Kriza politike në Serbi vazhdon të thellohet, me kërkesa të shumta për reforma dhe largimin e presidentit Aleksandar Vuçiç. Pas dorëheqjes së kryeministrit Millosh Vuçeviç të martën, dhe pas protestave masive që janë mbajtur në Novi Sad për shkak të tragjedisë në stacionin e trenit, kërkesat për ndryshim në vend janë intensifikuar. Studentët dhe protestuesit, kërkojnë një transformim të thellë të politikës në Serbi dhe një largim nga afërsia me Rusinë.

Vuçiç ka hedhur poshtë kërkesat për dorëheqjen e tij dhe akuzon protestuesit se janë të manipuluar nga shërbimet e huaja inteligjente. Për më tepër, janë shfaqur raporte për përdorimin e teknologjisë të spiunazhit nga qeveria serbe, që ka përdorur pajisje zvicerane IMSI-catcher për të monitoruar dhe përgjuar aktivistët dhe gazetarët që kritikojnë regjimin. Këto pajisje, me një vlerë prej dy milionë frangash, lejojnë monitorimin e telefonave celularë dhe mundësojnë ndjekjen e vendndodhjes dhe përgjimin e telefonatave.

Përgjimet janë bërë me pajisje të sofistikuara të siguruara nga Zvicra, një vend që ka miratuar eksportin e pajisjeve të tilla, pavarësisht shqetësimeve për përdorimin e tyre në shtypjen e opozitës. Aktivistët dhe gazetarët janë gjithashtu përballur me ftesa për “intervista informative” nga policia, një praktikë që sjell kujtime nga periudha komuniste.

Në këtë kontekst, qeveria e Vuçiçit vazhdon të mbajë një kontroll të fortë mbi mediat, gjyqësorin dhe administratën, ndërsa protesta e opozitës është rritur dhe ka arritur dimensionet më të mëdha që nga vitet 2000. Edhe pas dorëheqjes së kryeministrit, kërkesat për ndryshime vazhdojnë të jenë të fokusuar te presidenti Vuçiç, i cili është parë si përgjegjës kryesor për krizën politike që ka kapluar vendin./UBTNews/

Policia e Kosovës ka njoftuar se në rrugën “Bill Klinton”, në Prishtinë është vjedhur një veturë e më pas është gjetur.

“Është raportuar se nga persona të panjohur është vjedhur vetura me targa vendore, pronë e viktimës mashkull kosovar. Njësia policia ka arritur të gjej veturën dhe me vendim të prokurorit, pas procedurave vetura i është kthyer pronarit”, thuhet në njoftim.

Kryetari i Komunës së Zubin Potokut, Izmir Zeqiri, ka njoftuar se është kërcënuar përmes rrjeteve sociale.

Zeqiri përmes një postimi në rrjetin social Facebook, tha se nga ky person është kërcënuar për herë të katërt.

“Kërcënohem përmes rrjeteve sociale nga i njëjti kriminel për herë të katërt. Ky qyqar (KUKAVIC) i MUP-it të Serbisë më kërcënon me vrasje dhe mi ofendon Herojt dhe figurat historike të Popullit Shqiptar. Ky frikacak i ndyrë nuk ka guxim të përballet me mua por më kërcënon përmes rrjeteve sociale”, ka shkruar Zeqiri në rrjetin social Facebook.