Sport

Përfunduan tri ndeshjet e ditës së sotme në BKT Superligë

Nesër zhvillohen edhe dy ndeshjet e mbetura të kësaj xhiroje.

Published

on

Përfunduan tri përballjet e ditës së sotme në kuadër të javës së 24-të në BKT Superligën e Kosovës.

Lideri i tabelës, Ballkani “çaloi” në rrugëtimin drejt titullit kampion duke humbur tri pikë shumë të vlefshme në udhëtim te Malisheva e cila fitoi me rezultat të pastër 2 me 0.

Kampioni aktual Prishtina u njoftua me fitorën e parë në stinorin pranveror, e mposhti Feronikelin me tre gola të shënuar kurse ndeshja mes Ulpianës dhe Dukagjinit përfundoi 1 me 1.

Nesër zhvillohen edhe dy ndeshjet e mbetura të kësaj xhiroje, na pret derbi i Anamoravës mes Dritës dhe Gjilanit e mjaft interesante do të jetë edhe përballja e Llapit me Drenicen./UBTNews/

Lajmet

​Legjenda e Barcelonës njofton pensionimin nga futbolli

Published

on

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Lajmet

​Nis Superliga e Kosovës në futsall këtë fundjavë

Published

on

Superliga e Kosovës në futsall nis këtë fundjavë me edicionin e ri 2025/26, ku java e parë do të zhvillohet të dielën dhe të hënën, me disa duele interesante në program.

Të dielën, FC Liqeni përballet me FC Trepçën në Drenas, ndërsa në kryeqytet do të luhet derbi mes FC Mabetex Prishtina dhe FC Drenicës.

Të hënën, në kuadër të javës së parë, FC Drenasi do të sfidojë FC Shtimja 26, kurse FC Malisheva pret FC Prishtina 01.

Skuadra e FC Obiliqit do të pushojë këtë javë./S.K/KP/FFK-Futsal/

Continue Reading

Lajmet

​Ish-lojtari i Arsenalit ndërron jetë në moshën 21 vjeçare

Published

on

Futbollisti i Chichester City dhe ish-lojtari i akademisë së Arsenalit, Billy Vigar, ka ndërruar jetë në moshën 21-vjeçare pas një lëndimi të rëndë në tru të pësuar gjatë një ndeshjeje kundër Wingate & Finchley.

Sulmuesi u përplas jashtë fushës në përpjekje për ta shpëtuar topin, duke pësuar dëmtime serioze.

Ai u vendos në koma të induktuar dhe iu nënshtrua një operacioni, por nuk arriti të mbijetojë.

Klubi i Chichester City, Arsenal dhe bota e futbollit kanë shprehur ngushëllimet për humbjen e tij, ndërsa ndeshja e radhës e Chichesterit është shtyrë në shenjë respekti./S.K/KP/

Continue Reading

Lajmet

​Ronaldo i bën thirrje Ancelottit: Rikthejeni Neymarin në kombëtare

Published

on

Ronaldo Nazário ka kërkuar publikisht nga Carlo Ancelotti që të rikthejë Neymarin në ekipin kombëtar të Brazilit.

Sulmuesi legjendar e cilësoi 33-vjeçarin e Santos si një lojtar vendimtar për Seleção-n, duke theksuar se mungesa e tij është një boshllëk i madh.

Neymar, golashënuesi më i mirë i të gjitha kohërave i Brazilit me 79 gola në 128 ndeshje, nuk ka luajtur për kombëtaren që nga tetori i vitit 2023, kur pësoi një dëmtim të rëndë në gju.

Pas rikthimit nga aventura në Arabinë Saudite me Al Hilal, ai është shndërruar sërish në një figurë kyçe për Santos, por deri më tani Ancelotti nuk e ka thirrur në katër ndeshjet e tij në krye të Brazilit.

“Ne nuk kemi një lojtar tjetër si Neymar. Ai është vendimtar për Seleção-n braziliane. Njerëzit shpresojnë 100% që ai të shkojë në Kupën e Botës, sepse me të rezultatet tona do të ishin shumë më të mira,” tha Ronaldo.

Ancelotti, nga ana e tij, në muajin shtator nuk e kishte përjashtuar mundësinë e rikthimit të Neymarit, duke theksuar se ai duhet të rifitojë formën e duhur për të dhënë më të mirën në Kupën e Botës./S.K/KP/

Continue Reading

Të kërkuara