Kronikë e zezë

Policia për pesë ditë shqipton 1 mijë e 281 gjoba për kundërvajtësit

Kështu njoftoi PK-ja.

Published

on

Policia e Kosovës në Gjilan ka shqiptuar 1 mijë e 281 gjoba për kundërvajtësit të cilët kanë rënë ndesh me Ligjin për rregullat e trafikut rrugor.

“Njësiti Rajonal i Komunikacionit Rrugor gjatë kësaj jave ka vazhduar me implementim të planit operativ “Kontrolli teknik i jashtëzakonshëm i automjeteve” ku në kontrolle teknike në Qendrën e Kontrollimit Teknik (QKT) janë dërguar katër dhjetë e shtatë (47) automjete nga të cilat katër dhjetë e tre (43) me procesverbal nga QKT janë konstatuar me parregullsi teknike. Këto automjete janë përjashtuar nga trafiku dhe janë ndërmarrë masa ligjore ndaj vozitësve”, thuhet në njoftim.

Po ashtu në kuadër të këtyre planeve janë ndërmarrë aktivitete edhe në:

Hetim i dhjetë (10) aksidenteve të komunikacionit me dëme materiale,

Hetim i trembëdhjetë (13) aksidente të komunikacionit me të lënduar,

Konfiskuar nëntëmbëdhjetë (19) patentë shoferë,

Njësitet Policore të Drejtorisë Rajonale të Policisë në Gjilan kanë mbajtur dhe vazhdojnë të mbajnë pika të shumta të kontrollit të automjeteve me qëllim të prezencës sa më të madhe në terren dhe parandalimit të aksidenteve të komunikacionit rrugor, me theks të veçantë të aksidenteve me fatalitet.

Lajmet

Tri raste te dhunës në familje brenda një dite

Published

on

By

Në raportin e Policisë së Kosovës në 24 orët e fundit janë regjistruar tri raste të dhunës në familje dhe sulmeve ndaj integritetit personal.

Rasti i parë është shënuar në Prishtinë, ku është arrestuar një person i dyshuar për sulm fizik ndaj bashkëshortes së tij. Viktima ka pranuar trajtim mjekësor si pasojë e lëndimeve të marra pas një mosmarrëveshjeje. Pas intervistimit, me urdhër të prokurorit, i dyshuari është dërguar në mbajtje.

Një tjetër rast i rëndë është raportuar në Gjakovë, ku një vajzë e mitur ka denoncuar se është sulmuar seksualisht nga një person. Policia ka reaguar menjëherë duke arrestuar të dyshuarin, i cili me vendim të prokurorit tashmë gjendet nën masën e ndalimit policor.

Ndërkaq, në Leposaviq, një grua me shtetësi serbe ka njoftuar policinë se bashkëshorti i saj ka ushtruar dhunë fizike ndaj saj gjatë orëve të mbrëmjes. Palët në këtë rast janë intervistuar nga hetuesit, ndërsa me vendim të prokurorisë, i dyshuari është liruar dhe rasti do të ndiqet në procedurë të rregullt hetimore.

 

Continue Reading

Kronikë e zezë

Gjakovë: Arrestohet një person për sulm seksual ndaj një të miture

Published

on

By

Një rast i sulmit seksual ndaj një të miture është denoncuar në Gjakovë, me ç ‘rast është arrestuar një person.

Sipas njoftimit zyrtar nga Policia e Kosovës, viktima ka raportuar të martën se është sulmuar seksualisht nga i dyshuari, ngjarje kjo që dyshohet se ka ndodhur gjatë ditëve të para të prillit.

Menjëherë pas denoncimit, forcat e rendit kanë vënë në pranga të dyshuarin. Pas intervistimit, me vendim të prokurorit kompetent, personit të dyshuar i është shqiptuar masa e ndalimit dhe është dërguar në mbajtje për procedime të mëtejshme ligjore.

Continue Reading

Lajmet

Arrestohen dy persona në veri për shpërndarje të dokumenteve të postës së Serbisë

Published

on

By

Policia e Kosovës ka arrestuar dy persona në Mitrovicën e Veriut, nën dyshimin për keqpërdorim të autorizimeve ekonomike.

Sipas raportit zyrtar, dy të dyshuarit u kapën në flagrancë duke shpërndarë dokumente të ndryshme në emër të shërbimit postar të Serbisë, veprimtari kjo që konsiderohet e jashtëligjshme brenda territorit të Republikës së Kosovës.

Gjatë operacionit, policia ushtroi kontroll edhe në banesat e të arrestuarve, ku konfiskuan një sërë dokumentesh që shërbejnë si prova materiale për ushtrimin e aktivitetit të tyre si postierë të strukturave ilegale.

Pas përfundimit të procedurave të intervistimit, prokurori kompetent ka vendosur që të dyshuarit të lirohen, ndërsa procesi hetimor ndaj tyre do të vazhdojë në procedurë të rregullt.

Continue Reading

Lajmet

Përfshihet nga zjarri një fabrikë në Prizren, lëndohet një punëtor

Published

on

By

Polica e Kosovës në raportin e saj njëditor njofton se një fabrikë për prodhimin e stiroporit në fshatin Mushnikovë të Prizrenit është përfshirë nga zjarri në orët e para të mëngjesit të së martës.

Sipas raportit, si pasojë e flakëve janë shkaktuar dëme të mëdha materiale, ndërsa një punëtor i fabrikës ka përfunduar në spital për shkak të problemeve me frymëmarrjen nga tymi i lëshuar.

Në vendngjarje kanë ndërhyrë menjëherë njësitë policore dhe zjarrfikësit, të cilët kanë arritur ta lokalizojnë dhe ta fikin zjarrin.

Lidhur me shkaqet e incidentit dhe dëmet e shkaktuara, është njoftuar prokurori kompetent i cili po merret me hetimin e rastit.

Continue Reading

Të kërkuara