Shëndeti

Pesë ushqime që kanë më shumë kalcium se qumështi

Pra ku mund ta merrni kalciumin përveçse nga qumështi?

Published

on

Kur mendoni nëse i keni plotësuar nevojat ditore për kalcium, gjithmonë shkoni të mbushni një gotë qumësht. Por për sa kalcium ka nevojë trupi ynë gjatë ditës?

Rekomandohet që personat e grupmoshës 19-50 vjeç të marrin 1.000 mg kalcium në bazë ditore. Ai është gjithashtu thelbësor gjatë adoleshencës – rekomandohet që nga mosha 9-18 vjeç sasia e tij ditore të jetë 1.300 mg.

Personat mbi 50 vjeç duhet të marrin 1.200 mg kalcium në ditë, kurse gratë në postmenopauzë, të cilat nuk i janë nënshtruar një terapie zëvendësimi hormonesh, duhet të marrin 1.500 mg kalcium.

Edhe pse jeni mësuar ta merrni sasinë ditore të kalciumit përmes qumështit, kjo nuk është domosdoshmërisht zgjedhja më e mirë.

Një gotë qumësht përmban mesatarisht 300 mg kalcium, megjithatë qeniet njerëzore e absorbojnë me vështirësi kalciumin nga qumështi i lopës.

Ushqimet e shëndetshme që përmbajnë kalcium jo vetëm që ndihmojnë për kocka dhe dhëmbë të fortë, por ndihmojnë edhe formimin e pllakëzave të gjakut dhe gjithashtu ndihmojnë funksionet e nervave dhe muskujt.

Pra ku mund ta merrni kalciumin përveçse nga qumështi?

Veganët dhe vegjetarianët apo ata që janë intolerantë ndaj laktozës rekomandohet të plotësojnë nevojat ditore për kalcium me këto ushqime:

Lakra kale

Lakra Kale është një nga ushqimet më të shëndetshme dhe plot me vlera ushqyese. Një smoothie me lakër kale të gjallë përmban 90 mg kalcium për një gotë.

Kështu që lakra kale është një nga ushqimet më të shëndetshme kur është fjala për të marrë sasinë ditore të kalciumit. Ajo përmban gjithashtu mangan dhe fosfor, dy minerale të rëndësishme për shëndetin e kockave.

Spinaqi

Spinaqi është një burim i shkëlqyer i kalciumit – përmban 244.8 mg për kupë. Në pjesën më të madhe të rasteve, ne konsumojmë më shumë se një kupë, çka e bën spinaqin një burim më të mirë kalciumi se sa qumështi.

Perimet me gjethe të gjelbra

Për kocka të forta, perimet me gjethe të gjelbra janë një alternativë e shkëlqyer. Në dy kupa perime me gjethe të gjelbra mund të gjeni 452.2 mg kalcium, gati 90 % e sasisë së rekomanduar ditore.

Ato përmbajnë gjithashtu vitaminë B6 dhe acid folik të cilat reduktojnë nivelet homocistike. Gjithmonë përgatitini thjesht – me lëng limoni, vaj ulliri ekstra të virgjër, mjaltë dhe kripë deti.

Farat e susamit

Farat e susamit janë një tjetër burim i mirë i kalciumit. Në çerek kupe merrni 351 mg kalcium. Mund t’i përdorni ato në tahini, sallata, bukë, etj.

Kosi organik

Nëse ju pëlqejnë produktet e bulmetit, kosi organik është një burim i mirë i kalciumit. Në një kupë gjendet 447.4 mg kalcium, mesatarisht 45 % e nevojave ditore për kalcium.

Kosi organik siguron gjithashtu 32 % të vlerave ditore të fosforit, një mineral përgjegjës për rigjenerimin e kockave dhe dhëmbëve.

Shëndeti

Ushqimet më të mira kundër fryrjes së stomakut

Published

on

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Continue Reading

Shëndeti

Qëndrimi ulur për periudha të gjata rrit rrezikun për sëmundje kronike

Published

on

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Continue Reading

Shëndeti

Të mirat dhe “dëmet” nga konsumimi i fasuleve

Published

on

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Continue Reading

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

on

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!

Continue Reading

Të kërkuara