Shëndet

Përfitimet kryesore shëndetësore kur humbni peshë

Mbi dy të tretat e të rriturve australianë kanë obezitet ose janë mbipeshë.

Published

on

Humbja e peshës nuk është e lehtë për shumë njerëz. Stresi, dieta, stërvitja dhe kushtet e lidhura me shëndetin mund të ndikojnë në peshën tonë dhe aftësinë tonë për të humbur kilet e tepërta.

Mbi dy të tretat e të rriturve australianë kanë obezitet ose janë mbipeshë, sipas Institutit Australian të Shëndetit dhe Mirëqenies – dhe ky numër po rritet.

Lajm i mirë është se ka shumë përfitime shëndetësore për humbjen e peshës, duke përfshirë një rrezik të pakët ndaj sëmundjeve, dhe cilësi më të mirë të jetës.

Këtu, janë 3 përfitime shëndetësore që merrni nga humbja e peshës:

Cilësi më të mirë jetese: Duke pasur mbipeshë mund të ndikojë negativisht në vetëbesim dhe fizikisht, duke mbajtur peshë të tepërt shton presion shtesë në organet e trupit – zemra jonë duhet të punojë më shumë për të pompuar gjakun dhe oksigjenin rreth trupit tonë, mushkëritë tona duhet të punojnë më shumë për të marrë frymë, dhe kur të hajmë, sistemi ynë i tretjes duhet të punojë më shumë për të tretur ushqimet.

Zvogëlon rrezikun e sëmundjeve që lidhen me peshën: Pesha e tepërt e trupit është faktori kryesor i rrezikut për sëmundjen kardiovaskulare, diabetin e tipit 2, disa gjjëndje të lidhura me muskujt, sipas Institutit Australian të Shëndetit dhe Mirëqenies. Megjithatë, faktorët e jetesës si një dietë e shëndetshme (heqja e ushqimeve të përpunuara dhe të larta të yndyrës), stërvitja dhe humbja e peshës mund të ndihmojnë në reduktimin e rrezikut në mënyrë të jashtëzakonshme. Në fakt, studimet tregojnë se miratimi i një jetese të shëndetshme mund të ndihmojë në parandalimin ose vonimin e fillimit të diabetit të tipit 2, dhe në disa njerëz, ndryshimet e stilit të jetesës kanë ndryshuar simptomat dhe i kanë përmirësuar.

Rritja e faktorit të lumturisë: Studimet tregojnë se mbipesha mund të ndikojë negativisht në vetëvlerësim, dhe anasjelltas duke qenë një peshë e shëndetshme mund të rritet vetëbesimin. Por ka edhe një faktor tjetër që mund të ndikojë edhe tek faktori ynë i lumturisë. Hormonet tona. Duke qenë mbipeshë mund të keni një çekuilibër hormonal.

Mbajtja e hormoneve tona në ekuilibër është e rëndësishme sepse ato rregullojnë një sërë funksionesh, nga oreksi ynë në ciklin tonë menstrual.

Shëndet

A ndihmon sauna në lënien e duhanit? Ja çfarë tregojnë studimet

Published

on

Një nga mitet më të përhapura lidhur me lënien e duhanit është ideja se vizitat në sauna për tre ditë rresht mund të ndihmojnë në “djersitjen” e nikotinës nga trupi.

Ky pohim është pjesërisht i vërtetë. Sauna ndihmon trupin të djersitet të relaksohet, por nuk ka fuqi të largojë në mënyrë të drejtpërdrejtë nikotinën.  Organizmi e eliminon nikotinën natyrshëm brenda pak ditësh pas ndalimit të duhanit, pa pasur nevojë për ndihmën e saunës.

Sekreti i suksesit qëndron në përballimin e varësisë dhe të simptomave të tërheqjes, çka kërkon strategji më të qëndrueshme si mbështetja nga grupe, terapitë e sjelljes dhe përdorimi i zëvendësuesve të nikotinës.

Edhe pse sauna mund të lehtësojë stresin dhe disa shqetësime fizike gjatë procesit të lënies, ajo nuk është një “kurë magjike”.

Për rezultate afatgjata, është e nevojshme një qasje e plotë që përfshin zakone të shëndetshme, mbështetje emocionale dhe metoda të provuara shkencërisht.

Përveç përdorimit të saunës, është thelbësore të trajtohen aspektet psikologjike dhe rutinat e përditshme që lidhen me pirjen e duhanit.

Lënia e tij është një proces kompleks që kërkon ndryshim të mënyrës së të menduarit dhe të sjelljes. Pjesëmarrja në grupe mbështetëse, terapia e sjelljes dhe zëvendësuesit e nikotinës mund të rrisin ndjeshëm gjasat për sukses.

Në përfundim, sauna mund të ndihmojë në përmirësimin e mirëqenies gjatë periudhës së tërheqjes, por lënia e duhanit kërkon përkushtim, durim dhe qasje të shumëanshme që adreson si varësinë fizike, ashtu edhe atë psikologjike. /A.Z/UBT News/

 

 

Continue Reading

Shëndet

Arsyet e fshehura të shtimit në peshë edhe kur ushqeheni shëndetshëm

Published

on

Një nga problemet më të përhapura të shëndetit sot është padyshim pesha e tepërt dhe kequshqyerja.

Ky është një fakt që e pranojnë mjekët dhe pacientët, shkaktohet nga ushqimi jo i shëndetshëm. Zgjidhja nis nga një dietë e ekuilibruar dhe e shëndetshme, por ekzistojnë disa përjashtime.

Edhe nëse keni një stil jetese të shëndetshëm dhe konsumoni pak ushqim, mund të vini re frymim ose shtim kilogramësh.  Kjo mund të ketë shkaqe të fshehura shëndetësore.

Hormonet dhe shtimi në peshë:

Një nga shkaqet më të zakonshme të shtimit të papritur në peshë janë çrregullimet hormonale. Një hormon kryesor që ndikon është estrogjeni. Tek gratë, nivelet e ulëta të estrogjenit shkaktojnë shtim në peshë, që mund të shfaqet që nga adoleshenca deri në menopauzë.

Estrogjeni ndihmon në rregullimin e metabolizmit dhe peshës trupore, prandaj mungesa e tij mund të shkaktojë akumulim të dhjamit rreth barkut dhe kofshëve. Ky dhjam rreth organeve mund të rrisë rrezikun për sëmundje si diabeti, sëmundjet kardiovaskulare dhe ishemia.

Pse bie estrogjeni?

Ulja e estrogjenit nuk ndodh vetëm me moshën apo menopauzën. Mund të shkaktohet edhe nga:

Pas lindjes:

Probleme me vezoret

Çrregullime të të ushqyerit, si anoreksia

Si ta mbani estrogjenin në nivele të shëndetshme

Konsumoni fruta të pasura me vitamina, si bananet, luleshtrydhet dhe pjeshkët.

Arrorët janë një alternativë natyrale për rritjen e nivelit të estrogjenit.

Ndiqni një dietë të shëndetshme dhe të ekuilibruar.

Konsultohuni me një mjek specialist, për të monitoruar gjendjen hormonale dhe peshën trupore. Duke ndjekur këto këshilla të thjeshta, mund të ndihmoni trupin të funksionojë në mënyrë optimale dhe të shmangni shtimin e pashëndetshëm në peshë. /A.Z/UBT News/

Continue Reading

Shëndet

Pijet që ndihmojnë zorrën dhe mëlçinë

Published

on

Zorra dhe mëlçia janë dy nga organet më të rëndësishme për shëndetin e trupit, ato luajnë role kyçe në tretje, detoksifikim dhe metabolizëm.

Kur këto sisteme nuk funksionojnë siç duhet, shpesh shfaqen simptoma si lodhja, fryrja apo problemet me tretjen.

Një mënyrë e thjeshtë, por efektive për t’i mbështetur, është përfshirja e pijeve të shëndetshme në rutinën e përditshme.

Ekspertët theksojnë se asnjë pije nuk është zgjidhje magjike, por në kombinim me një dietë të ekuilibruar dhe hidratim të mjaftueshëm, disa pije mund të kontribuojnë dukshëm në ruajtjen e shëndetit të zorrëve dhe mëlçisë.

1. Kefiri

Një pije e fermentuar e pasur me probiotikë, të cilët ndihmojnë në ruajtjen e një mikrobiome të shëndetshme të zorrëve. Konsumi i rregullt i tij mund të: nxisë rritjen e baktereve të dobishme, zvogëlojë inflamacionin, përmirësojë tretjen dhe përthithjen e lëndëve ushqyese.

Kefiri ndihmon në prodhimin e acideve yndyrore me zinxhir të shkurtër, që ushqejnë qelizat e zorrëve e forcojnë barrierën mbrojtëse të tyre.

Për këtë arsye, nutricionistët e rekomandojnë pas përdorimit të antibiotikëve, për të ndihmuar në rikthimin e ekuilibrit të florës bakteriale.

2. Uji i ngrohtë me limon

Një nga mënyrat më të lehta për të mbështetur tretjen dhe funksionin e mëlçisë është pirja e ujit të ngrohtë me limon në mëngjes.
Limonët përmbajnë përbërës që: stimulojnë prodhimin e tëmthit, duke ndihmuar tretjen e yndyrnave, ndihmojnë në pastrimin natyral të trupit nga toksinat, furnizojnë trupin me vitaminë C, e cila mbron qelizat e mëlçisë nga stresi oksidativ.

Megjithatë, ekspertët theksojnë se kjo pije nuk duhet parë si “mrekulli detoksifikuese”, por si zakon që mbështet proceset natyrore të trupit dhe ndihmon në tretjen më të mirë gjatë ditës.

3. Kafeja (në sasi të moderuar)

Edhe pse njihet si pije që rrit energjinë, kafeja mund të ketë efekte mbrojtëse në mëlçi, nëse konsumohet me masë.

Studimet kanë treguar se kafeja mund të: ulë rrezikun e sëmundjeve kronike të mëlçisë, si fibroza dhe cirroza, stimulojë sekretimin e tëmthit, ndihmojë në metabolizimin e yndyrnave.

Kafeja të pihet e zezë, pa sheqer apo aditivë të tjerë, dhe të kufizohet sasia ditore për të shmangur efektet negative të kafeinës.

Një kombinim i ekuilibruar i pijeve të fermentuara, natyrale dhe të pasura me antioksidantë mbështet funksionin e zorrëve dhe të mëlçisë.

Çelësi qëndron në moderim e qëndrueshmëri, jo në zgjidhje të shpejta. Duke përfshirë pije si kefiri, uji me limon dhe kafeja në mënyrë të kontrolluar, mund të përmirësoni ndjeshëm shëndetin e tretjes dhe energjinë e përgjithshme të trupit. /A.Z/UBT News/

Continue Reading

Shëndet

Kafeja me kanellë – Pija e përditshme që forcon trupin dhe trurin

Published

on

Një gastroenterolog i trajnuar në Harvard, Dr. Saurabh Sethi, ka zbuluar një sekret të thjeshtë, por efikas për përmirësimin e shëndetit: shtimi i pak kanelle në kafe.

Sipas tij, ky zakon i vogël sjellë përfitime të mëdha për trupin e trurin. Kanella është e pasur me antioksidantë të fuqishëm që ndihmojnë në uljen e nivelit të sheqerit në gjak dhe në luftimin e stresit oksidativ një nga faktorët që lidhen me sëmundjet si problemet kardiovaskulare, kanceri dhe Alzheimeri.

Dr. Sethi shpjegon se stresi oksidativ shkaktohet nga radikalet e lira, molekula të dëmshme që dëmtojnë qelizat, ndërsa kanella ndihmon në neutralizimin e tyre. Ai shton se për një efekt më të plotë, mund të shtohet edhe vaj MCT – një lloj vaji i përftuar nga kokosi, që është burim i menjëhershëm energjie, përmirëson funksionin e trurit dhe rrit vitalitetin.

Edhe vetë kafeja njihet për vlerat e saj të shumta shëndetësore:

përmirëson fokusin dhe funksionin mendor,

rrit performancën fizike,

është një burim i pasur antioksidantësh,

ndihmon në metabolizëm dhe

ndikon pozitivisht në humor.

Sipas Dr. Sethi, kombinimi i kafesë me kanellë mund ta shndërrojë këtë pije të përditshme në një mjet të fuqishëm për mirëqenie.

Në ditët e ftohta të vjeshtës, një filxhan kafe me aromë kanelle nuk është vetëm një kënaqësi – por edhe një mënyrë e thjeshtë për të forcuar trupin dhe qetësuar mendjen. /A.Z/UBT News/

Continue Reading

Të kërkuara