Lajmet

Presidenti i Afrikës së Jugut bën thirrje për vaksinim

Afrika e Jugut po përballet me variantin e ri të COVID-19.

Published

on

Spitalet e Afrikës së Jugut po përgatiten për të pranuar më shumë pacientë ndërsa vendi po hyn në valën e katërt të pandemisë COVID-19, tha presidenti i Afrikës së Jugut, Cyril Ramaphosa në një buletin javor të hënën.

Rahamphosa tha se varianti i ri i COVID-19, Omicron, po dominon në tërë vendin.

“Gjatë javës së fundit, numri i infeksioneve ditore është pesëfishuar. Gati një e katërta e të gjitha testeve për COVID-19 tani rezultojnë pozitive. Krahasoni këto të dhëna me të dhënat e para dy jave, kur përqindja e testeve pozitive ishte rreth 2%”, tha Ramaphosa.

Ai u bëri thirrje njerëzve të vaksinohen dhe t’i respektojnë masat antiCOVID.

“Afrika e Jugut tani ka furnizime të mjaftueshme vaksinash dhe ne kemi vende vaksinimi të ngritura në çdo pjesë të vendit. Me kalimin e çdo dite dhe me rritjen e infeksioneve, arsyet për t’u vaksinuar bëhen më bindëse dhe nevoja bëhet gjithnjë e më urgjente. Ne duhet të ringjallim programin tonë të përdorimit të maskave, ku insistojmë që të mos hyjmë në asnjë objekt publik apo biznesi pa maskë”, deklaroi ai./UBTNews

Lajmet

Hashim Thaçi përfundoi vizitën te babai i tij i sëmurë

Published

on

By

Hashim Thaçi ka përfunduar vizitën te babai i tij i sëmurë në QKUK.

Thaçi ka arritur paraditen e sotme në Kosovë me leje të përkohshme nga Gjykata Speciale në Hagë.

Pas tri kërkesave të refuzuara, Gjykata Speciale ia ka aprovuar Thaçit kërkesën për të ardhur në Kosovë për të vizituar babanë e sëmurë.

Continue Reading

Lajmet

Thaçi po vazhdon vizitën te babai i tij, qytetarë të shumtë në oborrin e QKUK-së presin ta përshëndesin

Published

on

By

Hashim Thaçi ende po qëndron për vizitë te babai i tij i sëmurë në QKUK.

Nuk dihet sa do të zgjasë kjo vizitë, por në oborrin e QKUK-së ka orë që janë mbledhur qytetarë të shumtë për ta përshendetur Hashim Thaçin në të dalë nga kjo vizitë.

Thaçi ka arritur paraditen e sotme në Kosovë me leje të përkohshme nga Gjykata Speciale në Hagë.

Pas tri kërkesave të refuzuara, Gjykata Speciale ia ka aprovuar Thaçit kërkesën për të ardhur në Kosovë për të vizituar babanë e sëmurë.

Continue Reading

Lajmet

Gjenerallejtënant Jashari pret në takim Gjeneral Brigade Pulaj

Published

on

By

Komandanti i Forcës së Sigurisë së Kosovës (FSK), Gjenerallejtënant Bashkim Jashari, ka pritur në takim Komandantin e Kolegjit të Mbrojtjes dhe Sigurisë të Forcave të Armatosura të Republikës së Shqipërisë (FARSH), Gjeneral Brigade Ylli Pulaj.

Gjatë takimit, Gjenerallejtënant Jashari i uroi mirëseardhje Gjeneralit Pulaj dhe e falënderoi për mbështetjen e vazhdueshme që FARSH po ofron për FSK-në. Ai theksoi rëndësinë e bashkëpunimit mes dy forcave për forcimin e kapaciteteve mbrojtëse dhe shkëmbimin e përvojave në trajnime dhe arsimim ushtarak.

Nga ana tjetër, Gjeneral Pulaj shprehu mirënjohjen për pritjen e ngrohtë dhe vlerësoi nivelin e lartë të bashkëpunimit ndërmjet dy forcave. Ai theksoi rëndësinë e shkëmbimit të njohurive dhe përvojave për të rritur gatishmërinë dhe profesionalizmin e ushtarakëve.

Në përmbyllje të takimit, të dy gjeneralët rikonfirmuan përkushtimin për thellimin e bashkëpunimit dhe u pajtuan për zgjerimin e projekteve të përbashkëta në të ardhmen.

Continue Reading

Lajmet

Inaugurohet sheshi “Erhard Busek” në Prishtinë

Published

on

By

“Erhard Busek” është emërtuar sheshi në hapësirat e Bibliotekës Kombëtare, i cili u inaugurua të enjten nga Komuna e Prishtinës. Busek është ish-politikan austriak, për të cilin u tha se ka dhënë kontribut të jashtëzakonshëm në forcimin e marrëdhënieve ndërmjet Kosovës dhe Austrisë.

Kryetari i Prishtinës, Përparim Rama tha se sheshi përballë Bibliotekës Kombëtare ndërlidhet me edukimin dhe se Erhard Busek ka qenë mik i madh i Kosovës.

“Doktor Erhard Busek është një mik i madh i Kosovës, një mik i madh i yni që na ka ndihmuar gjatë kohëve më të vështira, gjatë kohës së luftës, gjatë kohës kur edhe qytetarët tanë, studentët e asaj kohe nuk kanë pasur mundësi të studiojnë ka qenë pikërisht doktor Erhard Busek që i ka hapur mundësi me qindra apo mijëra studentë nga Kosova që të mësojnë, që të studiojnë, që të avancohen, të bëhen profesionistë dhe tashmë edhe t’i ndihmojnë vendit tonë në hapat e radhës për të ardhmen e ndritshme të vendit tonë. Si rezultat edhe si një nevojë për ta nderuar e falënderojë presidentin e shoqatës të miqësisë Kosovo-Austriake që kanë ardhur tek ne në kryeqytet me një propozim që ta nderojmë figurën e doktor e Erhard Busek me emërimin e një sheshi, pikërisht këtij sheshi këtu që qëndron përballë Bibliotekës Kombëtare”, u shpreh ai.

Ambasadori i Austrisë në Kosovë, Georg Schnetzer foli për kontributin e shtetit austriak, ku tha se ishte vendi i parë që njohu diplomat dhe dokumentet nga sistemet paralele shqiptare.

“Është një ditë historike, sot është përvjetori i 3-të i vdekjes së Erhard Busek. Jam i sigurt se ai do të ishte shumë i nderuar, shumë krenar që ky shesh afër Bibliotekës Kombëtare, shumë afër me Rektoratin e Universitetin si dhe afër bibliotekës së vogël austriake që është brenda në këtë ndërtesë, po emërohet pas tij. Erhard Busek ishte një vizionar, për dekada ai punoi pa pushim për integrimin e Evropës Lindore dhe Evropës Juglindore në BE, para rënies së ‘perdes së hekurt’. Ishte ai, që në vitet e 80-ta kontrabandoi libra nga Austria në shtete prapa perdes së hekurt, pra është një vend shumë i mirë që të emërohet pas tij. Ai ishte zëvendës kancelar i Austrisë dhe Ministër i Shkencës dhe Kërkimeve. Austria u bë shteti i parë që njohu diplomat dhe dokumentet nga sistemet paralele shqiptare, nga sistemi nëntokësor, universitetet dhe shkollat në kohën kur ishte e ndaluar të mësohej në gjuhën shqipe. Ai luajti një rol kyç që studentët shqiptar të kishin mundësinë të vazhdonin studimet në Austri si shteti i parë që njohu diplomat”, theksoi ai.

Në mbledhjen e sotme të Kuvendit Komunal të Prishtinës është miratuar propozimi i kryetarit Përparim Rama, që sheshi përballë Bibliotekës Kombëtarë ta mbajë emrin e ish-politikanit austriak, Erhard Busek.

Continue Reading

Të kërkuara