Kulturë
Përjetësimi i një ikone: Vaçe Zela në murin e Radio Televizionit Shqiptar
Një muralë e veçantë po lind në godinën e Radio Televizionit Shqiptar, e cila do të përjetësojë kujtimin e këngëtares legjendare shqiptare, Vaçe Zela. Këngëtarja, e cila ndërroi jetë më 6 shkurt 2014, është nderuar me këtë vepër arti për të ruajtur gjurmën e saj të pashlyeshme në muzikën shqiptare.
Kryeministri Edi Rama ka ndarë në rrjetet sociale disa momente nga puna për krijimin e këtij muralje, e cila po realizohet nga artisti ndërkombëtar Maximiliano Debasko. Rama ka shpërndarë mesazhin e tij: “Muralja e bukur në Tiranë, ku po përjetësohet këngëtarja e madhe shqiptare Vaçe Zela.”
Maximiliano Debasko, një artist me reputacion ndërkombëtar, ka realizuar më parë muralen e shkrimtarit të njohur Ismail Kadare në Tiranë dhe një vit më parë ka pikturuar portretin e yllit të futbollit ndërkombëtar, Lionel Mesi.
Iniciativa për këtë muralë është pjesë e “Mural Fest Tirana”, një projekt nën drejtimin e artistit të njohur Helidon Haliti. Haliti shprehu për mediat se ideja për të përjetësuar Vaçe Zelën në këtë mënyrë ka lindur nga dëshira për të nderuar një nga ikonat më të mëdha të kulturës shqiptare, e cila la një gjurmë të thellë në muzikën e vendit.
Vaçe Zela, e njohur si “Artistja e Popullit”, është një figurë që ka lënë një trashëgimi të rëndësishme me këngët e saj të paharruara. Disa nga këngët që do të mbeten në kujtesën e publikut përfshijnë: “Fëmija i parë”, një kompozim i Agim Krajkës, të cilën Vaçe Zela e këndoi në Festivalin e Parë të Këngës në vitin 1962; “E dua vendin tim”; “Djaloshi dhe shiu”; “Dritaren kërkoj”; “Lumi Ebro”; “Për ty o këngë”; “Manushaqja”; dhe “Esperanca”, një këngë kubane e kënduar në vitin 1962 në shoqërinë e kompleksit ritmik. Po ashtu, këngët e saj nga filmi “Karmen” si “Një zambak i bardhë në gur” janë po ashtu të paharruara.
Vaçe Zela ka bashkëpunuar me disa nga kompozitorët më të njohur të muzikës së lehtë shqiptare, si Tish Daija, Agim Krajka, Kujtim Laro, Shpëtim Kushta, Avni Mula, Limoz Dizdari, Pjetër Gaci, Aleksandër Peçi dhe Agim Prodani, duke kontribuar në pasurimin e repertorit muzikor shqiptar./UBTNews/
Studimi: Bakteret e zorrëve mund të lidhen me pagjumësi
Studim: Chip i trurit deshifron mendimet me saktësi deri në 74%
E dini kur është koha ideale për të pirë kafe?
Në konferencën e parë te Milani, Jashari: Rrënjët shqiptare më japin forcë, Xhaka mbetet shembull i madh për mua
Shëndeti mendor, praktikat që ndihmojnë në luftën kundër ankthit dhe stresit
Johnny Depp në bisedime për rikthim në filmin “Piratët e Karaibeve”
UBT përgatit liderët e ardhshëm të fushës paramjekësore
Këshilla si të kërkoni rritje page
A janë sëmundjet e zemrës trashëgimore dhe si ndikon diabeti? Flet kardiologu Edis Demiri
-
Lajmet nga UBT2 months agoUBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months agoUBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months agoUBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months agoUBT organizoi Akademi Përkujtimore në nder të Prof. Dr. Naser Kamberit