Lajmet

Plani i Rritjes, BE-ja thotë se s’ka momentalisht “parafinancim” për Kosovën e Serbinë

Published

on

Bashkimi Evropian ka deklaruar se nuk ka “parafinancim” për Kosovën dhe Serbinë në kuadër të Planit të Rritjes për Ballkanin Perëndimor. Zëdhënësi i Komisionit Evropian, Guillaume Mercier, tha se në këtë fazë nuk është paguar asnjë “parafinancim” për këto dy shtete, duke theksuar se ka një parakusht të rëndësishëm për angazhimin e Kosovës dhe Serbisë në dialogun për normalizimin e marrëdhënieve, i cili duhet të jetë konstruktiv.

Në kuadër të Planit të Rritjes, BE-ja ka realizuar pagesat e para për Shqipërinë dhe Maqedoninë e Veriut, ku Shqipërisë iu janë paguar tashmë 64.5 milionë euro, nga të cilat 34 milionë euro janë kredi për buxhetin e shtetit, ndërsa pjesa tjetër është përdorur për projekte infrastrukturore.

Mercier sqaroi se për Serbinë dhe Kosovën, procesi është ende në vazhdim dhe nuk mund të konfirmohet ende nëse parakushtet për të marrë “parafinancim” janë plotësuar. Ky “parafinancim” përfaqëson 7% të totalit të mjeteve që janë dedikuar për çdo vend përkatës dhe do të ndihmojë në mbështetje të reformave dhe zhvillimit të mëtejshëm.

Kosova, nga ana tjetër, ka hasur në vështirësi për shkak të mosratifikimit të marrëveshjes për kredi me BE-në në Kuvendin e Kosovës, gjë që e ka penguar të përfitojë pagesa të para. Po ashtu, masat ndëshkuese të vendosura nga BE-ja ndaj Kosovës që prej qershorit të vitit 2023 vazhdojnë të jenë në fuqi, duke e kufizuar mundësinë për të marrë fonde deri në përmbushjen e kushteve të kërkuara.

Në total, paketa e Planit të Rritjes për Ballkanin Perëndimor ka një vlerë prej 6 miliardë eurosh për periudhën 2024-2027, ku 2 miliardë euro janë grante pa kthim nga BE-ja dhe pjesa tjetër janë kredi të favorshme. Kosova, sipas parashikimeve, do të mund të përfitojë rreth 880 milionë euro nga ky plan, përfshirë mbi 250 milionë euro si grante dhe pjesën tjetër në formën e kredive të volitshme.

Në këtë kuadër, Shqipëria do të përfitojë 922 milionë euro, Maqedonia e Veriut 750 milionë euro, Serbia 1.58 miliardë euro, Bosnjë-Hercegovina 1 miliard e 85 milionë euro dhe Mali i Zi 383 milionë euro. Kosova do të marrë një përfitim të madh për kokë banori nga kjo paketë, por është e nevojshme të përmbushen të gjitha kushtet dhe të ketë angazhim të vazhdueshëm në proceset e dialogut dhe integrimit.

Continue Reading

Lajmet

Tre persona në pranga për së paku tetë vjedhje në Fushë-Kosovë, dëmi mbi 60 mijë euro

Published

on

Policia e Kosovës ka arrestuar tre persona në Fushë-Kosovë, të dyshuar për kryerjen e së paku tetë rasteve të vjedhjeve të rënda në banesa gjatë muajve tetor dhe nëntor 2026.

Sipas Policisë, A.B., F.H. dhe M.K. janë arrestuar pas një hetimi dymujor. Operacioni policor është zhvilluar më 18 nëntor, ndërsa dëmi fillestar material nga vjedhjet vlerësohet të jetë mbi 60 mijë euro.

Gjatë kontrolleve në katër lokacione, policia ka sekuestruar stoli ari, para të gatshme, një pistoletë, një veturë që dyshohet se është përdorur në kryerjen e veprave penale, dy telefona dhe një sasi të dyshuar të marihuanës.

Hetimet e mëtejshme kanë çuar policinë edhe te një argjendari në lagjen “Dardania” në Prishtinë, ku dyshohet se janë shitur stolitë e vjedhura. Pronari i argjendarisë është shoqëruar në stacion policor. Ndërkaq, një sasi tjetër ari është lokalizuar dhe sekuestruar në Prizren.

Policia ka bërë të ditur se ndaj të dyshuarve janë iniciuar raste për “Vjedhje të rëndë”, “Posedim të paautorizuar të armëve” dhe “Posedim të paautorizuar të narkotikëve”.

Pas intervistimit, me vendim të prokurorit, tre të arrestuarit janë dërguar në mbajtje për 48 orë./A.K/

Continue Reading

Lajmet

Tre zyrtarë nga Kosova diplomojnë në Akademinë e FBI-së, vlerësohet partneriteti me SHBA-në

Published

on

By

Ambasada e Shteteve të Bashkuara të Amerikës në Kosovë ka njoftuar se tre zyrtarë të zbatimit të ligjit nga Kosova kanë diplomuar së fundmi në Akademinë Kombëtare të FBI-së.

Në njoftimin e ambasadës theksohet se Kosova është një partnere e fortë e SHBA-së në fushën e zbatimit të ligjit dhe ka një nga rrjetet më të mëdha të të diplomuarve të Akademisë Kombëtare të FBI-së në nivel global.

“Krenarë të festojmë diplomimin e tre zyrtarëve kosovarë nga Akademia Kombëtare e FBI-së! Kosova është një partnere e fortë e SHBA-së në zbatimin e ligjit, me një nga rrjetet më të mëdha të alumni-t të Akademisë Kombëtare të FBI-së në botë. Jemi të entuziazmuar të punojmë së bashku për të luftuar krimin e organizuar transnacional”, thuhet në njoftimin e Ambasadës amerikane.  /E.A/

Continue Reading

Lajmet

Kuvendi miraton tri marrëveshje ndërkombëtare

Published

on

Kuvendi i Kosovës sot ka miratuar tri marrëveshje ndërkombëtare.

Me dy të tretat e votave, deputetët miratuan Konventën për Njohjen dhe Ekzekutimin e Vendimeve të Huaja Gjyqësore në Çështjet Civile ose Tregtare.

Kjo marrëveshje mori miratimin në tentimin e tretë, pasi u sigurua se Serbia nuk është pjesë e kësaj konvente.

Po ashtu, Kuvendi miratoi Protokollin për ndryshimin e Marrëveshjes mbi Statusin dhe Funksionet e Komisionit Ndërkombëtar për Personat e Zhdukur.

Në mesin e marrëveshjeve të miratuara ishte edhe Konventa për Zgjedhjen e Gjykatës. /KosovaPress/

/A.K/

Continue Reading

Lajmet

Kurti: Javën e ardhshme pritet drafti i parë i strategjisë për Apelin dhe Ligjit për Specialen

Published

on

Kryeministri i Kosovës, Albin Kurti, ka bërë të ditur se javën e ardhshme pritet të pranohen drafti i parë i strategjisë shtetërore për procesin e Apelit në Hagë dhe drafti i ri i Ligjit për Dhomat e Specializuara.

Duke folur në Kuvend për Ligjin për Specialen, Kurti ka thënë se ai është hartuar pas pakënaqësisë me aktgjykimin e 16 shtatorit, por ka theksuar se që nga fillimi kishte shprehur rezerva për këtë nismë.

“Nuk dyshoj në qëllimin e mirë, por nuk mjafton vetëm qëllimi i mirë, duhet të kemi edhe sukses. Për këtë na duhet një ligj që nuk kthehet mbrapsht dhe bëhet praktik në realitet”, ka deklaruar Kurti.

Ai ka theksuar se në grupin punues për strategjinë janë të përfshirë përfaqësues të ndryshëm, ndërsa drafti i ri i ligjit pritet të përgatitet nga një ekip ekspertësh.

Kurti ka përsëritur se nuk e ka ndryshuar qëndrimin për Dhomat e Specializuara që nga viti 2015, duke e cilësuar këtë gjykatë si të pazakontë.

Ai ka përmendur edhe raportin e vitit 2008 për pretendimet lidhur me “Shtëpinë e Verdhë” dhe trafikimin e organeve, duke thënë se hulumtimet e zhvilluara nuk kishin gjetur dëshmi për këto pretendime.

Sipas Kurtit, çështja e ndërmarrjes së përbashkët kriminale mbetet ndër pikat që duhet të trajtohen në procesin e Apelit. Ai ka shprehur bindjen se vendimi i 16 shtatorit duhet të korrigjohet në Apel, proces për të cilin ka thënë se pritet të zhvillohet gjatë vitit 2027./A.K/

Continue Reading

Të kërkuara