit, deklaroi në shkurt se ish-kapiteni i Barcelonës nuk do ta konsideronte kthimin te klubi për aq kohë sa Laporta do të jetë president. Me gjashtë muaj të mbetur deri në fund të kontratës me Inter Miami, mbetet për t’u parë nëse Barcelona do të përpiqet të zbusë marrëdhëniet dhe t’i japë mundësinë yllit të tyre të madh të bëjë një rikthim madhështor.

 

 

Continue Reading

Të kërkuara