Lajmet

Përse Izraeli po qëndron neutral rreth situatës në Ukrainë?

Izraeli po kërkon një ekuilibër delikat në krizën e Ukrainës.

Published

on

Për banorët e Bat Yam, në jug të Tel Avivit dhe shtëpia e shumë hebrenjve me rrënjë në Rusi dhe Ukrainë, pushtimi rus i nisur të enjten shkaktoi tronditje dhe shqetësim për të afërmit, përcjell UBT News.

“Nuk e prisja, kur mora mesazhin nga prindërit e mi (në Ukrainë)”, tha Natalia Kogan.

“Njerëzit janë të stresuar”, shtoi 57-vjeçarja, e cila punon në një supermarket që ka ushqim për njerëzit nga ish-BRSS, ku birra ukrainase dhe ajo ruse janë të vendosura krah për krah në rafte.

Max, një 33-vjeçar që u largua nga Rusia kur ishte tetë vjeç, i tha AFP-së se ai “e kuptoi” shqetësimin e presidentit rus Vladimir Putin për Ukrainën që ndjek anëtarësimin në NATO.

“Por kjo nuk justifikon një pushtim”, tha ai, duke kërkuar që mbiemri i tij të fshihej.

“Gjëja më frustruese është se njerëzit normalë po vuajnë”, shtoi ai, duke hedhur poshtë sugjerimet për tensione midis rusëve dhe ukrainasve brenda Izraelit.

Ai i bëri thirrje Izraelit të shmangë marrjen e anëve dhe të fokusohet në ndihmën e civilëve, duke përfshirë evakuimin e çdo hebreu ukrainas që dëshiron të largohet.

“Çfarë mund të bëjë tjetër Izraeli?”

Lidhje me të dyja palët

Thirrjet për neutralitet në rrugët e Bat Yam pasqyruan qëndrimin zyrtar izraelit të paraqitur të enjten disa orë pasi Putin urdhëroi pushtimin e Ukrainës.

Michael Oren, një ish-ambasador izraelit në Uashington, i tha AFP-së se qeveria e kryeministrit Naftali Bennett ka të ngjarë të përballet me thirrje në rritje për të mbështetur përpjekjet perëndimore dhe amerikane për të sanksionuar dhe izoluar Moskën.

“Të bësh një gjë të tillë do të ishte e gabuar” tha Oren, i cili ka mbajtur role të larta të politikës së jashtme me qeveri të ndryshme izraelite.

“Ndërsa Izraeli duhet të dënojë shkeljen e sovranitetit të Ukrainës, ne nuk mund të harrojmë faktin se kemi ushtrinë ruse në kufirin tonë verior”, tha ai, duke iu referuar pranisë së madhe ruse në Siri që nga viti 2015.

“Kjo është një çështje e sigurisë kombëtare”.

Oren kujtoi gjithashtu marrëdhëniet toksike midis Izraelit dhe ish-BRSS, dhe persekutimin e hebrenjve që jetonin nën kontrollin sovjetik gjatë Luftës së Ftohtë.

Dhe popullsia e madhe hebreje në Rusi nuk mund të harrohet, shtoi ai. “Ne nuk mund të kthehemi në një situatë ku Izraeli është jashtë kontaktit me (ata). Kjo duhet të jetë një prioritet”.

Në fjalët e tij të para pas fillimit të sulmit në Ukrainë, Ministri i Jashtëm izraelit, Yair Lapid dënoi pushtimin e Rusisë si “një shkelje serioze e rendit ndërkombëtar”, por gjithashtu theksoi “marrëdhëniet e thella, afatgjatë dhe të mira të Izraelit me Rusinë dhe Ukrainën”.

“Ka qindra mijëra hebrenj në të dy vendet” duke shtuar se ruajtja e sigurisë së tyre është në krye të konsideratave të tyre.

Ministrja e Emigracionit, Pnina Tamano-Shata tha të enjten se Izraeli ishte “gati të pranonte mijëra emigrantë hebrenj nga Ukraina”.

‘Balancë delikate’

Itamar Rabinovich, një tjetër ish i dërguar në Uashington, i tha AFP-së se krahasuar me armiqësinë e drejtpërdrejtë që formësoi lidhjet gjatë Luftës së Ftohtë, “Rusia e Putinit ka përfaqësuar një përmirësim” për diplomacinë izraelite, duke përfshirë lejimin e lidhjeve më të ngushta me hebrenjtë e Rusisë.

Rabinovich, një studiues i lartë në Qendrën Moshe Dayan për Studimet e Lindjes së Mesme dhe Afrikane në Tel Aviv, theksoi se lidhjet me Uashingtonin do të kishin gjithmonë përparësi, pasi marrëdhënia me SHBA-në ishte një element themelor i sigurisë izraelite.

Por ai vuri në dukje se Rusia e kishte lejuar Izraelin “të ndiqte luftën e tij kundër Iranit” brenda Sirisë, duke mos e bllokuar gjithashtu armikun e përhershëm Teheranin “të ndiqte qëllimet e veta” brenda fqinjit verior të Izraelit, ku ai mbështet regjimin e Damaskut.

Izraeli nuk duhet “të rrezikojë ekuilibrin delikat në marrëdhëniet tona me Rusinë”, tha ai./UBTNews/

Lajmet

​Ish-lojtari i Arsenalit ndërron jetë në moshën 21 vjeçare

Published

on

Futbollisti i Chichester City dhe ish-lojtari i akademisë së Arsenalit, Billy Vigar, ka ndërruar jetë në moshën 21-vjeçare pas një lëndimi të rëndë në tru të pësuar gjatë një ndeshjeje kundër Wingate & Finchley.

Sulmuesi u përplas jashtë fushës në përpjekje për ta shpëtuar topin, duke pësuar dëmtime serioze.

Ai u vendos në koma të induktuar dhe iu nënshtrua një operacioni, por nuk arriti të mbijetojë.

Klubi i Chichester City, Arsenal dhe bota e futbollit kanë shprehur ngushëllimet për humbjen e tij, ndërsa ndeshja e radhës e Chichesterit është shtyrë në shenjë respekti./S.K/KP/

Continue Reading

Lajmet

Policia e Kosovës shkatërron mbi 760 armë ilegale

Published

on

By

Policia e Kosovës ka organizuar sot ceremoninë e shkatërrimit të armëve të vogla dhe të lehta ilegale, mbi 760 sosh, në fshatin Prelez të Ferizajt. Pas shkatërrimit, nga materiali i armëve që shkrihen do të krijohen kapak të pusetave.

Drejtori i Përgjithshëm i Policisë së Kosovës, Gazmend Hoxha tha se procesi i shkatërrimit të armëve bëhet me qëllim për të ofruar sa më shumë siguri për qytetarët. Hoxha potencoi se nuk janë të rralla rastet ku armët ilegale janë përdorur gjatë rasteve kriminale.

Ai u bëri thirrje qytetarëve të Kosovës që të përdorin sa më pak armët. Hoxha bëri të ditur se nga viti 1999 deri më tani, janë konfiskuar mbi 36 mijë armë ilegale.

Ndërkaq, nga viti 2005 deri tani janë shkatërruar rreth 16 mijë armë të gjata dhe të shkurta.

Është një proces i vazhdueshëm që Policia e Kosovës, Ministria e Punëve të Brendshme, në mbështetje të vazhdueshme te UNDP-së, por edhe vendeve partnere mike të Kosovës po vazhdoj me shkatërrimin e armëve të vogla dhe të mesme me qëllim që të krijohet sa më shumë siguri për qytetarët dhe vendin tonë…Gjatë këtyre viteve nuk kemi pasur jo pak raste kur armët ilegale janë përdorur gjatë rasteve dhe veprave kriminale. Shumë jetë janë humbur për shkak të përdorimit të armëve ilegale. Iu bëjmë thirrje gjithë qytetarëve tonë që të qëndrojnë larg armëve ilegale…Policia e Kosovës që nga viti ‘99 e deri më sot ka konfiskuar rreth 36 mijë e 36 armë. Përafërsisht i bie rreth 1 mijë e 100 armë që janë konfiskuar çdo ditë. Që nga viti 2005 e deri më sot ka shkatërruar 15 mijë e 904 armë të shkurtra dhe të gjata”, tha Hoxha.

Përfaqësues i Përhershëm i UNDP-së në Kosovë, Nuno Queiros tha se qëllimi i shkatërrimit të armëve është promovimi i një shoqërie paqësore, të drejtë dhe gjithëpërfshirëse.

Ai potencoi se armët e vogla dhe të lehta të paligjshme shkaktojnë pasiguri, dëmtojnë civilët, minojnë institucionet dhe shpesh përdoren në dhunë bazuar në gjini dhe dhunë në familje.

Qëllimi ynë është të promovojmë shoqëri paqësore, të drejta dhe gjithëpërfshirëse, dhe kjo kërkon një reduktim të konsiderueshëm të flukseve të paligjshme të armëve në të ardhmen tonë…Vetëm gjatë kohës që kemi qenë këtu, janë kryer dy akte dhune me armë, pa llogaritur luftërat dhe situata të tjera. Kjo tregon se armët e vogla dhe të lehta të paligjshme shkaktojnë pasiguri, dëmtojnë civilët, minojnë institucionet dhe shpesh përdoren në dhunë bazuar në gjini dhe dhunë në familje. Policia, Ministria e Punëve të Brendshme dhe autoritetet e tjera relevante kanë treguar një angazhim të jashtëzakonshëm për të luftuar trafikun e paligjshëm, posedimin dhe keqpërdorimin e armëve. Por mund të jeni të sigurt se ne, si UNDP, dhe ekipi im i pranishëm sot, do të vazhdojmë t’ju mbështesim dhe jemi shumë krenarë që jemi partneri juaj i besuar në këto përpjekje”, tha Queiros.

Ky aktivitet mbështetet nga Programi i Kombeve të Bashkuara për Zhvillim (UNDP) përmes Programit për Siguri dhe Siguri në Kosovë (KSSP), me mbështetje financiare nga Gjermania, Suedia, Mbretëria e Bashkuar, Franca, Holanda dhe Norvegjia, si dhe përmes Vendimit të Këshillit (PESK) 2024/3006 të datës 2 dhjetor 2024, në mbështetje të aktiviteteve të çarmatimit dhe kontrollit të armëve të SEESAC në Evropën Juglindore, me qëllim zvogëlimin e kërcënimit nga armët e vogla dhe armët e lehta (SALW) të paligjshme dhe municionit të tyre./D.B/KP

Continue Reading

Lajmet

Gazmend Hoxha: Dronë të dyshuar nga Serbia kanë fluturuar në veri të Kosovës, Policia në koordinim me KFOR-in

Published

on

By

Drejtori i përgjithshëm i Policisë së Kosovës, Gazmend Hoxha, ka deklaruar se së fundi janë regjistruar raste të fluturimeve të dronëve në pjesën veriore të vendit, për të cilat dyshohet se vijnë nga territori i Serbisë.

Ai tha se Policia është në kontakt të vazhdueshëm me KFOR-in dhe po kryen monitorime të situatës.

Kohën e fundit kemi pasur fluturime të dronëve që ne po dyshojmë që po vijnë nga territori i Serbisë në pjesën veriore të Kosovës. Policia është në kontakt me KFOR, jemi duke bërë monitorimin dhe me pa se çfarë mund të bëhet”, tha Hoxha pas ceremonisë së shkatërrimit të armëve.

Ai theksoi se rreziku ekziston për pjesën e kufirit, por jo për qytetarët, të cilët sipas tij janë të mbrojtur nga institucionet.

Është e rrezikshme për pjesën e kufirit po, por për qytetarët tanë jo, ne jemi duke i mbrojtur po ashtu. Ndërsa hapësira ajrore është përgjegjësi e KFOR”, u shpreh Hoxha.

Më tej, ai bëri të ditur se institucionet ndërkombëtare janë njoftuar për këtë situatë dhe se përgjegjësia i takon KFOR-it.

Ne e kemi njoftuar KFOR-in dhe partnerët tanë, KFOR është përgjegjësi e tyre, janë duke punuar për këtë drejtim”, tha Hoxha./D.B/EO

Continue Reading

Lajmet

Osmani në SHBA, merr pjesë në panelin “Sistemi Global i Refugjatëve dhe Azilit”

Published

on

By

Presidentja e vendit, Vjosa Osmani ka marrë pjesë në panelin ‘Sistemi Global i Refugjatëve dhe Azilit: Çfarë shkoi keq dhe si të rregullohet’, të organizuar nga Qeveria amerikane në kuadër të Javës së Nivelit të Lartë të Asamblesë së Përgjithshme të Kombeve të Bashkuara.

Osmani, derisa ka theksuar se ka qenë e pranishme si e ftuar nga zëvendës sekretari i Shtetit, Christopher Landau, ka ndarë disa fotografi në Facebook.

Osmani ka udhëtuar në Nju Jork për të marrë pjesë në fillimin e punimeve të Asamblesë së Përgjithshme të Kombeve të Bashkuara./D.B/KP

Continue Reading

Të kërkuara