Sport

Pesë milionë euro ofertohen për blerjen e fanellës së legjendës së futbollit botëror

Sotheby’s këmbëngul që ata kanë fanellën origjinale.

Published

on

Shtëpia e ankandeve “Sotheby’s” raportohet se ka marrë një ofertë prej 5 milionë eurosh për fanellën e legjendës argjentinas Diego Armando Maradona, e cila do ta bëjë atë fanellën më të shtrenjtë sportive të shitur ndonjëherë.

Fanella blu e veshur nga Diego Maradona gjatë humbjes 2-1 të Argjentinës ndaj Anglisë në çerekfinalen e Kupës së Botës 1986 është aktualisht në ankand në Sotheby’s.

Pesë milionë euro është oferta që tashmë ka arritur, por ajo me siguri do të vazhdojë të rritet për shumë më tepër pasi të përfundojë ankandi javën e ardhshme.

Megjithatë, ka dyshime se fanella e vendosur në ankand nuk është ajo origjinalja me të cilën Maradona kishte shënuar golin e famshëm me dorë që ishte emëruar si “Dora e Zotit”.

Vajzat e Maradonës nga gruaja Claudia, Dalma dhe Giannina, e kanë refuzuar publikisht ankandin, duke pretenduar se fanella në posedim të kësaj shtëpie të ankandit nuk është ajo që ishte në shpinën e numrit 10 kur ai theu zemrat e anglezëve.

“Nuk është ai. Nuk dua të them se kush e ka sepse është çmenduri. Ai njeri [Hodge] nuk e ka atë”, u tha Dalma gazetarëve pas fillimit të ankandit. “Ai (Maradona) më tha: ‘Si do ta dhuroja fanellën time më të çmuar?'”, shtoi ajo.

“Ky ish-lojtar mendon se ka fanellën e babait tim nga pjesa e dytë, por ai është habitur, ai e ka atë nga pjesa e parë”.

Si përgjigje, Sotheby’s këmbëngul që ata kanë fanellën origjinale, duke përdorur një teknologji të quajtur Rezolucioni Photomatching për të konfirmuar se fanella është identike me atë që shihet në imazhet e pjesës së dytë të Maradonës në Mexico City.

“Resolution Photomatching ishte në gjendje të bënte një foto-përputhje përfundimtare me festimin pas golit të “Dora e Zotit”, thotë shtëpia e ankandeve në faqen e saj të internetit.

“Resolution Photomatching vërtet përcaktoi që Maradona ndërroi fanellën gjatë ndeshjes, por që Maradona e veshi këtë fanellë për të dy golat historikë në pjesën e dytë të ndeshjes”, thuhet në njoftim.

Sport

Kevin De Bruyne njofton largimin nga Manchester City në fund të sezonit

Published

on

Kevin De Bruyne, një nga futbollistët më të mëdhenj në historinë e Manchester Cityt, ka konfirmuar se do të largohet nga klubi në fund të këtij sezoni, kur dhe përfundon kontrata e tij me kampionët e Anglisë.

Në një postim emocionues në rrjetet sociale, mesfushori belg shprehu mirënjohjen për periudhën e tij te “Citizens”, duke e cilësuar këtë kapitull si më të mirin në karrierën e tij. De Bruyne, që iu bashkua Cityt në vitin 2015 nga Wolfsburgu, ka fituar 16 trofe, përfshirë gjashtë tituj të Premier League dhe Ligën e Kampionëve në vitin 2023, një arritje historike për klubin.

Një nga lojtarët më të rëndësishëm të epokës së Pep Guardiolës, De Bruyne është njohur për vizionin e tij të jashtëzakonshëm, pasimet precize dhe ndikimin në lojën e ekipit. Deri tani, nuk është zbuluar ende destinacioni i tij i ardhshëm, por largimi i tij shënon fundin e një epoke të lavdishme për Manchester Cityn.

Continue Reading

Sport

Granit Xhaka, ‘Mbreti’ i pasimeve në Bundesligë

Published

on

Granit Xhaka po tregon përse është një nga mesfushorët më të rëndësishëm në futbollin europian. Sipas statistikave të fundit nga “Bundesliga Match Facts”, mesfushori shqiptar nga Kosova, i cili luan për Bayer Leverkusen, kryeson Bundesligën për performancën më të lartë në pasime.

Me 1966 pasime të suksesshme, Xhaka arrin një performancë pasimi prej 67.0, duke lënë pas rivalët e tij kryesorë, Angelo Stiller të Stuttgart dhe Joshua Kimmich të Bayern Munich. Ky sukses është një tjetër tregues i aftësive të jashtëzakonshme të Xhakës në fushë, dhe vjen në një sezon të shkëlqyer për Leverkusen, që po lufton për titullin në Bundesligë dhe ka shfaqur një stil loje dominues nën drejtimin e trajnerit Xabi Alonso.

Roli i Xhakës në këtë ekip është kyç, duke qenë dirigjenti i mesfushës dhe një faktor vendimtar në ndërtimin e aksioneve sulmuese të skuadrës. Performanca e tij ka qenë thelbësore për sukseset e Leverkusen këtë sezon dhe e pozicionon atë si një nga lojtarët më të shquar në Bundesliga.

Continue Reading

Sport

Stephen Curry fiton duelin me LeBron James, rezultatet në NBA

Published

on

Golden State Warriors ka fituar ndaj Los Angeles Lakers me rezultatin 123-116 në një përballje të ngushtë mes dy ekipesh që luftojnë për titullin në NBA. Stephen Curry ishte i jashtëzakonshëm me 38 pikë, duke udhëhequr Warriors në fushë, ndërsa Moses Podziemski e mbështeti me 28 pikë.

Nga ana tjetër, LeBron James shënoi 33 pikë dhe Austin Reaves shtoi 31, por këto nuk mjaftuan për Lakers për të mposhtur Golden State.

Në ndeshje të tjera, Milwaukee Bucks mundi Philadelphia 126-113, me Giannis Antetokounmpo që shënoi një “triple double” me 35 pikë, 17 rebound dhe 20 asist.

Toronto Raptors pësoi një humbje 112-103 ndaj Portland, ku Shadon Sharpe ishte protagonist me 36 pikë. Po ashtu, skuadra e Miami u mund në shtëpi nga Memphis Grizzlies me rezultatin 110-108, me Ja Morant që udhëhoqi miqtë me 30 pikë, ndërsa 35 pikët e Tyler Herro nuk mjaftuan për të shpëtuar Miami.

Minnesota Timberwolves fitoi 105-90 kundër Brooklyn Nets, me Anthony Edwards që shënoi 28 pikë.

Rezultatet e tjera:

Philadelphia – Milwaukee: 113-126

Washington – Orlando: 97-109

Brooklyn – Minnesota: 90-105

Miami – Memphis: 108-110

Toronto – Portland: 103-112

Lakers – Golden State: 116-123

Continue Reading

Sport

Xhiro e 27 e Superligës, ndeshje kyçe për Malishevën dhe Prishtinën

Published

on

By

Do të hapet sot xhiro e 27 e Superligës së Kosovës në futboll dhe do të zhvillohen dy ndeshjet mjaftë interesante.

Padyshim se vëmendja kryesore do të jetë në stadiumin “Liman Gegaj” në Malishevë, aty ku do të përballen Malisheva dhe Prishtina.

Ky ballafaqim sa rëndësi të madhe pasi që këto dy skuadra janë në luftë direkte për pozitën e tretë që siguron pjesëmarrjen në garat evropiane në sezonin e ardhshëm.

Aktualisht, Malisheva është e renditur në vendin e tretë me 41 pikë, kurse Prishtina e katërta me 35 sosh. Ndeshja do të zhvillohet me fillim nga ora 15:00.

Ndeshja tjetër e cila zhvillohet në të njëjtën kohë është ajo ndërmjet Feronikelit 74’ dhe Dritës. Derista Drita tashmë është një hap larg titullit kampion si liderë me 57 pikë, Feronikeli po lufton për ta shmangur largimin nga Superliga, edhe pse duke mjaftë mision i pamundur pasi ka vetëm 14 pikë në vendin e fundit.

Continue Reading

Të kërkuara