Kryeshefi ekzekutiv i kompanisë rajonale të mbeturinave “Pastrimi”, Petrit Reçica, e ka akuzuar kryetarin e Komunës së Prishtinës, Përparim Rama për manipulim vetëm për t’ua dhënë tenderët miqve të tij.

Përmes një reagimi pas shpalljes së gjendjes së jashtëzakonshme për menaxhimin e mbeturinave nga Rama, Reçica ka thënë se Rama po bën veprime që bllokojnë shërbimet publike dhe krijojnë kaos.

“Më 07.01.2025, përmes një emaili drejtuar kryetarit Rama dhe z. Bekim Brestovci, kam kërkuar një takim për të koordinuar shërbimet e pastrimit në kryeqytet. U deshën më shumë se 10 ditë për një përgjigje, dhe në atë takim dukej i vendosur që pastrimin t’ua jepte kompanive private, duke treguar qartë mungesën e vullnetit për zgjidhje dhe synimin për ta politizuar këtë çështje. Për më tepër, Rama ka kërkuar nga disa punëtorë të ‘Pastrimit’ të sabotojnë shërbimin, vetëm që të krijojë kaos për të ja dhënë tenderin për grumbullimin e mbeturinave kompanisë private dhe të gjejë një arsye për shkarkimin tim (për të cilat kemi fakte të mjaftueshme)”, ka shkruar Reçica në Facebook.

Ai tutje ka thënë se punëtorët e “Pastrimit” po punojnë pa pushim për shtatë ditë të javës, por sipas tij, synimi është hapja e një tenderi me negocim.

“Për ta bërë më të qartë për gjithë qytetarët po duket se është duke u përgatitur e njëjta skemë siç është përdorur në shkurtin e vitit 2024 ku është negociuar kompania private e cila duket se mund të jetë përsëri e njëjta. Përmes këtyre veprimeve të kundërligjshme fillimisht u fut në lojë një kompani private, pastaj u hap një tender i ndarë në pesë llote në vlerë 16.5 milionë euro, me kritere të përgatitura sipas qejfit për të favorizuar emrat e dëshiruar. Ky tender përfundoi i bllokuar në OSHP, duke dëshmuar manipulimin e procesit, favorizimet të operatorëve të caktuar si dhe tendencën për të përjashtuar dhe falimentuar KRM ‘Pastrimin’. Këtë herë, duket qartë që synimi është hapja e një tenderi me negocim, ku edhe ekzistojnë dyshime se fituesi është i paracaktuar, kompania që tradicionalisht ka lidhje me pushtetin komunal. Nëse ndjekim të njëjtën logjikë, procedurat e hapura do të shmangen, rregullorja e Kuvendit do të shkelet, dhe tenderi do t’u jepet emrave të përzgjedhur, siç ka ndodhur në të kaluarën”, ka shtuar ai.

Sipas tij, e gjithë kjo nuk ka të bëjë me pastërtinë e qytetit, por me një betejë për tenderët dhe kontrollin mbi paratë publike.

Euro ka pësuar një rënie të ndjeshme në kursin e këmbimit këtë javë, duke arritur nivelin më të ulët që nga nëntori i vitit 2022, mes shqetësimeve për përshkallëzimin e tensioneve tregtare ndërmjet Shteteve të Bashkuara dhe disa shteteve të tjera.

Kursi i këmbimit të euro ka rënë në 1,0245 dollarë për një euro, duke shënuar një rënie prej më shumë se një cent në krahasim me vlerën e fundit të mbrëmjes së të premtes. Kjo ulje e vlerës së euro është një pasojë e ngjarjeve të fundit, që përfshijnë një përshkallëzim të tensioneve tregtare dhe vendosjen e tarifave të reja nga ana e SHBA-së.

Euro ka filluar të jetë nën presion që nëntorin e kaluar, pas zgjedhjes së Donald Trump si president i SHBA-së, kur shkëmbimi i euro për dollar u tregtua mbi 1,09 dollarë. Një tjetër faktor që ka ndikuar në këtë zhvillim janë masat e fundit që Trump ka ndërmarrë, përfshirë tarifat prej 25% për importet nga Meksika dhe Kanada, dhe 10% për të gjitha importet kineze. Këto tarifa do të hyjnë në fuqi të martën, pas një urdhri të lëshuar nga Trump të shtunën.

Gjatë një deklarate të bërë të premten, Trump u pyet nëse do të vendoste tarifa edhe për produktet e importuara nga Bashkimi Europian. Ai përgjigj në mënyrë të drejtpërdrejtë, duke thënë “sigurisht,” duke shtuar kështu mundësinë e përhapjes së tensioneve tregtare në tregun global dhe ndikimin e tij të mundshëm mbi vlerën e monedhës europiane.

Kjo situatë ka ngritur shqetësime për perspektivat ekonomike të eurozonës, ndërkohë që një rënie e mëtejshme e euros mund të sjellë pasoja për eksportet dhe politikën e brendshme financiare të vendeve të eurozonës./UBTNews/

Presidenti i Afrikës së Jugut, Cyril Ramaphosa, ka reaguar ndaj kërcënimit të Presidentit amerikan, Donald Trump, për të ndërprerë ndihmën financiare për Afrikën e Jugut, duke e mohuar akuzën se vendi po “konfiskon tokën”. Ramaphosa theksoi se qeveria e Afrikës së Jugut nuk ka konfiskuar asnjë tokë dhe se vendi është një demokraci kushtetuese që është e angazhuar për sundimin e ligjit, drejtësinë dhe barazinë. Ai shprehu gatishmërinë për të diskutuar politikën e reformës së tokës me administratën Trump.

Akuzat e Trumpit lidhen me reformën e tokës në Afrikën e Jugut, që ka si qëllim adresimin e padrejtësive të periudhës së apartheidit, kur afrikanojugorët me ngjyrë u larguan forcërisht nga toka. Në janar, Ramaphosa miratoi një ligj që lejon konfiskimin e tokës pa kompensim në disa raste, duke e quajtur këtë një proces ligjor për të siguruar akses të drejtë në tokë për të gjithë qytetarët, por duke ruajtur mbrojtjet kushtetuese kundër konfiskimit të tokës pa kompensim./UBTNews/

Mijëra qytetarë në fshatin Jabllanicë të Gjakovës, po marrin pjesë në ceremoninë e varrimit të tre të rinjve që humbën jetën tragjikisht pas rrënimit të një objekti.

Ideal Ramaj (13 vjeçar), Ramë Mehmetaj bashkë me Veton Morina (15 vjeçar) humbën jetën tragjikisht mëngjesin e së dielës, tragjedi kjo që tronditi Republikën e Kosovës.

Siç është raportuar thuhet se fëmijëve u është shembur shtëpia duke i zënë brenda saj.

Banorët e fshatit Jabllanicë i kanë nxjerrë nga rrënojat ku menjëherë janë dërguar në Spitalin e Gjakovës e që më pas nuk kanë mundur t’iu mbijetojnë plagëve.

Varrimi i të ndjerëve është parapa të mbahet në ora 14:00.