Lajmet

Përfundon rinumërimi i votave me postë dhe atyre nga jashtë vendit për kandidatët e AAK-së

Published

on

Në Qendrën e Numërimit dhe Rezultateve ka përfunduar rinumërimi i votave me kusht dhe atyre nga jashtë vendit, pas vendimit të Panelit Zgjedhor për Ankesa dhe Parashtresa që të rinumërohen vetëm votat për kandidatët e Aleancës për Ardhmërinë e Kosovës. Ndërkohë në QNR është duke vazhduar rinumërimi edhe i vendvotimeve të tjera.

Zëdhënësi i KQZ-së, Valmir Elezi, tha se janë 134 vendvotime për të cilat ka vendosur PZAP që të rinumërohen dhe shtatë vendvotime nga KQZ, në total 141.

Elezi tha se pritet që të përfundojë së shpejti procesi i rinumërimit të këtyre votave, pasi që bëhet fjalë vetëm për rinumërim të votave të kandidatëve të një subjekti politik. Rinumërimi i tillë Elezi tha se nuk merr shumë kohë për të përfunduar.

“Në QNR, KQZ është duke vazhduar të zbatojë vendimet e Panelit Zgjedhor për Ankesa dhe Parashtresa për të rinumëruar vendvotime të caktuara, ashtu siç ka vendosur ky institucion pas ankesave të kandidatëve të subjekteve të ndryshme politike. Gjatë ditës së djeshme kemi filluar me numërimin e votave me kusht dhe sot në mesditë kemi përfunduar me numërimin e votave të cilat kanë ardhur nga jashtë vendi. Kështu ka qenë vendimi i PZAP, pra për të rinumëruar vetëm votat e kandidatëve të subjektit politik AAK. Në vazhdim KQZ është duke numëruar vendvotime të tjera sipas vendimeve të PZAP. Në përgjithësi janë 134 vendvotime për të cilat ka vendosur ky institucion, pra PZAP, që të rinumërohen dhe 7 të tjera janë me vendim të KQZ-së. Pra, janë gjithsej 141 vendvotime të cilat rinumërohen këtu në QNR”, tha ai.

Sa i përket shpalljes së rezultateve, Elezi tha se do të bëhet posa të përfundojnë të gjitha procedurat që parashihen pas rinumërimit të vendvotimeve.

“Sa i përket rezultateve qoftë të rinumërimit të votave me kusht, votave nga jashtë vendit të cilat janë rinumëruar këtu në QNR apo edhe rinumërime të vendvotimeve të tjera natyrisht se rezultatet e tyre do të publikohen në një kohë sapo ato të jenë të gatshme, posa të përfundojnë të gjitha procedurat që parashihen në QNR sepse ato të dhëna të cilat merren pas plotësimit të formularëve të ri duhet kohë derisa të hyjnë sërish në sistem, të gjenerohen dhe natyrisht se KQZ do t’i publikojë në një kohë optimale”, tha Elezi. 

Zgjedhjet parlamentare u mbajtën më 14 shkurt.

Lajmet

​Lëndohet ylli i Interit

Published

on

Futbollisti Henrikh Mkhitaryan është detyruar të lërë fushën në minutën e 32-të të ndeshjes kundër Napolit për shkak të një problemi fizik.

Sipas testeve mjekësore të kryera në Institutin “Humanitas” në Rozzano, mesfushori armen ka pësuar tendosje muskulore në muskulin semitendinosus të kofshës së majtë.

Interi njoftoi se gjendja e tij do të rivlerësohet javën e ardhshme, ndërsa koha e rikuperimit ende nuk është përcaktuar.

Skuadra e Cristian Chivu do të përballet të mërkurën (29 tetor) me Fiorentinën në “San Siro”, ndërsa më 2 nëntor udhëton në Verona për sfidën ndaj ekipit vendas./S.K/KP/

Continue Reading

Lajmet

​De Bruyne mbyll vitin 2025, dyshohet për një dëmtim të rëndë

Published

on

Kevin De Bruyne rrezikon ta mbyllë para kohe vitin 2025 pas lëndimit të pësuar në ndeshjen Napoli–Inter.

Mesfushori belg u detyrua të largohej nga fusha menjëherë pas shënimit të golit nga penalltia, pasi ndjeu dhimbje në kofshën e djathtë dhe më pas u pa me paterica në pankinë.

Sipas Gazzetta dello Sport, dyshohet për një këputje të rëndë në bicepsin femoris, e cila mund ta mbajë jashtë fushave për disa muaj. Napoli shpreson që dëmtimi të mos ketë prekur zonën ku lojtari u operua në vitin 2023 gjatë kohës së tij te Manchester City.

Nëse konfirmohet se bëhet fjalë për një dëmtim serioz, De Bruyne mund t’i nënshtrohet një operacioni, gjë që do ta detyronte të mungojë për pjesën e mbetur të sezonit. Edhe në rastin më të mirë, ai pritet të qëndrojë jashtë për dy ose tre muaj, duke i dhënë fund praktikisht vitit 2025.

Napoli ndërkohë mund të detyrohet të bëjë ndryshime në listën e Ligës së Kampionëve, me mundësi që në vend të belgut të përfshihet njëri mes Marianuccit apo Mazzocchit. Rezultatet e ekzaminimeve priten të përcaktojnë kohën e rikuperimit të mesfushorit./S.K/KP/

Continue Reading

Lajmet

​Juventusi shkarkon trajnerin Tudor

Published

on

Humbja ndaj Lazios i ka kushtuar trajnerit Igor Tudorit, ku klubi bardhezi ka vendosur ta shkarkojë trajnerin kroat pas një serie rezultatesh të dobëta në fillim të këtij sezoni.

Sipas La Gazetta dello Sport detyrën e përkohshme të trajnerit do ta marrë Massimo Brambilla, deri në emërimin e pasardhësit të ri.

Nën drejtimin e Tudorit, Juventusi ka zhvilluar tetë ndeshje në Serie A, ku ka grumbulluar vetëm 12 pikë dhe ndodhet aktualisht në vendin e tetë të renditjes.

Në fazën e grupeve të Champions League, bardhezinjtë kanë siguruar vetëm dy pikë në tre takime, çka ka thelluar krizën e skuadrës torineze./S.K/KP/

Continue Reading

Lajmet

Vihen nën mbrojtje Liqeni i Ujmanit dhe Mali Mokna

Published

on

Zëvendësministri në detyrë i Infrastrukturës Hysen Durmishi, ka njoftuar se kanë vënë nën mbrojtje Malin Mokna dhe Liqenin e Ujmanit. 

Ai ka thënë se javën e kaluar ka nënshkruar vendimin për mbrojtje paraprake të “Malit Mokna dhe Liqenit të Ujmanit”, i cili sipas tij është nga vendimet më të rëndësishme për mbrojtjen e natyrës në Kosovë.

“Me këtë vendim, Republika e Kosovës bëhet shteti me përqindjen më të lartë të territorit nën mbrojtje të natyrës në gjithë Ballkanin Perëndimor. Pas një studimi njëvjeçar në terren, është konstatuar se kjo zonë përbën pasuri të rrallë natyrore, me biodiversitet të pasur dhe peizazhe me rëndësi të veçantë ekologjike e shkencore”, ka shkruar Durmishi.

Ai ka shkruar se zona me sipërfaqe prej 192.19 km² tashmë vihet nën mbrojtje paraprake, siç ka thënë duke e ngritur në 12.4% përqindjen e territorit të Kosovës që mbrohet ligjërisht./S.K/EO/

Continue Reading

Të kërkuara