Shëndet

Pesë gabime që bëjmë me higjienën pa e ditur se janë të dëmshme

Gabimi më i shpeshtë është se fytyrën e lajmë gjithmonë pas aktivitetit fizik, jo para.

Published

3 years ago

on

I lajmë dhëmbët gjithmonë në të njëjtin drejtim

Duke i larë në të njëjtin drejtim, ne i kushtojmë vëmendje gjithmonë zonës që lahet fillimisht. Pjesa e dhëmbëve që pastrojmë në fund nuk merr kohën e nevojshme sepse ne kemi tendencën të lodhemi nga koha e këtij procesi. Dentistët sugjerojnë të mos mbajmë të njëjtën drejtim furçe dhe të nisim gjithmonë në drejtime të ndryshme për t’i larë ato në mënyrë më efektive.

Fytyrën e lajmë gjithmonë pas aktivitetit fizik, jo para

Ekspertët thonë se është më efektive që fytyra të lahet para se të nisim aktivitetin fizik. Eshtë më mirë ta pastrojmë lëkurën nga çdo make up apo papastërti në avancë. Kështu nuk do t’ju duhet të shqetësoheni për fytyrën pas stërvitjes. Nëse doni se s’bën ta lani, të paktën mos përdorni letra të lagura për të fshirë djersën,

I prisni thonjtë kur janë të lagur

Duke qenë se zbuten, ju duken më të thjeshtë për t’u prerë, por në fakt kjo metodë sjell më shumë disavantazhe sepse thonjtë mund të ndryshojnë drejtimin dhe madje të ngjiten edhe nëpër veshje. Prisni deri sa të jenë plotësisht të thata.

Pas dushit kemi tendencën ta thajmë plotësisht trupin

Ekspertët nuk këshillojnë tharjen e plotë të trupit pas dushit. Përmes peshqirit ne heqim gjithë qelizat e vdekura që shërbejnë për të mbrojtur lëkurën. Më mirë është të presim që lëkura të thahet në mënyrë natyrale dhe pastaj të përdorim shumë lehtë një peshqir duke e tamponuar mbi trup.

Pastrojmë veshët, por harrojmë të lajmë pjesën mbrapa të tyre

Në fakt, veshi nga brenda nuk është i nevojshëm fare të pastrohet përmes kunjave të posaçme sepse dylli është lëndë e nevojshme për shëndetin e tij. Ajo çfarë ndodh të harrojmë shpesh është pjesa mbrapa e veshit që rekomandohet të lahet në mënyrë të rregullt pasi në të kundërt mund të shkaktojë aromë të pakëndshme.

Related Topics:
Continue Reading

Shëndet

Një pilulë, një rrezik, mos vozitni nën ndikimin e barnave!

Published

1 day ago

on

November 21, 2025

By

Shumë aksidente rrugore ndodhin si pasojë e përdorimit të barnave, duke përfshirë edhe ato që duket se nuk janë të rrezikshme, si barnat për gripin.

Barnat që ndikojnë më shumë në aftësitë vozitëse janë anksiolitikët (për qetësim), që ngadalësojnë reagimin dhe vlerësimin e largësisë ndërmjet automjeteve.

Të shmangshme për shoferët janë edhe:

Antidepresivët – kundër depresionit

Analgjetikët e fortë – kundër dhimbjes

Antihistaminikët – kundër alergjisë

Statistikat tregojnë se 3–7% e aksidenteve ndodhin për shkak të përdorimit të këtyre barnave gjatë vozitjes. Për siguri, duhet të kalojnë 12 orë nga marrja e barnave deri tek momenti i vozitjes. Përdorimi i tyre më herët rrit ndjeshëm rrezikun për shoferin dhe të tjerët në rrugë.

Vlerësohet se afër 10% e shoferëve përdorin barna për qetësim, duke i ekspozuar veten ndaj rreziqeve të mundshme. /A.Z/UBT News/

Continue Reading

Shëndet

Hani këto fruta në mëngjes dhe ndjeni fuqinë e stomakut bosh

Published

1 day ago

on

November 21, 2025

By

Të hash fruta me stomak bosh në mëngjes është mënyra më e mirë për të nisur ditën.

Kjo ndihmon në pastrimin e organizmit, rrit energjinë, përmirëson tretjen dhe ndihmon në humbjen e peshës.

Frutat janë të pasura me vitamina dhe minerale, por përthithja e tyre maksimale varet nga koha e konsumit.

Nëse hani fruta pas vakteve, vlerat ushqimore ulet, sepse  fermentohen me ushqimin tjetër, duke krijuar acid dhe duke penguar tretjen.

Frutat më të mira për mëngjes:

Kivi: Burim i shkëlqyer i magnezit, kaliumit, vitaminës E dhe C.

Molla: Përmban antioksidantë dhe flavonoidë që ndihmojnë vitaminën C.

Luleshtrydhet: Antioksidantë që mbrojnë nga radikalet e lira dhe probleme të zemrës.

Portokalli: Ul kolesterolin, parandalon gurët në veshka dhe forcon imunitetin.

Fiqtë: Japin energji, qetësojnë organizmin dhe rregullojnë presionin e gjakut.

Shalqini: Përbëhet 92% nga uji, hidratuese dhe e pasur me vitamina, kalium dhe antioksidantë. /A.Z/UBT News/

Continue Reading

Shëndet

Studimi i ri: Omega-3 nuk jep përfitime për diabetikët

Published

2 days ago

on

November 21, 2025

By

Shtesat me Omega-3, acide yndyrore që gjenden kryesisht tek peshqit dhe që shpesh rekomandohen për të parandaluar sëmundjet kardiovaskulare, nuk ofrojnë mbrojtje për personat me diabet, sipas një studimi të ri britanik.

Ky përfundim i shtohet disa hulumtimeve të mëparshme që vënë në dyshim efektin mbrojtës të Omega-3.

Në studim morën pjesë mbi 15,000 persona me diabet, por pa histori sëmundjesh të zemrës.

Pjesëmarrësit u ndanë rastësisht në dy grupe: njëri mori çdo ditë kapsulë Omega-3, ndërsa grupi tjetër një kapsulë placebo me vaj ulliri.

Ata u monitoruan për më shumë se shtatë vjet. Rezultatet, të publikuara në revistën amerikane “New England Journal of Medicine”, treguan se numri i sulmeve të zemrës, kancereve dhe vdekjeve ishte pothuajse i njëjtë në të dy grupet.

Nuk u vu re asnjë përfitim nga përdorimi i përditshëm i Omega-3 për parandalimin e sëmundjeve kardiovaskulare tek diabetikët.

Këto gjetje përputhen edhe me një analizë të gjerë të 10 studimeve, që përfshinë 78,000 persona dhe u botuan në “JAMA Cardiology” në vitin 2018, e cila arriti në përfundimin se Omega-3 nuk parandalon sëmundjet e zemrës tek personat e rrezikuar. /A.Z/UBT News/

 

 

Continue Reading

Shëndet

Marramendja që paralajmëron goditjen në tru, si ta identifikoni?

Published

2 days ago

on

November 21, 2025

By

Truri reagron ndaj mungesës së oksigjenit me shenja të lehta që shpesh ngatërrohen me lodhje.

Një nga më të rëndësishmet është marramendja, e cila mund të jetë e padëmshme, por në disa raste sinjalizon goditje në tru.

Kur marramendja lidhet me goditjen në tru

Shfaqet papritur, pa shkak dhe e bën të pamundur ecjen e pavarur, tregon dëmtim në trungun e trurit ose trurin e vogël. Ajo shpesh shoqërohet me përzierje, humbje ekuilibri dhe ndjesinë sikur gjithçka rrotullohet.

Marramendja qendrore

Ndryshe nga marramendjet e shkaktuara nga çrregullimet e veshit, marramendja qendrore zgjat më gjatë (20 minuta deri 24 orë), shoqërohet me shenja neurologjike si shikim i dyfishtë, vështirësi në të folur, dobësi në gjymtyrë dhe ecje të paqëndrueshme. Kjo formë lidhet me dëmtim të përhershëm të qelizave të trurit, nëse nuk trajtohet.

Faktorët e rrezikut

Hipertensioni, diabeti, kolesteroli i lartë dhe duhanpirja rrisin rrezikun e goditjes, ndaj vlerësimi i shpejtë mjekësor është thelbësor.

Simptoma tjera paralajmëruese:

dobësi ose mpirje e papritur në fytyrë, krah apo këmbë

vështirësi në të folur ose kuptim

humbje e shikimit / shikim i dyfishtë

humbje ekuilibri

dhimbje koke shumë e fortë dhe e menjëhershme

konfuzion ose humbje vetëdijeje

Çdo marramendje e fortë dhe e papritur është shenjë alarmi. Diagnostikimi dhe trajtimi i menjëhershëm mund të parandalojnë dëmtime të përhershme dhe të shpëtojnë jetë. /A.Z/UBT News/

 

 

 

 

ChatGPT can make mistakes. Check important info.

Continue Reading

Të kërkuara