

Lajmet
Përfaqësimi i grave në shërbimin civil vlerësohet se është shumë i ulët
Kurti u shpreh se Qeveria ka treguar përkushtim dhe veprime konkrete për luftimin e dhunës në familje.
Published
3 years agoon
By
Betim GashiSot në takimin e Agjencisë për Barazi Gjinore, në shënim të fushatës së 16 ditëve të aktivizmit kundër dhunës ndaj grave, u prezantuan rezultatet e monitorimit dyvjeçar të programit të Kosovës për barazi gjinore, i miratuar nga Qeveria në maj të vitit 2020.
Kryeshefja e Agjencisë për Barazi Gjinore, Edi Gusia prezantoi të dhënat që janë mbledhur nga të gjitha ministritë, e cila tregoi se nga 38 komunat e Kosovës kanë raportuar vetëm 16.
Ndër të tjera, ajo tregoi se për raportin që kishte të bënte me punësimin e grave dhe vajzave të moshave 15 deri në 64 vjet, synimi ishte të rritej punësimi për 17%, derisa të dhënat për vitin 2020 janë 14.1%, ndërsa për vitin 2021, për tre mujorin e katërt të vitit 2021, rezultati ishte 16.8%.
Sa i përket përqindjes së bizneseve aktive në pronësi apo bashkëpronësi të grave, sipas Gusisë, synim ishte 13%, ndërsa në vitin 2021 kjo shifër kishte arritur në 20.5%.
“Programi i Kosovës për barazi gjinore, do të thotë i planifikuar në tri shtylla: Fuqizimi ekonomik dhe mirëqenia sociale, shtylla e parë, shtylla e dytë është zhvillimi njerëzor, rolet dhe marrëdhëniet gjinore dhe shtylla e tretë është të drejtat e grave, qasja në drejtësi dhe siguri. Sa i përket arritjes së caqeve do të thotë të këtij programi, gjetjet janë se për shtyllën e parë, fuqizimi ekonomik dhe mirëqenia sociale, numri i caqeve për këto dy vite ishte 10, numri i caqeve të arritura 4, nuk ka të dhëna për 4, ndërsa dy caqe nuk janë, do të thotë nuk ka rezultate në dy nga shtylla e parë PGBGJ-së. Tek shtylla e dytë zhvillimi njerëzor, rolet dhe marrëdhëniet gjinore, ku ishin planifikuar12 caqe, 8 prej tyre janë arritur, për 2 prej tyre nuk ka të dhëna dhe dy prej tyre nuk janë realizuar fare. Sa i përket shtyllës së tretë, të drejtat e grave, qasja në drejtësi dhe siguri, nga 12 caqet e planifikuara, 6 janë të arritura, për 5 nuk ka të dhëna, ndërsa për një nuk kemi asnjë rezultat. Sa i përket arritjeve, do të thotë sipas treguesve të synuar, raporti i punësimit do të thotë të popullsisë, që kishte të bëjë me punësimin e grave dhe vajzave të moshave 15 deri në 64 vjet do të thotë synimi ishte 17% të rritej do të thotë punësimi. Për vitin 2020 të dhënat janë 14.1%, ndërsa për vitin 2021 për tre mujorin e fundit do të thotë, tre mujorin e katërt të vitit 2021, kemi një rezultat prej 16.8% do të thotë që është, ka qenë një vlerësim konkret real sepse ka arrit do të thotë t’i afrohet synimit. Sa i përket përqindjes së bizneseve aktive në pronësi apo bashkëpronësi të grave do të thotë synim ishte 13%, ndërsa në vitin 2021 kjo shifër ka arrit në 20.5%”, u shpreh ndër të tjera Gusia gjatë prezantimit të të dhënave.
Në këtë takim, i pranishëm ishte edhe Kryeministri Albin Kurti, i cili u shpreh se pasiguria ekonomike është një prej faktorëve kyç që i mban gratë edhe vajzat larg zhvillimit të qëndrueshëm.
Kurti dekaroi se kanë mbështetur punësimin e grave, me ç’rast përmes Pakos së Ringjalljes Ekonomike kanë përfituar 3 mijë e 500 gra dhe 1 mijë e 419 biznese. Ai përmendi edhe subvencionimet që kanë ndarë në bujqësi, mbështetjet që kanë dhënë për nënat e reja etj.
“Në prag të aktivizmit të përmbylljes së 16 ditëve të aktivizmit të fushatës kundër dhunës ndaj grave dhe vajzave mirëse po takohemi për të folur lidhur me programin e Kosovë për barazi gjinore dhe nivelin e zbatimit të tij. Këtë program e patëm në maj të vitit 2020 në një situatë pandemie e në një periudhë jo të lehtë nën ndikimin e Covid-19. Për përballjen e pasojave të pandemisë kemi dizajnuar masë specifike në kuadër të Pakos për Ringjallje Ekonomike për ta mbështetur fuqizimin ekonomik të grave dhe rritjen e qasjes së grave në shkollim e në punësim. Pasiguria ekonomike është një prej faktorëve kyç që i mban gratë edhe vajzat larg zhvillimit të qëndrueshëm, mirëqenies dhe prosperitetit. Andaj, përmes integrimit gjinor në këtë pako, kemi mbështetur punësimin e grave, masë kjo nga e cila kanë përfituar 3 mijë e 500 gra dhe 1 mijë e 419 biznese. Kemi mbështetur biznese që janë në pronësi të grave, me vlerë të subvencionimit afër gjysmë milionë euro, kurse vlera e kreditimit të mundësuar e tejkalon 3 milionë euro. E në bujqësi për vitin 2021 kemi ndarë subvencione për 1 mijë e 325 gra përfituese. Që nga fillimi i skemës së mbështetjes për nënat e reja deri më tani kemi rreth 200 mijë përfituese nga shtesat për fëmijë dhe mbi 23 mijë përfituese nga shtesat për lehona. Për vitin akademik 2021-2022 kemi ndarë rreth 1 mijë bursa për gra dhe vajza për studime në stem e për vitin tjetër e kemi rritur buxhetin dhe numrin në 2 mijë bursa. Nga 1 milion euro në 2 milion euro, nga 1 mijë bursa në 2 mijë bursa. Kemi dhënë 13 bursa për studente me aftësi të kufizuara dhe kemi përkrahur 10 vajza për bursë të doktoraturës”, tha ai.
Kurti u shpreh se Qeveria ka treguar përkushtim dhe veprime konkrete për luftimin e dhunës në familje, dhunës mbi baza gjinore. Ai tha se janë angazhuar duke hartuar dhe miratuar strategjinë dhe plane e veprime për mbrojtje nga dhuna në familje dhe dhuna ndaj grave dhe vajzave
Kurti potencoi se kanë vazhduar me mbështje të porcesit të njohjes së statusit të të mbijetuarve të dhunës seksuale gjatë luftës, siç tha ai, si një prej parakushteve të ndërtimit të paqes së qëndrueshme të vendit.
Po ashtu, ai deklaroi se po mbështesin financiarisht edhe strehimoret që ofrojnë shërbime për viktimat e dhunës në familje dhe dhunës mbi bazë gjinore. Kurti shtoi se mbeten të përkushtuar që të krijojnë barazi, aty ku ka më së shumti pabarazi.
Ndërsa, zëvendësministri i Punëve të Brendshme dhe të Administratës Publike, Bardhyl Dobra, u shpreh se burrat janë ata që dominojnë në tregun e punës, një gjë e tillë, sipas tij, dëshmohet se mbizotëron edhe në sektorin publik. Ai deklaroi se përfaqësimi i grave në shërbimin civil është shumë i ultë.
“Ndonëse neni 101 i Kushtetutës sonë, ku flet për shërbimin civil përcakton se shërbimi civil duhet të pasqyrojë shumëllojshmërinë e shoqërisë në vendin tonë. Përfaqësimi i grave në shërbimin civil është shumë i ultë. Madje shifrat janë tejet brengosëse. Sipas të dhënave të ofruara nga departamenti për menaxhimin e zyrtarëve publik, në nivelin e lartë menaxherial, gratë përbëjnë vetëm 19% të të punësuarve në atë nivel dhe vetëm 16% në nivelin e mesëm drejtues. Ndërsa, në nivelin e ulët drejtues dhe atë profesional kemi 30%, respektivisht 37% gra. Duke pasur parasysh nivelin e ulët të përfaqësimit të grave në shërbimin civil dhe sistemin e mbyllur të administratës që e kemi trashëguar, është shumë e vështirë për të mos thënë e pamundur që të ketë ngritje në karrierë dhe rrjedhimisht edhe përfaqësim më të madh të grave në pozita vendimmarrëse pa ndryshuar rrënjësisht përshembul ligjin për zyrtarë publikë, siç tashmë kemi bërë edhe presim që të miratohet sot në Kuvend në lexim të parë”, tha ai.
Dobra deklaroi se Ministria e Punëve të Brendshme është duke bërë reformë thelbësore në fushën e Administratës Publike, reformë që shtrihet në disa rrafshe por që gravitojnë rreth ndryshimeve legjislative.
Ndërkaq zëvendësministrja e Kulturës, Rinisë dhe Sportit, Daulina Osmani u shpreh se pavarësisht suksesit të vajzave dhe grave brenda dhe jashtë vendit, ende ka punë për të bërë.
“Kur flasim për përfshirjen e rolit të vajzave dhe grave në vendimmarrje, si unë po edhe shumë gra të tjera që bartin përgjegjësinë shtetërore, çdo ditë e më shumë shohim që fuqia e gruas, jo vetëm që është e dukshme në vendimmarrje, mirëpo në raste të caktuara edhe është vendimtare për zgjedhjet e trajtimin e rasteve të veçanta, si dhe orientimin në politikave specifike. Sot gratë dhe vajzat i gjejmë kudo të angazhuara edhe brenda vendit, por edhe jashtë vendit dhe jo vetëm që i gjejmë, por edhe i shohim në piedestal, qofshin ato, artistet, sportistet, aktvistet, policet, drejtoresha, politikane dhe çfarëdo lloj profesioni tejtër. Mirëpo, përkundër kësaj, padyshim dhe gjithë progresit që është shënuar në vitet e fundit, padyshim që kemi ende shumë punë përpara vetes.”, tha ajo, duke shtuar se të gjithë duhet të japim kontributin individual”, tha ajo.
Osmani falënderoi të gjitha sportistet që përkundër të gjita vështirësive që kanë, vazhdojnë të promovojnë sportin dhe të jenë zë i fuqishëm i grua dhe vajzës në shoqërinë tonë. Ajo shtoi se në kuadër të Ministrisë së Kulturës, Rinisë dhe Sportit janë në proces të draftimit të reformës së sistemit aktual sportiv.
Lajmet
Portieri 42 vjeçar kthehet për kualifikueset e Botërorit
Published
5 minutes agoon
September 30, 2025By
UBT News
Portieri me përvojë Craig Gordon është rikthyer në kombëtaren e Skocisë për ndeshjet kualifikuese të Kupës së Botës kundër Greqisë dhe Bjellorusisë.
Gardiani 42-vjeçar nuk ka luajtur që nga maji dhe ende nuk është paraqitur me Hearts këtë sezon, por tashmë është rikuperuar plotësisht nga një dëmtim në qafë. Gordon, i cili ka 81 ndeshje me kombëtaren, zëvendëson shokun e tij të ekipit, Zander Clark.
Ndërkohë, mbrojtësi i Derby County, Max Johnston, dhe qendërmbrojtësi i Blackburn Rovers, Dominic Hyam, janë lënë jashtë listës. Po ashtu nuk është përfshirë as sulmuesi i formës së mirë i Hearts, Lawrence Shankland, i cili ka shënuar shtatë gola këtë sezon, si dhe Tommy Conway i Middlesbrough.
Skocia ka grumbulluar katër pikë në dy ndeshjet e para të grupit, pas barazimit 0-0 në Danimarkë dhe fitores 2-0 kundër Bjellorusisë. Greqia viziton Hampden Park më 9 tetor, ndërsa tre ditë më vonë Bjellorusia do të përballet me skocezët në Glasgow.
Trajneri Steve Clarke ka rikthyer edhe Anthony Ralston pas mungesës së tij, ndërsa Angus Gunn dhe Liam Kelly kompletojnë listën e portierëve, pavarësisht se kanë pak minuta me klubet e tyre./S.K/KP/
Aktualitet
Publikohet punimi i profesorëve të UBT-së rreth efekteve të stërvitjes së strukturuar në futboll në revistën ndërkombëtare Human Movement
Published
5 minutes agoon
September 30, 2025By
Driton Iseni
Punimi shkencor i profesorëve të UBT-së, të Fakultetit Shkencat e Sportit dhe të Lëvizjes, me titull: “The effects of strength and conditioning programs on soccer players’ performance across a single season divided into two phases”, është publikuar në revistën ndërkombëtare Human Movement (ISSN 1899-1955).
Studimi, i realizuar nga profesorët: Milaim Berisha, Abedin Bahtiri dhe Agron Thaqi nga UBT, në bashkëpunim me Monèm Jemni nga Fakulteti i Edukimit Fizik në Ningbo, në Kinë, analizon ndikimin e programeve të forcës dhe kondicionit në performancën e futbollistëve profesionistë gjatë një sezoni të plotë futbollistik, i ndarë në dy faza përgatitore dhe dy faza garuese.
Rezultatet kryesore
Faza e parë përgatitore pati efektin më të madh në qëndrueshmërinë specifike, me rritje të dukshme në Yo-Yo Recovery Level 1 dhe VO₂max, kryesisht për shkak të niveleve fillestare më të ulëta. Faza e dytë, megjithëse efektive, solli rritje më të vogël për shkak të gjëndjes iniciale ne ketë fazë. Gjatë fazës së parë garuese u pa përmirësim i lehtë dhe mirëmbajtje e performancës; në të dytën mbizotëroi stabilizimi, me rënie të lehta.
Analiza e përbërjes trupore tregon se rritja e yndyrës është në kundershtim me qëndrueshmërinë, ndërsa uji trupor lidhet pozitivisht me të; masa muskulore, në mungesë të kondicionit kardiovaskular adekuat, korrelon negativisht me qëndrueshmërinë.
Yndyra viscerale shfaqi lidhje të dobët dhe jo domethënëse statistikisht. U vu re edhe një mospërputhje e pjeshshme midis Yo-Yo RL1 dhe VO₂max në fazat e mëvonshme, ndonëse VO₂max derivohet nga distancat e Yo-Yo. Kjo për shkak të fazave të pushimit që përmban testi. megjithatë, Yo-Yo RL1 mbetet një mjet praktik, ekonomik dhe efikas për vlerësimin e VO₂max dhe i ndjeshëm ndaj ndryshimeve në përsëritje të ushtrimeve intensive.
Në thelb, studimi nënvizon rëndësinë e stërvitjes së strukturuar në fazën përgatitore, rikuperimit aktiv për ruajtjen e performancës gjatë periudhave të ndeshjeve dhe menaxhimit të kujdesshëm të përbërjes trupore, sidomos kur testimi laboratorik nuk është i mundur.
Lajmet
Ndryshohet lokacioni, derbi Prishtina-Ballkani luhet në Hajvali
Published
39 minutes agoon
September 30, 2025By
UBT News
Ndeshja ndërmjet FC Prishtinës dhe FC Ballkanit, e vlefshme për javën e 8-të në Superligën e Kosovës, do të zhvillohet këtë të shtunë, më 4 tetor, me fillim nga ora 15:00, në Kampin Nacional në Hajvali.
Siç ka bërë të ditur klubi nga kryeqyteti, ky ndryshim i lokacionit vjen për shkak të nevojës për mirëmbajtje dhe përpunim të fushës në stadiumin “Fadil Vokrri”, në kuadër të përgatitjeve për ndeshjen e ardhshme të Kombëtares së Kosovës.
Përballja mes Prishtinës dhe Ballkanit konsiderohet si takimi kryesor i javës së 8-të, në Albi Mall Superligën e Kosovës./S.K/KP/
Lajmet
Kushtetuesja vendos për ankesën e Listës Serbe, Kuvendi s’është konstituuar
Published
1 hour agoon
September 30, 2025By
UBTnews
Gjykata Kushtetuese ka vendosur për ankesën e Listës Serbe, për cka ka konstatuar se Kuvendi nuk është konstituuar në pajtim me përcaktimet e paragrafit 1 të nenit 66.
Në vendim, Gjykata ka urdhëruar që seanca Konstituive e Kuvendit të përfundojë brenda afatit të përcaktuar me paragrafin 1 të nenit 66 [Zgjedhja dhe Mandati] të Kushtetutës së Republikës së Kosovës dhe sipas Aktgjykimit të Gjykatës në rastet KO193/25 dhe KO196/25, përkatësisht brenda afatit të mbetur prej 12 (dymbëdhjetë) ditëve nga hyrja në fuqi e këtij Aktgjykimi
Më poshtë sjellim vendimin e plotë:
Gjykata Kushtetuese e Republikës së Kosovës, më 30 shtator 2025 vendosi përkitazi me kërkesën KO265/25, në lidhje me vlerësimin e kushtetutshmërisë së “Procesverbaleve të seancave të Kuvendit të Kosovës”, si dhe vendimeve të nxjerra në kuadër të Seancës Konstituive më 26 dhe 28 gusht 2025, të parashtruar nga Igor Simic dhe 9 (nëntë) deputetë të tjerë të Kuvendit të Republikës së Kosovës, bazuar në paragrafin 5 të nenit 113 [Jurisdiksioni dhe Palët e Autorizuara] të Kushtetutës së Republikës së Kosovës.
https://gjk-ks.org/notifications/details/3350?title=Njoftim+p%C3%ABr+vendim+n%C3%AB+rastin+KO265/25
Gjykata, njëzëri, ka vendosur:
- TË DEKLAROJË, kërkesën të pranueshme;
- TË KONSTATOJË, që Seanca Konstituive e Kuvendit, e filluar me 15 prill 2025 nuk ka përfunduar si rezultat i moszgjedhjes së nënkryetarit të Kuvendit nga radhët e deputetëve të komunitetit Serb, dhe Kuvendi nuk është konstituuar në pajtim me përcaktimet e paragrafit 1 të nenit 66 [Zgjedhja dhe Mandati] dhe paragrafët 1 dhe 4 të nenit 67 [Zgjedhja e Kryetarit dhe Nënkryetarëve] të Kushtetutës së Republikës së Kosovës;
- TË URDHËROJË, që Seanca Konstituive e Kuvendit të përfundojë brenda afatit të përcaktuar me paragrafin 1 të nenit 66 [Zgjedhja dhe Mandati] të Kushtetutës së Republikës së Kosovës dhe sipas Aktgjykimit të Gjykatës në rastet KO193/25 dhe KO196/25, përkatësisht brenda afatit të mbetur prej 12 (dymbëdhjetë) ditëve nga hyrja në fuqi e këtij Aktgjykimi;
- TË URDHËROJË, të gjithë deputetët e zgjedhur të Kuvendit të Republikës së Kosovës, që në pajtim me nenin 4 [Forma e Qeverisjes dhe Ndarja e Pushtetit], nenin 7 [Vlerat], paragrafin 4 të nenit 67 [Zgjedhja e Kryetarit dhe Nënkryetarëve] dhe nenin 74 [Ushtrimi i Funksionit] të Kushtetutës së Republikës së Kosovës, që gjatë procedurës së zgjedhjes së nënkryetarit të Kuvendit të Republikës së Kosovës nga radhët e deputetëve të komunitetit Serb, të ushtrojnë funksionin e tyre kushtetues në interesin më të mirë të Republikës së Kosovës dhe në pajtim me Kushtetutën dhe Rregulloren e Kuvendit;
- TË VAZHDOJË, masën e përkohshme, e cila ka hyrë në fuqi nga data 5 shtator 2025, deri në hyrjen në fuqi të këtij Aktgjykimi;
- T’UA KUMTOJË këtë Aktgjykim palëve;
- TA PUBLIKOJË këtë Aktgjykim në Gazetën Zyrtare të Republikës së Kosovës, në pajtim me paragrafin 4 të nenit 20 (Vendimet) të Ligjit Nr. 03/L-121 për Gjykatën Kushtetuese të Republikës së Kosovës;
- TË KONSTATOJË që ky Aktgjykim hyn në fuqi në ditën e publikimit nga Gjykata Kushtetuese e Republikës së Kosovës dhe njoftimit të palëve, përveç pikës V të dispozitivit, e cila hyn në fuqi menjëherë.

Portieri 42 vjeçar kthehet për kualifikueset e Botërorit

Publikohet punimi i profesorëve të UBT-së rreth efekteve të stërvitjes së strukturuar në futboll në revistën ndërkombëtare Human Movement

Ndryshohet lokacioni, derbi Prishtina-Ballkani luhet në Hajvali

Premiera e “Bukuria e gomarit” në Festivalin e Filmit në Cyrih

Kushtetuesja vendos për ankesën e Listës Serbe, Kuvendi s’është konstituuar

Fati i Amorim në duart e Granit Xhakës

OpenAI gjeneron mbi 4 miliardë dollarë të ardhura në gjysmën e parë të 2025-ës

Studim i ri: Mikroplastikat lidhen me dobësimin e kockave

Shenja të fshehura! Si u kuptua fundi i martesës së Kidman dhe Urban?
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet3 months ago
UBT sjell për herë të parë në Kosovë ekspozitën kushtuar vizionarit dhe inxhinierit Karl Gega