Lajmet

Pesë hapa që të bëni punën që ju pëlqen

Published

5 years ago

on

Hapi 1: Hidhni një vështrim tek eksperiencat e para të karrierës suaj

Çfarë ju pëlqente të bënit dhe çfarë jo në gjithë eksperiecat e punës që keni patur deri tani? Është e rëndësishme të bëjmë një punë që na pëlqen … dhe jo një punë që urrejmë! Gjithashtu, mendoni për internshipet dhe aktivitetet vullnetare që keni bërë në të shkuarën. Këto nuk kanë pse të jenë gjëra ku ju jeni ekspertë ose ku ju paguajnë një sasi të madhe parash. Ato mund të jenë hobe ose gjëra që ju mund t’i bëni për orë të tëra pa u lodhur!

Hapi 2: Përcaktoni vlerat tuaja

Me qëllim që të keni një jetë të lumtur dhe të suksesshme duhet të njihni gjërat që vlerësoni  në jetën personale dhe atë profesionale. Mbajtja parasysh e këtyre vlerave kur zgjidhni të bëni një punë mund të jetë faktori më i rëndësishëm që përcakton nëse do të jeni ose jo të kënaqur. Pyesni veten, “Cilat janë gjërat më të rëndësishme në jetën time deri tani? Cilat janë gjërat më të rëndësishme që mund të pëlqej në punën time?”  Gjërat që ju vlerësoni apo i jepni prioritet mund të ndryshojnë përgjatë karrierës tuaj, kështu që mos u shqetësoni nëse sot ju i jepni më shumë prioritet familjes tuaj dhe pasi mbaroni studimet vlerësoni më shumë paratë! Secili prej nesh është i ndryshëm nga tjetri, kështu mendohuni mirë çfarë vlerësoni më shumë në jetën dhe  punën tuaj.

Hapi 3: Përcaktoni qëllimin dhe misionin tuaj

Gjetja e qëllimit është arsyeja e parë pse njerëzit kohët e fundit kanë ndryshuar dhe pëlqejnë të ndryshojnë punën e tyre. Kjo lidhet me atë që PSE ju zgjoheni dhe shkoni në punë çdo mëngjes. Çdo person duhet të ketë pasionin dhe qëllimin për ta bërë një punë, përndryshe ajo do të bëhej e mërzitshme. Pyesni veten, “A kam ardhur në këtë botë për një qëllim të caktuar, për të bërë një punë që vetëm unë mund ta bëj?”

Hapi 4: Përcaktoni aftësitë tuaja të preferuara

Një aftësi është një zotësi ose mjeshtëri (njohuri speciale). Një aftësi e preferuar është një aftësi që jo vetëm e zotoni, por gjithashtu jeni i interesuar dhe i gatshëm ta përdorni. Ky është ndryshimi mes aftësisë dhe aftësisë së preferuar. Për shëmbull, në punën tuaj aktuale, ju jeni shumë i aftë, por urreni ta bëni. Kur jemi të mirë në diçka, është më e thjeshtë të ngrihemi në detyrë dhe ngjitemi më shumë pas saj edhe pse e urrejmë atë gjë. Është e rëndësishme të përcaktoni cilat janë gjërat në të cilat jeni i mirë por edhe që doni të bëni.

Hapi 5: Përcaktoni ditën tuaj ideale në punë dhe mjedisin ideal të punës

Vizualizimi i ditës tuaj ideale të punës do t’ju japë një informacion të vlefshëm për ta përdorur në zhvillimin e planit tuaj të karrierës dhe do t’ju ndihmojë në arritjen e qëllimeve në karrierë. Shumë njerëz nuk i japin mundësi vetes të mendojnë se si do të dukej dita e tyre ideale e punës. A përfundon dita juaj e punës duke thënë,“ Si iku kaq shpejt dita?„ Në këtë rast ju mund të jeni viktimë dhe t’ju ketë marrë rrjedha e ditës, në vend që të bëni atë që doni në ditën tuaj të punës.

Related Topics:
Continue Reading

Lajmet

Prizren: Humb jetën një punëtor pasi u zu nga vinçi i rrëzuar në vendin e punës

Published

7 minutes ago

on

June 22, 2026

By

Një punëtor ka humbur jetën paraditen e së hënës në Prizren, pasi është zënë nga një vinç që u rrëzua në një punishte.

Ngjarja ka ndodhur në lagjen Arbana, ku sipas informacioneve fillestare, vinçi është rrëzuar gjatë punës, duke lënë të bllokuar një punëtor.

Pas incidentit, kolegët e viktimës kanë tentuar ta nxjerrin atë nga vendi ku ishte zënë, por fatkeqësisht ai nuk ka arritur t’u mbijetojë plagëve të marra.

Indeksonline ka siguruar pamje nga vendi i ngjarjes, ku shihen momentet pas rrëzimit të vinçit dhe përpjekjet e punëtorëve për të shpëtuar kolegun e tyre.

Autoritetet kanë dalë në vendin e ngjarjes dhe pritet të sqarojnë rrethanat e plota të aksidentit./Indeks online/ /E.A/

Continue Reading

Lajmet

Prishtinë: Policia realizon 134 urdhëresa gjykate dhe sekuestron armë gjatë javës së kaluar

Published

2 hours ago

on

June 22, 2026

By

Zyrtarët policorë të rajonit të Prishtinës kanë vazhduar aktivitetet e tyre gjatë javës së kaluar në lokacione të ndryshme dhe aksione të ndara operative.

Sipas të dhënave zyrtare, janë realizuar gjithsej 134 urdhëresa të gjykatës, prej të cilave 35 kanë të bëjnë me vepra penale, ndërsa pjesa tjetër me kundërvajtje, seanca gjyqësore dhe verifikime të ndryshme.

Pas përfundimit të procedurave policore, personat e dënuar me burgim janë dërguar për vuajtje të dënimit, ndërsa ata të dënuar me gjobë janë liruar pas përmbushjes së obligimeve të përcaktuara në urdhëresa.

Në kuadër të aktiviteteve të tjera të sigurisë, policia ka sekuestruar 10 armë zjarri të llojeve dhe kalibrave të ndryshëm, si dhe sasi të municionit.

Ndërkohë, në fushën e sigurisë në trafikun rrugor, janë shqiptuar gjithsej 3,814 masa administrative me gjobë për shkelje të ndryshme të kodit rrugor, prej të cilave 567 janë evidentuar nga vetura inteligjente dhe radarët mobilë.

/A.K/

Continue Reading

Lajmet

Apel për qytetarët në Pejë: Kujdes i shtuar ndaj zjarreve gjatë temperaturave të larta

Published

2 hours ago

on

June 22, 2026

By

Policia e Kosovës u bën apel qytetarëve në rajonin e Pejës që të tregojnë kujdes të shtuar gjatë ditëve me temperatura të larta, për shkak të rrezikut të shtuar nga zjarret.

Duke u bazuar në përvojat e viteve të kaluara, Policia thekson se zjarret paraqesin rrezik serioz për jetën e qytetarëve dhe shkaktojnë dëme të mëdha materiale kudo që shfaqen.

Qytetarët kërkohet të shmangin ndezjen e zjarreve në ambiente të hapura dhe të raportojnë menjëherë tek autoritetet çdo person të dyshuar për zjarrvënie apo veprime të pakujdesshme që mund të shkaktojnë zjarr.

Po ashtu, Policia e Kosovës paralajmëron se do të ndërmarrë masa ligjore ndaj çdo individi që rrezikon jetën apo pronën e qytetarëve, qoftë me dashje apo nga pakujdesia.

Apeli u drejtohet të gjithë qytetarëve që të jenë maksimalisht të kujdesshëm gjatë përdorimit të mjeteve që mund të shkaktojnë zjarr, si shkrepëset, cigaret, grillat dhe zjarret në natyrë.

/A.K/

Continue Reading

Lajmet

PDK dorëzon dy ankesa në PZAP, KQZ në pritje të vendimit për rezultatet përfundimtare

Published

3 hours ago

on

June 22, 2026

By

Komisioni Qendror i Zgjedhjeve është në pritje të përfundimit të shqyrtimit të ankesave lidhur me procesin zgjedhor, para se të shpallë rezultatet përfundimtare të zgjedhjeve të parakohshme për Kuvendin e Kosovës.

Zëdhënësi i KQZ-së, Valmir Elezi, ka deklaruar se shpallja e rezultateve varet nga përmbyllja e procedurave ankimore dhe vendimet që do të merren nga institucionet përkatëse.

Ai theksoi se pas këtyre vendimeve do të vlerësohet nëse ato përmbajnë obligime konkrete për KQZ-në.

Dy ankesa lidhur me procesin e rinumërimit janë dorëzuar në Panelin Zgjedhor për Ankesa dhe Parashtresa (PZAP), pas përfundimit të afatit 48-orësh të ankimimit të dielën në mesditë.

PZAP ka afat prej tre ditësh për të vendosur lidhur me këto ankesa, të cilat janë paraqitur nga Partia Demokratike e Kosovës (PDK), njëra të premten dhe tjetra të shtunën.

/A.K/

Continue Reading

Të kërkuara