Lajmet

Përurohet rinovimi i soliterëve nga MCC

Në këtë përurim ka marrë pjesë edhe kryeshefja ekzekutive e MCC-së, Alice Albright.

Published

2 years ago

on

Në lagjen Ulpiana në kryeqytet sot është bërë përurimi i punimeve të rinovimit të 5 soliterave të bëra efiçiente në kuadër të Rinovimeve për Efiçiencë në ndërtesat banesore-AER të programit SEEK financuar nga Koorporata e Sfidave të Mijëvjecarit dhe implementuar nga Fondacioni i Mileniumit të Kosovës.

Në këtë përurim ka marrë pjesë edhe kryeshefja ekzekutive e MCC-së, Alice Albright, e cila është edhe vajza e ish-sekretares amerikane Madeleine Albright. Albright u shpreh se MCC bashkë me Qeverinë e Kosovës do të thellojë bashkëpunimin për investimeve në fushën e energjisë.

“Për fat të keq kërkesa për energji elektrike të besueshme në Kosovë po e tejkalon shumë më shumë ofertën. Një program i tillë si ky që është këtu në Kosovë ka ndihmuar për të krijuar bazë mbi të cilën qeveria e Kosovës mund të vazhdoj një të ardhme me energji më të mirë dhe energji më efiçiente për të gjithë qytetarët e Kosovës. Përmirësimi i efiçiencës së energjisë është nga masat me koston më efikase që vendet mund të ndërmarrin duke zvogëluar emetimet e gazrave si dhe zvogëluar ndotjen dhe për të mbështetur zhvillimin ekonomik dhe zvogëluar varfërinë. Përmes këtij investimi janë rinovuar pesë ndërtesa shumëkatëshe për të përmirësuar efiçiencën dhe energjinë dhe është vetëm pjesë e një pilotprogrami në shkallë më të gjerë për të testuar një mënyrë të re për qeverinë dhe donatorët tjerë se si mund të bëjnë bashkëfinancime për të bërë rinovime dhe rritjes së efiçiencës së energjisë. Dëshrioj t’ju përgëzoj për rinovimet e këtyre ndërtesave dhe po duken shumë më bukur dhe shpresoj se vet banorët do të shijojnë punën e rëndësishme që është bërë efiçiencën e energjisë… ky nuk është fundi i programit të partneritet sepse ne do ta vazhdojmë atë sepse në korrikun që shkoi MCC dhe qeverisë së Kosovës kanë nënshkruar një kontratë të re prej 202 milionë dollarë për programin kompakt të MCC-së i cili do të bazohet në sukseset e program, do të thelloj partneritetin dhe do të siguroj investim më të madh për energji në vend”, tha ajo.

Ambasadori i ShBA-ve në Kosovë, Jeffrey Hovenier tha se kriza energjetike në Evropë ka pas ndikim më të madh në Kosovë, por shtoi se si ShBA po e ndihmojnë Kosovën në zvogëlimin e varfërisë nga thëngjilli. Hovenier u shpreh se investimet në efiçiencë të energjisë janë mënyra më efikase se si Kosova mund të lëvizë përpara.

“Qeveria e ShBA-ve është duke u ndihmuar që të zvogëloj këtë varësinë që e ka pikërisht në thëngill dhe në afat të shkurt dhe të mesëm kjo është një prej arsyeve kryesore dhe mënyra e vetme se si mund të ndihmohet Kosova…. Investimet në efiçiencën e energjisë janë njëra nga mënyrat më efikase se si Kosova mund të lëvizë përpara për të kaluar hendekun në mes të ofertës dhe kërkesës….këtu kemi një partneritet ku 60% është investuar nga MCC, 30% nga komuna dhe 10% nga vet banorët dhe kjo nënkupton gjithë atë partneritet të fortë. Shpresojmë që banorët do të gëzojnë një dimër më të ngrohtë”, tha ai.

Ministrja e Ekonomisë, Artane Rizvanolli tha se investimet e tilla në efiçiencë të energjisë të mundësuara nga MCC ndikojnë në kursim të energjisë elektrike dhe ruajtje të buxhetit të Kosovës. Ajo theksoi se në vitin e ardhshëm me mbështetjen e qeverisë do të rrisin numrin e shtëpive të cilat do të jenë efiçiente.

“Investimet e tilla kanë benefite të shumëfishta për banorët dhe shtetin në tërësi dhe ambientin përveq që rrisin komfroin e banorëve dhe ulin faturat e energjisë dhe ulin buxhetin e shtetit duke ulur nevojën për subvencione…kemi filluar me një fond prej 6 milionë euro për masat e efiçiencës për familje për pajisje efiçiente të ngrohjes të cilët janë pritur tejet mirë nga qytetarët. Për vetëm 6 ditë kemi pasur mbi 6 mijë aplikime, masat e ngjashme do të vazhdojnë edhe në të ardhmen me investime të tilla sikur këto që rrisin efiçiencën e ndërtesave dhe shtëpive në mënyrën se si banorët ashtu edhe shteti të ketë përfitim të cilët vijnë posaqërisht në kohë të tillë të vështirë sikur kjo”, theksoi ajo.

Kryetari i komunës së Prishtinës, Përparim Rama u shpreh se falë një bashkëivestimi të mirëfilltë te satelitët në Ulpianë që janë edhe ikona e kryeqytetit po ndikohet në përmirësimin e jetës së qytetarëve.

“Është një bashkëinvestim i mirëfilltë për transformimin e kryeqytetit këtë mundësi të bashkëpunimit mund ta marrim si një koncept mbi të cilin mundemi me punu dhe me vazhdu punën nëpër pjesë të ndryshme të kryeqytetit e pikërisht edhe jemi duke bërë invetarizimin e ndërtesave të tjera ku mund të bëjmë intervenime të ngjashme. Kemi edhe probleme të tjera si kulmet e azbestit që cënojnë edhe shëndetin e njeriut dhe me largimin e tyre mundemi me i përdorë edhe elementet tjera që na ndihmojnë në energji e efiçiencë si për shembull panele solare… të gjitha këto intervenime janë po ashtu edhe pjesë e programit tonë edhe për ndërtesat e reja nëpërmjet rregulloreve të reja tash të gjitha ndërtesat e reja do të kenë një standard më të madh në aspektin e energjisë dhe efiçiencës”, tha Rama.

Drejtori i përgjithshëm i Millenium Foundation Kosovo (MFK), Petrit Selimi u shpreh se banesat e Ulpianës kanë qenë në rrezik por fal investimeve të MCC-së tashmë banorët e kësaj ane do të shpenzojnë më pak energji elektrike dhe vlera e komunitetit do të jetë më e lartë.

“Banesat e Ulpianës kanë qenë rrezik për jetë. Pjesët e metalit kanë rënë në tokë nuk ka pas fare efiçiencë energjetike hyrjet kanë qenë në gjendje të tmerrshme ka qenë pikëpyetje dhe debat me MCC a të hyjmë në Ulpianë apo jo? Ne kemi investuar në Lipjan, Artanë, Gjakovë, Mitrovicë dhe komunën e Vitisë….kemi rregulluar 1 mijë shtëpi private anë e mbarë Kosovës në të gjitha komunat ku kemi dhënë subvencione për të ndihmuar familjet kosovare të investojnë edhe ata vet në zvogëlim të rrymës së shpenzuar, faturave…Këtu janë mbi 200 familje dhe mbi 1 mijë kosovarë qytetarë të Prishtinës të cilëve ju premtoj se kur të përfundojnë brenda 1 muaji kah 20 nëntori do të jenë në banesa me vlerën më të madhe, do të jenë më të ngrohta, do të shpenzojnë më pak rrymë por edhe vlera e komunitetit do të jetë shumë më e lartë duke treguar një vlerë më të shtuar të gjithë komunitetit tonë”, u shpreh Selimi. 

Related Topics:
Continue Reading

Lajmet

​Punëtoret teknike në Kuvend refuzojnë takimin me anëtarët e Komisionit për të drejtat e njeriut

Published

10 mins ago

on

November 22, 2024

By

Gratë greviste, punëtore teknike në Kuvendin e Kosovës, kanë refuzuar të marrin pjesë në takimin me anëtarët e komisionit parlamentar për të drejtat e njeriut. Sipas tyre, deputetët s’kanë bërë asgjë dhe i kanë anashkaluar kërkesat e grave greviste, andaj takimi tani është i padobishëm.

Në emër të grave greviste foli kryetari i Sindikatës së Punëtorëve të Sektorit Privat, Jusuf Azemi, i cili tha se zëvendësimi i tyre në Kuvendin e Kosovës, është çështje ligjore dhe po presin raportin e Inspektoratin e Punës.

“Nuk kemi bërë asgjë për neve. Na keni lënë në temperatura -5 këtu dhe tani e gjithë kjo do të përfundojë në Inspektorat të Punës. Keni thënë nga Kuvendi se kjo ka prapavijë politike dhe shumë gjëra. Ne kemi kërkuar 550 euro dhe i kemi pas 270 euro, mirëpo s’keni bërë asgjë. Marre për Kuvendin e Kosovës. Ne kemi besuar në ligj dhe sot po besojmë në ligj. Tani s’na nevojitet askush, mirëpo na nevojitet raporti i Inspektoratit të Punës. Ju jeni ata që na keni qit në holl të Kuvendit, që keni thyer ligjin e grevës dhe ne jemi gjithçka në rregull”, tha ai.

Për të diskutuar me gratë greviste doli kryetarja e komisionit, deputetja Duda Balje, e cila kërkoi nga punëtoret teknike të Kuvendit të mbajnë takim, mirëpo që edhe ajo u refuzua.

“Ne kemi lënë Kuvendin dhe personat përgjegjës për me gjetë zgjidhje për këtë punë. Ne kemi menduar si komision që me gjetë zgjidhje. Nëse doni me hy brenda ne si komision mendojmë se është shkelje e drejtave dhe i kemi thirrë gratë me bisedu me neve. Keni thirrje publike që me hy brenda dhe me gjetë zgjidhje”, tha ajo.

Pas refuzimit, deputetja Balje vazhdoi mbledhjen e komisionit. Ajo tha se pas takimit me gratë greviste kanë menduar të thërrasin Sekretarin e Kuvendit dhe përgjegjësit e kompanisë së pastrimit në Kuvend.

“Në momentin kur kemi konstatu si komision se është problemi i madh. Ne sot kemi vendos me thirrë dhe bisedu me gratë. Kurse javën tjetër me thirrë sekretarin dhe pronarin e firmës që është përgjegjës dhe me punu me gjetë një zgjidhje. Ato refuzuan me qenë me neve”, shtoi ajo.

Ndërkaq, anëtarja e komisionit, deputetja e LVV-së, Fatmire Kollçaku, tha se shkëputja e njëanshme e kontratës nuk i kontribuon këtij rasti.

Mirëpo ajo tha se ende si komision nuk i disponojnë të gjitha informatat për këtë rast dhe se tani po trajtojnë a janë shkel të drejtat e punëtorëve, rrjedhimisht edhe të njeriut.

“Një shkëputje e njëanshme nuk i kontribuon këtij rasti, mirëpo ende ne nuk disponojmë të gjitha informatat. Ne tash kemi fillu me trajtu nga këndvështrimi a janë shkel të drejtat të punëtorëve dhe të njeriut”, theksoi ajo.

Deputetja e PDK-së, Eliza Hoxha tha se janë shkelur të drejtat e njeriut me rastin e punëtorëve teknike të Kuvendit të Kosovës.

“ Më vjen keq që s’kanë ardhur zonjat, mirëpo ato e kanë të drejtën e tyre mos me ardh. Kompania është çelësi dhe thelbi kryesor që duhet me u marrë. Nëse ka ndonjë klauzolë në secilën kompani që ka shërbyer në këtë kuvend pasi ka qenë shërbim i privatizuar nga jashtë, mirëpo me klauzolën që do të përdoren njerëzit që punojnë brenda. Kushdo qoftë që ka qenë kompania të njëjtat gra i ka aktivizuar në proces të punës. Çka ka ndodh tash është thelbi i problemit. E para që s’janë kontributet e tyre herë pas here dhe e treta i kanë dërgu gratë me punu zyra të tjera jashtë kuvendit dhe askush s’është merr me atë punë. Ne jemi vonu me i dëgju që kanë qëndru para derës sonë aty”, theksoi Hoxha.

Continue Reading

Lajmet

​Shqipja në Maqedoninë e Veriut, çfarë po e pengon zbatimin e ligjit të gjuhëve?!

Published

13 mins ago

on

November 22, 2024

By

Përdorimi i gjuhës shqipe dhe aspekte të tjera, si përdorimi i simboleve kombëtare, përfaqësimi në Parlament dhe në institucione tjera, patën nxitur konflikt të armatosur më 2001, mes shqiptarëve dhe maqedonasve, i cili përfundoi me Marrëveshjen e Ohrit.

Me këtë marrëveshje, Kushtetuta u ndryshua përmes 15 amendamenteve, të cilat rregulluan edhe përdorimin e gjuhëve të tjera në vend, përveç asaj maqedonase. U vendos që gjuhë zyrtare në Maqedoninë e Veriut janë gjuha maqedonase dhe gjuhët e tjera që fliten nga mbi 20 për qind e qytetarëve të vendit.

Kështu, shqiptarëve dhe komuniteteve tjera iu dha mundësia e integrimit në shoqëri, shpjegon REL. Sipas regjistrimit të popullsisë më 2022, Maqedonia e Veriut i ka rreth 2 milionë banorë, nga të cilët 54 për qind janë maqedonas, 29 për qind shqiptarë, ndërsa pjesa tjetër janë pjesëtarë të komuniteteve më të vogla. Përdorimi i gjuhës shqipe është rregulluar ndërkohë edhe me ligje të tjera, përfshirë një të vitit 2008, ndonëse ai, sipas njohësve të drejtësisë, përfshinte një interpretim të ngushtë. Partia VMRO-DPMNE, e cila më 2018 ishte në opozitë, ndërsa sot në pushtet, e kundërshtoi ashpër miratimin e Ligjit, nuk mori pjesë në votim dhe e dërgoi këtë dokument menjëherë në Gjykatën Kushtetuese.

Përveç Ligjit për gjuhët, në Gjykatë u paraqitën edhe kundërshtime tjera dhe, tani, të gjitha ankesat e parashtruara, 13 të tilla, pritet të marrin zgidhje me një vendim që do të bëhet publik në dhjetor. Por ekspertët nuk janë shumë optimistë, e kujtojnë se rasti i shfuqizimit të Balancuesit, mekanizmi që rregullonte përfaqësimin “e drejtë ” të komuniteteve në institucionet shtetërore në këtë vend, tregon se qëllimi mund të jetë një interpretim shumë më i rreptë i të drejtave që burojnë nga marrëveshjet e së shkuarës.

Continue Reading

Lajmet

Sa importon dhe eksporton energji elektrike Kosova?

Published

15 mins ago

on

November 22, 2024

By

Importi i energjisë elektrike në shtator 2024 ishte 166.73 GWh, kurse eksporti i energjisë elektrike në këtë periudhë ishte 114.34 GWh (këtu është e përfshirë edhe sasia e transmisionit).

Ndërsa, gjatë këtij muaji, energjia elektrike bruto në dispozicion ishte 450.55 GWh, kurse konsumi i energjisë elektrike ishte 343.61 GWh ose 4,55 për qind më i vogël krahasuar me muajin e njëjtë të vitit paraprak.

Ndërsa, pjesëmarrja e energjisë elektrike alternative në kuadër të konsumit të përgjithshëm ishte 9,79%.

“Importi i energjisë elektrike në shtator 2024 ishte 166.73 GWh, kurse eksporti i energjisë elektrike në këtë periudhë ishte 114.34 GWh (këtu është e përfshirë edhe sasia e transmisionit)”, thuhet në raportin e Agjencia e Statistikave të Kosovës të publikuar “Statistikat e Energjisë” për muajin shtator 2024 me të dhëna për prodhimin dhe konsumin e thëngjillit, prodhimin dhe konsumin e energjisë, importin dhe eksportin e energjisë, si dhe importin dhe eksportin e energjentëve të tjerë..

Ndësa, sipas ASK-së, prodhimi i thëngjillit ishte rreth 599.92 mijë ton, ose 0,42 për qind më pak sesa në muajin e njëjtë të vitit paraprak.

Continue Reading

Lajmet

​Ushtria ruse humb edhe 1050 trupa të tjera në Ukrainë

Published

17 mins ago

on

November 22, 2024

By

Humbjet luftarake të ushtrisë ruse në Ukrainë nga 24 shkurt 2022 deri më 22 nëntor 2024, arrijnë në afro 728.300 ushtarë, duke përfshirë edhe 1.050 trupa të tjerë të vrarë ose të plagosur në aksion gjatë ditës së kaluar.

Këtë e tha Shtabi i Përgjithshëm i Forcave të Armatosura të Ukrainës në një postim në Facebook , sipas Ukrinform.

Mbrojtësit ukrainas kanë shkatërruar gjithashtu 9,399 tanke armike (+1 ditën e kaluar), 19,156 automjete luftarake të blinduara (+13), 20,736 sisteme artilerie (+5), 1,254 sisteme raketash të shumëfishta lëshimi (+1), 1,004 sisteme të mbrojtjes ajrore ( +1), 369 avionë, 329 helikopterë, 19,260 ajrore pa pilot automjete (+1), 2,764 raketa lundrimi (+8), 28 anije luftarake/prerëse, 1 nëndetëse, 29,777 automjete motorike (+32) dhe 3,675 njësi të pajisjeve speciale (+1).

Continue Reading

Të kërkuara