Lajmet

Përkujtohet masakra e Pastaselit, Kurti: Krimi i Serbisë as nuk harrohet dhe as nuk falet

Kurti tha se kjo pllakë përkujtimore është një pikë kujtimi për brezat që do të vinë në mënyrë që kurrë mos të harrohet gjenocidi i Serbisë.

Publikuar

Kryeministri i Kosovës, Albin Kurti në zbulimin e pllakës përkujtimore të dëshmorëve dhe martirëve të rënë në masakrën në fshatin Pastasel të Komunës së Rahovecit, ka thënë se duke u përbashkuar në këtë vend, denoncojmë forcat serbe, pasi që 106 qytetarë të këtij fshati u vranë vetëm se ishin shqiptarë.

Kurti para qindra të pranishmëve tha se kjo pllakë përkujtimore është një pikë kujtimi për brezat që do të vinë në mënyrë që kurrë mos të harrohet gjenocidi i Serbisë, krimet kundër njerëzimit e krimet e luftës.

“Ajo çka e bënë këtë masakër të Pastaselit ndër masakrat më të tmerrshme në Kosovë, është se së pari kemi torturim të shqiptarëve e pas torturimit i ndajnë në grupe, ku në grupin e parë i vrasin fëmijët, në mënyrë që edhe prindërit e tyre, edhe gjyshërit e tyre t’i shohin duke vdekur djemtë e nipat e tyre, e më pastaj i pushkatojnë edhe prindërit e gjyshërit. Kjo e bënë shumë të tmerrshme këtë masakër…ata kriminelet nuk janë më këtu, ju jeni dhe do të jeni gjithmonë këtu, e kriminelet duhet të jenë prapa grilave, qoftë në drejtësi ndërkombëtare, qoftë vendore. Krimi i Serbisë as nuk harrohet, as nuk falet”, ka thënë ai.

Kurti në ceremoni të përkujtimit të masakrës në Pastasel, theksoi se duke kujtuar të rënët, denoncohen kryesit e këtij krimi.

“Sot jemi këtu për ta ruajtur dhe kultivuar kujtimin e viktimave të gjenocidit të ushtruar nga Serbia mbi shqiptarët në Kosovë gjatë viteve 1998-1999. Duke u përbashkuar në këtë vend, pikërisht këtu ku forcat serbe e kryen masakrën e Pastaselit 24 vjet më parë, ne shënojmë historinë e këtyre viktimave dhe denoncojmë kryerësit e këtij krimi. Më 31 mars 1999, policia serbe vrau dhe masakroi 106 shqiptarë të pa armatosur në Pastasel për të vetmën arsye se ishin shqiptar. Vetëm një javë pas fillimit të fushatës ajrore të bombardimeve të NATO-s mbi Jugosllavi, fshati Pastasel i Rahovecit u bë vendi ku humbën jetën nga armët e policëve të Serbisë plotë 106 njerëz nga Pastaseli, por edhe nga fshatra tjera si Seoci, Kremniku, Kazniku, Kramoviku, Palluzha dhe nga vend të tjera. Nga kjo masakër kemi ende persona të zhdukur me dhunë”, theksoi Kurti.

Po ashtu Kurti, tha se thirrja dhe gatishmëria qeveritare për t’i ndjekur kriminelët serbë të luftës duhet të has në interesimin urgjent dhe të shtuar të Prokurorisë së Kosovës.

“Dua ta ritheksoi përkushtimin tim maksimal jo vetëm për kujtimin e viktimave të luftës, por edhe për studimin e historisë si dhe angazhimin institucional për adresimin e të gjitha krimeve të kryera gjatë luftës në sistemin e drejtësisë vendore dhe ndërkombëtare. Thirrja dhe gatishmëria qeveritare për t’i ndjekur kriminelët serbë të luftës duhet të has në interesimin urgjent dhe të shtuar të Prokurorisë së Kosovës”, tha ai.

Kryetari i komunës së Rahovecit, Smajl Latifi tha se UÇK erdhi si një bekim dhe shpresë për popullin e Kosovës. Ai përmendi edhe bashkëluftëtarët e tij, siç tha ai që po mbahen padrejtësisht në Hagë dhe ftoi të gjithë qytetarët ta dalin në protestë më 2 prill.

“Lufta jonë e drejt dhe domosdoshme nën emblemën e Ushtrisë Çlirimtare të Kosovës u mbështet nga populli ynë i shumë vuajtur e pas edhe nga fuqitë demokratike botërore. UÇK erdhi si një bekim dhe shpresë për popullin e Kosovës. Djem e burra të kësaj ane si Milaim e Fadil Krasniqi nuk menduan gjatë, sepse ishin të bindur se rrugë tjetër liria nuk kishte, përveçse të mundit, djersës dhe gjakut”, theksoi Latifi.

Përfaqësuesi i fshatit, Afrim Krasniqi ka kërkuar drejtësi nga institucionet vendor dhe ndërkombëtare për vrasjen e 106 qytetarëve në Pastasel.

“Sot 24 vjet më parë në përroin e këtij fshati u ven në shënjestër të barbarisë serbe 106 qytetarë, të cilët u vranë dhe u masakruan në mënyrë më barbare nga serbët. Ndërsa, më 30 mars fshati ishte mbushur me dhjetëra mijëra qytetarë nga fshatrat për rreth… prandaj, si familjarë të të rënëve kërkojmë nga institucionet tona dhe ndërkombëtare të bëjnë më shumë për zbardhjen dhe dënimin e atyre keqbërësve”, theksoi ai.

Lajmet

Drama Kurti-Rama, probleme të protagonizmit personal të dy kryeministrave

Publikuar

nga

Ditët e fundit u vërshuan me reagime raportet ‘e ngurta’ mes kryeministrit të Kosovës, Albin Kurti dhe kryeministrit të Shqipërisë, Edi Rama. Ky i fundit qëndroi për vizitë në Kosovë më 10 qershor në shënimin e 25-vjetorit të Çlirimit të Kosovës, porse në agjendën e tij nuk kishte takim të planifikuar me homologun e tij nga Kosova.

Mospajtimet e dy udhëheqësve politikë nisën që nga 7 korriku i vitit të kaluar, kur Rama kishte anuluar pjesëmarrjen e kabinetit të tij në mbledhjem e përbashkët të dy qeverive.

Megjithatë analistja politike, Afërdita Maliqi në një prononcim për UBTNews tha se brishtësia e raporteve mes kryeministrave shqiptarë e ka zanafillën që nga fillimi i qeverisjes së Kurtit.

“Problemet mes dy kryeministrave nuk është që janë sotshme, datojnë pothuajse qëkur ka ardhur kryeministri Kurti në pushtet. Nëse ju kujtohet kryeministri Kurti pati konkuruar në zgjedhjet në Shqipëri dhe kishte shkuar me votu atje dhe prej aty kanë filluar ato ndërstramcat mes të dy kryeministrave. Kryeministri Rama e ka thumbuar ndonjëherë kur ju ka thënë mundësia, ndërkaq kryeministri Kurti ka dëshiruar të jetë ai lideri i të gjithë shqiptarëve në Ballkan për të cilën nuk ka pranuar kryeministri Rama”, deklaroi Maliqi.

Vlerëson se mospajtimet rrjedhin si pasojë e protagonizmit personal të dy kryeministrave.

“Nga ana e kryeministrit Kurti protagonizmin me qenë lider i Ballkanit për shkak se është përzier në zgjedhjet në Shqipëri, ëshët përzier në zgjedhjet në Luginë të Preshevës, është përzier në zgjedhejet në Maqedoninë e Veriut, d.m.th kur në Kosovë vlojnë problemet ne e shohim kryeministrin duke u marr pjesë nëpër fushata dhe duke u mbështetur në parti të caktuara”, shtoi ajo.

“Në këtë pikë problemet mes dy kryeministrave i shoh më shumë probleme personale dhe probleme të protagonizmit personal të tyre”, thotë ajo.

Gjatë vizitës së tij në Kosovë, Rama u takua me të parën e shtetit, Vjosa Osmanin. Ai mori pjesë edhe në një konferencë ndërkombëtare për ish-presidentin Ibrahim Rugova të organizuar nga Lidhja Demokratike e Kosovës./UBTNews/

Teksti: Dea Berisha

Vazhdo të lexosh

Lajmet

​Piramida e Tiranës nderohet me çmim nga “WAN Awards EMEA”

Publikuar

nga

Piramida e Tiranës ka marrë një tjetër çmim nga juria e “WAN Awards EMEA”, vlerësuese e projekteve arkitekturore më novatore nga e gjithë bota.

Kryeministri Edi Rama bëri sot të ditur se juria e “WAN Awards EMEA”, e cilëson Piramidën e Tiranës si një “projekt të guximshëm”, të hapur për publikun, dhe e rrethuar nga një ansambël kutish shumëngjyrëshe, të shpërndara brenda dhe përreth ndërtesës origjinale.

Juria e “WAN Awards EMEA” vlerëson se transformimi i Piramidës tregon se si një ndërtesë mund të përshtatet për një “erë të re”, duke ruajtur historinë e saj komplekse.

“Në vend që struktura të shembej më kot, guaska e saj e fortë prej betoni është përshtatur sipas parimeve të “ekonomisë qarkulluese”. Fletë të mëdha xhami me nivele zëvendësojnë xhamat midis trarëve të betonit të Piramidës, duke mbrojtur brendinë nga shiu, ndërsa njëkohësisht e mbajnë atë të hapur ndaj elementëve të natyrës”, vlerëson juria.

Arkitektja e njohur Eva Jiricna, kryetare e jurisë së “WAN Awards EMEA” vlerësoi projektuesit për këtë zgjidhje kaq të mirë, “për t’i treguar publikut se pak humor mund të shërojë edhe plagët më të thella”./ATSH/

Vazhdo të lexosh

Lajmet

Aksionarët e Tesla-s padisin Elon Musk për devijimin e burimeve në kompaninë e tij të AI

Publikuar

nga

Aksionarët e Tesla kanë ngritur një padi kundër CEO-s, Elon Musk dhe bordit të kompanisë për zhvendosjen e burimeve dhe talentit nga prodhuesi i makinave elektrike dhe përdorimin e tyre në vend të kësaj për kompaninë e inteligjencës artificiale (AI) të Musk, xAI.

Disa aksionarë pohuan se Musk u përpoq për vite me radhë ta poziciononte Tesla-n si një kompani robotike dhe AI-në ​​dhe jo si një prodhues automjetesh.

Sipas padisë e cila u ngrit në shtetin amerikan të Delaware, Musk “devijoi talentin dhe burimet e pakta nga Tesla në xAI dhe mblodhi miliarda dollarë për xAI ndërsa pretendonte aksesin e xAI në të dhënat e lidhura me AI të Tesla”.

Padia, e raportuar fillimisht nga TechCrunch dhe Business Insider, vjen menjëherë pasi Musk hoqi dorë nga padia e tij kundër OpenAI, kompania e cila qëndron pas ChatGPT, te e cila ai ishte një investitor origjinal./UBTNews/

Vazhdo të lexosh

Lajmet

Gjermania kap sasi rekorde të kokainës

Publikuar

nga

Autoritetet gjermane njoftuan sot për sekuestrimin e rreth 35 ton kokaine, në atë që besohet të jetë kapja më e madhe në llojin e tij.

Droga u zbulua për herë të parë në portin e Hamburgut vitin e kaluar, por autoritetet nuk kanë dhënë asnjë informacion prej muajsh për shkak të hetimeve në vazhdim, sipas mediave gjermane.

Sipas Ministrisë së Drejtësisë të North Rhine-Westphalia, vlera e vlerësuar në rrugë e 35 tonëve kokainë ishte disa miliardë euro.

Gjatë bastisjeve të policisë, të paktën shtatë të dyshuar u arrestuan në disa shtete federale, duke përfshirë Hamburgun, Berlinin, Bavarinë dhe Saksoninë e Ulët.

Tri portet më të mëdha në Evropë – Roterdami, Antverpen dhe Hamburgu – përdoren shpesh nga kartelet për kontrabandë të drogës nga Amerika e Jugut.

Në vitin 2021, zyrtarët doganorë në Hamburg sekuestruan 16 ton kokainë, me një vlerë rruge prej afro 3.5 miliardë euro. Ishte kapja më e madhe e vetme e kokainës deri më tani në Gjermani. /AA

Vazhdo të lexosh

Të kërkuara