Sport

Përzgjedhësi i Maqedonisë: E respektojmë Kosovën, mirëpo ne mendojmë për fitore

Published

5 years ago

on

Përzgjedhësi i Kombëtares së Maqedonisë së Veriut, Igor Angelovski, është treguar i kujdesshëm me fjalët për Kosovën, teksa ka thënë se është optimist për ndeshjen e nesërme.

Ai ka thënë se beson se nesër lojtarët e tij do të japin maksimumin si asnjëherë më parë në karrierën e tyre, duke theksuar dëshirën që edhe tifozët të lejoheshin të jenë në stadium, marrë parasysh faktin se ndeshja luhet në terrenin e Maqedonisë së Veriut.

“Nëse për diçka jam i sigurt është ajo se lojtarët nesër do ta japin maksimumin si kurrë më parë në karrierën e tyre. Është fakt se është e çuditshme të luhet në kushte të këtilla. Mirëpo, për këtë nuk është fajtor askush”, thekson Angelovski.

“Të gjithë do të dëshironim të luanim në një stadium të mbushur plot, se është përparësia e terrenit vendas, rregullat dhe kushtet janë të tilla si janë dhe ne do të japim gjithçka nga vetja që ta fitojmë atë ndeshje”, ka deklaruar Igor Angelovski për shtyp.

Faktorin e lëndimeve e përmendi edhe selektori i Maqedonisë, mirëpo u arsyetua duke thënë se që të dy skuadrat kanë mungesa.

“Të dyja skuadrat do të jenë të pakompletuara. Ne jemi pa Elmasin, kurse Kosova do të jetë pa futbollistë kyç… E respektojmë maksimalisht kundërshtarin, por kur të fillojë ndeshja do të mendojmë vetëm për fitore”, ka shtuar ai.

Nesër do të jetë një përballje interesante, ku fituesi i takimit do të sigurojë një biletë për finalen e play-off’it, që do të përballet me fituesin e ndeshjes Gjeorgjji-Bjellorusi./UBTNews

Related Topics:
Continue Reading

Sport

18 vite mik me topin e basketbollit! Drilon Hajrizi vjen me një rrëfim krejtësisht ndryshe

Published

3 days ago

on

May 17, 2025

By

Pjesë e emisionit “n’RITËM” me autore dhe moderatore Albina Zeneli, ishte basketbollisti i njohur Drilon Hajrizi.

Ai jep kontribut në KB Trepca e foli për fitoren kundër Bashkimit me rezultat 80:74, e po ashtu tregoi pak detaje sa i përket përballjes së radhës që do ta kenë të dielen nga ora 19:00 në Prizren, e në rast se ky ekip fiton bëhet kampion duke e mbrojtur titullin.

Tash e 18 vite si një sportist profesionist, Driloni jep ca këshilla edhe për studentët e rinj duke theksuar se ky profesion është njëherë pasion por gjë me rëndësi unike sigurisht që sipas tij është shkollimi sepse mendon se është e vetmja metodë që nuk të lë pa financa.

Për më shumë detaje ju ftojmë ta ndiqni intervistën e plotë në linkun e mëposhtëm. /UBT News/

https://www.facebook.com/campusradio100.7/videos/649951138079163

Continue Reading

Sport

Xherdan Shaqiri zgjedhet lojtari më i mirë i javës në ligën elitare të Zvicrës

Published

6 days ago

on

May 14, 2025

By

Ylli kosovar Xherdan Shaqiri është zgjedhur lojtari më i mirë i javës në kampionatin elitar të Zvicrës.

Swiss Football League ka shkruar se ky ndoshta ishte vendimi më i lehtë i gjithë sezonit.

Kjo pasi që nga rikthimi i XS te skuadra e Bazelit, sulmuesi ka shkëlqyer gjatë edicionit.

Shaqiri ka përjetuar një sezon të jashtëzakonshëm në Superligën e Zvicrës, duke arritur ta rikthejë ekipin te titulli kampion pas tetë vitesh.

Continue Reading

Sport

Xabi Alonso, së shpejti trajner i Real Madridit

Published

1 week ago

on

May 12, 2025

By

Shumë shpejt, Xabi Alonso pritet të të konfirmohet si trajner i ri i Real Madridit.

Spanjolli ka njoftuar ditë më parë për largimin e tij nga Bayer Leverkuseni, ndërsa tani ka arritur marrëveshje me klubin e madrilenëve.

Kjo,sipas ekspertit të transferimeve, Fabrizio Romano.

“Xabi Alonso te Real Madrid! Historia e konfirmuar dhe marrëveshja e nënshkruar për Xabin si trajner i ri deri në vitin 2028. Stafi i kompletuar, kontrata në fuqi dhe një marrëveshje tre-vjeçare për Alonson, me Realin që planifikon që ai fillojë në Kupën e Botës për Klube”.

“Lamtumira e Ancelottit së shpejti, pastaj epoka e Xabit”, ka shkruar Romano.

Continue Reading

Sport

Legjenda e mundjes Sabu vdes në moshën 60 vjeçare

Published

1 week ago

on

May 12, 2025

By

Sabu , një nga legjendat e mundjes profesionale , ndërroi jetë papritur në moshën 60 vjeç. Shkaku i vdekjes së mundësit, emri i vërtetë i të cilit ishte Terry Branc, ende nuk është bërë i ditur.

Sabu e kishte bërë ndeshjen e tij të fundit një javë më parë, gjë që shënoi tërheqjen e tij nga ringu, ai ishte bërë i famshëm për ndeshjet e tij jashtë fushave me shkallë, karrige, tavolina, tela me gjemba dhe objekte të tjera.

Nuk ishte rastësi që atij iu dha nofka: Maniaku vetëvrasës, vrasës dhe që sfidon vdekjen.

Sabu, i cili ishte nipi i The Sheik, një ish-yll i mundjes, kishte qenë dy herë kampion i peshave të rënda ECW dhe tre herë kampion i tag teams. Mundësi 60-vjeçar e kaloi pjesën më të madhe të karrierës së tij në ECW në vitet ’90 përpara se të transferohej në WWE në mesin e viteve 2000.

Continue Reading

Të kërkuara