Aktualitet

Përdoruesit më të njohur të Twitch bashkohen për të ndihmuar viktimat e tërmetit në Turqi dhe Siri

Jahrein ishte ai që përdori Twitter për të kontaktuar tjerët të kontribuojnë.

Published

on

Pas një tërmeti të fundit në zonë, transmetuesi turk i Twitch dhe YouTube, Ahmet “Jahrein” përdori llogarinë e tij në Twitter për të kontaktuar figurat kryesore në biznesin e transmetimit.

Tërmeti me magnitudë 7.8 ballë të shkallës Rihter që shkaktoi me mijëra viktima dhe të plagosur në Turqi dhe Siri, pati ndikim edhe në vendet e afërta. Jahrein etiketoi një numër transmetuesish, krijuesish dhe të famshëm të internetit, gjë që çoi në një furi të konsiderueshme kontributi.

“Tërmeti më shkatërrues që preku miliona njerëz në 500 vitet e fundit ndodhi në 10 qytete të ndryshme në Turqi. Në këtë incident një numër i panjohur njerëzish janë ende të ngecur nën rrënoja në pritje të ndihmës dhe sipas njoftimeve zyrtare mijëra të vdekur dhe të plagosur. Përveç kësaj, mijëra njerëz janë duke pritur për tenda, ngrohës, batanije, pelena, ushqime etj. Ne po përpiqemi të ndihmojmë sa më shumë që të jetë e mundur duke mbledhur donacione si komunitet dhe duke e ditur që ju keni një ndikim të madh në komunitete, ne kemi nevojë për ndihmën tuaj”, ka shkruar ai në Twitter.

Një nga transmetuesit më të njohur të Twitch, HasanAbi, i cili gjithashtu është me prejardhje turke, ishte një nga njerëzit kryesorë që iu përgjigj lutjes së Jahrein për ndihmë. Shumë njerëz tani janë të pastrehë si pasojë e tërmetit. Dyshja krijoi një faqe bamirësie Softgiving, dhe që nga ky shkrim, ajo kishte marrë pothuajse 575 mijë dollarë donacione.

Hasani nuk ishte i vetmi transmetues që iu përgjigj kërkesës së Jahreinit. Darren “IShowSpeed”, një transmetues i njohur në YouTube, u përgjigj duke thënë, “Unë do të ndihmojë gjithashtu, më tregoni linkun”. IShowSpeed gjithashtu mbajti një transmetim të drejtpërdrejtë dhe dhuroi 8,500 dollarë përmes faqes së internetit, Softgiving.

Një transmetues i njohur i lojërave elektronike i quajtur Trainwreckstv dërgoi ngushëllimet e tij për familjet e të ndjerëve dhe tha se do të bënte një dhurim kriptomonedhë për kauzën./UBTNews/

Aktualitet

UBT përgatit liderët e së ardhmes në energji: Edhe pak vende të lira për regjistrim

Published

on

UBT njofton se kanë mbetur edhe pak vende të lira për regjistrim në programin Inxhinieri e Energjisë, një ndër drejtimet më inovative dhe më me perspektivë për të ardhmen.

Ky program synon të përgatisë profesionistë të aftë të kombinojnë energjitë tradicionale dhe burimet e rinovueshme, të përdorin teknologjitë më të fundit dhe të menaxhojnë në mënyrë efikase resurset energjetike, duke kontribuar në ndërtimin e një të ardhmeje të gjelbër dhe të qëndrueshme.

Të gjithë të interesuarit që regjistrohen përfitojnë nga bursa 20%, një lehtësim i rëndësishëm për të rinjtë që duan të jenë pjesë e gjeneratës së re që transformon industrinë energjetike.

Falë qasjes moderne të mësimdhënies, laboratorëve të pajisur me teknologjitë më të reja dhe stafit akademik me përvojë, studentët e UBT-së jo vetëm që fitojnë njohuri teorike, por edhe aftësi praktike që i bëjnë të kërkuar në tregun vendor dhe ndërkombëtar të punës.

Regjistrimi bëhet thjeshtë dhe shpejt përmes linkut: APLIKO TANI ONLINE!

Continue Reading

Aktualitet

​Nora Gjakova nis rrugëtimin si trajnere e xhudos

Published

on

Federata e Xhudos së Kosovës ka nisur një kapitull të ri me përfshirjen e kampiones olimpike, Nora Gjakova, në rolin e trajnere asistente të ekipit të meshkujve. Ajo tashmë i është bashkuar stafit teknik dhe po punon me plot energji e përkushtim në stërvitjet që po mbahen në Bordeaux të Francës.

Në këtë grumbullim, ekipi i meshkujve po përgatitet intensivisht për garat e rëndësishme që i presin në muajt e ardhshëm. Nën drejtimin e trajnerëve dhe me mbështetjen e Norës, xhudistët Akil Gjakova, Shpati Zekaj, Dardan Cena dhe Anes Veseli po zhvillojnë seanca të forta stërvitore, duke dhënë maksimumin në çdo hap të përgatitjeve.

Përfshirja e Nora Gjakovës në stafin e trajnerëve shihet si një vlerë e madhe për ekipin, duke sjellë përvojën e saj të pasur ndërkombëtare dhe frymën e suksesit që ka shoqëruar karrierën e saj si sportiste.

Kosova shpreson se ky kombinim i përvojës dhe energjisë së re do të sjellë rezultate të reja pozitive për xhudon kosovare në arenën ndërkombëtare.

Continue Reading

Bota

Presidenti serb Vuçiq do të jetë pjesëmarrës në paradën ushtarake në Kinë

Published

on

Presidenti i Serbisë Aleksandar Vuçiq do të jetë pjesë e paradës ushtarake në Kinë, duke dëshmuar kështu lidhjet e ngushta të Beogradit zyrtar me regjimin komunist në Pekin.

Me ftesë të presidentit kinez Xi Jinping, 26 liderë të huaj do të marrin pjesë në përkujtimet e Ditës së Fitores në Pekin, njoftoi të enjten ndihmës ministri i Jashtëm Hong Lei.

Kina do të organizojë një paradë masive ushtarake më 3 shtator për të përkujtuar 80-vjetorin e fitores ndaj Japonisë dhe përfundimin zyrtar të Luftës së Dytë Botërore.

Në mesin e shumë liderëve që do të marrin pjesë janë edhe lideri rus Vladimir Putin, me të cilin regjimi në Beograd mban lidhje të ngushta, lideri veri-korean Kim Jong-Un dhe përfaqësues nga Vietnami, Laosi Mongolia, Nepali, Kazakistani, Uzbekistani, Irani, Kongo, Zimbabveja, Sllovakia, Kuba etj.

Continue Reading

Aktualitet

Gjykata Supreme refuzon ankesën e Korab Mushkolajt për certifikim në zgjedhjet lokale

Published

on

Gjykata Supreme e ka hedhur poshtë ankesën e kandidatit të Partisë Demokratike të Kosovës për kryetar të Deçanit, Korab Mushkolaj, paraqitur kundër vendimit të PZAP-së pasi iu refuzua certifikimi për zgjedhjet e 12 tetorit.

“Ankesa është e pa themeltë”, ka vendosur Supremja.

Zyra për Regjistrim, Certifikim dhe Kontrollin Financiar të Subjekteve Politike pas vërtetimit se Mushkolaj është i angazhuar me aktemërim të përhershëm të Ministrisë së Jashtme si zyrtar i lartë, i pati kërkuar PDK-së që ta zëvendësojë atë, por partia pati refuzuar ta bëjë këtë gjë. Zyra më pas ka rekomanduar certifikimin e të gjithë kandidatëve të tjerë të PDK-së, përveç Mushkolajt. PZAP po ashtu ia ka refuzuar ankesën Mushkolajt, siç parashihet me Ligjin për Shërbimin e Jashtëm, i cili nuk lejon kandidimin e një anëtari të shërbimit të jashtëm.

Gjykata Supreme e ka pranuar konstatimin e PZAP-së, teksa ka theksuar se moscertifikimi i Mushkolajt nuk është i kundërligjshëm.

“Prandaj, nga këtu, kjo Gjykatë, konsideron se në rastin konkret juridik, është marrë vendim i drejtë, me të cilin nuk është bërë diskriminim dhe lidhur me rastin konkret nuk është cenuar e drejta zgjedhore dhe ndonjë e drejtë themelore e paraparë me Ligj dhe me Kushtetutën e Republikës së Kosovës, nuk janë shkelur parimet themelore të procesit zgjedhor të parapara shprehimisht me dispozitat e nenit 4 të Ligjit Për Zgjedhjet e Përgjithshme në Republikën e Kosovës dhe me dispozitat përkatëse të Konventës Evropiane të Drejtave të Njeriut”, thuhet në vendim.

Continue Reading

Të kërkuara