Lajmet

Përplasjet më të zakonshme në vendin e punës dhe si t’i trajtoni ato

Fatmirësisht ekziston një strategji për t’i trajtuar këto raporte.

Published

4 years ago

on

Nga Ali Walker

Në ndërveprimet e përditshme ka njerëz me të cilët përshtateni dhe të tjerë me të cilët përplaseni. Ky është fakt i jetës. Por çfarë mund të bëni kur një koleg i punës ndikon jo vetëm në produktivitetin tuaj, por edhe në harmoninë e të gjithë ekipit?

Me kërkimin tim të doktoraturës në dinamikën e grupit dhe si konsulent mbi kulturën organizative, unë punoj me individë dhe ekipe në të gjitha industritë dhe llojet e organizatave për të ndihmuar njerëzit të përballen me këtë situatë.

Meqënëse pushimet thuajse mbaruan dhe kolegët u kthyen, tani është koha e duhur për të reflektuar mbi marrëdhëniet profesionale – ato që funksionojnë dhe ato që nuk funksionojnë. Fatmirësisht ekziston një strategji për t’i trajtuar këto raporte.

Tri përplasjet më të zakonshme në vendin e punës

Përplasjet në komunikim ndodhin atëherë kur njerëzit kanë mënyra të ndryshme për të përpunuar dhe shprehur informacionin.

Për shembull: James është shef ekzekutiv dhe ky është viti i tij i parë në këtë post. Ai dëshiron të krijojë besim te ekipi i tij ekzekutiv dhe i pëlqen të flasë përmes vendimeve strategjike me grupin. Një anëtar i ekipit është shpesh i qetë gjatë këtyre takimeve; të nesërmen, ai i dërgon Jamesit emaile të gjata duke përshkruar mendimet e tij.

Në vendin e punës, një person mund të dëshirojë të përpunojë mendimet dhe idetë e tij përmes bisedës (përpunimi i jashtëm), ndërsa një tjetër preferon t’i përpunojë mendimet e tij në një reflektim të qetë (përpunim i brendshëm) dhe më pas t’i shprehë idetë e tij ashtu. Kjo shpjegon ndryshimin midis James dhe anëtarit të ekipit të tij.

Në një shembull tjetër, një person mund të perceptojë se është ndërprerë në mënyrë të vrazhdë në një takim, ndërsa personi tjetër thjesht mendon se po shpreh entuziazmin e tij për një ide.

Kushtëzimi kulturor shfaqet atëherë kur njerëzit kanë prejardhje të ndryshme dhe vlera të kundërta marrëdhëniesh në lidhje me rolet gjinore, moshën, arsimin, përkatësinë etnike, fenë, bindjet politike dhe prejardhjen socio-ekonomike – madje edhe qasje të ndryshme kulturore ndaj humorit.

Për shembull: John është mbikëqyrësi i Sue në një institucion korrektues. Johni shpesh bën shaka në kurriz të Sue para kolegëve të tjerë. Kur Sue i shpjegon Johnit se ajo nuk i vlerëson shakatë, John qesh dhe thotë se ajo po e merr atë shumë seriozisht. Këshilla e tij është që të qetësohet nëse dëshiron jetë pjesë e atij ekipi për një kohë të gjatë. Dhe këshilla e Johnit mund të konsiderohet fyese sepse ajo ndihet e parespektuar në punë.

Përplasjet e stilit të punës ndodhin kur njerëzit kanë preferenca të ndryshme në lidhje me mjedisin e tyre të punës: nëse punojnë nga shtëpia apo në zyrë; në një ekip ose në mënyrë të pavarur; dhe nëse e kryejnë punën më herët apo një natë para.

Si të silleni me kolegë të vështirë?

Nëse ndërveprimet tuaja me një bashkëpunëtor shkojnë përtej një përplasjeje personaliteti dhe në territorin e ngacmimit ose shfrytëzimit në vendin e punës, sigurohuni që ta njoftoni menjëherë menaxherin tuaj. Nëse ky nuk është një opsion, bisedoni me HR. Në shumë raste është më e dobishme të gjeni një ndërmjetës.

Për skenare të tjera, ja ku i keni edhe disa rekomandime:

1.Mos i merrni personale

Duhet ta pranoni se përplasjet janë pjesë normale e jetës dhe zgjidhni me qetësi nëse konflikti bie në kategorinë e komunikimit, kushtëzimit kulturor ose përplasjes rreth stilit të punës (ose të gjitha të mësipërmet).

2.Reflektoni

Pyete veten: Pse më provokon sjellja e këtij personi? A më shqetëson ky person sepse ka një tipar që unë do të doja ta kisha? A shfaqin ata një tipar të sjelljes që nuk më pëlqen, por që e shoh te vetja?

3.Diskutoni me ekipin tuaj

Gjeni pak kohë për të biseduar me ekipin tuaj dhe për të kuptuar preferencat e të gjithëve për komunikimin, kulturën dhe stilet e punës.

4.Zhvilloni një plan komunikimi

Bazuar në preferencat e ekipit, zhvilloni një plan që i përshtatet nevojave të secilit person. Krijoni një gjuhë të përbashkët. Identifikoni se si duket një ditë e zakonshme për çdo person që punon në gjendjen e tij të preferuar. Sapo të gjithë në ekip të kuptojnë nevojat e njëri-tjetrit, do të jetë më e lehtë për ta që të sillen me ndjeshmëri dhe respekt./UBTNews/

Related Topics:
Continue Reading

Vendi

Bypass apo stent? Kur kirurgjia e zemrës bëhet zgjedhja më e përshtatshme për pacientin

Published

7 minutes ago

on

August 19, 2026

By

Shëndeti i zemrës nuk përcaktohet vetëm nga një diagnozë, por nga kompleksiteti i dëmtimeve, gjendja e përgjithshme e pacientit dhe mënyra më e sigurt për të rikthyer qarkullimin e duhur të gjakut në muskulin e zemrës. Për këtë arsye, jo çdo problem i arterieve koronare mund të zgjidhet me vendosjen e një stenti apo vetëm përmes trajtimit medikamentoz.

Në rastet kur bllokimet janë të shumta, të përhapura ose anatomikisht komplekse, kirurgjia e bypass-it mund të jetë një alternativë e rëndësishme terapeutike, e cila vendoset pas vlerësimit të plotë të pacientit nga ekipi specialistik.

Pikërisht për këtë çështje, Dr. Sulejman Kusi, specialist i kardiologjisë/kardiokirurgjisë në United Hospital, shpjegon se vendimi ndërmjet stentit dhe bypass-it duhet të bazohet në karakteristikat konkrete të sëmundjes koronare dhe në gjendjen e përgjithshme shëndetësore të pacientit. Zgjedhja e trajtimit nuk është një vendim që merret në mënyrë të njëjtë për të gjithë, por kërkon ekzaminime, vlerësim të enëve koronare dhe gjykim të specializuar mjekësor.

Rikuperimi pas bypass-it kërkon kujdes dhe disiplinë

Pas një operacioni bypass, rikthimi në aktivitetet e përditshme është një proces gradual. Kujdesi për plagën operative, aktiviteti fizik i kontrolluar dhe ushqyerja e shëndetshme janë pjesë të rëndësishme të periudhës së rikuperimit.

Pacientët këshillohen që plagën operative ta mbajnë të pastër dhe të thatë, të ecin çdo ditë sipas udhëzimeve të mjekut dhe të kryejnë ushtrimet e frymëmarrjes pa e sforcuar organizmin. Po ashtu, një regjim ushqimor i balancuar, me më shumë fruta, perime dhe peshk dhe me kufizim të kripës së tepërt, mund të jetë pjesë e rëndësishme e kujdesit afatgjatë për shëndetin kardiovaskular.

Rikuperimi kërkon durim, terapi dhe monitorim

Periudha pas operacionit të zemrës nuk duhet parë si një kthim i menjëhershëm në ritmin e mëparshëm të jetës. Ajo kërkon disiplinë, durim dhe ndjekje të vazhdueshme mjekësore. Ecja e përditshme, ushtrimet e frymëmarrjes, marrja e rregullt e terapisë së përshkruar dhe pushimi i mjaftueshëm janë ndër elementet që mund ta mbështesin rikuperimin.

Në javët e para mund të shfaqen lodhje, shqetësime të menaxhueshme në kraharor, çrregullime të gjumit apo ulje e oreksit. Megjithatë, çdo simptomë e re, e fortë ose që përkeqësohet duhet t’i komunikohet ekipit mjekësor dhe nuk duhet të trajtohet vetëm me vetëkujdes.

Mosha e shtyrë nuk është kriteri i vetëm për kirurgjinë

Një prej pyetjeve të rëndësishme për pacientët dhe familjarët është nëse operacioni në zemër është i sigurt te personat në moshë të shtyrë. Sipas Dr. Sulejman Kusit, mosha në vetvete nuk e përcakton sigurinë e ndërhyrjes. Vlerësimi duhet të marrë parasysh gjendjen e përgjithshme shëndetësore, funksionimin e organeve, sëmundjet shoqëruese, gjendjen e zemrës dhe kompleksitetin e problemit koronar.

Për këtë arsye, vendimi për ndërhyrje kirurgjikale duhet të merret individualisht, pas një vlerësimi të plotë specialistik dhe pas peshimit të përfitimeve dhe rreziqeve për secilin pacient.

Në fund, mesazhi kryesor është i qartë: kujdesi për zemrën nuk përfundon me ndërhyrjen kirurgjikale. Bypass-i apo stenti mund të jenë pjesë e trajtimit, por kontrolli i faktorëve të rrezikut, terapia e përshkruar, aktiviteti fizik i përshtatur dhe ndjekja mjekësore mbeten thelbësore për shëndetin afatgjatë.

Për informacione dhe konsultime në United Hospital:
📞 038 60 70 70 / 046 60 70 70

Vendimi ndërmjet trajtimit medikamentoz, stentit dhe bypass-it duhet të merret vetëm nga mjeku/ekipi specialistik pas vlerësimit individual të pacientit./rajonipress/

Continue Reading

Vendi

Në Zubin Potok identifikohen mbetje kockore të së paku 23 personave

Published

12 minutes ago

on

August 19, 2026

By

Prokuroria Speciale dhe Instituti i Mjekësisë Ligjore thanë se në Zubin Potok, në lokacionet ku dyshohet se ka varre masive, bazuar në vlerësimet preliminare janë identifikuar mbetje kockore që dyshohet se u përkasin të paktën 23 individëve.

“Identifikimi i plotë do të bëhet pas përfundimit të ekzaminimeve mjeko-ligjore dhe procedurave përkatëse”, u tha në njoftim.

Kryeministri në detyrë i Kosovës, Albin Kurti, më herët kishte deklaruar se mbetjet mortore të gjetura në Kalludër të Vogël, mund t’u përkasin grupit të 23 shqiptarëve që ishin zhdukur në atë pjesë të Kosovës në vitin 1999.

Ky grup, i njohur si “grupi i intelektualëve të Mitrovicës” është i zhdukur që nga 19 prilli i vitit 1999. Në mesin e tyre kishte mjekë, profesorë, avokatë dhe profile të tjera.

Gërmimet në Zubin Potok nisën më 28 korrik dhe gërmimet janë kryer në Kalludër të Vogël, Jakubë dhe në një lokacion tjetër në këtë komunë, në veri të Kosovës.

Gërmimet nisën pas një hetimi dyvjeçar lidhur me dyshimet për krime lufte.

Më 15 gusht, autoritetet kishin njoftuar se në Kalludër ishin gjetur mbetje eshtërore të të paktën tre personave.

“Aktualisht, lidhur me këtë rast janë duke u hetuar tre persona J.R., M.J dhe M.B. nën dyshimin për kryerjen e veprës penale ‘Krime lufte kundër popullsisë civile’, të cilët ndodhen në masën e paraburgimit”, tha Prokuroria Speciale e Kosovës.

Njëri nga të arrestuarit, sipas autoriteteve, dyshohet se në kohën e luftës kishte qenë pjesë aktive e Armatës Jugosllave.

Sipas Institutit të Krimeve të Kryera Gjatë Luftës në Kosovë, 1.577 persona vazhdojnë të jenë të zhdukur nga lufta e viteve 1998-1999, ndërsa janë dokumentuar gjithsej 12.230 viktima të luftës.

Kosova ka kërkuar vazhdimisht nga Serbia bashkëpunim për zbardhjen e fatit të personave të zhdukur dhe qasje në arkivat ushtarake që sipas autoriteteve mund të ndihmojnë në identifikimin e lokacioneve të varreve të mundshme.
/REL/

Continue Reading

Vendi

PDK i kërkon përseri Avni Deharit vazhdimin e seancës konstituive më 20 gusht

Published

2 hours ago

on

August 19, 2026

By

Deputetët e Partisë Demokratike të Kosovës (PDK) i kanë dërguar kërkesë zyrtare kryesuesit të seancës konstituive, Avni Dehari, për të thirrur vazhdimin e seancës ditën e enjte, më 20 gusht.

Përmes një letre, PDK-ja ka theksuar se caktimi i seancës është një obligim kushtetues dhe procedural i kryesuesit, duke paralajmëruar se vonesat e mëtejshme thellojnë shkeljet ligjore.

“Moskonstituimi i Kuvendit brenda afatit të përcaktuar tashmë ka krijuar një situatë të rëndë të shkeljes së Kushtetutës dhe të mosrespektimit të aktgjykimeve të Gjykatës Kushtetuese. Mosrespektimi i afateve dhe procedurave të përcaktuara me Rregulloren e Kuvendit vetëm sa e thellon më tej këtë situatë”, ,thuhet në kërkesen e PDK-së.

Kjo kërkesë vjen në kuadër të aksioneve të vazhdueshme të PDK-së, deputetët e së cilës po protestojnë çdo mëngjes para Qeverisë dhe po mblidhen çdo dy ditë në sallën e Kuvendit.

Në anën tjetër, që nga vazhdimi i fundit më 8 gusht, kryesuesi Avni Dehari nuk ka thirrur seancë të re, duke mbështetur qëndrimin e kryetarit të Lëvizjes Vetëvendosje, Albin Kurti, se pa një marrëveshje politike seancat mbeten “shterpe”. Kurti ka kërkuar më shumë kohë për negociata, me arsyetimin se pa një dakordim për postin e presidentit, vendi do të shkojë pashmangshëm në zgjedhje të reja.

Përderisa PDK-ja dhe AAK-ja kanë refuzuar takimet me Kurtin, ky i fundit ka zhvilluar negociata me Lidhjen Demokratike të Kosovës (LDK), përfshirë një takim me liderin e saj, Lumir Abdixhiku, për të diskutuar rreth çështjes së presidentit. Ndërkohë, afati kushtetues 30-ditor për konstituimin e Kuvendit pas certifikimit të rezultateve tashmë ka kaluar. /E.A/

Continue Reading

Lajmet

Murici dhe Vojvoda shkëlqejnë në Kupën e Italisë: Zënë vend në formacionin e javës

Published

2 hours ago

on

August 19, 2026

By

Dyshja e kombëtares së Kosovës, Arijanet Muric dhe Mërgim Vojvoda, kanë dhënë paraqitje të shkëlqyera në Kupën e Italisë, duke u përfshirë në formacionin më të mirë të javës sipas platformës së specializuar të statistikave, SofaScore.

Portieri Arijanet Muric dhuroi një paraqitje të nivelit të lartë në fitoren 3-0 të Sassuolos ndaj Cesenas, duke u vlerësuar me notën e lartë 8.7.

Nga ana tjetër, mbrojtësi Mërgim Vojvoda po ashtu ishte vendimtar në triumfin e Udineses kundër Padovas me rezultat 1-0, ku për performancën e tij u shpërblye me notën 8.3.

Përfshirja e të dy futbollistëve kosovarë në 11-shen më të mirë konfirmon formën e tyre të mirë në fillim të këtij edicioni në futbollin italian. /E.A/

Continue Reading

Të kërkuara