Kronikë e zezë

Pesë raste të dhunës në familje, raportohen në Policinë e Kosovës në 24 orët e fundit

Published

5 months ago

on

Në Policinë e Kosovës brenda 24 orëve të fundi janë raportuar pesë raste për dhunë në familje.

Në Prishtinë një burrë, shtetas i huaj, është arrestuar, pasi që i njëjti dyshohet se ka ushtruar dhunë fizike ndaj viktimës grua, shtetase e Kosovës.

I dyshuari me vendim të prokurorit është dërguar në mbajtje.

“Është arrestuar i dyshuari mashkull, shtetas i huaj, nën dyshimin se ka ushtuar dhunë fizike ndaj viktimës femër kosovare. Me vendim të prokurorit i dyshuari është dërguar në mbajtje”, siç thuhet ne Raportin e Policisë së Kosovës.

Sipas raportit të Policisë, rasti është regjistruar me 02.02.2026.

Ndërkaq, dy raste të tjera për dhunë në familje janë raportuar në Gjakovë,

Në rastin e parë është arrestuar një burrë, pasi i njëjti ka ushtruar dhunë  ndaj viktimës grua. Viktima dhe i dyshuari kanë pranuar tretman mjekësor, siç thuhet në raportin një ditorë të Policisë.

Ndërsa me vendim të prokurorit, i dyshuari është dërguar në mbajtje. Rasti ka ndodhur me 03.02.2026 rreth orës 10:30.

“Lidhur me rastin është arrestuar i dyshuari mashkull kosovar nën dyshimin për kryerje të veprës penale të lartcekur ndaj viktimës femër kosovare. I dyshuari dhe viktima kanë pranuar tretman mjekësor, ndërsa me vendim të prokurorit personi i dyshuar është dërguar në mbajtje”, thuhet ne Raportin e Policisë.

Ndërkaq, një person po ashtu në Gjakovë është në kërkim nga Policia e Kosovës, pasi që i njëjti dyshohet se ka kanosur një person.

“Është raportuar se viktima mashkull kosovar është kanosur nga i dyshuari mashkull kosovar i cili më pas është larguar nga vendi i ngjarjes”, behet e ditur ne raportin 24 orësh të Policisë së Kosovës.

Rasti raportohet se ka ndodhur rreth orës 17:00 me 03.02.2026.

Gjithashtu edhe një burrë është arrestuar në Klinë, pasi dyshohet se ka sulmuar fizikisht viktimën grua.

Policia njofton se viktima ka pranuar tretman mjekësor, ndërsa me vendim të prokurorit i dyshuari është dërguar në mbajtje.

Rasti ka ndodhur më 03.02.2026 rreth orës 17:55, sipas njoftimit të Policisë.

Rasti i fundit, sipas raportit 24 orësh është regjistruar në Pejë, edhe në këtë rast është arrestuar një burrë, pasi dyshohet se ka ushtruar dhunë psikike dhe fizike ndaj viktimës grua.

Ndërkaq, i dyshuari është arrestuar dhe i njëjti me vendim të prokurorit është dërguar në mbajtje.

Rasti ka ndodhur më 03.02.2026 rreth orës 14:30, siç behët e ditur nga Policia e Kosovës.

Burimi: Policia e Kosovës/UBT News

Related Topics:
Continue Reading

Lajmet

Policia e Ferizajt me aksion të shtuar: 1.511 gjoba të shqiptuara në shtatë ditë

Published

17 hours ago

on

July 13, 2026

By

Policia Rajonale e Ferizajt ka intensifikuar aktivitetet për rritjen e sigurisë në trafikun rrugor dhe parandalimin e aksidenteve.

Gjatë periudhës nga 6 deri më 12 korrik 2026, policia ka shqiptuar gjithsej 1.511 gjoba kundërvajtëse, ndërsa ka pezulluar 43 patentë shoferë për drejtuesit e automjeteve që kanë kryer shkelje të rënda në komunikacion.

Në të njëjtën periudhë janë regjistruar 42 aksidente, prej të cilave 23 kanë qenë me lëndime trupore, ku janë lënduar 31 persona, ndërsa 19 aksidente kanë përfunduar vetëm me dëme materiale.

Policia Rajonale e Ferizajt ka bërë të ditur se do të vazhdojë me kontrolle dhe aktivitete të shtuara me qëllim parandalimin e aksidenteve dhe rritjen e sigurisë në rrugë.

Njëkohësisht, policia u ka bërë apel të gjithë shoferëve që të respektojnë rregullat e trafikut, të tregojnë kujdes gjatë vozitjes dhe të bashkëpunojnë me autoritetet duke raportuar çdo kundërvajtje përmes stacionit më të afërt policor, aplikacionit digjital “Lajmëro Policinë” ose numrit kujdestar 192./A.K/

Continue Reading

Kronikë e zezë

Kërcënoi përfaqësuesit e lartë të Kosovës në rrjete sociale, arrestohet shtetasi i huaj në pikën kufitare

Published

19 hours ago

on

July 13, 2026

By

Një shtetas i huaj është arrestuar të dielën në pikën kufitare në Stanqiq, pasi kërkohej për dhunë dhe kërcënime ndaj përfaqësuesve të lartë të Republikës së Kosovës.

Arrestimi i tij u bë mbi bazën e një urdhërarresti të lëshuar nga Departamenti Special i Gjykatës Themelore në Prishtinë. Sipas policisë, i dyshuari e kishte kryer këtë vepër penale përmes një postimi në rrjete sociale në tetor të vitit të kaluar.

Me vendim të prokurorit, ai është dërguar në mbajtje. /E.A/

Continue Reading

Kronikë e zezë

Aksident në Prishtinë: Goditet një këmbësore, arrestohet shoferi

Published

20 hours ago

on

July 13, 2026

By

Një këmbësore ka marrë lëndime të rënda trupore pasi është goditur nga një veturë pasditen e së dielës në Prishtinë.

Sipas raporti njëditor, policia ka arrestuar shoferin e dyshuar, i cili dyshohet se e shkaktoi aksidentin nga pakujdesia.

Ndërsa me vendim të prokurorit, ai është dërguar në mbajtje. /E.A/

Continue Reading

Lajmet

Gjendet pa shenja jete një person në Mitrovicë

Published

20 hours ago

on

July 13, 2026

By

Një burrë është gjetur pa shenja jete të dielën në Mitrovicën e Jugut.

Vdekjen e tij e ka konstatuar mjeku në vendngjarje.

Me urdhër të prokurorit, trupi i pajetë është dërguar në Institutin e Mjekësisë Ligjore për obduksion, ndërsa policia po e trajton rastin si vdekje të dyshimtë. /E.A/

Continue Reading

Të kërkuara