Kuriozitete

Pije të ftohta apo të ngrohta në verë?

Publikuar

Tanimë temperaturat janë në kulmin e tyre dhe sezonin e verës po e shijojmë të gjithë.

Shumë njerëz janë në dilemë nëse temperaturën e trupit e ulin më shumë pijet e nxehta apo të ftohta.

Dritare.net zbulon më poshtë dilemën, nëse në verë duhet të pini pije të ngrohta apo të ftohta?

Pirja e lëngjeve është gjëja e duhur për të bërë gjatë një valë të nxehtë: është e domosdoshme të qëndroni të hidratuar për të mbrojtur veshkat. Por ka debat nëse pija duhet të jetë e ftohtë me akull apo e nxehtë.

Teoria e zgjedhjes së një pije të nxehtë është se përkohësisht ju nxeh nga brenda, por prodhon djersë dhe efekti është i mirë. Trupi i njeriut mund të prodhojë deri në dy litra djerse në orë, e cila është një mënyrë efektive për të reduktuar temperaturën e trupit tuaj.

Por nëse lëngu nuk zëvendësohet, së shpejti do të ndiheni i dehidratuar kështu që disa rekomandojnë shmangien e pijeve të nxehta. Disa gjithashtu argumentojnë se ju nuk duhet të pini shumë çaj ose kafe, pasi ato përmbajnë kafeinë që shkakton dehidratim.

Është e vërtetë se disa hulumtime kanë mbështetur idenë se pije të ftohta janë më të mira. Ka patur studime ku njerëzit bënë stërvitje intensive dhe më pas matën temperaturën e trupit të tyre gjatë pirjes së pijeve të nxehta ose të ftohta: u konstatua se pije të ftohta ishin më efektive në ftohjen e trupit të tyre.

Por ka një problem të mundshëm me këto gjetje. Siç tregoi Ollie Jay, profesor i asociuar në fiziologjinë termoregulatorike në Universitetin e Otavës, lëngu nga një pije e ftohtë shkon drejt në stomak. Nuk është çudi, pra, se temperatura duhet të zbresë.

Por ekipi i ekspertëve pijet e nxehta ftohin më shpejt trupin, duke ju krijuar djersë. Megjithatë, ekziston një situatë ku pijet e nxehta nuk do t’ju ftohin: nëse jeni me djersë dhe keni veshur shumë rroba që djersa nuk ka mundësi të ikë. Në këtë rast, pini diçka të ftohtë.

Përfundimisht: Pijet e nxehta ju ulin temperaturën e trupit më shpejt, përveç rasteve kur keni veshur shumë rroba./dritare.net

Kuriozitete

Si ndodhi klonimi i qengjit Dolly?

Shkenca e paraqiti Dollyn si arritjen të vitit.

Publikuar

nga

Shkencëtarët skocezë më 22 shkurt të vitit 1997, njoftuan klonimin e suksesshëm të një qengji, Dolly, me kontributin e tre deleve nëna, një me vezë , tjetra me ADN-në, dhe e treta kishte mbajtur në fetus embrionin e klonuar.

Shkenca e paraqiti Dollyn si arritjen të vitit. Dolly jetoi në Institutin Roslin në Edinburg, Skoci, madje lindi edhe gjashtë qengja.

Dolly u prek nga artriti dhe më 14 shkurt 2003 u vu në gjumë për vdekje për shkak të sëmundjes progresive të mushkërive. Klonimi i gjitarëve (grupim qeniesh ku bën pjesë edhe njeriu) është provuar tejet joefikas. Dolly ishte e vetmja mes 277 përpjekjeve që mbijetoi dhe arriti deri në atë moshë 6 vjeç, edhe pse në vitin 2014 shkencëtarët kinezë raportuan sukses në klonimin e derrave.

Shkencëtarët që klonuan Dollyn, shpallën në vitin 2007 se teknika e përdorur në rastin e Dollyt nuk mund të jetë e efektshme për klonimin e njeriut.

Vazhdo të lexosh

Kuriozitete

Pesë fakte interesante rreth Diellit

Dielli ka një moshë mesatare, astronomët besojnë të jetë formuar 4.59 miliardë vjet më parë. Në pesë miliardë vjet do të hyjë në fazën e Gjigantit të Kuq.

Publikuar

nga

Dielli është afro 25 mijë vite dritë larg nga qendra e galaktikës tonë “Udha e Qumështit”.

Dielli ka një moshë mesatare, astronomët besojnë të jetë formuar 4.59 miliardë vjet më parë. Në pesë miliardë vjet do të hyjë në fazën e Gjigantit të Kuq.

Dielli prodhon një sasi enorme të energjisë për të nxehur sistemin tonë diellor. Çdo sekondë rreth 700 milionë ton të Hidrogjenit shndërrohen në Helium, me procesin kimik të Fusionit Nuklear.

Dielli përbëhet nga 72% hidrogjen dhe 26% helium, dhe disa elemente të tjera në gjurmë. Kjo masë e dendur përbën rreth 99% të tërë masës në sistemin tonë diellor.

Nëse dielli do të shuhej, brenda një jave temperatura e tokës do të bëhej -18  ̊C. Për një vjet do të bëhej -73  ̊C, ndërsa brenda disa milionë viteve do të stabilizohej në -240  ̊C./UBTNews/

 

Vazhdo të lexosh

Kuriozitete

Një nga fenomenet më të mahnitshme të natyrës

Shkaku i kësaj shfaqje të pabesueshme është një proces kimik që ndodhë në ujë.

Publikuar

nga

“Vala luminoze” në Maldive është një nga fenomenet më të mahnitshme të natyrës. Oqeani shndritë me një hije të pastër kaltër dhe gjelbër. Ky fenomen i mahnitshëm njihet si “vala luminoze”.

Shkaku i kësaj shfaqje të pabesueshme është një proces kimik që ndodhë në ujë. Organizmat mikroskopikë, si planktoni dhe bakteret, shkaktojnë një reaksion kimik kur lëvizin në ujë. Këto organizma shkaktojnë një efekt bioluminescent, duke shkaktuar dritë në ujë kur janë të shqetësuar ose të përzier me ujin.

Për vizitorët që kanë fatin të shohin këtë shfaqje të mrekullueshme, ajo ofron një përvojë të pazakontë dhe të mahnitshme. Në këtë spektakël të natyrës, oqeani bëhet si një qiell me yje, duke e bërë atë një destinacion të veçantë për të eksploruar bukuritë dhe misteret e botës nën ujë./UBTNews/

Vazhdo të lexosh

Kuriozitete

Sahara – shkretëtira më e madhe dhe e nxehtë në botë

Studimet thonë se është e vjetër mbi 4 milionë e 600 mijë vjet.

Publikuar

nga

Sahara një shkretëtirë unike në botë, si për nga madhësia e saj ashtu edhe për ekosistemin që është krijuar në të. Ajo llogaritet të jetë 9 milionë e 200 mijë kilometra katrorë, që nënkupton përafërsisht sa sipërfaqja e Kinës.

Shtrihet në dhjetë shtete Algjeri, Çadi, Egjipt, Libi, Mali, Mauritani, Marok, Nigeri, Sudan dhe Tunizi. Studimet thonë se është e vjetër mbi 4 milionë e 600 mijë vjet. Temperaturat shkojnë mbi 55  ̊c, madje në raste edhe më shumë.

Sahara është nje nga shkretëtirat më të thata në botë dhe ka një numër të ulët të rreshjeve vjetore. Rreshjet në këtë shkretëtirë gjithashtu janë të parregullta. Në disa pjesë të shkretëtires dhe kryesisht në pjesën e Libisë,Egjiptit dhe Sudanit ka dekada qe nuk jane parë me rreshje të shumta shiu dhe këto vende mbajnë rekord kryesor për sasinë më të ulët shiu në botë rreth 10 mm shi. Disa herë dhe për shkak të nxehtësise së madhe në shkretëtirë shiu avullon dhe para se të bjeri. Mesatarisht bie shi rreth 10 ose 15 ditë në vite por ka edhe vende në të cilat bie vetëm 5 ditë në vit./UBTNews/

Vazhdo të lexosh

Të kërkuara