Lajmet

Personat me nevoja të veçanta protestojnë para Qeverisë për uljen e pagesës në 150€, Balje u premton zgjidhje

Naim Hajdari, organizator i kësaj proteste tha se Qeveria po bën dallavere me përcaktimin e shkallës së invaliditetit.

Published

2 years ago

May 17, 2023

Betim Gashi

Personat me nevoja të veçanta kanë protestuar para objektit të Qeverisë për shkak se pagesa mujore që marrin u është ulur nga 375 në 150 euro, ngase janë zhvendosur nga kategoria e parë në të dytën. Madje ata u shprehën se do të hyjnë në grevë deri në plotësimin e kërkesave të tyre.

Naim Hajdari, organizator i kësaj proteste tha se Qeveria po bën dallavere me përcaktimin e shkallës së invaliditetit.

Madje sipas tij, Komisioni vlerësuar nuk u kushton rëndësi dhe i konsulton veç 30 sekonda. Ai thotë se edhe përkundër ankesave nuk janë marrë asnjëherë parasysh dhe se do të rrinë në grevë deri në realizmin e kërkesave.

“Mua më takojnë 375 euro, po krejt i marrim ka 150 euro, për shkak se Qeveria na ka bë këtë dallavere. Këtë dallavere nuk e duam. Unë edhe shoqen e kom me aftësi të kufizuara, djalin e kom në shkollë me 150 euro nuk muj me ja dal. Kur shkon në Komision 30 sekonda të mbajnë. Qeveria naj nalë paret tjera, se na thonë jeni të aftë. Prej janarit 2018 i marr 150, e më takojnë 375 euro. Kemi bo ankesa, kujan nuk i intereson. Na kanë premtuar, por nuk na kanë marrë parasysh. Qeverisë i themi në grevë jemi 24 orë qetu deri ta fitojmë 375, edhe natën qetu na kanë prej sot deri kur përfundon, deri të na japin të drejtën tonë”, deklaroi ai.

Samire Gjokli nga Ferizaj, tha se e merr pensionin invalidor që nga viti 1981, dhe se ndonëse është vlerësuar si kategori e parë, i gëzon të drejtat e kategorisë së dytë. Sipas saj, në të kaluarën ajo na kaluar për vlerësim vetëm në një Komision, kurse tash në këtë Qeveri i duhet që të vlerësohet nga dy Komisione.

“Jam e kategorisë së parë, po i marrë vetëm 150 euro. Unë e marrë pensionin prej viti 1981. Kom dal në Komision e më ka vlerësuar për kategorinë e parë edhe më shkrun në vendim nuk ka nevojë me dal Komision se kjo nuk ka shërim. E kjo Qeveri na qet çdo tri vjen në Komision”, tha ajo.

“Prishtina me lejon kategorinë e parë, Ferizaj ma refuzon. Krej dokumente i kom, nuk mi ka kontrolluar askush. Të punojnë me rregull, mos t’i shkelin këta njerëz me kategori të rëndë. Me 150 euro nuk ja dalim as për barna. Me 150 euro marre, këta i kanë rrogat e madhja, na i duma të drejtat e tona”, shtoi ajo.

Kryetarja e Komisionit për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, Duda Balje, e cila i takoi protestuesit u premtoi se çështja do të adresohet në Komision. Ajo madje tha se kanë marrë premtim nga Qeveria që të ndryshohet Rregullorja për këtë çështje.

“Unë nuk jam fajtore, unë jam për me ndryshuar gjendjen. Unë kam shkuar edhe do të shkojë në Qeveri. Edhe marrë premtim prej Qeverisë që do ta ndryshojnë rregulloren sa ma shpejtë. Jemi duke pritur nga Qeveria që sa ma shpjet. Na e kemi thirrur Qeverinë në takim, kemi thirrur Sekretarin e Qeverisë, nëse ndryshon rregullore do të ndryshojë kjo çështje. Ne kemi premtim që Qeveria në kohë s amë të shkurtë do të ndryshojë këtë rregullore. Qeveria e ka marrë një person me aftësi të kufizuar me ndihmuar në këtë ndryshim”, shtoi ajo.

Related Topics:pagesa personat me nevoja te vecanta protesta

Up Next

Bastisje në Ndërmarrjen Publike Banesore

Don't Miss

OSBE lanson sot Udhëzuesin për mekanizmat koordinues komunalë kundër dhunës në familje

Aktualitet

UBT shpall thirrjen për Konferencën Ndërkombëtare të Gjuhës dhe Kulturës 2025

Published

21 hours ago

September 27, 2025

Driton Iseni

UBT ka bërë hapjen e thirrjes për pjesëmarrje në Konferencën Ndërkombëtare të Gjuhës dhe Kulturës 2025 (IC-LAC), e cila këtë vit organizohet në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion.

Ky aktivitet shkencor do të bashkojë studiues, akademikë, studentë të cikleve të avancuara, doktorantë, ekspertë të fushës dhe profesionistë të arsimit nga vende të ndryshme të botës, me synim shkëmbimin e njohurive, përvojave dhe praktikave më të mira mbi gjuhën, kulturën dhe ndërthurjen e tyre në sistemet bashkëkohore arsimore.

Tema kryesore e këtij edicioni është: “Ndërtimi i sistemeve arsimore reziliente për një të ardhme të qëndrueshme.”

Datat kryesore:

Dorëzimi i abstrakteve: 10 tetor 2025
Njoftimi i pranimit & rishikimi shkencor: 17 tetor 2025
Regjistrimi i hershëm: deri më 17 tetor 2025
Regjistrimi i vonuar: deri më 20 tetor 2025
Dorëzimi i punimit të plotë: 14 nëntor 2025

Qëllimet dhe objektivat

Konferenca IC-LAC synon të hapë një hapësirë të gjërë diskutimi mbi rolin e gjuhës dhe kulturës në shoqëritë moderne, duke nxitur qasje multidisiplinare për edukimin dhe komunikimin ndërkulturor.

Fushat e diskutimit përfshijnë:

Gjuha dhe kultura në arsim
Përdorimi i teknologjisë në mësimdhënie dhe të nxënë
Komunikimi ndërkulturor dhe shumëgjuhësia
Praktikat e qëndrueshme në edukimin gjuhësor
Inteligjenca artificiale dhe ndikimi i saj në të nxënit e gjuhëve
Përkthimi, interpretimi dhe komunikimi global
Rezilienca arsimore dhe dizajnimi i kurrikulave

Dorëzimi i punimeve

Punimet e paraqitura duhet të jenë origjinale, të papublikuara më parë dhe të mos jenë në proces shqyrtimi në konferenca të tjera. Gjatësia maksimale e një punimi është 6 faqe. Punimet që nuk respektojnë kriteret e formatimit nuk do të merren në konsideratë.

Organizatorët ftojnë të gjithë të interesuarit që të kontribuojnë me hulumtimet e tyre shkencore dhe praktikat profesionale, duke u bërë pjesë e një platforme ndërkombëtare shkëmbimi idesh që synon të forcojë lidhjen mes gjuhës, kulturës dhe arsimit për një të ardhme më të qëndrueshme.

Lajmet

Gjykata spanjolle liron Dani Alves-in

Published

2 days ago

September 26, 2025

UBT News

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

Lajmet

Caktohet data, Pogba rikthehet në fushë

Published

2 days ago

September 26, 2025

UBT News

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/