Shëndeti

Përfitimet e shumta nga konsumimi i xhenxhefilit

Lufton procesin e plakjes dhe stimulon punën e trurit.

Published

2 years ago

January 26, 2023

UBT news

Ju ndoshta keni parë rrënjë të shtrembër xhenxhefili në supermarket dhe nuk dini çfarë të bëni me të. Por, vetitë e tij të dobishme medicinale kanë qenë të njohura që nga kohërat e lashta. Xhenxhefili është një burim i vitaminave, mikronutrientëve dhe vajrave esencialë që kanë efekte forcuese, gjallëruese dhe anti-inflamatore në trup.

Redukton dhimbjen

Xhenxhefili trajton mirë proceset dhe dhimbjet inflamatore, duke përfshirë dhimbjet e muskujve pas ushtrimeve intensive, dhimbjet e menstruacioneve dhe artritin. Bëni një tretësirë me xhenxhefil dhe shafran të Indisë, lëngun e 2 limonëve, 1 lugë çaji mjaltë dhe ujë.

Stimulon punën e trurit

Konsumimi i xhenxhefilit ngadalëson plakjen dhe vdekjen e qelizave të trurit dhe i reziston sëmundjeve të tilla neurodegjenerative si Alzheimer dhe Parkinson. Për më tepër, rrënja e xhenxhefilit përmirëson të gjitha funksionet njohëse dhe ndihmon në ruajtjen e mprehtë të kujtesës.

Lufton procesin e plakjes

Xhenxhefili përmban një sasi të madhe antioksidantësh, përshpejton proceset e rinovimit në trup dhe pastron radikalet e lira dhe toksinat.

Efekti antitumor

Disa elementë në xhenxhefil janë në gjendje t’i rezistojnë kancerit dhe të lehtësojnë gjendjen e dikujt gjatë kimioterapisë.

Ndihmon në heqjen e puçrrave

Përzieni pjesë të barabarta pluhur xhenxhefili , mjaltë të papërpunuar dhe lëng limoni. Aplikojeni në fytyrë, masazhojeni butësisht për disa sekonda dhe lëreni të veprojë për 15-20 minuta përpara se ta lani.

Normalizon përbërjen e gjakut

Sipas hulumtimeve, konsumimi i rregullt i xhenxhefilit mund të normalizojë nivelin e kolesterolit dhe sheqerit në gjak. Gjithashtu, mund të zvogëlojë rrezikun e komplikimeve të mundshme. Për më tepër, xhenxhefili ndihmon në rezistimin e formimit të mpiksjes së gjakut dhe presionit të lartë të gjakut. Zieni pak xhenxhefil me një shkop kanelle, lëreni të ftohet dhe pijeni 2-3 herë në ditë, shkruan Bright Side.

Stimulon rritjen e flokëve dhe parandalon rënien e flokëve dhe zbokthin

Xhenxhefili i siguron skalpit të kokës rrjedhjen e gjakut, i furnizon rrënjët me lëndë ushqyese dhe stimulon rritjen e flokëve për të parandaluar rënien e flokëve.

Maskë për forcimin e flokëve-Kombinoni xhenxhefilin e grirë dhe vajin e jojobës dhe masazhoni atë në flokë dhe lëkurë. Lajeni pas 30 minutash.

Stimulimi i rritjes së flokëve-Lyjeni pak xhenxhefil dhe hudhër të grirë me ujë dhe lëreni për pak kohë. Shtoni pak vaj ulliri ose kokosi në këtë tretësirë dhe masazhoni rrënjët e flokëve.

Një maskë për zbokthin-Përzieni 2 pjesë xhenxhefil të sapo grirë dhe 3 pjesë vaj ulliri ose susami. Aplikojeni në lëkurën e kokës dhe lëreni për 15-25 minuta. Përdoreni dy herë në javë./KP

Shëndeti

Multivitaminat, të dobishme apo të tepërta?

Published

15 hours ago

May 23, 2025

Albina Zeneli

E vërteta është që nëse hani një ushqim të pasur me fruta, vitamina dhe ushqime të pasuruara atëherë me siguri po merrni dozën e nevojshme të tyre.

Multivitaminat ofrojnë një formë më të lehtë për të siguruar këto vitamina, por sa të nevojshme janë ato?

Beta karoteni

Gjendet tek karrotat, patatet e ëmbla dhe specat jeshilë. Ky antioksidant transformohet në vitaminë A dhe është i rëndësishëm për shëndetin e syve, sistemin imunitar e lëkurën. Një studim tregoi që suplementët rrisin rrezikun e tumorit të mushkërive tek duhanpirësit. Nëse pini duhan, mos merrni suplementë, merrni beta karotenin nga frutat dhe perimet.

Kalciumi

Organizmi ka nevojë për kalcium, që gjendet tek produktet si qumështi, kosi dhe djathi, për të ruajtur shëndetin e kockave. Suplementët nuk janë ide e keqe nëse nuk përdorni produktet blegtorale. Nëse jeni të predispozuar ndaj gurëve në veshka ose nëse jeni mbi moshën 70 vjeç, atëherë mos merrni suplementë të kalciumit.

Suplementet shtonin rreziqet ndaj sëmundjeve kardiake tek femrat që sapo kishin kapërcyer menopauzën.

Edhe nëse vendosni të merrni suplementë mos merrni më shumë se 500 miligramë në një dozë, kombinoni me vitaminë D për të përmirësuar përthithjen e kalciumit në organizëm.

Acidi folik

Acidi folik që parandalon defektet e fetusit gjendet në drithrat e pasuruara, perimet me ngjyrë të gjelbër të errët, legume, agrumet, buka dhe makaronat. Marrja e 400 mikrogramëve në ditë ose 600 për gratë shtatzëna ose lehona, nuk është një angazhim i jashtëzakonshëm. Kjo sasi vjen edhe nga ushqimi, suplementët ose të dyja së bashku.

Hekuri

Ndoshta ushqimet me hekur nuk ju pëlqejnë, por ky mineral është thelbësor për funksionin e duhur të qelizave të kuqe të gjakut. Përpiquni të merrni hekur nga burime tjera si: Mishi, peshku, arrorët, barishtet. Nëse jeni anemikë ose shtatzëna, mund të keni nevojë për suplementë. Por vetëm në bashkëpunim me mjekun.

Multivitamina

Faktet mbi rolin e multivitaminave në parandalimin e kancerit të gjirit janë të limituara. Madje, studimet nuk nxorrën konkluzione të qarta nëse ia vlente barra qeranë për të marrë multivitamina. Multivitaminat nuk janë një ide e keqe, por mos prisni vlera të jashtëzakonshme ose që ato t’ju shpëtojnë jetën.

Kaliumi

Ul presionin e gjakut dhe rregullon rrahjet e çrregullta të zemrës dhe kundërveprojë ndaj niveleve të larta të sodiumit. Gjendet tek bananet, rrushi i thatë, barishtet, portokalli dhe qumështi.

Vitamina D

Ndihmon organizmin në përthithjen e kalciumit është e nevojshme për shëndetin e kockave. Ajo merret nga ekspozimi në diell. Nëse fëmijët marrin pak vitaminë D, janë të rrezikuar nga osteoporoza dhe rakitizmi. Të dhënat tregojnë që vitamina ul rrezikun e diabetit 1 dhe 2, sklerozës së shumëfishtë etj, por studimet nuk kanë arritur në përfundime të qarta.

Mjaftojnë pak rreze dielli dhe ushqime të mira për të marrë dozën e nevojshme por sërish mangësitë ndaj kësaj vitamine nuk janë të pazakonta. Suplementët mund të jenë një ide e mirë, veçanërisht nëse nuk keni ekspozim të mirë në diell, nëse jeni mbi 50 vjeç ose keni një lëkurë me ngjyrë të errët.

Vitamina E

Njëherë e një kohë, shkencëtarët mendonin që ky antioksidant mbron zemrën. 600 njësi të kësaj vitamine të marra çdo ditë as nuk parandalonin problemet, as nuk ulnin shanset për atak në zemër tek femrat në moshë. Harroni suplementët dhe merreni vitaminën E nga ushqimet siç janë : veza, kikirikët, drithërat e pasuruar, dhe barishtet. Kini parasysh që gatimi dhe ruajta e ushqimeve të pasura me vitaminë E e ul sasinë përfundimtare të saj që përfundon në organizëm.

Shëndeti

5 sinjale të fshehura që trupi të dërgon kur je nën stres

Published

17 hours ago

May 23, 2025

Albina Zeneli

Stresi është pjesë e pashmangshme e jetës moderne, trupi na dërgon shenja të fshehura për gjendjen tonë emocionale dhe i injorojmë. Njohja e këtyre sinjaleve mund të ndihmojë në parandalimin e problemeve më serioze shëndetësore.

Ndryshimet në lëkurë

Akne të papritura, skuqje ose irritime mund të jenë më shumë sesa probleme kozmetike, ato janë përgjigje e trupit ndaj stresit të akumuluar.

Dhimbje të pashpjegueshme stomaku

Një nga mënyrat më të zakonshme me të cilat trupi reagon ndaj stresit është përmes tretjes. Dhimbjet, fryrja ose shqetësimet e vazhdueshme në stomak mund të jenë sinjal që diçka nuk është në rregull emocionalisht.

Rënie e flokëve

Nëse vëreni se po humbni më shumë flokë se zakonisht, kjo mund të jetë shenjë e stresit të lartë. Rënia shpesh ndodh me vonesë pas një periudhe të gjatë tensioni.

Ëndrra të çuditshme ose të shqetësuara

Stresi ndikon në cilësinë e gjumit. Nëse po përjetoni ëndrra të pazakonta, ankthioze ose zgjoheni të lodhur, mund të jetë një shenjë që mendja juaj po përpunon stresin në mënyrë të pavetëdijshme.

Lodhje kronike

Ndiheni të lodhur edhe pas gjumit? Lodhja e vazhdueshme, është alarm i qartë që trupi po përpiqet të përballojë nivele të larta stresi. Ekspertët këshillojnë që të mos injorohen shenjat e të merren hapa të thjeshtë për menaxhimin e stresit si aktiviteti fizik, meditimi, ndarja e kohës për veten dhe kërkimi i ndihmës profesionale kur është e nevojshme.

Shëndeti

Fëmijët para ekranit: Si po u rrezikohet e ardhmja nga teknologjia?

Published

2 days ago

May 22, 2025

Albina Zeneli

Teknologjia ka ndryshuar rrënjësisht mënyrën se si fëmijët mësojnë, komunikojnë dhe kalojnë kohën e lirë.

Por, përdorimi i pakontrolluar i pajisjeve digjitale sjell edhe rreziqe serioze për shëndetin dhe mirëqenien e tyre.

Një raport i fundit i Organizatës për Bashkëpunim dhe Zhvillim Ekonomik ka identifikuar pasoja shqetësuese për fëmijët nga përdorimi i tepruar i teknologjisë.

Shëndeti

Çfarë duhet të bëni gjithmonë dy orë para udhëtimit?

Published

2 days ago

May 22, 2025

Albina Zeneli

Aeroplanët, trenat dhe autobusët janë vende ku ajri riqarkullon. Kjo shkakton stres, ndërprerje të gjumit dhe ekspozim ndaj mjediseve të reja për udhëtarët, gjë që krijon kushte për një sistem imunitar të dobësuar.

Shumë njerëz shpesh neglizhojnë marrjen e suplementeve dietike që shkatërrojnë mikrobet, gjë që padyshim mund të jetë e dëmshme për shëndetin e tyre.

“Mendojeni si të mbani çadër para se të dilni në shi, në vend që të prisni derisa të lageni. Këto suplemente përmirësojnë funksione të caktuara imune, por ky përmirësim zgjat vetëm disa orë”, tha Burgis për CME Vacations.

Gjatë udhëtimeve më të gjata, merrni një dozë shtesë, por në një kohë të arsyeshme.

“Kam parë shumë keqkuptime midis udhëtarëve, nga teprimi me marrjen e vitaminave gjatë udhëtimit deri te fajësimi i cilësisë së ajrit në aeroplan”, tha ai.

Zinku ndihmon në parandalimin e shumëzimit të viruseve dhe infektimit të traktit respirator, ka veti anti-inflamatore dhe antioksiduese që mbrojnë nga sëmundjet autoimune dhe alergjitë. Një këshillë tjetër është të merrni kapsula zinku në vend të pilulave. Vitamina C gjithashtu forcon sistemin imunitar.

“Kjo nuk kërkon marrjen e suplementeve të shtrenjta ose ndonjë regjimi të veçantë. Vetëm suplemente të zakonshme e të përballueshme që merren në kohën e duhur”, tha ai. Rekomandohet të merrni 15 deri në 25 miligramë zink dhe 500 deri në 1,000 miligramë vitaminë C.