Sport

Polonia e Argjentina përballen sot, ja formacionet e mundshme

Argjentina mund të përballet sot me eliminimin nëse nuk fiton ndaj Polonisë.

Published

2 years ago

November 30, 2022

UBT news

Kohët e mira po vazhdojnë për Poloninë pasi Robert Lewandowski shënoi golin e tij të parë në Kupën e Botës në një fitore 2:0 ndaj Arabisë Saudite të shtunën.

Duke kaluar pritshmëritë si lider i Grupit C, Polonisë i duhet vetëm një pikë kundër Argjentinës për të garantuar kualifikimin në fazën e eliminatorëve, ndërsa një fitore do ta shoh atë të kryesojë një fazë grupesh për herë të parë që nga viti 1982, edicion ai që e pa atë të përfundojë në vendin e tretë.

Në anën tjetër, tifozë të shumtë e përshkruan humbjen 2:1 të Argjentinës kundër Arabisë Saudite si befasinë më të madhe në histori të Kupës së Botës, dhe pavarësisht se u këndell nga ajo humbje me një fitore 2:0 ndaj Meksikës në xhiron e kaluar, Argjentina mund të përballet sot me eliminimin nëse nuk fiton ndaj Polonisë.

Kupa e Botës “Katar 2022” pritet të jetë e fundit për Lionel Messin në arenën ndërkombëtare dhe Argjentina shpreson se mund të kalojë grupin dhe të ringjall shpresat për ta shtuar titullin e parë të kampionit botëror në kabinetin e superyllit të Paris Saint-Germain.

Momentalisht, të dy kombëtaret i ndan vetëm një pikë në Grupin C, ku Polonia zë vendin e parë me katër pikë, krahas Argjentinës që renditet e dyta me tre pikë, aq sa ka edhe Arabia Saudite në vendin e tretë, kurse në vendin e fundit renditet Meksika me vetëm një pikë të arkëtuar.

Takimi i fundit mes Polonisë dhe Argjentinës daton në muajin qershor të vitit 2011, ku asokohe polakët regjistruan fitore me shifrat 2:1.

Sa i përket ndeshjes së sotme, formacionet e mundshme i gjeni më poshtë.

Polonia (4-4-2): Szczesny; Cash, Glik, Kiwior, Bereszynski; Zielinski, Bielik, Krychowiak, Frankowski; Milik, Lewandowski

Argjentina (4-3-3): E. Martinez; Molina, Otamendi, Li. Martinez, Tagliafico; Fernandez, Paredes, De Paul; Messi, La. Martinez, Di Maria

Lajmet

Superliga e Kosovës: Ballkani barazon 1-1 me Feronikelin

Published

24 hours ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

1 day ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

1 day ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

1 day ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.