Lajmet

Përmbytjet në Pakistan: ‘Është sikur të luftosh në një luftë pa fund’

Pakistani u godit nga përmbytjet.

Published

on

Kombet e Bashkuara kanë apeluar për më shumë se 800 milionë dollarë ndihmë për Pakistanin që u godit nga përmbytjet. Fondet, një rritje pesëfish në krahasim me kërkesën e mëparshme, do të ndihmojnë familjet dhe fëmijët të luftojnë kequshqyerjen dhe infeksionin në atë që tani konsiderohet emergjencë e shëndetit publik.

Kërkesa vjen pasi vendi po përballet me përmbytje. Më shumë se 2 mijë spitale dhe qendra shëndetësore u dëmtuan në përmbytjet e fundit, si pasojë e të cilave vdiqën gati 1 mijë e 700 njerëz.

Mjekët si Ammara Gohar janë në vijën e parë të krizës shëndetësore ndërkohë që OKB-ja ka apeluar për më shumë ndihmë.

“Është shumë e vështirë për ne. Ne ndoqëm pacientët gjatë pandemisë COVID-19, por kjo është më e ashpër sepse përfshin rreziqe mjedisore”, thotë Dr Ammara, gjinekologe.

Ajo po punon në një shkollë në provincën rurale Sindh, zona më e prekur nga përmbytjet. Kjo shkollë përkohësisht po shërben si zyre e shëndetit të qarkut, për shkak se tjetra u përmbyt në ujë.

Ammara dhe ekipi i saj ngarkojnë një furgon me kuti me furnizime mjekësore – gjithçka nga fashat te tabletat e malaries, kompletet e testit të hepatitit deri te kripërat e rihidrimit oral.

Për shkak se 75% e rrethit në provincën Sindh është përmbytur – ajo detyrohet që të shkojë shtëpi më shtëpi në komunitetet e izoluara për t’u ofruar ndihmë mjekësore.

“Këta njerëz nuk mund të mbijetojnë pa mbështetje në zonat e goditura nga fatkeqësitë”, deklaroi ajo.

Vetëm në tre javët e para të shtatorit, më shumë se 140 mijë raste të malaries u raportuan në Sindh, thonë zyrtarët shëndetësorë. Por për shkak të shkallës së ulët të testimit, numri i të infektuarve me malaria mund të jetë edhe më i lartë./UBTNews/

Lajmet

Osmani në Sofje, takoi presidentin bullgar dhe mbretin e Jordanisë

Published

on

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

on

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

on

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

on

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara