Botoksi në ballë pëlqehet gjithnjë e më shumë nga të rinjtë. Arsyeja? Me një aplikim, mund të “bllokoni” e parandaloni krijimin e rrudhave në ballë dhe rreth syve, por edhe të ngrini mimikën e fytyrës suaj, nëse keni shumë shprehi. Si çdo trajtim i mjekësisë estetike, kërkohet kujdes.

Ja ç’duhet të dini sipas ekspertëve:

“Trajtimi me toksinën botulinum është ndër procedurat më të përhapura në botën e mjekësisë estetike, por si të gjitha trajtimet kërkon disa masa paraprake. Në ditët para trajtimit duhet të shmangni marrjen e barnave anti-inflamatore ose relaksuese të muskujve dhe është e rëndësishme t’i komunikoni mjekut çdo alergji dhe terapi të vazhdueshme, pasi disa antibiotikë ndërveprojnë me toksinën. Dhimbjet janë minimale nëse përdoret mpirës e nuk ngelen shenja”, shpjegon Dr. Camilla di Pasquali, Drejtoreshë Mjekësie dhe themelues i Botox Bar «Jo vetëm kaq. Pas kryerjes së trajtimit me Botox, do të jetë e nevojshme të ndiqen masa paraprake si mosmbajtja e kapeleve, lidhëseve që shtrëngojnë flokët et., për të paktën tre ditë. Shmangni çdo aktivitet që ju kërkon të qëndroni me kokë poshtë, si yoga apo pilates e shmangni “rrudhosjen” e zonës së trajtuar me eksfoliantët mekanikë si scrub-et”. Arsyeja? “Toksina mund të përhapet në muskuj që nuk janë objektivi i trajtimit”.

Përfitimet për rrudhat e konturit të ballit dhe syve:

Ndër avantazhet kryesore të Botox-it është reduktimi i rrudhave dinamike, pra të gjitha atyre që krijohen gjatë kryerjes së lëvizjeve ekspresive, me kalimin e kohës muskujt e përdorur bëhen të hipertonizuar, ose të jenë tkurrur dhe në këto raste na ndihmon toksina botulinum”. “Duke relaksuar muskujt dhe duke shmangur mekanikisht që shtresa derma e lëkurës në atë zonë t’i nënshtrohet stresit të vazhdueshëm”, shpjegon ekspertja.

“Botoksi sjell efekte edhe në teksturën e lëkurës, duke i dhënë një pamje më kompakte dhe të lëmuar, si dhe në prodhimin e sebumit, duke ndihmuar në bllokimin e hiperhidrozës (djersitjes së tepërt) së fytyrës, duarve, këmbëve dhe sqetullave (nëse aplikohet aty)”, specifikon ekspertja.

“Toksina e botulinumit është medikament injektues, prandaj administrohet në zonat që trajtohen me mikroinjeksione që ndryshojnë sipas nevojave të pacientit”, vijon ajo.

Kohëzgjatja e efektit relaksues të muskujve është afërsisht katër muaj, por përfitimi mund të vazhdojë deri në gjashtë muaj, prandaj nuk rekomandohet të përsëritet trajtimi para kësaj periudhe kohore, duke shmangur gjithashtu zhvillimin e rezistencës ndaj krijohen toksina ose rezultate të panatyrshme”.

Çka duhet të bëni nëse doni të “ktheheni prapa”?

“Ndryshe nga mbushësit me acid hialuronik, për të cilët është e mundur të kryhet hialuronidaza për të shmangur një rezultat të padëshiruar, për Botox-in nuk ka “antidot”” – specifikon Dr. Camilla di Pasquali “Aktivizimi maksimal i toksinës zgjat dy muaj, pas së cilës rezultati natyralizohet, duke u kthyer ngadalë në lëvizshmëri të plotë. Ajo që është thelbësore është të mbështetemi në duart e ekspertëve, të cilët i njohin karakteristikat e toksinës dhe janë në gjendje të formulojnë diagnozën dhe administrimin më të saktë, pa nënvlerësuar rreziqet e mjekësisë estetike”, përfundon ekspertja. /UBT News/