Lajmet

Pesë vlera të mollëve për shëndetin e lëkurës

Ato hidratojnë lëkurën dhe përmirësojnë ngjyrën e saj.

Published

4 years ago

November 15, 2021

UBT news

Mollët kanë vitamina A, B, C dhe minerale të shumta, prandaj konsiderohen si një nga frutat më të vlefshme për organizmin.

Të hash një mollë në ditë mbanë doktorin larg thotë një shprehje e famshme dhe mesa duket kjo është e vërtetë!

Ato mbrojnë imunitetin dhe jo vetëm, ekspërtët thonë se mund të jenë edhe një trajtim i shkëlqyeshëm që ndihmon edhe lëkurën tuaj. Konkretisht mollët i dhurojnë 5 vlera të jashtëzakonëshme lëkurës tuaj të cilat mund t’i përfitoni më një kafshatë.

Përmirëson ngjyrën e lëkurës

Nëse hani mollë çdo ditë kjo do të ndikojë në ngjyrën e lëkurës tuaj. Do të keni lëkurë jo vetëm më elastike e të njëtrajtëshme, por edhe më të bardhë. Kjo sepse mollët janë të pasura me kolagjen që ndihmon për ta mbajtur fytyrën më elastike dhe të re.

Përveç kësaj nëse e lyeni fytyrën tuaj me pak lëng molle do të ndhmoni në reduktimin e yndyrës dhe zbardhjen e saj. Nëse nuk keni kohë të shyrdhni lëngun, mjafton të prisni një copë molle dhe të lyeni lehtë fytyrën me të.

Hidraton lëkurën

Sekreti i një fytyrë të butë e të hidratuar është pa dyshim hidratimi i mirë. Kështu që sigurohuni të pini sasinë ditorë të ujit tuaj dhe të konsumoni shumë fruta,

Një ndër to është dhe molla e cila është shumë e pasur me ujë dhe ndihmon në qetësimin, pastrimin e hidratimin e fytyrës. Për ta arritur këtë rezultat mjafton të prisni disa feta të holla molle dhe t’i vendosni të freskëta mbi lëkurë. Mbjini për 15-20 minuta, derisa të thehen më pas shpërlajeni me ujë.

Ju mbron nga dielli!

Rrezet e dëmshme të diellit janë një problem që prek çdo njeri, ndaj të gjithë duhet të mbrohen.

Kremrat me faktorë mbrojtës janë zgjidhja e parë për të parandaluar njolla dhe shenja të lëkurës, por jo vetëm. Për të arritur një mbrojtje të mirë mund të përdorni edhe një frut si molla.

Me anë të një luge merrni të gjithë tulin e saj dhe shtojeni në një enë, po aty shtoni dhe një lugë gjelle vazelinë dhe përziejeni. Aplikojeni në lëkurë, fytyrë apo trup si dhe në ndonjë pjesë të trupit që jeni djegur nga dielli.

Lëreni për 15 minuta që të veprojë dhe të qetësojë pjesën e irrituar apo ta mbrojë atë. Më pas shpëlajeni mirë me ujë dhe sapo keni siguruar fytyrës tuaj, mbrojtje të plotë.

Kundër akneve dhe pikave të zeza

Mollët janë një mënyrë e mirë për të eleminuar aknet, pikat e zeza apo irritime të tjera të lëkurës. Ato kanë veti qetësuese, hidratuese dhe pastruese ndaj mund t’i përdorni si një trajtim të vërtetë për këto probleme.

Shtypni një fetë mollë me një lugë gjelle qumësht, më pas të gjithë përzierjen vendoseni mbi fytyrë për të qetësuar akent tuaja.

Një tonik natyral

Uthullën e mollës mund ta përdorni si pastrues natyral për fytyrën dhe si një tonik që e bën atë më elastike. Gjithashtu mund të përdorni pak tul molle të shtypur mbi lëkurë pasi ta lani atë. Kjo do t’ju ndihmoj të ruani balancën e yndyrës, do ta sterilizoni dhe mbani të shëndetshme fytyrën tuaj./AgroWeb.org

Lajmet

Ahmeti reagon pas bllokadës në Trafikun Urban

Published

33 minutes ago

November 25, 2025

UBTnews

Ish kryetari i Prishtinës, Shpend Ahmeti ka reaguar pas bllokadës financiare që e la të bllokuar transportin publik në kryeqytet.

Ahmeti përmes një postimi në Facebook tha se transporti publik falas për shumë kategori është barrë financiare për Komunën e Prishtinës duke thënë se “nuk mundesh me liru nga pagesa në fushatë e mas tre ditëve me met pa pare”.

“Kur dikush nga komuna thotë lirimi nga pagesa nuk ka ndikim – rren. Ti mundesh me liru kategori nga pagesa por dikush duhet të paguajë. Ne kemi liru nga pagesa penzionerë, por si komunë kemi paguar për secilin penzionist që kemi liruar, sepse modeli e kërkon. Nuk mundesh me liru nga pagesa në fushatë e mas tre ditëve me met pa pare“, ka shkruar Ahmeti.

Kujtojmë se Komuna e Prishtinës dhe Qeveria në detyrë përkatësisht Ministria e Financave i kanë vënë fajin njëra-tjetrës për alokimin e buxhetit të kryeqytetit./KP

Lajmet

Rahovec: Vajza e mitur largohet nga shtëpia, raportohet e zhdukur në polici

Published

36 minutes ago

November 25, 2025

UBTnews

Një qytetar nga Rahoveci ka raportuar në polici se vajza e tij e mitur është larguar nga shtëpia dhe aktualisht nuk dihet vendndodhja e saj.

Rasti është paraqitur më 20 nëntor 2025, rreth orës 13:30, në stacionin policor në rrugën “Xhelal Hajda”. Sipas ankuesit, vajza është larguar nga shtëpia dhe deri tani nuk ka informacione se ku mund të ndodhet.

“Ankuesi mashkull kosovar, ka raportuar se vajza e tij e mitur është larguar nga shtëpia dhe nuk dihet asgjë për vendndodhjen e saj“, thuhet në raportin e Policisë së Kosovës.

Lajmet

Leposaviq: Arrestohet një person pasi sulmoi babanë e tij nën ndikim të alkoolit

Published

37 minutes ago

November 25, 2025

UBTnews

Një rasti i dhunës në familje ka ndodhur mbrëmjen e 23 nëntorit në Leposaviq, ku një mashkull kosovar është arrestuar nga Policia e Kosovës pasi dyshohet se ka sulmuar fizikisht babanë e tij.

Sipas njoftimit zyrtar, sulmi ka ndodhur rreth orës 23:00, në momentin kur i dyshuari ishte nën ndikim të alkoolit. Pavarësisht incidentit, viktima – babai i tij – ka refuzuar që të marrë trajtim mjekësor.

Me vendim të prokurorit, i dyshuari është dërguar në mbajtje në stacionin policor deri në këndellje.

“Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet“, thuhet në raportin e Policisë së Kosovës./KP

Lajmet

Dhjetë raste të dhunës në familje raportohen brenda një dite, viktimë gratë

Published

39 minutes ago

November 25, 2025

UBTnews

Gratë vazhdojnë të përjetojnë dhunën nga bashkëshortët e tyre. Një rast i rëndë u raportua të hënën ku në fshatin Gadime të Lipjanit një grua u sulmua me sëpatë nga ish-bashkëshorti, për çka policia ka njoftuar si rasti “vrasje në tentativë”.

Mirëpo në raportin 24 orësh, policia ka njoftuar edhe për dhjetë (10) raste të dhunës në familje e ku në shumë prej nëntë prej tyre viktimë janë gratë, në një rast tjetër që raportohet në Leposaviq viktimë ishte babai.

Në tri prej rasteve, të dyshuarit janë liruar në procedurë të rregullt

Rastet e dhunës në familje të raportuara vetëm brenda një dite

· Prishtinë 24.11.2025-02:00. Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

· Prishtinë 24.11.2025-05:00. Raportohet se viktima femër kosovare, ka pësuar dhunë nga bashkëshorti i saj. Me vendim të prokurorit, pas intervistimit palët janë liruar dhe rasti shkon në procedurë të rregullt.

· Fushë Kosovë 24.11.2025-16:00. Është arrestuar i dyshuari mashkull kosovar, pasi që i njëjti ka ushtruar dhunë fizike ndaj bashkëshortes se tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit lirohet në procedurë të rregullt.

· Prishtinë 23.09.2025-NN. Me 24.11.2025 ankuesi mashkull kosovar, ka raportuar se ka dhunë psikike të vazhdueshme nga ish bashkëshortja e tij edhe pse ka urdhër mbrojtës. E dyshuara është arrestuar dhe pas intervistimit me vendim të prokurorit është liruar në procedurë të rregullt.

· Podujevë 24.11.2025-20:00 . Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

DHUNË NË FAMILJE

· Gjilan 24.11.2025-09:15. Është arrestuar i dyshuari mashkull kosovar, pasi që kishte ushtruar dhunë fizike ndaj bashkëshortes së tij. Nuk raportohet për të lënduar, ndërsa me vendim të prokurorit, i dyshuari është dërguar në mbajtje.

· Gjilan 24.11.2025-14:30. Është arrestuar i dyshuari mashkull kosovar, pasi që kishte ushtruar dhunë ndaj bashkëshortes së tij. Viktima ka pranuar tretman mjekësor, ndërsa me vendim të prokurorit, i dyshuari është dërguar në mbajtje.

DHUNË NË FAMILJE

· Pejë 24.11.2025 – 07:30. Ankuesja femër kosovare, ka informuar se djali i saj i dyshuari mashkull kosovar, ka ushtruar dhunë psikike ndaj saj. Pas intervistimit me vendim të prokurorit palët janë liruar dhe rasti shkon në procedurë të rregullt.

· Pejë 24.11.2025-22:00. Është arrestuar i dyshuari mashkull kosovar, pasi që i njëjti nën ndikim të alkoolit ka kanosur bashkëshorten e tij, duke shkelur edhe urdhrin mbrojtës. Me vendim të prokurorit, i dyshuari është dërguar në mbajtje.

DHUNË NË FAMILJE

Leposaviq 23.11.2025-23:00. Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet.