Lajmet

Presidenca në pritje të raportit të KQZ-së për zgjedhjet në veri

Zgjedhjet për kryetarë të komunave në veri të Kosovës janë caktuar që të mbahen më 18 dhjetor.

Published

on

Presidentja e Kosovës, Vjosa Osmani, është në pritje të raportit nga Komisioni Qendror i Zgjedhjeve (KQZ), që më pas të marrë vendim që të shtyjë ose jo zgjedhjet në katër komunat në veri. Kështu tha për Radion Evropa e Lirë, Bekim Kupina, këshilltar për media i presidentes Osmani.

Zgjedhjet për kryetarë të komunave në veri të Kosovës janë caktuar që të mbahen më 18 dhjetor.

Debati lidhur me shtyrjen ose jo të zgjedhjeve në veri është nxitur pasi në komunat veriore në ditët e fundit ka pasur incidente me armë zjarri dhe granata dore, gjë që ka shtyrë Policinë e Kosovës të rrisë prezencën e saj atje.

Zgjedhjet në Mitrovicë të Veriut u shpallën pasi kryetarët e Mitrovicës së Veriut, Zveçanit, Zubin Potokut dhe Leposaviqit, dhanë dorëheqje në nëntor, në shenjë pakënaqësie ndaj një vendimi të Qeverisë së Kosovës për riregjistrimin e makinave që kanë targa ilegale, të lëshuara nga Serbia.

Osmani deklaroi më 8 dhjetor se do të trajtojë çështjen e shtyrjes së zgjedhjeve, nëse një kërkesë të tillë e bën KQZ-ja. Ajo po ashtu tha se do të marrë raporte vlerësuese për situatën e sigurisë në veri nga autoritetet kompetente.

“Brenda dy-tri ditësh do të qartësohet çështja e shtyrjes apo jo të zgjedhjeve në veri të Kosovës”, tha presidentja.

E para e shtetit tha se shtyrja e zgjedhjeve mund të bëhet vetëm pas konsultimeve me partitë politike.

Zyrtarët zgjedhorë u penguan që të kryenin punën e tyre zyrtare më 6 dhjetor, për shkak se teksa ishin nën përcjelljen e Policisë në veri, zyrat zgjedhore komunale u dëmtuan “nga mjete të rrezikshme, përfshirë granata dore”.

KQZ-ja të enjten ka miratuar një plan operacional për sigurinë e zgjedhjeve, që tha se do t’i dërgohet Policisë.

Për shkak të mungesës së sigurisë fizike, anëtarët e komisioneve komunale të zgjedhjeve në veri të Kosovës, tashmë kanë deklaruar se refuzojnë të shkojnë në vendet e tyre të punës.

Shtetet e Bashkuara dhe Gjermania kanë kërkuar që Kosova të shtyjë mbajtjen e zgjedhjeve, për shkak të incidenteve të shënuara ditëve të fundit.

Autoritetet në Prishtinë i kanë cilësuar si “sulme terroriste” incidentet në veri dhe kanë thënë se “bandat kriminale” që “financohen dhe dirigjohen” nga Serbia janë përgjegjëse për këto akte.

Lista Serbe – partia kryesore e serbëve në Kosovë – në nëntor tërhoqi zyrtarët e saj nga institucionet në veri. Ajo po kundërshton mbajtjen e zgjedhjeve të 18 dhjetorit.

Pasi Policia nisi rritjen e prezencës së saj në veri të Kosovës, Lista Serbe deklaroi më 9 dhjetor se “bartës i rezistencës” në veri është nënkryetari i kësaj partie, Milan Radoiçiq.

Radoiçiq kërkohet nga Kosova për “frikësimin e dëshmitarëve” në rastin gjyqësor të njohur si “Brezovica”. Ai është në listën e zezë amerikane për shkak të përfshirjes së tij në krimin e organizuar ndërkombëtar. Po ashtu, ai është futur nën sanksione nga Britania për shkak të korrupsionit./REL

Lajmet

Arrestohen tre persona në Gjilan, dyshohen për përfshirje në një rast rrëmbimi

Published

on

Policia e Kosovës ka njoftuar se janë arrestuar tre persona në Gjilan, të dyshuar për përfshirje në veprën penale “Rrëmbimi”.

Në raportin 24-orësh të policisë bëhet e ditur se personat e arrestuar pas intervistimit janë dërguar në mbajtje.

“Lidhur me rastin, me 23.10.2025 janë arrestuar tre të dyshuar meshkuj kosovarë dhe të njëjtit pas intervistimit me vendim të prokurorit dërgohen në mbajtje”, thuhet në raportin 24-orësh të PK-së./S.K/PK/

Continue Reading

Lajmet

Arrestohet një person në Gjakovë, i sekuestrohen pistoletë dhe mbi 100 fishekë

Published

on

Në fshatin Jahoc të Gjakovës është arrestuar një person, pasi që të njëjtit iu kapën armë e fishekë.

Sipas raportit të policisë, pas intervistimit me vendim të prokurorit i dyshuari është liruar.

“Është arrestuar i dyshuari mashkull kosovar pasi që gjatë kontrollit të shtëpisë së tij i është gjetur dhe sekuestruar një pistoletë me dy karikatorë, 92 fishekë dhe 10 fishekë me gaz. Me vendim të prokurorit, pas intervistimit i dyshuari është liruar dhe rasti shkon në procedurë të rregullt”, thotë policia në raportin 24-orësh të saj./S.K/PK/

Continue Reading

Lajmet

Ligjëratë informuese në UBT për parandalimin e kancerit të gjirit

Published

on

Në kuadër të Tetorit Rozë, në Kampusin Inovativ të UBT-së në Lipjan u mbajt një ligjëratë informuese dhe sensibilizuese me temën “Parandalimi dhe zbulimi i hershëm i kancerit të gjirit”, ngjarje kjo e cila kishte për qëllim ngritjen e ndërgjegjësimit tek audienca.

Kjo ngjarje mblodhi së bashku studentë dhe nxënës, të cilët patën mundësinë të informohen më gjerësisht për rëndësinë e kontrollit shëndetësor, zbulimin e hershëm dhe masat parandaluese.

Në mesin e ligjëruesve të ngjarjes kishte edhe ekspertë të shëndetësisë nga UBT dhe “United Hospital”. Në diskutimit u theksua domosdoshmëria e edukimit shëndetësor dhe mbështetjes së vazhdueshme për personat e prekur, duke promovuar kështu mesazhin se parandalimi është çelësi për një jetë të shëndetshme.

Si shenjë solidariteti dhe mbështetje për të gjithë të prekurit që luftojnë këtë sëmundje, të pranishmit kishin të vendosur fjongo me ngjyrë rozë në veshjet e tyre.

UBT përmes ngjarjeve të tilla vazhdon të promovojë ndërgjegjësimin shoqëror për edukimin shëndetësor të komunitetit përmes bashkëpunimit ndërinstitucional rreth fuqizimit të grave.

Eliza Hoti/UBT

/S.K/UBTNews/

Continue Reading

Lajmet

Zyrtare: Messi vazhdon edhe për tri vjet me Inter Miamin

Published

on

Argjentinasi Lionel Messi e ka vazhduar kontratën me Inter Miamin edhe për tri vite të tjera.

Tetë herë fituesi i Topit të Artë ka nënshkruar një kontratë të re me ekipin nga MLS, që zgjat deri në dhjetor të vitit 2028.

Messi është dukshëm futbollisti më i mirë në këtë ligë me statistika të jashtëzakonshme dhe tashmë është e konfirmuar zyrtarisht që të paktën tri vite të tjera do ta shohim Messin në fushat e blerta./S.K/EO/

Continue Reading

Të kërkuara