Lajmet

Përurohet impianti në Prizren, zgjidhet problemi i ujërave të zeza për rreth 50 mijë banorë

Kryeministri Albin Kurti tha se fatkeqësisht në Kosovë ende nuk bëhet menaxhimi i ujërave të ndotura.

Published

5 years ago

on

Me rastin e inaugurimit të impiantit për trajtimin e ujërave të ndotura në Prizren, kryeministri Albin Kurti tha se fatkeqësisht në Kosovë ende nuk bëhet menaxhimi i ujërave të ndotura, për çka ka vlerësuar lart këtë projekt të mbështetur nga Qeveria Gjermane.

Kryeministri Kurti tha po ashtu se orientimi drejt një ekonomie qarkore dhe të qëndrueshme kërkon që Qeveria të rimendojë rolin dhe ripërdorimin e ujërave të ndotura dhe llumit.

“Fatkeqësisht në Kosovë akoma nuk bëhet menaxhimi ujërave të ndotura, të cilat mbeten një ndër ndotësit kryesor të ujërave sipërfaqësore. Në mungesë të sistemeve adekuate ato shkarkohen direkt në lumenjtë e vendit, duke kontaminuar një pjesë të madhe të tyre. Por, përmes sistemeve dhe trajtimit dhe riciklimit ato mund të ripërdoren në procese industriale dhe bujqësi. Lëvizja drejt një ekonomie qarkore, të qëndrueshme kërkon qe ne të rimendojmë rolin dhe ripërdorimin e ujërave të ndotura dhe llumit. Prandaj, jam i nderuar të marrë pjesë në inaugurimin e impiantit për trajtimin e ujërave të ndotura në Prizren. Ky projekt me kosto prej 19.5 milionë euro sot fillon operimin e fazës së parë për 50 mijë banorë ose për 35 përqind të qytetit”, tha Kurti.

Derisa përfaqësuesi i Qeverisë Gjermane, Ual Oel theksoi se partneriteti me Kosovën tash e 20 vjet ka qenë në mbështetje të shumë projekteve në fusha të ndryshme. Ai tha se objektivi kryesor i tyre mbetet përmirësimi i shërbimeve për qytetarët e Kosovës.

“Objektivi kryesor është që të përmirësohet shërbimi për qytetarët e Kosovës dhe të mbrohen burimet mjaft të rralla që janë në Kosovë”, tha Oel.

Zyrtari Qeveritar nga Gjermania dhe kryeministri Kurti paralajmëruan se deri në fillim të vitit të ardhshëm do të përurohen edhe dy impiantë të tjerë, njëri në Gjakovë dhe tjetri në Pejë.

Ambasadori i Gjermanisë në Kosovë, Joern Rohde theksoi se ky investim për impiantin, ai për energji të ripërtërishme dhe parku inovativ janë një përparim i madh në Kosovë, sidomos në vitin e fundit.

“Kjo është ditë e mirë jo vetëm për qytetarët e Prizrenit, por edhe për Kosovën. Është një shembull për miqësinë Kosovës dhe Gjermanisë. Jam qe një vit ambasador në Kosovë, po shoh përparim të madh në Kosovë, sidomos vitin e fundit. Gjermania është një partner i qëndrueshëm që Kosova të bëhet me gjelbër dhe më e qëndrueshme”, tha ai.

Edhe kryetari i komunës së Prizrenit, Mytaher Haskuka ka marrë pjesë në ceremoninë e inaugurimit të impiantit për trajtimin e ujërave të ndotura në Prizren. 

Related Topics:
Continue Reading

Lajmet

Rubio: Anëtarësimi i Kosovës në NATO tani nuk është në krye të agjendës së aleatëve

Published

13 minutes ago

on

June 4, 2026

By

Sekretari amerikan i Shtetit, Marco Rubio, tha se zgjerimi i NATO-s për të përfshirë Kosovën aktualisht nuk është në krye të agjendës së aleatëve, por shtoi se kjo nuk do të thotë se një gjë e tillë nuk mund të ndodhë në të ardhmen.

Gjatë një seance dëgjimore në Komitetin për Punë të Jashtme të Dhomës së Përfaqësuesve, Rubio tha gjithashtu se Shtetet e Bashkuara mbështesin kandidatin italian për postin e ri të përfaqësuesit të lartë në Bosnje e Hercegovinë, duke thënë se besojnë se ai “do ta kryente mirë punën dhe do të ndihmonte në sjelljen e stabilitetit në këtë funksion”.

Sekretari amerikan i Shtetit iu përgjigj pyetjeve të kryetarit të Nënkomitetit për Evropë në Dhomën e Përfaqësuesve, Keith Self, i cili së fundmi ka vizituar Bosnje e Hercegovinën, Serbinë dhe Kosovën. Gjatë seancës, Self e cilësoi situatën në Ballkanin Perëndimor si “jashtëzakonisht të brishtë”.

Self tha se mes Serbisë dhe Kosovës ekziston një “problem i pazgjidhur” dhe i kërkoi Rubios që, në bisedimet me katër vendet anëtare të NATO-s që nuk e njohin pavarësinë e Kosovës dhe që, rrjedhimisht, e bllokojnë anëtarësimin e saj në aleancën ushtarake perëndimore, të mbështesë anëtarësimin e Kosovës në NATO.

Rubio tha se, bazuar në takimet e tij me ministrat e Jashtëm të vendeve anëtare të aleancës, NATO-ja “është e përqendruar në çështje të tjera” dhe se “zgjerimi, posaçërisht në rastin e Kosovës, por edhe në raste të tjera, nuk është në krye të agjendës së këtyre vendeve”. Megjithatë, ai shtoi se kjo “nuk do të thotë se një gjë e tillë nuk do të ndodhë kurrë”.

“Kjo nuk ka pasur vend të rëndësishëm në bisedimet e fundit me aleatët tanë të NATO-s”, tha Rubio.

Kosova synon të bëhet pjesë e NATO-s dhe e Bashkimit Evropian. Por, shtetet që nuk e njohin pavarësinë e saj, të shpallur më 2008, vazhdojnë të jenë pengesë në integrimin euroatlantik të Prishtinës.

Self, së bashku me dy kolegë të tij në Kongres, Ritchie Torres dhe Mike Lawler, ka paraqitur në Dhomën e Përfaqësuesve një rezolute në mbështetje të anëtarësimit të Kosovës në NATO. Në këtë rezolutë thuhet se prania e Kosovës në aleancë është e domosdoshme për mbrojtjen e interesave të sigurisë kombëtare të SHBA-së në Evropën Juglindore.

Të dhënat në këtë artikull janë marrë nga raportimi i “Evropa e Lirë”.

Continue Reading

Lajmet

Tri raste të dhunës në familje, të dyshuarit lirohen me vendim të prokurorit

Published

26 minutes ago

on

June 4, 2026

By

Sipas raportit të fundit të Policisë së Kosovës, gjatë ditës së djeshme janë regjistruar tri raste të dhunës në familje në Prishtinë dhe Klinë, ku të dyshuarit janë arrestuar dhe më pas liruar në procedurë të rregullt me vendim të prokurorit.

Në Prishtinë, rreth orës 01:10, janë arrestuar dy të dyshuar meshkuj kosovarë, pasi dyshohet se kishin sulmuar fizikisht njëri-tjetrin. Pas intervistimit, me vendim të prokurorit, të dy janë liruar në procedurë të rregullt.

Në rastin e dytë, në Prishtinë, rreth orës 23:30, është arrestuar një i dyshuar mashkull kosovar, i cili dyshohet se ka kryer veprën e dhunës në familje ndaj viktimës femër kosovare. Pas intervistimit, me vendim të prokurorit, i dyshuari është liruar në procedurë të rregullt.

Ndërsa në Klinë, rreth orës 15:30, është arrestuar një i dyshuar mashkull kosovar nën dyshimin për dhunë në familje ndaj viktimës femër kosovare. Me urdhër të prokurorit, pas inicimit të rastit, i dyshuari është liruar në procedurë të rregullt.

Policia e Kosovës apelon për parandalimin e rasteve të dhunës në familje dhe inkurajon qytetarët që të raportojnë çdo rast të tillë në institucionet kompetente.

Continue Reading

Lajmet

KQZ lejon votimin me dokumente të skaduara për diasporën

Published

39 minutes ago

on

June 4, 2026

By

Komisioni Qendror i Zgjedhjeve ka mbajtur të mërkurën mbledhje elektronike, ku ka marrë vendim që votuesve të regjistruar për votim në përfaqësitë diplomatike jashtë Kosovës t’u lejohet votimi edhe me dokumente identifikimi të Kosovës me afat të skaduar të vlefshmërisë.

Sipas KQZ-së, ky vendim vjen pas evidentimit të disa rasteve gjatë procesit të votimit në përfaqësitë diplomatike në zgjedhjet e kaluara për Kuvendin e Kosovës, të mbajtura më 8 shkurt 2025 dhe 27 dhjetor 2025, ku disa votues janë paraqitur me dokumente identifikimi të skaduara. Pas njoftimit për këto raste, KQZ ka marrë vendim për lejimin e votimit me dokumente të skaduara të identifikimit.

Po ashtu, u mor vendimi për miratimin e planit operacional për ditën e zgjedhjeve, më 7 qershor. Ky plan përcakton organizimin, koordinimin dhe përgjegjësitë e zyrtarëve të angazhuar në administrimin e procesit zgjedhor brenda dhe jashtë vendit.

Dokumenti përshkruan aktivitetet që lidhen me përgatitjen dhe funksionalizimin e qendrave të votimit, shpërndarjen e materialeve zgjedhore, komunikimin institucional, raportimin e pjesëmarrjes dhe rezultateve preliminare, si dhe menaxhimin e situatave operative gjatë ditës së zgjedhjeve.

Po ashtu, plani parasheh funksionimin e dhomave operative për koordinim dhe mbështetje, bashkëpunimin me institucionet përgjegjëse për sigurinë, energjinë elektrike dhe mbështetjen teknike, si dhe përcakton ekipet dhe zyrtarët përgjegjës për informimin e votuesve, komunikimin me mediat, mbështetjen logjistike, teknologjinë informative, verifikimin e vëzhguesve dhe detyra të tjera të nevojshme për garantimin e një procesi zgjedhor.

Continue Reading

Lajmet

Shtrenjtohen nafta dhe benzina, lirohet gazi

Published

49 minutes ago

on

June 4, 2026

By

Ministria e Industrisë, Ndërmarrësisë, Tregtisë dhe Inovacionit ka publikuar çmimet maksimale të lejuara të derivateve për 4 qershorin.

Sipas vendimit të ri, nafta dhe benzina janë shtrenjtuar për nga 2 centë për litër krahasuar me një ditë më parë. Çmimi maksimal i naftës është caktuar 1 euro e 51 centë për litër, ndërsa benzina 1 euro e 43 centë për litër.

Ndërkohë, gazi është liruar për 1 cent, me çmim maksimal prej 71 centësh për litër.

Çmimet e reja kanë hyrë në fuqi nga ora 10:00 dhe do të vlejnë deri nesër.

Continue Reading

Të kërkuara