Sport

Premtohet spektakël për Kupën e Kosovës në Basketboll

Published

5 years ago

January 29, 2021

Betim Gashi

Nga 3 deri më 7 shkurt, palestra ‘13 Qershori’ në Suharekë do të jetë arenë e basketbollit, ku do të zhvillohet Final 8 Kupa e Kosovës.

Final 8 organizohet nga KB Golden Eagle Ylli në bashkëpunim me Federatën e Basketbollit të Kosovës (FBK). Pas tërheqjes së Rahovecit për organizimin e Kupës, klubi i Yllit ka shprehur dëshirën për organizim dhe kjo e drejtë iu është besuar nga Bordi i FBK-së.

Të premten në zyrat e FBK-së është organizuar konferenca për media, që për shkak të pandemisë, ka qenë i kufizuar për media, ku janë shpalosur detaje nga garat e Kupës dhe është nënshkruar zyrtarisht marrëveshja mes FBK-së dhe Yllit.

Elvira Dushku, Sekretare e Përgjithshme e FBK-së ka thënë se kjo garë është ndër më të rëndësishmet për vitin 2021. “Të hënën Bordi i FBK-së ka vendosur që Final 8 të organizohet në Suharekë. Dita e sotme me nënshkrimin e marrëveshjes është vetëm formale, sepse puna intensive ka filluar nga dita e hënë. Tashmë dihet edhe orari për Kupë, ku në konkurrencën e femrave finalja do të jetë ndërmjet skuadrave me traditë në basketbollin e femrave, Prishtinës dhe Bashkimit, derisa te meshkujt, për tri ditë do të zhvillohen çerekfinalet dhe gjysmëfinalet, për tu përcaktuar finalistët. Sa i përket shikuesve, ne kemi dorëzuar një kërkesë në Ministrinë e Shëndetësisë për 15 ose 20 % të lejimit të tifozëve, por ende nuk kemi marrë një përgjigje zyrtare. Nëse lejohen shikuesit, numri i tyre do të jetë rreth 200, që do t’i zbatojnë masat, si distanca dhe maskat”, është shprehur ndër të tjera Dushku në konferencën për media, duke besuar se garat e Kupës do të sjellin spektakël dhe gjithçka do të shkojë sipas planit.

Ndërkohë, përfaqësuesi i Golden Eagle Ylli, Bekim Kryeziu beson se organizimi do të shkojë shumë mirë. “Fillimisht falënderoj FBK-në për besimin ndaj nesh që të organizojmë këtë ngjarje të madhe. Ne kemi organizuar edhe më herët Kupën e Kosovës dhe besoj se do t’ia dalim sërish. Spektakli nuk do të mungoj dhe do të respektojmë të gjitha rregullat, si nga FBK-ja po ashtu edhe nga Ministria e Shëndetësisë”, u shpreh Kryeziu.

Ai zbuloi edhe sponsorin gjeneral, që do të jetë VllesaPagesa dhe turneu në Suharekë zyrtarisht do të quhet Final 8 Kupa e Kosovës VllesaPagesa.

Po ashtu në konferencën për media është zbuluar edhe Logo e Final 8, Kupat dhe medaljet për fituesit.

Lajmet

Akil Gjakova mbetet pa medalje, Kosova kthehet me të artën e Distrisë

Published

15 hours ago

April 17, 2026

UBTNews

Dita e dytë e Kampionatit Evropian të xhudos në Gjeorgji nuk ka sjellë medalje të reja për ekipin e Kosovës, pasi Akil Gjakova u mposht në sekondat e fundit të luftës për vendin e tretë.

Gjakova, i cili garoi në kategorinë deri në 73 kilogramë, e nisi ditën me dy fitore të rëndësishme ndaj garuesve nga Austria dhe Britania e Madhe, por lufta maratonë me këtë të fundit ndikoi në energjinë e tij për çerekfinalen kundër legjendës gjeorgjiane, Lasha Shavdatiashvili.

Edhe pse arriti të rikthehej me një fitore në repesazh ndaj moldavit Adil Osmanov, Akili u ndal në duelin për medaljen e bronztë nga turku Bilal Çiloglu, i cili shfrytëzoi një moment pakujdesie për të fituar me “Uazari”.

Në këtë kampionat u paraqitën edhe Dardan Cena dhe Laura Fazliu, por pa arritur të lënë gjurmë.

Cena u eliminua nga kampioni olimpik i Azerbajxhanit pas një fitoreje fillestare, ndërsa Laura Fazliu dëshpëroi me një eliminim të papritur që në luftën e parë kundër sllovenes Kaja Kajzer. Megjithatë, bilanci i Kosovës mbetet pozitiv falë Distria Krasniqit, e cila të enjten u shpall kampione e Evropës në kategorinë deri në 52 kilogramë.

Ky sukses i Distrisë bën që Kosova të fitojë medalje në kampionatet evropiane për të 14-tin vit radhazi, duke konfirmuar nivelin e lartë në mesin e 400 xhudistëve pjesëmarrës në Tbilisi.

Sport

Fundjava sjell duele të zjarrta në Premier League dhe Bundesliga

Published

17 hours ago

April 17, 2026

UBTNews

Fundjava sjell përballje mjaft interesante në Premier League dhe Bundesliga, me duele që pritet të ndikojnë në garën për titull dhe zonat evropiane.

Të shtunën, vëmendja në Angli nis që në orën 13:30 me përballjen mes Brentford dhe Fulham. Në orën 16:00 zhvillohen dy ndeshje të tjera, ku Leeds United pret Wolverhampton Wanderers, ndërsa Newcastle United përballet me AFC Bournemouth.

Mbrëmja sjell dy sfida të forta: në 18:30 Tottenham Hotspur përballet me Brighton & Hove Albion, ndërsa në 21:00 luhet derbi mes Chelsea dhe Manchester United.

Në Gjermani, në kuadër të Bundesligës, të shtunën në orën 15:30 Bayer Leverkusen përballet me FC Augsburg, ndërsa TSG Hoffenheim pret Borussia Dortmund.

Edhe e diela premton spektakël në Premier League. Në orën 15:00 zhvillohen tri ndeshje: Aston Villa ndaj Sunderland, Everton përballet me Liverpool në derbin e qytetit, si dhe Nottingham Forest kundër Burnley.

Kryendeshja e ditës zhvillohet në orën 17:30, ku Manchester City përballet me Arsenal në një duel direkt për kreun e tabelës.

Në Bundesliga, të dielën në orën 15:30 Bayern Munich luan ndaj VfB Stuttgart, ndërsa SC Freiburg përballet me 1. FC Heidenheim.

Një fundjavë e pasur me futboll cilësor, ku çdo pikë mund të jetë vendimtare në garën për objektivat sezonalë.

Sport

Akil Gjakova një fitore larg medaljes së bronztë në Evropian

Published

18 hours ago

April 17, 2026

UBTNews

Xhudisti kosovar Akil Gjakova ka mbajtur gjallë shpresat për medalje në Kampionatin Evropian të xhudos që po zhvillohet në Tbilisi, pasi ka fituar përballjen e parë në repesazh.

Gjakova u tregua më i mirë ndaj moldavit Adil Osmanov, të cilin e mposhti me “Ippon”, duke siguruar një hap të rëndësishëm drejt medaljes së bronztë në kategorinë deri në 73 kilogramë.

Me këtë fitore, ai është vetëm një duel larg podiumit. Në ndeshjen vendimtare për medalje, Gjakova do të përballet me turkun Bilal Ciloglu, ku fituesi siguron medaljen e bronztë.

Në këtë kampionat, Kosova ka shënuar tashmë sukses të madh, pasi Distria Krasniqi fitoi medaljen e artë në kategorinë deri në 52 kilogramë.

Sport

FFK dënon disa klube dhe zyrtarë pas xhiros së 28-të të Superligës

Published

19 hours ago

April 17, 2026

UBTNews

Komisioni Disiplinor dhe i Etikës i Federatës së Futbollit të Kosovës (FFK) ka marrë një sërë vendimesh disiplinore ndaj klubeve dhe individëve të përfshirë në ndeshjet e xhiros së 28-të të Albi Mall Superliga e Kosovës.

KF Llapi është dënuar me një ndeshje si vendas pa praninë e tifozëve, si dhe me gjobë prej 2000 eurosh, pas incidenteve në ndeshjen ndaj KF Drenica. Sipas raportit zyrtar, janë evidentuar ofendime nga tribuna, hedhje mjetesh në fushë dhe dëmtime të pronës së klubit mysafir.

Po ashtu, ndihmëstrajneri i KF Ferizaj, Luan Alija, është pezulluar për dy ndeshje për shkak të sjelljes ndaj gjyqtarëve në ndeshjen kundër FC Drita.

Nga KF Vëllaznimi, futbollistët Arbër Shala dhe Drilon Cenaj janë dënuar me nga dy ndeshje moslojë për kartonë të kuq dhe sjellje josportive në takimin ndaj FC Dinamo.

Ndërkohë, ndihmëstrajneri i FC Ballkani, Radostin Aleksandrov, është pezulluar për tri ndeshje në garat e Kupës dhe është gjobitur me 1000 euro, pas ofendimeve ndaj gjyqtarit në ndeshjen ndaj KF Dukagjini.

Po ashtu, futbollisti i Ferizajt, Argjend Mahmuti, është dënuar me dy ndeshje moslojë për reagim ndaj gjyqtarit në ndeshjen kundër Llapit.

Palët e pakënaqura kanë të drejtë ankese në afatin e paraparë, por ankesa nuk e pezullon ekzekutimin e vendimeve.