Kronika e zezë

Policia raporton për pesë raste të dhunës në familje

Në kryeqytet u shënuan dy raste të dhunës në familje.

Published

3 years ago

February 15, 2022

Betim Gashi

Policia e Kosovës përmes raportit 24-orësh ka njoftuar për pesë raste të dhunës në familje në Kosovë; dy në Prishtinë, kurse nga një rast në Fushë Kosovë, Lipjan dhe Pejë.

Në Prishtinë, më 12 shkurt, një grua ka raportuar në Polici se është sulmuar fizikisht nga bashkëshorti i saj. I dyshuari me urdhër të prokurorit është dërguar në mbajtje, kurse viktima ka marrë trajtim mjekësor.

Një ditë më pas, më 13 shkurt, është raportuar një tjetër rast i dhunës në familje në kryeqytet. Një grua raportoi se është sulmuar fizikisht nga bashkëshorti i saj. Ky i fundit me urdhër të prokurorit është dërguar në mbajtje.

Po këtë ditë u shënua një rast i dhunës në familje edhe në Pejë. Edhe në këtë rast një grua raportoi në Polici se është sulmuar fizikisht nga bashkëshorti i saj. Viktima u dërgua për trajtim mjekësor, ndërsa i dyshuari në mbajtje.

Në Lipjan dhe Fushë Kosovë është raportuar nga një rast i dhunës në familje më 14 shkurt. I dyshuari nga Fushë Kosova pas intervistimit u lirua në procedurë të rregullt, kurse ai nga Lipjani është dërguar në mbajtje./UBTNews

Related Topics:dhuna ne familje Policia e Kosoves raste

Up Next

Dyshohet për mjet shpërthyes te Stacioni i Autobusëve

Don't Miss

Policia: Nuk ka të lënduar nga zjarri në “Viva Fresh” në Ferizaj

Kronika e zezë

Arrestohen tre persona për fajde në Prizren

Published

5 months ago

October 2, 2024

UBTnews

Policia e Kosovës ka arrestuar sot tre persona në Prizren nën dyshimet se janë të përfshirë në veprat penale fajde dhe detyrim.

Në vendbanimet e personave të dyshuar janë sekuestruar dy automjete, para dhe dëshmi të rëndësishme, të cilat do të përdorën si dëshmi në procedura të mëtutjeshme.

Dyshohet se këta persona duke kanosur viktimën, në vazhdimësi kanë tentuar ta detyrojnë që të veprojë kundër pasurisë së tij.

Të dyshuarit pas intervistimit, me aktvendim të prokurorit ndalohen për 48 orë.

Kronika e zezë

Një qytetar në veri të Mitrovicës sulmohet, fyhet në gjuhën shqipe dhe serbe

Published

5 months ago

October 1, 2024

UBTnews

Policia e Kosovës ka njoftuar se në Mitrovicë të Veriut është raportuar një rast sulm dhe fyerje.

Sipas policisë, ankuesi ka njoftuar se derisa ishte duke ecur në trotuar me tre persona, dy motorë skuter me nga dy persona të cilët kanë qenë duke lëvizur në rrugë i kanë fyer në gjuhen shqipe dhe në gjuhen serbe dhe të njëjtit i kanë gjuajtur me një shportë plastike duke e goditur viktimën.

“Viktima nuk ka pësuar lëndime trupore, ndërsa të dyshuarit janë larguar në drejtim të urës lindore”, thuhet në njoftim.

Kronika e zezë

Aksident i rëndë trafiku në Lipjan, lëndohet një këmbësor

Published

5 months ago

October 1, 2024

UBTnews

Një këmbësor ka pësuar lëndime të rënda dje si pasojë e një aksidenti në Lipjan. Deri tek aksidenti ka ardhur pasi një burrë duke e drejtuar një motoçikletë e ka goditur këmbësorin viktimën mashkull kosovar.

“Rr. Avdi Kelmendi, Lipjan 30.09.2024-15:20. Raportohet se i dyshuari mashkull kosovar derisa ishte duke drejtuar një motoçikletë e ka goditur këmbësorin viktimën mashkull kosovar. Si pasojë e aksidentit viktima ka pësuar lëndime të rënda trupore. I dyshuari është arrestuar dhe me vendim të prokurorit dërgohet në mbajtje”, thuhet në njoftim.

Kronika e zezë

Shpërthim në Podujevë, policia po e heton rastin

Published

5 months ago

September 30, 2024

UBTnews

Policia e Kosovës ka njoftuar se një shpërthim ka ndodhur në Podujevë në orët e para të së dielës. Rasti është trajtuar si shkaktim i rrezikut të përgjithshëm dhe është duke u hetuar.

“Ankuesi mashkull kosovar ka raportuar se ka dëgjuar një shpërthim. Në vendin e ngjarjes ku dyshohet se ka ndodhur shpërthimi kanë dalë njësitet përkatëse policore, me ç’rast është njoftuar edhe njësia për deminim dhe hetuesia”, thuhet në raportin 24-orësh të Policisë.

Lidhur me rastin thuhet se është njoftuar edhe prokurori dhe hetimet janë duke vazhduar.