Lajmet

Pfizer do të kërkojë miratimin e vaksinës për fëmijët e moshës 6 muaj deri në 5 vjeç

Pfizer dhe Biontech do të aplikojnë në muajin nëntor për miratimin e FDA-së për vaksinën COVID-19 për fëmijët e moshës gjashtë muaj deri në pesë vjet

Published

5 years ago

on

Kompania farmaceutike amerikane Pfizer në nëntor do t’i drejtohet Administratës amerikane për ushqim dhe barna (FDA) për të vaksinuar fëmijët e moshës gjashtë muaj deri në pesë vjeç kundër koronavirusit të ri (COVID-19).

“Politico” shkruan se zyrtari kryesor financiar i kompanisë Pzifer, Frank D’Amelio, tha se Pfizer dhe Biontech do të aplikojnë në muajin nëntor për miratimin e FDA-së për vaksinën COVID-19 për fëmijët e moshës gjashtë muaj deri në pesë vjet.

Pfizer më herët ka paralajmëruar se do të aplikojë për miratimin e vaksinimit të fëmijëve të moshës prej pesë deri në 11 vjeç.

D’Amelio ndau informacionin se aplikimi për miratimin e vaksinës për fëmijët e moshës gjashtë muaj deri në pesë vjeç do të përpunohet pas dorëzimit të kërkesës prej moshës pesë deri në 11-vjeç.

Vaksina Pfizer/Biontech, e miratuar nga FDA në gusht, ishte vaksina e parë e licencuar plotësisht kundër COVID-19 e miratuar për përdorim në SHBA.

Vaksinat Pfizer/Biontech dhe Moderna janë miratuar nga Agjencia Evropiane e Barnave (EMA) për personat mbi 12-vjeç.

Related Topics:
Continue Reading

Lajmet

Zbulim i ri arkeologjik në Spanjë: Një dhomë romake mendohet të ketë qenë bibliotekë e lashtë

Published

3 minutes ago

on

July 30, 2026

By

Një zbulim i ri arkeologjik në kompleksin romak Fuente Álamo, në Kordobë të Spanjës, mund të ndryshojë mënyrën se si kuptohet historia e këtij vendbanimi antik.

Sipas një studimi të publikuar në Journal of Mediterranean Archaeology, një dhomë që më parë besohej se ishte një faltore kushtuar perëndisë Mithra, mund të ketë shërbyer si bibliotekë romake.

Studiuesit nga universitetet e Kordobës dhe Granadës kanë arritur në përfundimin se Dhoma 10 është rimodeluar në shekullin e IV pas Krishtit dhe mund të jetë protobiblioteka më e vjetër e zbuluar deri më sot në Gadishullin Iberik, si dhe biblioteka më perëndimore e njohur në Perandorinë Romake.

Analizat arkitekturore kanë zbuluar elemente tipike të bibliotekave romake, përfshirë një absidë, kamare për ruajtjen e dorëshkrimeve, podium dhe hapësira që mund të kenë shërbyer për punë ose magazinim.

Nëse konfirmohet përfundimisht, kjo bibliotekë do të përbënte një nga zbulimet më të rëndësishme për studimin e jetës kulturore dhe intelektuale në Perandorinë Romake./A.K/

Continue Reading

Lajmet

Sulm ndaj zyrtarëve policorë në Rahovec, një person dërgohet në mbajtje

Published

13 minutes ago

on

July 30, 2026

By

Në Rahovec është arrestuar një person pasi dyshohet se, së bashku me familjarët e tij, ka sulmuar fizikisht zyrtarët policorë gjatë një intervenimi.

Sipas Policisë, të dyshuarit nuk i kanë respektuar urdhrat e zyrtarëve policorë dhe më pas kanë ndërmarrë sulm fizik ndaj tyre.

I dyshuari është arrestuar dhe me vendim të prokurorit është dërguar në mbajtje. Rasti po hetohet./A.K/

Continue Reading

Lajmet

Inspektim në 65 auto-parkingje në Prishtinë, evidentohen shkelje tatimore

Published

14 minutes ago

on

July 30, 2026

By

Njësitë policore të Drejtorisë për Hetimin e Krimeve Ekonomike dhe Korrupsionit, në bashkëpunim me Administratën Tatimore të Kosovës dhe Prokurorinë e Shtetit, kanë realizuar një aksion inspektimi në 65 auto-parkingje në rajonin e Prishtinës.

Gjatë kontrolleve janë evidentuar shkelje të ndryshme, të cilat do të trajtohen nga institucionet përkatëse në përputhje me kompetencat ligjore.

Aksioni është zhvilluar në kuadër të luftimit të shmangies nga tatimi dhe respektimit të obligimeve ligjore nga bizneset./A.K/

Continue Reading

Lajmet

Arrestohet një person në Lipjan për ngacmim seksual

Published

16 minutes ago

on

July 30, 2026

By

Në Lipjan është arrestuar një person pasi dyshohet se në vazhdimësi ka ngacmuar një grua.

Sipas Policisë, rasti është raportuar më 29 korrik 2026, ndërsa pas konsultimit me prokurorin dhe inicimit të rastit, i dyshuari është dërguar në mbajtje. Rasti po hetohet./A.K/

Continue Reading

Të kërkuara