Sport

Perez për Mbappen: Nuk është e lehtë kur presidenti i shtetit të kërkon të mos largohesh

Perez ka thënë se e mirëkupton vendimin e Mbappes.

Published

on

Presidenti i Real Madridit, Florentino Perez ka folur për herë të parë gjerë e gjatë për situatën në të cilën Real Madridi dhe Kylian Mbappe kaluan për disa muaj dhe në fund sulmuesi vendosi që ta vazhdojë kontratën me Paris-Saint-Germain.

Majde, ishte raportuar se marrëveshja ishte aq afër sa lojtari po përgatitej për udhëtim drejtë Spanjës, por ndodhi ajo që nuk pritej dhe një kthesë e madhe që bëri Mbappen të mbetet në klubin francez.

Kjo kthesë ndodhi kryesisht për shkak të ndërhyrjes së presidentit të Francës, Emanuel Macron i cili i kërkoi Mbappes që të qëndrojë dhe këtë ndërhyrje e ka pranuar edhe vet Macron para pak ditësh.

Duke parë të gjithë këtë situatë, Perez ka thënë se e mirëkupton vendimin e Mbappes sepse, sipas tij, nuk është e lehtë t’i thuash jo një thirrje të tillë nga ana e presidentit të shtetit.

“Kylian Mbappe nuk më ka zhgënjyer mua. Ai e ka thënë disa herë se ëndërron të luajë për Real Madridin por pastaj në 15 ditë ndryshoi gjithçka për shkak të presioneve politike dhe ekonomike. Nuk ishte e lehtë për Mbappen kur merr telefonatë nga presidenti dhe i kërkon të mos largohet nga klubi. Pastaj oferta marramendëse ekonomike e kështu me radhë. Këto ishin arsyet pse Mbappe ndryshoi mendje”, tha Perez.

I pari i gjigantit spanjoll më tutje nuk e ka mbyllur derën që Mbappe në të ardhmen t’i bashkohet Real Madridit.

“Real Madridi do të jetë gjithmonë i hapur për të blerë lojtarë të cilët e kuptojnë se klubi është mbi të gjithë. Asnjëherë nuk kam thënë se ka mbaruar gjithçka mes nesh dhe Mbappes. Për tre vite gjithçka mund të ndodh”, tha Perez.

Sport

Tensionet në Kongresin e UEFA-s: Kosova përfaqësohet pa flamurin shtetëror në Beograd!

Published

on

Një ngjarje e pazakontë ka ndodhur në Kongresin e UEFA-s që po mbahet në Beograd, ku përfaqësuesi i Federatës së Futbollit të Kosovës (FFK), Agim Ademi, u fotografua me flamurin e Kosovës, duke shkaktuar një reagim të menjëhershëm nga Federata Serbe të Futbollit. Si pasojë e kësaj fotoje, federata serbe ndërmori hapa të menjëhershëm për të larguar çdo simbol që përfaqësonte shtetin e Kosovës nga kongresi i UEFA-s.

Pas ngjarjes, Federata Serbe kërkoi falje publike nga serbët, ndërsa hoqi të gjitha simbolet që kishin lidhje me shtetin e Kosovës. Ky veprim nxori në pah tensionet që ekzistojnë mes dy shteteve, duke treguar se Kosova, ndonëse është një anëtare e UEFA-s, po përfaqësohet në këtë kongres vetëm me logon e FFK-së dhe jo me simbolet shtetërore, siç ndodh me shtetet e tjera të pranishme.

Një tjetër element që ka shtuar tensionet ishte vendimi i sekretarit të FFK-së, Marcus Weidner, i cili ka pranuar të ulet në tavolinë pa flamurin e Kosovës, një akt që thekson edhe më tej kompleksitetin e situatës politike dhe sportive që ka lindur pas njohjes ndërkombëtare të Kosovës dhe ndikimeve të këtij procesi në fusha të ndryshme, përfshirë futbollin.

Ky incident thekson edhe një herë vështirësitë me të cilat përballet Kosova në arenën ndërkombëtare, sidomos në fushën e sporteve, dhe rëndësinë e dialogut dhe bashkëpunimit për tejkalimin e tensioneve mes shteteve në rajon.

Continue Reading

Sport

Nuk përmbahet Mourinho pas eliminimit, kap për hunde trajnerin kundërshtar

Published

on

José Mourinho ka qenë protagonist i një episodi të pahijshëm pas eliminimit të skuadrës së tij nga Fenerbahçe në çerekfinalet e Kupës së Turqisë. Pas humbjes 2-1 ndaj Galatasaray-t, dhe ndërsa lojtarët dhe stafi teknik i Galatasaray-t po drejtoheshin drejt tifozëve të tyre, Mourinho e ka kapur për hunde trajnerin e kundërshtarëve, Okan Buruk. Ky veprim ka shkaktuar një skenë të tensionuar, ku Buruk u rrëzua në tokë dhe mbajti duar mbi fytyrë, si një lojtar pas një faulli të rëndë.

Pas ngjarjes, Buruk kërkoi të përballej me Mourinhon, i zemëruar nga sulmi, por u qetësua me ndërhyrjen e lojtarëve të tij dhe vazhdoi ecjen pa pasoja të tjera. Ky incident është një tjetër moment polemik për Mourinhon, i cili ka pasur përplasje të ngjashme edhe me trajnerë dhe figura të tjera, duke përfshirë një të famshëm me Tito Vilanovën në vitin 2011, kur i vuri gishta në sy gjatë një klasike mes Real Madridit dhe Barcelonës. Pas atij momenti, Mourinho ka kërkuar më vonë falje.

Ky veprim ka ngritur përsëri pyetje për sjelljen e trajnerit portugez, që shpesh është shoqëruar me polemika dhe situata të tensionuara.

Continue Reading

Sport

​Kosova ngritet për dy pozita në renditjen e FIFA-s

Published

on

By

Pas promovimit nga Liga C në Ligën B të Ligës së Kombeve, Kombëtarja e Kosovës është ngritur për dy pozita më lartë në renditjen e re të publikuar nga FIFA.

Dardanët tashmë pozicionohen në vendin e 97, teksa Shqipëria zbret një vend duke u renditur në të 66-in pas humbjes nga Anglia dhe fitores kundër Andorrës.

Argjentina pozicionohet në vendin e parë dhe ndiqet nga Spanja, Franca, Anglia, Brazili, Holanda, Portugalia, Belgjika, Italia dhe Gjermania.

Continue Reading

Sport

Barcelona eliminon Atleticon dhe shkon në finalen me Realin, Flick: Ëndërrojmë për tripletën!

Published

on

Barcelona ka siguruar kalimin në finalen e Kupës së Mbretit, duke mposhtur Atletico Madrid në “Metropolitano”. Fitorja e Barcelonës ka qenë një rezultat i shkëlqyer për trajnerin Hansi Flick, i cili do ta drejtojë ekipin katalanas në finalen e tij të dytë.

Pas ndeshjes, Flick u shpreh shumë i kënaqur me paraqitjen e ekipit: “Ishte një ndeshje me dy pjesë të ndryshme. Në pjesën e parë dominuam, ndërsa në të dytën u mbrojtëm mirë. Të gjithë mund të jenë krenarë për këtë ekip”.

Me këtë fitore, Barcelona ka shtuar shpresat për tripletën këtë sezon. Ata janë në vendin e parë në La Liga, kanë siguruar finalen e Kupës së Mbretit dhe janë ende të pranishëm në çerekfinalet e Champions League. Sidoqoftë, Flick ka paralajmëruar se rruga drejt suksesit është ende e gjatë dhe kërkon përqendrim të vazhdueshëm. “Ëndërrimi është i lejuar, por duhet të qëndrojmë të përqendruar,” tha ai. “Do të kthehemi vonë në shtëpi dhe do të duhet të stërvitemi për ndeshjen kundër Betisit.”

Tifozët e Barcelonës janë të emocionuar nga mundësitë e tripletës, ndërsa ekipi i Flick ka treguar një nivel të lartë loje dhe angazhimi këtë sezon.

Continue Reading

Të kërkuara