Kulturë

Përkujtohet në 198-vjetorin e vdekjes poeti romantik anglez, Bajron

Bajroni lindi në Londër më 22 janar 1788 në një familje aristokrate të varfëruar.

Published

3 years ago

April 19, 2022

Betim Gashi

Muzeu Historik Kombëtar përkujtoi sot në 198-vjetorin e vdekjes, poetin romantik anglez Xhorxh Gordon Bajron. Bajroni lindi në Londër më 22 janar 1788 në një familje aristokrate të varfëruar. Kur ishte dhjetë vjeç, me vdekjen e xhaxhait, Bajroni trashëgoi titullin Lord dhe pallatin e çifligun Newstead Abbey. Më 1801 Bajronin e dërguan në Harrow, në shkollë, ku studioi gjuhët greke e latine, historinë dhe letërsinë angleze.Në moshën 18-vjeçare, Bajroni hyri në Universitetin e Kembrixhit (Trinity College). Më 1809 zuri vendin e tij në Dhomën e Lordëve, ku u shqua për idetë përparimtare. Po këtë vit ndërmori një udhëtim nëpër Evropë. Gjatë vizitës së tij në Shqipërinë Jugore, më saktësisht në Janinë, Lord Bajroni mori si kujtim nga ato vise një kostum tradicional shqiptar. Do të ishte pikërisht bukuria dhe e veçanta e këtij kostumi, që në verën e vitit 1813 do ta shtynin piktorin Thomas Philips që të realizonte portretin e famshëm të Lord Bajronit veshur me kostumin shqiptar, me titull “Portrait of a Nobleman in the dress of an Albanian” (Portret i një fisniku me veshje shqiptare). Portreti u vendos në Royal Academy dhe tani është i vendosur në ambasadën britanike në Athinë.Midis veprave letrare të tij, një vend të rëndësishëm zë poema “Çajld Harold” (Childe Harold’s Pilgrimage, 1812-1817), shkruar në bazë të përshtypjeve nga udhëtimet të poetit në Spanjë, Greqi, Shqipëri, Zvicër, Itali etj. Poemën e përshkron patosi i luftës për liri të popujve të shtypur e të robëruar. Në të, Xhorxh Bajroni u këndoi traditave dhe zakoneve burrërrore të shqiptarëve, trimërisë dhe dashurisë së flaktë të tyre për lirinë.Në letrën dërguar nënës së tij në datën 12 nëntor 1809, midis të tjerash Bajroni shkruan: “…I dua shqiptarët shumë. Në udhëtimin që bëra, kam rojtur një herë dy ditë, dhe një herë tjetër tri ditë, në një kazermë shqiptarësh dhe s’kam gjetur kurrë ushtarë aq të pëlqyer sa shqiptarët, ndonëse kam qenë në garnizonet e Gibraltarit e të Maltës, dhe kam parë shumica ushtarësh spanjollë, frëngj, sicilianë dhe anglezë. Nuk më rrodhën gjësendë, dhe më ftuan me gëzim të marr nga zahireja dhe nga qumështi i tyre…”.Në vitin 1823 Bajroni u nis për në Greqi ku u bë frymëzues i luftës për pavarësi kombëtare të Greqisë kundër turqve. Nuk arriti të shihte çlirimin e saj, sepse u sëmur nga ethet dhe vdiq në Mesolongj, më 19 prill 1824, në moshën 36-vjeçare.ATSH

Magazinë

“Hereditary” hiqet nga Netflix, filmi horror që la një aktor me trauma emocionale

Published

9 hours ago

April 7, 2025

Albina Zeneli

Filmi horror i njohur, “Hereditary”, do të largohet nga platforma Netflix më 15 prill 2025. Ky film, i publikuar në vitin 2018, është vlerësuar si një nga më të frikshmit e dekadës së fundit, duke marrë 90% në Rotten Tomatoes.

Gjatë xhirimeve, aktori Alex Wolff, i cili luan rolin e Peter Graham, ka përjetuar trauma emocionale të konsiderueshme. Ai ka deklaruar se përvoja ishte aq intensive sa e la atë me ndjenja të forta negative dhe vështirësi në gjumë.

Për ata që ende nuk e kanë parë këtë film, koha po mbaron për ta shikuar atë në Netflix para se të hiqet nga transmetimi.

Magazinë

Gjendet i vdekur ish-truproja i Beckham, ky është mesazhi i tij lamtumirës

Published

10 hours ago

April 7, 2025

Albina Zeneli

Craig Ainsworth, ish-anëtar i marinës mbretërore britanike dhe ish-truproja i David dhe Victoria Beckham, u gjet i vdekur në Spanjë.

Për të ishte shpallur më parë një kërkim i madh nga policia, shkruan Mirror, dhe lajmi për vdekjen e tij u shpërnda nga nëna e tij.

Para se të kryente vetëvrasje, Craig u drejtua te ndjekësit në rrjet me një letër lamtumire, shpjegoi arsyet pse mori këtë vendim kaq radikal.

“Që të jetosh është gjëja më e rrallë në botë. Shumica e njerëzve ekzistojnë, kjo është gjithçka. Për shumicën ky do të jetë një shok, kam qenë në dhimbje të madhe gjatë katër viteve të fundit që kur bllokimi nervor shkatërroi gjithçka që kam ndërtuar, humba disa njerëz të mrekullueshëm që isha krenar t’i quaja miq dhe kolegë. Posaçërisht Ryan dhe Jamie, që ishin si vëllezërit e mi. Anëtarët e familjes sime më sulmuan e poshtëruan publikisht, edhe pse e dinin që isha në gjendje të keqe, dhe humba miq me të cilët kam qenë në kontakt për 20 vjet, që vendosën të flasin për mua, në vend që të flisnin me mua. Kur kisha më shumë nevojë për të gjithë, e zgjedhën të më sulmojnë në vend të më mbështesin, dhe kjo është diçka nga e cila nuk jam shpërblyer kurrë. Kjo më thau thjesht”, shkruajti Craig në postimin e tij të fundit.

Craig Ainsworth shtoi se “nuk dëshiron varrim, por që eshtrat e tij të hidhen në det”.

Ainsworth ka punuar për David dhe Victoria Beckham nga 2013 deri në 2015, kur jetonin në “Holland park” në Londër. Ai ka folur për çiftin pasi është publikuar një dokumentar për ta në Netflix.

“David ishte sharmant. Victoria mbante veten, ishte me fëmijët ose punonte. Fëmijët e tyre janë të edukuar, duke marrë parasysh sa shumë ndjekës kanë. Të jesh i famshëm e të mbash familjen, pra duhet të bëjnë diçka të jashtëzakonshme dhe të jenë të mirë”, tha atëherë.

Share Now

Magazinë

Naomi Campbell mahnit me pamjen rinore në çmimet Olivier 2025

Published

10 hours ago

April 7, 2025

Albina Zeneli

Supermodelja Naomi Campbell, 54 vjeçe, shkëlqeu në ceremoninë e çmimeve Olivier 2025 në Royal Albert Hall të Londrës.

E veshur me një fustan gri gjysmë të tejdukshëm dhe një gjerdan elegant argjendi, Naomi tregoi lëkurën e saj të lëmuar dhe pamjen rinore, e plotësuar me grim të lehtë dhe zgjatime elegante flokësh.

Ceremonia, e prezantuar nga Beverley Knight dhe Billy Porter, festoi më të mirët e teatrit në West End, me yje të njohur si Adrien Brody, John Lithgow dhe Mark Strong që garuan për aktorin më të mirë, shkruan DailyMail.

Në kategorinë e aktores më të mirë spikatën emra si Imelda Staunton për Hello, Dolly!, Lesley Manville dhe Indira Varma.

Romola Garai u veçua me dy nominime në të njëjtën kategori për rolet në “Giant” dhe “The Years”, ndërsa muzikali “Fiddler On The Roof” kryesoi me 13 nominime. Në mesin e të ftuarve dhe prezantuesve të çmimeve ishin edhe emra të njohur si Cate Blanchett, Tom Hiddleston, Idris Elba dhe vetë Naomi Campbell.

Magazinë

Lucas Bravo: Sezoni i pestë i “Emily in Paris” do të jetë më i miri deri tani

Published

12 hours ago

April 7, 2025

Albina Zeneli

Aktori Lucas Bravo, i njohur për rolin e shefit simpatik Gabriel në serialin e suksesshëm të Netflix-it “Emily in Paris”, ka dhënë sinjale premtuese për sezonin e pestë të serialit.

Në një intervistë për revistën “Parade”, aktori francez ka zbuluar se xhirimet do të nisin në muajin maj dhe ka premtuar se ky do të jetë sezoni më i fuqishëm deri më tani.

“Mendoj se është sezoni më i mirë deri tani, fansat do të çmenden!” ka thënë ai.

Bravo ka zbuluar se ka pasur takim me krijuesin e serialit, Darren Star, nga i cili ka marrë disa informacioneA rreth drejtimit të sezonit të ri.

“Darren më tregoi pak, pa më treguar shumë. Është sezoni më i çmendur deri më tani”, ka thënë ylli duke qeshur.

Emri i aktorit është lidhur me atë të yllit të Hollywoodit, Shailene Woodley. I pyetur nëse do shfaqet si mysafire në sezonin e ardhshëm, Bravo u përgjigj me humor duke pretenduar se nuk e di se kush është.

“Kush? Nuk e di për çfarë po flisni”, ka thënë ai.

Kritika e Bravos ndaj zhvillimit të karakterit të Gabrielit. Edhe pse entuziast për sezonin e ri, Bravo nuk i ka kursyer kritikat për mënyrën se si është trajtuar personazhi në sezonet e fundit. Në një intervistë më 2024, pati deklaruar se nuk ndihet më i lidhur me Gabrielin.

“Në sezonin e parë kishte shumë gjëra prej personalitetit tim që mund t’i gjeja në të. Por më pas, me zgjedhjet që i bënë, ai u kthye në një karakter të humbur dhe të manipuluar. Nuk ishte më argëtuese për mua”, pati thënë aktori.

Ai ka përmendur me metaforë se personazhi i tij “po kthehej ngadalë në një person që manipulohet lehtë”, duke e bërë të vështirë lidhjen emocionale me rolin. Përkundër këtyre vështirësive, sipas Bravos, sezoni i ri mund të rikthejë energjinë e munguar.