Sport

Pioli zgjidhet trajneri më i mirë i muajit tetor në Serie A

Kuqezinjtë, të cilët ende nuk kanë fituar në Ligën e Kampionëve, po fluturojnë në Serie A këtë sezon.

Published

on

Trajneri i Milanit, Stefano Pioli është shpallur trajneri i muajit në Serie A për tetorin 2021, pas pesë fitoreve në pesë ndeshje.

Kuqezinjtë, të cilët ende nuk kanë fituar në Ligën e Kampionëve, po fluturojnë në Serie A këtë sezon.

Ata janë të parët me Napolin pas 10 fitoreve në 11 ndeshje dhe të gjithë presin që Milani të jetë favorit kryesor për Scudetto.

Pioli mori pesë fitore në pesë ndeshje gjatë tetorit dhe Lega Serie A e ka shpallur italianin si trajnerin më të mirë të muajit.

Çmimi u nda nga një juri e përbërë nga drejtorë të gazetave sportive, të cilët vlerësuan trajnerët individualë në bazë të kritereve teknike sportive dhe të cilësisë së lojës të shprehura nga ekipet e tyre, si dhe sjelljes gjatë garave.

Trofeu do të ndahet në para-ndeshjen Milan-Inter, të planifikuar për të dielën më 7 nëntor 2021 në orën 20:45 në stadiumin “Giuseppe Meazza”.

Milani aktualisht po përgatitet për Derby della Madonnina dhe shpreson ta fillojë muajin e ri me një tjetër fitore kundër rivalëve të tyre të mëdhenj.

Sport

Fabrizio Romano e konfirmon, Arsenali transferon një yll të Chelseat

Published

on

Arsenali ka finalizuar transferimin e portierit Kepa Arrizabalaga nga Chelsea, sipas raportimeve të Fabrizio Romano.

Portieri 30-vjeçar spanjoll i bashkohet ‘Topçinjve’ si zëvendësues i David Rayas, me marrëveshjen që thuhet se kap vlerën e 5 milionë funtesh.

Ky transferim u mundësua nga një klauzolë lirimi që Kepa e kishte përfshirë në kontratën e tij me Chelsean gjatë verës së kaluar.

Klauzola i jepte mundësinë të largohej për një tarifë të caktuar dhe Arsenali e ka aktivizuar atë për ta sjellë portierin në ‘Emirates’.

Ish-portieri i kombëtares spanjolle pritet të rivalizojë Rayën për vendin e titullarit, duke i dhënë Mikel Artetës më shumë alternativa në portë.

Përvoja dhe cilësia e Kepas konsiderohen si një aset i vlefshëm për skuadrën, ndërsa ai është përforcimi i radhës pas mbërritjes së Martin Zubimendit.

Transferimi i Kepas vjen pas një periudhe të përzier shtatëvjeçare te Chelsea, ku ai fitoi katër trofe të mëdhenj dhe regjistroi 163 paraqitje.

Continue Reading

Sport

Botërori i klubeve: Atletico Madrid “bie” në grupe edhe pas fitores, PSG dhe Botafogo vijojnë më tej

Published

on

Kupa e Botës për Klube ka hyrë në ndeshjet e fundit të fazës në grupe, teksa në Grupin B çdo gjë ka përfunduar.

Sfida me interesin më të madh ishte ajo mes Atletico Madrid dhe Botafogos, që pa spanjollët fitues me rezultatin 1-0, e cila nuk i mjaftoi skuadrës së Simeones për të vazhduar më tej, me ekipin brazilian që kalon në fazën e 1/16-ave.

Gjithsesi, fitorja e Atleticos shërbeu si një “asist” për PSG-në. Kampionët e Europës triumfuan me rezultatin 0-2 përballë amerikanëve të Seattle Sounders, duke marrë kështu kreun e Grupit B, pasi verdikti i ndeshjeve direkte ra, me të treja skuadrat që mundën njëra-tjetrën dhe golavarazhi ishte ajo që shërbeu për të vendosur fatet e grupit.

Kështu PSG do të përballet në fazën e 1/16-ave me vendin e dytë të Grupit A, ndërsa Botafogo me fituesin e këtij grupi.

REZULTATET:

ATL. MADRID 1-0 BOTAFOGO

Griezmann 87’

SEATTLE SOUNDERS 0-2 PSG

Kvaratskhelia 35’, Hakimi 67’

Continue Reading

Sport

Llapi “blindon” yllin e skuadrës

Published

on

Continue Reading

Sport

Darwin Nunez jep sinjale pozitive për kalimin te Napoli

Published

on

Napoli ka marrë sinjale inkurajuese nga sulmuesi i Liverpoolit, Darwin Núñez, për një transferim të mundshëm gjatë këtij afati kalimtar.

Sipas Fabrizio Romano, lojtari nga Uruguaji i ka dhënë “dritën e gjelbër fillestare” klubit italian, pasi është bindur nga projekti sportiv i prezantuar nga trajneri i ri, Antonio Conte.

Núñez është i hapur për këtë lëvizje, por marrëveshja tani varet nga aspektet financiare. Liverpool kërkon një shumë të konsiderueshme për kartonin e tij, ndërsa edhe paga e lojtarit është një faktor kyç që mund të ndikojë në realizimin ose jo të transferimit.

Sulmuesi 25-vjeçar ka pasur një sezon me ulje-ngritje te Liverpooli, por potenciali i tij mbetet i lartë dhe ai shihet si një profil i përshtatshëm për futbollin italian dhe stilin e Contes.

Negociatat pritet të vazhdojnë në ditët në vijim, me zhvillime që mund të jenë vendimtare për fatin e këtij transferimi të madh të verës.

 

Continue Reading

Të kërkuara