Sport

Portugalia më e fortë me kthimin e Pepe-s dhe Kansello-s

Në portën e Portugalisë do të mbetet Diego Kosta, ndërsa Pepe dhe Hoze Fonte do të jenë dyshje e qendërmbrojtësve.

Published

3 years ago

on

Trajneri i kombëtarës së Portugalisë Fernando Santos ka marë lajme të mira në prag të përballjes me Maqedoninë, pas që në skuadër rikthehen Pepe dhe Kansello dhe që të dy futbollistët munguan ndaj Turqisë. Kansello tejkaloi pezullimin për shkak të kartonave, ndërsa Pepe kaloi izolimin nga Covid-19.

Sipas mediave në Portugali, në portën e Portugalisë do të mbetet Diego Kosta, ndërsa Pepe dhe Hoze Fonte do të jenë dyshje e qendërmbrojtësve, të ndihmuar në krah nga Rafael Guerrero dhe Kansello. Mediat portugeze konfirmojnë se vendasit do të jenë më të kujdesshëm, andaj do të luajnë në formacionin 4-4-2, në vend të formacionit ndaj Turqisë me 4-3-3.

Mefusha, ku Portugalia është më e fortë, do të nis nga Zhoa Mutinjo, që ka përparësi para Karvaljos dhe do të plotësohet nga Bernardo Silva dhe Otavio, duke lënë më shumë liri për Bruno Fernandezin që do të ndihmojnë dyshen e sulmit, Kristiano Ronaldo-Diego Zhota.

Natyrisht të gjithë dilemat, trajneri Santosh do të zbulojë pasi që Portugalia të zhvillojë stërvitjen e fundit.  Megjithatë, nuk duhet harruar se kombëtart nga Ballkani si Serbia, Kroacia, Shqipëria, madje edhe Bosnja e Hercegovina kanë shënuar rezultate pozitive në përballjet me Portugalinë. Kujtojmë se Maqedonia ka një barazim dhe një humbje në miqësoret ndaj portugezëve.

Related Topics:
Continue Reading

Sport

18 vite mik me topin e basketbollit! Drilon Hajrizi vjen me një rrëfim krejtësisht ndryshe

Published

1 day ago

on

May 17, 2025

By

Pjesë e emisionit “n’RITËM” me autore dhe moderatore Albina Zeneli, ishte basketbollisti i njohur Drilon Hajrizi.

Ai jep kontribut në KB Trepca e foli për fitoren kundër Bashkimit me rezultat 80:74, e po ashtu tregoi pak detaje sa i përket përballjes së radhës që do ta kenë të dielen nga ora 19:00 në Prizren, e në rast se ky ekip fiton bëhet kampion duke e mbrojtur titullin.

Tash e 18 vite si një sportist profesionist, Driloni jep ca këshilla edhe për studentët e rinj duke theksuar se ky profesion është njëherë pasion por gjë me rëndësi unike sigurisht që sipas tij është shkollimi sepse mendon se është e vetmja metodë që nuk të lë pa financa.

Për më shumë detaje ju ftojmë ta ndiqni intervistën e plotë në linkun e mëposhtëm. /UBT News/

https://www.facebook.com/campusradio100.7/videos/649951138079163

Continue Reading

Sport

Xherdan Shaqiri zgjedhet lojtari më i mirë i javës në ligën elitare të Zvicrës

Published

4 days ago

on

May 14, 2025

By

Ylli kosovar Xherdan Shaqiri është zgjedhur lojtari më i mirë i javës në kampionatin elitar të Zvicrës.

Swiss Football League ka shkruar se ky ndoshta ishte vendimi më i lehtë i gjithë sezonit.

Kjo pasi që nga rikthimi i XS te skuadra e Bazelit, sulmuesi ka shkëlqyer gjatë edicionit.

Shaqiri ka përjetuar një sezon të jashtëzakonshëm në Superligën e Zvicrës, duke arritur ta rikthejë ekipin te titulli kampion pas tetë vitesh.

Continue Reading

Sport

Xabi Alonso, së shpejti trajner i Real Madridit

Published

6 days ago

on

May 12, 2025

By

Shumë shpejt, Xabi Alonso pritet të të konfirmohet si trajner i ri i Real Madridit.

Spanjolli ka njoftuar ditë më parë për largimin e tij nga Bayer Leverkuseni, ndërsa tani ka arritur marrëveshje me klubin e madrilenëve.

Kjo,sipas ekspertit të transferimeve, Fabrizio Romano.

“Xabi Alonso te Real Madrid! Historia e konfirmuar dhe marrëveshja e nënshkruar për Xabin si trajner i ri deri në vitin 2028. Stafi i kompletuar, kontrata në fuqi dhe një marrëveshje tre-vjeçare për Alonson, me Realin që planifikon që ai fillojë në Kupën e Botës për Klube”.

“Lamtumira e Ancelottit së shpejti, pastaj epoka e Xabit”, ka shkruar Romano.

Continue Reading

Sport

Legjenda e mundjes Sabu vdes në moshën 60 vjeçare

Published

6 days ago

on

May 12, 2025

By

Sabu , një nga legjendat e mundjes profesionale , ndërroi jetë papritur në moshën 60 vjeç. Shkaku i vdekjes së mundësit, emri i vërtetë i të cilit ishte Terry Branc, ende nuk është bërë i ditur.

Sabu e kishte bërë ndeshjen e tij të fundit një javë më parë, gjë që shënoi tërheqjen e tij nga ringu, ai ishte bërë i famshëm për ndeshjet e tij jashtë fushave me shkallë, karrige, tavolina, tela me gjemba dhe objekte të tjera.

Nuk ishte rastësi që atij iu dha nofka: Maniaku vetëvrasës, vrasës dhe që sfidon vdekjen.

Sabu, i cili ishte nipi i The Sheik, një ish-yll i mundjes, kishte qenë dy herë kampion i peshave të rënda ECW dhe tre herë kampion i tag teams. Mundësi 60-vjeçar e kaloi pjesën më të madhe të karrierës së tij në ECW në vitet ’90 përpara se të transferohej në WWE në mesin e viteve 2000.

Continue Reading

Të kërkuara