Sport

Pochettino thumbon Realin: VAR-i e ndihmoi drejt triumfit në Ligën e Kampionëve

Trajneri argjentinas tha se në Paris, obsesioni i vetëm është Liga e Kampionëve.

Published

3 years ago

August 2, 2022

UBT news

Ish-trajneri i Espanyolit dhe Tottenhamit, Mauricio Pochettino, së fundmi në një intervistë ka folur për aventurën e tij te Paris Saint-Germain, ku edhe ka treguar se si Liga e Kampionëve ka ndikuar që ai mos të ketë sukses në “Parc des Princes”.

Po ashtu, Pochettino akuzoi Real Madridin se nuk e ka fituar trofeun e Ligës së Kampionëve në mënyrë të pastër por me ndihmën e VAR-it.

Trajneri argjentinas tha se në Paris, obsesioni i vetëm është Liga e Kampionëve, dhe nëse nuk e fiton atë atëherë je sinonim i dështimit.

“Gjithçka është e përqendruar në Ligën e Kampionëve dhe ndonjëherë kjo shpërqendron pak sepse duke sikur ekziston vetëm Liga e Kampionëve. Në garat e tjera superioriteti i PSG-së duket i garantuar. Obsesioni është Liga e Kampionëve, dhe çdo gjë që nuk përfshin fitoren Ligës së Kampionëve është sinonim i dështimit”, tha Pochettino.

Megjithatë ai beson se ishte fatkeq. Pochettino u eliminua nga Manchester City në gjysmëfinale në sezonin e tij të parë, përpara se një rikthim i famshëm i Real Madridit të eliminonte PSG-në në edicionin më të fundit.

Pochettino e kujtoi padrejtësinë e ndeshjes që ndodhi para syve të tij, ku një faull që nuk u dha ndaj Gianluigi Donnarumma i kushtoi skuadrës së tij me gol nga Karim Benzema.

“Mendoj se ishte një faull dhe nëse do ta rishikonin në VAR, do të flisnim për diçka tjetër, për eliminimin e Madridit”, tha Pochettino.

Real Madridi e eliminoi Paris Saint-Germain në raundin e eliminatoreve në Ligën e Kampionëve, ku brenda dy ndeshjeve rezultati tregonte 3:2 në favor të gjigantit spanjoll.

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.