Lajmet

Policia qetëson rrugët e Havanas

Published

4 years ago

on

Rrugët e Havanas kanë qenë të qeta më 12 korrik, për shkak të prezencës së madhe të policisë, një ditë pasi protestuesit në Kubë kanë bërë thirrje për dhënie fund të regjimit komunist.

Ata kanë shprehur pakënaqësi edhe për krizën ekonomike dhe menaxhimin që i është bërë pandemisë së koronavirusit.

Kontigjentet e mëdha të policisë kanë patrulluar në kryeqytet, pas protestave të rralla në Havana dhe qytete tjera në gjithë ishullin.

Ky vend po ashtu është përballur me ndërprerje të rrjeteve mobile, derisa grupi në ekzil për të drejtat e njeriut, Cubalex, ka thënë se të paktën 100 protestues, aktivistë dhe gazetarë të pavarur janë ndaluar, prej nisjes së protestave.

Mijëra persona janë bashkuar në protestat e 11 korrikut, kundër Qeverisë, në ishullin e drejtuar nga komunistët.

Duke bërtitur “liri” dhe “rënie e diktaturës”, shumë protestues kanë bërë thirrje për rënie të komunizmit.

Presidenti amerikan, Joe Biden, ka thënë se Shtetet e Bashkuara janë me popullin kuban dhe “thirrjet e tyre për liri”, bashkë me dëshirën për lehtësim të situatës nga pandemia dhe nga “dekada të shtypjes dhe problemeve ekonomike, të cilat kanë qenë subjekte të regjimit autoritar në Kubë”.

Julie Chung, ndihmës-Sekretare për Byronë e Çështjeve të Hemisferës Perëndimore të Departamentit amerikan të Shtetit, ka bërë thirrje për lirim të menjëhershëm të liderëve opozitarë, duke përfshirë Jose Daniel, liderin e grupit më të madh opozitar në Kubë, Unioni Patriotik i Kubës.

Daniel është arrestuar teksa ka qenë duke dalë nga shtëpia, për t’iu bashkuar protestave më 11 korrik.

Vendndodhja e tij nuk dihet ende, ka thënë aktivisti i Unionit Patriotik të Kubës, Zaqueo Baez.

Një tjetër disident i mirënjohur, Coco Farinas, është arrestuar pasi ka dalë nga shtëpia më 12 korrik, në qendër të qytezës Santa Clara, ka thënë nëna e tij, Alicia Fernandez për agjenci të mediave.

Presidenti i Kubës, Miguel Diaz-Canel, në një adresim televiziv mbi katër orë, ka thënë se mbështetësit pro-Qeverisë kanë rikthyer rregullin në këtë vend.

Ai ka thënë se protestat janë pasojë e “politikës amerikane për ngufatje ekonomike, për të provokuar trazira shoqërore në këtë shtet”.

Ish-presidenti amerikan, Donald Trump, pati shtuar sanksionet ekonomike kundër Kubës. Biden është zotuar gjatë fushatës së tij se do të lehtësojë disa masa, mirëpo ende nuk ka bërë një gjë të tillë.

Sekretari amerikan i Shtetit, Antony Blinken, ka thënë se zyrtarët kubanë nuk duhet t’ia vënë fajin SHBA-së për protesta.

Kjo gjë do të përbënte “gabim të madh, sepse do të tregonte se ata thjesht nuk janë duke dëgjuar zërin dhe dëshirën e popullit të Kubës”, ka thënë Blinken.

Ambasadori rus në Kubë, Andrei Guskov, ka thënë në një intervistë për agjencinë e lajmeve TASS, se protestat nuk kanë qenë tentim për rrëzim të Qeverisë, mirëpo janë lidhur me shpërthim të koronavirusit dhe mungesë të ushqimit, naftës, ilaçeve dhe energjise elektrike.

“Njerëzit shprehin dëshira, dhe disa zemërime. Qeveria ka reaguar ndaj të gjithave në mënyrë operative”, ka thënë Guskov.

Rusia, bashkë me Meksikën, kanë thënë se asnjë shtet nuk duhet të përfshihet në çështjet e brendshme të Kubës.

Presidenti i Venezuelës, Nicolas Maduro, ka ofruar gjithë mbështetjen e tij për presidentin e Kubës dhe “Qeverinë revolucionare” të ishullit.

Qeveria e Maduros është aleate e ngushtë e Kubës./REL

Related Topics:
Continue Reading

Aktualitet

UBT ofron 30 për qind bursë për të gjithë alumnit në programet master

Published

3 hours ago

on

August 12, 2025

By

UBT ka nisur një nismë të re për të mbështetur zhvillimin profesional të alumnëve të tij. Të gjithë të diplomuarit e UBT-së, tashmë mund të përfitojnë 30 për qind bursë për çdo program master që ofrohet në institucion.

Pse kjo është një mundësi e veçantë?

  • Thellim i njohurive në fusha të ndryshme profesionale
  • Përmirësim i aftësive për tregun e punës
  • Diplomë nga një institucion me standarde të larta dhe praktika bashkëkohore mësimdhënieje

Programet master në UBT janë të njohura për:

  • Cilësinë akademike
  • Fokusin në praktikë dhe aplikime reale
  • Përputhjen me kërkesat e tregut të punës
  • Mentorim nga profesorë dhe ekspertë me përvojë ndërkombëtare

Si të përfitoni?

Alumnit e interesuar mund të kontaktojnë Zyrën e Regjistrimit në UBT. Procesi i aplikimit është i thjeshtë, transparent dhe i shpejtë.

UBT vazhdon të qëndrojë pranë alumnëve të tij, duke investuar në suksesin e tyre afatgjatë. Bursa prej 30 për qind është një mundësi konkrete për t’i ndihmuar ata të zhvillojnë karrierën dhe të bëhen liderë në fushat e tyre./UBTNews

Continue Reading

Lajmet

​Kërcënoi një person duke i kërkuar 21 mijë euro, arrestohet për organizim të lojërave të fati

Published

3 hours ago

on

August 12, 2025

By

Drejtoria për Hetimin e Krimeve Ekonomike dhe Korrupsionit (DHKEK), përmes Njësisë Rajonale në Prizren, ka arrestuar një person nën dyshimin për përfshirje në veprat penale ‘organizimi i skemave piramidale dhe bixhozit të paligjshëm’ dhe ‘detyrimi’.

Rasti ka nisur më 11 gusht, pasi një ankues nga një fshat i Suharekës ka raportuar se po kërcënohet dhe detyrohet nga i dyshuari, gjithashtu nga një fshat i Suharekës.

Ankuesi ka deklaruar se para tri vitesh ka luajtur lojëra bixhozi në shumën rreth 9,000 euro, ndërsa tani i dyshuari i kërkon rreth 21,000 euro, duke ushtruar presion dhe kanosje të vazhdueshme për kthimin e borxhit.

Hetuesit dyshojnë se i dyshuari ka menaxhuar lojërat e fatit përmes adresave elektronike që operonin nga Zvicra dhe Kosova. Në kuadër të hetimeve, Policia ka sekuestruar një telefon për ekzaminim të mëtejshëm.

I dyshuari, identifikuar me inicialet A.L., lindur në vitin 1990 dhe shtetas kosovar, është intervistuar në prezencë të mbrojtësit dhe ndaj tij është iniciuar rasti penale me dyshimin për veprat ‘organizimi i skemave piramidale dhe bixhozit të paligjshëm’ dhe ‘detyrimi’.

Me aktvendim të prokurorit, i dyshuari është ndaluar për 48 orë.

Continue Reading

Lajmet

OSBE mirëpret rregulloren e re për ankesat zgjedhore: E forcon transparencën, buron nga rekomandimet e misionit të BE-së

Published

3 hours ago

on

August 12, 2025

By

Misioni i OSBE-së në Kosovë, përmes një postimi në rrjetet sociale, ka bërë të ditur se ka mirëpritur miratimin e rregullores së re për procedurat e paraqitjes dhe vendimmarrjes mbi ankesat nga Paneli Zgjedhor për Ankesa dhe Parashtresa (PZAP).

Nga OSBE është deklaruar se kur të zbatohet plotësisht rregullorja në fjalë, e njëjta do të forcojë transparencën dhe efektivitetin e të gjithë procesit zgjedhor.

‘‘Ky zhvillim buron nga rekomandimet e Misionit të Vëzhgimit të Zgjedhjeve të Bashkimit Evropian dhe ofron qartësi dhe koherencë të rëndësishme për aktorët kyç zgjedhorë’’, thuhet mes tjerash në postim.

Postimi:

Misioni i OSBE-së në Kosovë mirëpret miratimin e rregullores së re për procedurat e paraqitjes dhe vendimmarrjes mbi ankesat nga Paneli Zgjedhor për Ankesa dhe Parashtresa (PZAP).

Kjo rregullore e re, kur të zbatohet plotësisht, do të forcojë transparencën dhe efektivitetin e të gjithë procesit zgjedhor.

Ky zhvillim buron nga rekomandimet e Misionit të Vëzhgimit të Zgjedhjeve të Bashkimit Evropian dhe ofron qartësi dhe koherencë të rëndësishme për aktorët kyç zgjedhorë, përfshirë Komisionin Qendror të Zgjedhjeve, partitë politike, Komisionin e Pavarur për Media, Këshillin e Mediave të Shkruara dhe të tjerë.

Continue Reading

Lajmet

OEK do të vazhdojë betejën ligjore pas vendimit të Dhomës së Shkallës së Dytë të Gjykatës Komerciale

Published

4 hours ago

on

August 12, 2025

By

Oda Ekonomike e Kosovës ka pranuar me shqetësim që Dhoma e Shkallës së Dytë e Gjykatës Komerciale ka ndryshuar masën e sigurisë për shtyrjen e ekzekutimit të vendimit nr. 275/24, të datës 05.04.2024, dhe njoftimit të datës 12.03.2025 të nxjerrë nga ZRrE.

OEK, duke qenë institucion publik, nuk e komenton vendimin e Dhomës së Shkallës së Dytë të Gjykatës Komerciale, por njofton se do të vazhdojë betejën ligjore nëpërmjet mjeteve të tjera ligjore në dispozicion, brenda afateve të përcaktuara, dhe për këtë do të njoftojë me kohë të gjithë anëtarët e Odës Ekonomike të Kosovës.

Përkundër këtij vendimi, OEK kërkon nga Zyra e Rregullatorit për Energji që të mos marrë veprime të tjera që do t’i dëmtonin bizneset, të cilat tashmë janë dëmtuar nga vendimet e ZRrE-së që kanë shkuar në dëm të ekonomisë së vendit dhe kanë ndikuar në shtrenjtimin e jetesës së qytetarëve të Republikës së Kosovës.

Në ditët në vijim, ne do të konsultohemi me bizneset dhe do të shqyrtojmë hapat e tjerë që do të ndërmerren. Për këtë, do të njoftoheni me kohë.

Continue Reading

Të kërkuara