Lajmet

Përqindje e ultë e integrimit të grave në institucionet e sigurisë

Pavarësisht iniciativave globale dhe rajonale, sektori i sigurisë vazhdon të konsiderohet “territor” i burrave.

Published

4 years ago

on

Numri i grave brenda sektorit të sigurisë mbetet ende shumë i ultë. Në Policinë e Kosovës janë 50 për qind gra, ndërsa në Ministrinë e Mbrojtjes 26.83 për qind.

Numri më i ultë i grave është në Shërbimin Korrektues të Kosovës, ku vetëm 13 për qind janë të punësuara në stafin korrektues. Pavarësisht iniciativave globale dhe rajonale, sektori i sigurisë vazhdon të konsiderohet “territor” i burrave.

Kështu u tha në konferencën me temën “Gratë në sektorin e sigurisë: ndërmjet sfidave dhe mundësive”, organizuar sot nga Rrjeti Mesdhetar i Grave Ndërmjetësuese-Antena në Kosovë së bashku me organizatën “She Solutions”.

Drejtoresha e kësaj organizate, Antigonë Baxhaku theksoi se integrimi i grave në Policinë e Kosovës dhe Forcën e Sigurisë së Kosovës mbetet i ultë.

“Pjesëmarrja e grave në sektorin e sigurisë është ende e lidhur me paragjykimet gjinore. Të dhënat tregojnë se integrimi i grave në Policinë e Kosovës mbetet i ultë. Dhe pjesëmarrja e tyre në pozitat më të larta vendimmarrëse është ende larg objektivave të synuara. Gjendje e njëjtë është edhe në Forcën e Sigurisë së Kosovës, andaj mbetet thelbësore nevoja për të trajtuar çështjet se ku qëndrojnë gratë sot në sektorin e sigurisë. Dhe çfarë duhet bërë për të vënë në zbatim nismat vendore dhe praktikat më të mira ndërkombëtare për të siguruar një nivel më të lartë të përfaqësimit të tyre”, theksoi ajo.

Organizata që ajo drejton, Baxhaku shtoi se synon fuqizimin e vajzave dhe grave në vendimmarrje dhe arritjen e barazisë gjinore.

Nënkryetarja e Kuvendit të Kosovës, Saranda Bogujevci, tha se gratë janë arkitekte të historisë dhe jetësuese të vlerave demokratike në Kosovë.

“Në Policinë e Kosovës janë vetëm 50.09 për qind gra, në Ministrinë e Mbrojtjes janë 26.83 për qind gra dhe vajza. Këto janë në bazë të raporteve të 2020. Në Forcën e Sigurisë së Kosovës është 10.91 për qind në bazë të njësisë për të drejtat e njeriut dhe barazi gjinore. Në FSK 4.21 për qind përfaqësohen gra dhe vajza në kuadër të numrit të përgjithshëm të komponentit rezervë të FSK-së. Në Shërbimin Korrektues të Kosovës, gratë përbëjnë vetëm 13 për qind të stafit korrektues dhe numri i grave në pozita vendimmarrëse është i ultë”, ka deklaruar Bogujevci.

Kjo konferencë mbështetet nga Rrjeti Mesdhetar i Grave Ndërmjetësuese i financuar dhe promovuar nga Ministria e Jashtme Italiane dhe Bashkëpunimi Ndërkombëtar i Italisë.

Ambasadori i Italisë në Prishtinë Antonella De Riu tha se vendi i tij ka vendosur të krijojë një rrjet ndërmjetësues mesdhetar të grave, si një nga nismat kryesore gjatë mandatit të saj në Këshillin e Sigurimit, duke bashkuar rolin e saj për zgjidhjen paqësore të konflikteve dhe promovimin e politikave të barazisë gjinore.

“Promovimi i përfshirjes së grave në parandalimin dhe ndërmjetësimin e konflikteve, si dhe në adresimin e nevojave të tyre specifike, në përpjekjet për krijimin e paqes kanë qenë një prioritet i lartë për Kombet e Bashkuara dhe shtetet e saj anëtare që nga miratimi i rezolutës 1325 të Këshillit të Sigurimit të OKB-së për paqen dhe sigurinë e grave, në vitin 2000. Pavarësisht nga shumë angazhime dhe iniciativa globale dhe rajonale, sektori i sigurisë konsiderohet ende si një territor i meshkujve, kështu që numri i grave dhe ekspertëve gjinorë të përfshirë në proceset dhe marrëveshjet paqeruajtëse, duke përfshirë dispozitat përkatëse gjinore ose mbrojtjen e të drejtave themelore të grave, mbeten të ulëta, dhe kontributet e grave zakonisht nuk merren parasysh”, ka thënë ai.

Edhe përfaqësuesja për Kosovën në Rrjetin Mesdhetar të Grave Ndërmjetësuese, Jeta Krasniqi ka theksuar se gratë duhet të jenë më pjesëmarrëse në sektorin e sigurisë.

Kujtojmë, në maj të vitit të kaluar është miratuar nga Qeveria e Kosovës, Programi i Kosovës për Barazi Gjinore (2020-2024). 

Related Topics:
Continue Reading

Lajmet

Radoniqi për rezultatet e zgjedhjeve: Duhet t’i presim edhe ankesat nga PZAP

Published

2 hours ago

on

October 22, 2025

By

Komisioni Qendror i Zgjedhjeve ka vendosur rinumërimin e fletëvotimeve të 16 kutive të votimit, ku pesë nga to janë për kryetarë të Komunave, ndërsa 11 të tjera për Kuvende Komunale.

Drejtori i sekretariatit të KQZ-së ka paraqitur sot para anëtarëve të Komisionit propozimin për rinumërimin e 16 vendvotimeve ku përfshihet një kuti e votimit në Deçan, një në Gllogoc, dy në Gjilan, një në Lipjan, dy në Prishtinë dy në Prizren, një në Shtime dhe një Suharekë.

Ndërsa, Drejtori i Sekretariatit të Komisionit Qendror të Zgjedhjeve, Besnik Buzhala ka treguar pse nuk janë shpallur rezultatet e zgjedhjeve lokale brenda afateve që ishte, pra sot. E kjo erdhi pas pyetjes së anëtarit të PDK-së në KQZ, Ilir Gashi, për këtë çështje.

“Procesi i numërimit në QNR më së voni përfundon ditën e nesërme. Por për detaje  numërimit sipas rekomandimit varet sa fletëvotime janë e si ka me shku numërimi. Ndërsa sipas planit operacional që ka miratuar KQZ, shpallja përfundimtare e rezultateve është dashtë të ndodhte shumë me datë 22, meqenëse sot nuk kemi mujt me implementu një aktivitet. Mendoj që ky proces përfundon sa i përket numërimit të gjithë fletëvotimeve”, tha ai.

Këtu u plotësua edhe me ndërhyrjen e kryetarit të KQZ-së, Kreshnik Radoniqi, i cili tha e duhet të priten dhe vendimet e PZAP-së për ankesat.

“Pa paragjykuar ndonjë vendim të PZAP, sa e kemi pa PZAP është e vërshuar nga ankesat kështu që duhet me prit edhe ankesat nga PZAP para se me u shpall rezultati.

Në mbledhjen e KQZ-së anëtari i Lëvizjes Vetëvendosjes në KQZ, Sami Kurteshi ka bërë një thirrje për Prokurorinë që t’i hetojnë vendvotimet me asistencë.

“Ftoj Prokurorinë që t’i hetojë rastet me asistencë rrënjësisht, sepse nuk është e mundur që në një qytet të ketë 10% të votimeve me asistencë”, tha ai.

Në këtë mbledhje, KQZ vendosi edhe për dizajnin dhe përmbajtjen e fletëvotimeve për raundin e dytë të zgjedhjeve për Kryetarë të Komunave. Ky miratim u bë për të mundësuar zhvillimin e votimit jashtë Kosovës./EO

Continue Reading

Lajmet

UBT dhe Universiteti i Minho-s nënshkruajnë marrëveshje bashkëpunimi akademik në Braga

Published

3 hours ago

on

October 22, 2025

By

Në kuadër të vizitës zyrtare në qytetin historik të Braga-s, Rektori i UBT-së, Prof. Dr. Edmond Hajrizi, dhe Rektori i Universitetit të Minho-s, Prof. Dr. Rui Vieira de Castro, nënshkruan një marrëveshje bashkëpunimi me qëllim forcimit të bashkëpunimit midis dy institucioneve.

Kjo marrëveshje ka si objektiv të promovojë shkëmbimin e studentëve të ciklit të parë dhe të dytë, duke ofruar mundësi për përvoja akademike dhe kulturore nga të dyja anët. Gjithashtu, marrëveshja parasheh mbikëqyrjen e përbashkët të tezave të masterit, nxitjen e hulumtimeve dhe inovacionit në fushat përkatëse.
Një aspekt i rëndësishëm i kësaj marrëveshjeje është lehtësimi dhe zhvillimi i përbashkët i planeve dhe kurrikulës së programeve me interes të përbashkët në përputhje me politikat zhvillimore dhe kërkesat e tregut.
Me këtë marrëveshje, dy rektorët u zotuan se do të angazhohen për të krijuar një partneritet të qëndrueshëm dhe të frytshëm, i cili do të sjellë përfitime të ndërsjella për të dyja institucionet./UBTNews

Continue Reading

Lajmet

​Kërkohet paraburgim ndaj të miturit për kontrabandimin e 5 shtetasve kinezë

Published

3 hours ago

on

October 22, 2025

By

Prokuroria Themelore në Ferizaj, Departamenti për të Mitur, ka kërkuar nga Gjykata Themelore në Ferizaj, caktimin e masës së paraburgimit ndaj të miturit, nën dyshimet se ka kryer veprën penale kontrabandë me migrantë.

Ekziston dyshimi i bazuar se më 21 tetor 2025 rreth orës 20:20, në Seqishtë, Hani i Elezit, saktësisht te Parku memorial “Bllaca 99”, i mituri ka organizuar-kontrabanduar kalimin e jashtëligjshëm të migrantëve, saktësisht pesë persona me shtetësi kineze, duke kaluar vijën kufitare Kosovë-Maqedoni e Veriut.

Personi i mituri fillimisht ishte takuar dhe kishte komunikuar me personat në fjalë në shtetin e Serbisë, dhe kishin bërë marrëveshje që për secilin person të marrë pagesë në vlerë prej 20 euro, e më pas i merr personat nga shteti i Serbisë, hyjnë në shtetin e Kosovës, ku i mituri siguron një automjet, ku e drejton një person deri më tani i panjohur, dhe i fusin në veturë që të gjithë, e më pas të njëjtit i dërgon te vija kufitare Kosovë-Maqedoni Veriore, ku aty nga njësiti patrullues kufitar janë vërejtur dhe kanë arritur të ndalojnë që të gjithë dhe t’i shoqërojnë në stacionin policor kufitar rajoni Lindje-Kaçanik, ku i mituri edhe është arrestuar, me këtë kishte për të kryer veprën penale kontrabandim me migrantë.

I mituri me vendim të Prokurorit të Shtetit gjenden nën masën e ndalimit 24-orë./KP

Continue Reading

Lajmet

Trajneri i Suedisë i diagnostikuar me leukemi: Më i fortë, sepse e kuptova rëndësinë e jetës

Published

3 hours ago

on

October 22, 2025

By

Trajneri Anders Torstensson, njëri prej protagonistëve më të mëdhenj të Suedisë që është pagëzuar edhe si ‘Leicester suedez’, prej muajsh po lufton një betejë shumë më të fortë jashtë fushave të lojës.

Në gusht të vitit 2024, Torstensson mësoi një lajm të tmerrshëm; u diagnostikua me leucemi linfatike kronike.

“Që nga ai moment e ndjej veten akoma më të fortë sepse kuptova rëndësinë e jetës, rëndësinë e çdo ditë këtu-pohon trajneri 59 vjeçar-sot nuk ndihem ndryshe në krahasim me ditët kur nuk e dija për sëmundjen. Në një farë mënyre e lë diagnozën në spital. E kam pranuar dhe nuk është diçka që më prek thellë.”, tha ai.

Por në anën tjetër diagnoza me kancer i ka mësuar Torstensson se nuk duhet marrë asgjë për të mirëqenë dhe nuk duhet të i shtyejmë gjërat për t’i bërë të nesërmen.

“Nuk marr asgjë për të mirëqenë dhe nuk i shtyj gjërat për t’i bërë të nesërmen, edhe kjo një arsye që fituam. Të gjithë pyesin për sekretin tonë, por nuk ka asnjë të tillë. Janë rreth 500 gjëra mbi të cilat kemi punuar cdo ditë me një kujdes të jashtëzakonshëm dhe nuk kemi bërë kompromis për asgjë.”, tha ai./S.K/EO/

Continue Reading

Të kërkuara