Lajmet

Pozita kërkon hetim të gjerë për sektorin e energjisë, opozita druan në dështimin e punës së komisionit

Në këtë mbledhje deputetët janë dakorduar për shtyrjen e votimit të Planit të veprimit.

Publikuar

Konstituohet Komisioni Hetimor Parlamentar i propozuar nga Grupi Parlamentar i Vetëvendosjes në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike.

Zëvëndëskryesuesi i komisionit, Armend Muja ka kërkuar që hetimi të shtrihet në tri shtylla kryesore, nga procesi i privatizimit të KEDS-sit, investimet, punësimet në KEK gjatë periudhës 2006-2022, si dhe hetimin e kontratave për blerjen e energjisë dhe shitjen ndërmjet KEK-ut dhe palëve të tjera në këtë periudhë.

“Në bazë të vendimit të Kuvendit, ne i kemi në kuadër të fushëveprimit tri shtylla kryesore. E para është në rrjetin e distribuimit, dhe ne tentojmë të përgjigjemi në këto pyetje: Sa ishin investimet kapitale në distribucionin e energjisë elektrike pas privatizimit dhe burimet se nga u bënë ato investime. Vlera e investimeve të parapara në kontratën e privatizimit ishte 300 milionë euro. A janë realizuar, kur dhe nga kush? E dyta është pagesa e mbi 17 milionë euro nga KEK-u për KEDS-in në emër të korrigjimit të tarifave të vitit paraprak në vitin e parë pas privatizimit të distribucionit. E treta, janë veprimet e ZRRE-së dhe njësisë mbikëqyrëse të privatizimit të KEDS-it për investimet kapitale, investimet kapitale në ndërmarrjen publike KEK 2006-2022. Në fushën e dytë të veprimit ndalemi edhe tek prodhimi i energjisë elektrike. Edhe qëllimi ynë është të gjejmë përgjigjen në këto pyetje: Shqyrtimi i vendimmarrjes që solli deri tek bllokimi i investimeve në njësitë e ‘Kosova A’ apo në projektin e famshëm të “Bilfingerit”. Po ashtu edhe për vendimet qeveritare për shpalljen e zonë me interes të veçantë për hapësirat e mihjes sipërfaqësore në komunën e Obiliqit. Si dhe vlerësimi i procesit të shpronësimit të pronave rreth mihjes në Hade, Shipitullë, përfshirë rritjen e vlerave të shpronësimit nga 4 milionë në 28 milionë euro”, theksoi ai.

Deputeti Armend Zemaj i ka reaguar kolegut të tij opozitar, Armend Muja, duke thënë se kërkesat e shumta të VV-së çojnë në dështim të punës së këtij komisioni hetimor.

“Kjo që u sqarua, është komplekse në vetë natyrën edhe hetimore, por edhe në afatin kohor dhe si detyrim parlamentar. Nëse këto nuk reduktohen në specifika të veçanta ose në kërkesa të veçanta tona, mendoj që gjithë kjo punë do të shkojë në dështim për shkak që ka një volum të madh edhe të afatit kohor. Propozimi im është që t’i reduktojmë në poentat kryesore dhe që kanë qenë shqetësim për qytetarët e Kosovës, në kuptimin e keqpërdorimit të parasë publike, nga procesi i privatizimit, mbulimi i shpenzimeve për pjesën veriore të Kosovës, shpronësimet dhe deri te kjo e fundit për blerjen e energjisë, që Kuvendi akoma nuk ka marrë përgjigje konkrete”, theksoi Zemaj.

Kryesuesi i këtij komisioni, deputeti Hajdar Beqa nga PDK-ja, ka kërkuar që të caktohen fushat hetimore, pa u zgjeruar në të gjithë sektorët e energjisë.

“Propozimi im është që të caktojmë fushën të cilat do t’i hetojmë pasi që nëse zgjerohemi në shumë fusha do të kemi problem të kemi një konstatim konkret. Megjithatë ne çdo veprim që do ta marrim të ketë unitet, sepse pavarësisht opozitës dhe pozitës, të gjithë e kemi qëllimin e njëjtë. Pretendimet e mundshme nga propozuesit, t’i zbardhim duke respektuar rregulloren dhe ligjin për hetim parlamentar”, theksoi ai.

Në këtë mbledhje deputetët janë dakorduar për shtyrjen e votimit të Planit të veprimit deri në një mbledhje tjetër që pritet të mbahet të hënën.

Në përbërje të këtij Komisioni janë: kryesues deputeti Hajdar Beqa nga PDK-ja, si dhe anëtari tjetër nga kjo parti Rashit Qalaj, nga Lëvizja Vetëvendosje (LVV), anëtarë të këtij Komisioni janë deputetët Armend Muja, Haki Abazi, Arbër Rexhaj, Halil Thaçi(zëvëndës kryesues i Komisionit) Armend Muja. Ndërsa, nga LDK anëtarë janë Armend Zemaj dhe deputetja Rezarta Krasniqi.

Nga AAK-ja anëtarë është deputetja Time Kadrijaj. Prej Listes Serbe (LS) për anëtarë është Ljubinko Karadziq, si dhe nga grupi multietnik për anëtar është Duda Balje.

Një ditë më herët, u themelua Komisioni për hetimin e menaxhimit të krizës energjetike, që ishte kërkesë e opozitës.

Kronika e zezë

​Dhunë në familje në Viti, i dyshuari dërgohet për tretman në neuropsikiatri

I dyshuari është dërguar për trajtim mjekësor në neuropsikiatri.

Publikuar

nga

Policia e Kosovës ka njoftuar për një rast të dhunës në familje në Viti. Në raportin 24-orësh të Policisë thuhet se i dyshuari mashkull ka kosovar pas një mosmarrëveshje verbale ka sulmuar fizikisht viktimën mashkull kosovar, duke i shkaktuar lëndime të lehtë trupore.

I dyshuari është dërguar për trajtim mjekësor në neuropsikiatri.

“Viti 27.03.2024 18:35. I dyshuari mashkull kosovar pas një mosmarveshje verbale ka sulmuar fizikisht viktimën mashkull kosovar duke i shkaktuar lëndime të lehta trupore për të cilat lëndime nuk ka dashur tretman mjekësor. I dyshuari është dërguar per trajtim mjeksor ne neuropsikiatri”, njofton policia.

Vazhdo të lexosh

Lajmet

Osmani përkujton masakrën e Izbicës: Dëshmi për rrugën e vështirë nëpër të cilën kaluam

“Kujtesa historike është në funksion të respektimit të të kaluarës sonë, dokumentimit, sikurse edhe ndërtimit të së ardhmes”, u shpreh Osmani.

Publikuar

nga

Presidentja e Kosovës, Vjosa Osmani kujtoi ka përkujtuar 25-vjetorin e masakrës së Izbicës së Skenderajt.

“Kujtesa historike është në funksion të respektimit të të kaluarës sonë, dokumentimit, sikurse edhe ndërtimit të së ardhmes”, u shpreh Osmani.

Më tutje ajo kujtoi të rënët në këtë masakër.

“Ndaj sot kujtojmë 25 vjetorin e masakrës së Izbicës, kur forcat gjenocidale të Serbisë masakruan 147 civilë, në mesin e të cilëve edhe vajzën 6-muajshe, Dafina Qelaj. Ajo dhe të tjerët u vranë në shtëpitë e tyre vetëm pse ishin shqiptarë. Mizoria në Izbicë, mbetet e skalitur në kujtesën tonë, duke na sjell në vëmendje çmimin e lirisë. Në tentim për t`i fshehur gjurmët e krimit, viktimat civile regjimi gjenocidal i Serbisë i varrosi në varrezë masive në Petrovo Sello në Beograd, në Novolan dhe në Bistricë”, deklaroi ai.

Osmani u shpreh se kujtimin për Izbicën dhe të gjitha masakrat gjithandej Kosovës do ta mbajnë gjallë gjithnjë si një dëshmi për rrugën e vështirë nëpër të cilën kaluam dhe si kërkesë të përhershme për drejtësi.

Vazhdo të lexosh

Lajmet

​25 vjet nga masakra në Izbicë

Masakra e Izbicës hyn në radhën e krimeve më të rënda të shtetit të Serbisë.

Publikuar

nga

Sot bëhen 25 vjet nga masakra e Izbicës, ku më 28 mars 1999, forcat policore dhe ushtarake serbe, pas rrethimit të mijëra civilëve të fshatit Izbicë dhe vendbanimeve përreth, veçuan 147 burra të rinj dhe pleq, të cilët i vranë dhe i masakruan, ndërsa pjesën tjetër e dëbuan jashtë Kosovës.

Masakra e Izbicës hyn në radhën e krimeve më të rënda të shtetit të Serbisë, ku vrasja masive, përdhosja e trupave dhe varrimi i tyre, përmes pamjeve satelitore, u bë lajm botëror.

Sot 25 vjet pas këtij krimi askush nga autorët dhe ekzekutuesit serbë nuk doli para drejtësisë vendore dhe asaj ndërkombëtare.

Me rastin e 25-vjetorit të masakrës në Izbicë, Komuna e Skenderajt do të organizojë sot tubim përkujtimor në Kompleksin Përkujtimor në Izbicë, duke filluar nga ora 10:00.

Vazhdo të lexosh

Lajmet

​Pakënaqësitë me ligjin e pagave, SBAShK-u paralajmëron protestë

Kryetari i kësaj sindikate, Rrahman Jasharaj tha se kanë bërë kërkesa të vazhdueshme për ndryshim të këtij ligji, pasi është për ironi.

Publikuar

nga

Sindikata e Bashkuar e Arsimit, Shkencës dhe Kulturës (SBAShK) ka shprehur pakënaqësi për ligjin e pagave, duke paralajmëruar protestë, e pas saj veprime tjera sindikale të cilat nuk do të ndalen deri në realizimin e kërkesave të tyre.

Kryetari i kësaj sindikate, Rrahman Jasharaj tha se kanë bërë kërkesa të vazhdueshme për ndryshim të këtij ligji, pasi është për ironi. Ai tha se përpjekja kryesore e mësimdhënësve ka qenë që me ndryshimin e ligjit të pagave, koeficienti të ishte 130 euro, por se qeveria aktuale dhe ministrja e Arsimit, Arbërie Nagavci, nuk kanë ndërmarrë asnjë hap.

Jasharaj për KosovaPress, ka theksuar se gjendja e punëtorëve në arsim është shqetësuese dhe nëse vazhdon të mos ketë interesim nga qeveria për të gjetur një zgjidhje për plotësimin e kërkesave të tyre, SBAShK-u së bashku me Bashkimin e Sindikatave të Pavarura të Kosovës (BSPK), me datën 1 maj do të organizojë protestë.

“Është një pakënaqësi me ligjin e pagave, pakënaqësi që është shtuar me vendimin e ngutshëm dhe jokorrekt të qeverisë Kurti, për atë ngritjen ironike të koeficientit nga 105 euro në 110 euro. Ne kishim bërë kërkesa të shumta si SBAShK, si BSPK drejtuar kryeministrit Kurti, ministrit Murati dhe ministres Nagavcin, që të kenë kujdes me ligjin e pagave sepse ka pakënaqësi, por ne kemi pas shpresa që do të ketë lëvizje të dukshme. Kemi pritur dhe kemi bërë shkresa që ngritja e koeficientit për këtë vit që të jetë 130, ngritje e cila nuk do t’i bënte më të pasur mësimdhënësit. 02:13 Pakënaqësi është vet fakti se është bërë një ngritje ironike nëse e përkthejmë në para, i bie që me këtë lëvizje ngritja mesatare në arsimin para universitarë është 28 euro dhe mësimdhënësit kanë thënë që mos t’i marrim fare…… Ka kërkesa të vazhdueshme edhe për përmirësimin e kushteve në shkolla”, tha Jashari.

Jasharaj tha protesta që planifikohet të mbahet më 1 maj, është sinjali i parë për veprime sindikale. Sipas tij, nëse qeveria edhe pas protestës ka mungesë dialogu, të njëjtit nuk do të ndalen.

“Ne e kishim takimin e radhës të shtunën me kryetarë që përfaqësojnë gjithë arsimin, nga çerdhet deri në universitet dhe kanë filluar të dëgjohen se dialogu nuk po jep rezultate, po mungon dhe është mirë që të mendohet se çka tutje, kur nuk ka dialog, nënkupton veprime sindikale. Unë jam i bindur që nëse vazhdohet kështu, ne do të bëjmë përgatitjet gjatë prillit, që më datën 1 maj, që është dita e punëtorit në të gjithë botën mbahen protesta të ndryshme, edhe ne do të jemi në protestë. Uroj që në këtë protestë mos të jemi vetëm SBAShK, por të jetë në kuadër të BSKP. Më 1 maj do të jemi në një protestë, jo shumë masive, me kryetarë të shkollave, të shoqatave sindikale, kryetarë të kuvendit komunal dhe do të jetë sinjali i parë se do të fillojmë me veprime sindikale. Kam frikë se nuk do të ndalen pastaj, dhe nëse qeveria mbetet me këtë qasje të gabuar, duam ose jo do të përsëritet shatori i viti 2022, diçka që nuk e dëshirojmë”, theksoi Murati.

Kujtojmë se greva e fundit nga SBAShK-u është mbajtur në shtator të vitit 2022 dhe ka zgjatur më shumë se një muaj.

Vazhdo të lexosh

Të kërkuara