Teknologji

Përdorimi i softuerit Pegasus të NSO Group do të hetohet nga parlamenti i BE-së

Shumë vende të BE-së janë tashmë të shqetësuara për ndikimin e softuerit.

Published

4 years ago

February 23, 2022

UBT news

Parlamenti Evropian po angazhuar një komitet të rrallë hetimor lidhur me skandalin e spyware-it Pegasus, pasi më shumë prova ka dalur që i njejti po përdoret për të spiunuar politikanë, gazetarë dhe aktivistë në disa shtete anëtare, përcjell UBT News.

Mbikëqyrësi Evropian për Mbrojtjen e të Dhënave ka bërë thirrje për ndalimin e përdorimit të softuerit spiun në BE dhe komisioneri i drejtësisë, Didier Reynders, u tha eurodeputetëve se ai “dënon plotësisht” përpjekjet e supozuara të shërbimeve të sigurisë kombëtare për të hyrë në mënyrë të paligjshme në informacione për kundërshtarët politikë.

Çfarë është Pegasus dhe pse konsiderohet kaq i rrezikshëm?

Në antikitetin e vonë, kali me krahë Pegasus që doli nga gjaku i Gorgon Medusa u interpretua si një alegori e pavdekësisë së shpirtit, por në kohët moderne është bërë një dhimbje koke e madhe!

I zhvilluar nga një kompani izraelite e armëve kibernetike, NSO Group, Pegasus është një spyware që mund të instalohet fshehurazi në telefonat celularë (dhe pajisje të tjera) që funksionojnë në shumicën e versioneve të iOS dhe Android.

Shumë vende të BE-së janë tashmë të shqetësuara për ndikimin e saj. Në Poloni, një komision i senatit pa dokumente në janar që sugjeronin se Byroja Qendrore Kundër Korrupsionit (CBA) e vendit kishte blerë Pegasus më 2017 duke përdorur fonde nga ministria e drejtësisë. Ligji dhe Drejtësia, partia kryesore në koalicionin qeverisës, bojkotoi komisionin në senatin e udhëhequr nga opozita.

Grupi Renew Europe në Parlamentin Evropian ka kërkuar dhe ka marrë përsipër krijimin e një komiteti hetimor, sipas eurodeputetes Sophie In ‘t Veld dhe të tjerëve.

Deputetja hungareze e opozitës, Anna Júlia Donáth thotë se Pegasus mund të rrezikojë të gjithë procesin zgjedhor.

Ajo pretendon se “telefonët e gazetarëve, studentëve, avokatëve, politikanëve të opozitës janë hakuar dhe heshtur. Kjo është arsyeja pse ne kemi nevojë për krijimin e një komiteti të pavarur evropian të hetimit dhe dëgjimin dhe ndjekjen penale të Viktor Orban në Parlamentin Evropian. Ne duhet parandalojnë shkatërrimin e mëtejshëm të shtetit të së drejtës”.

Organi do të kërkojë dëshmi nga shërbimet e inteligjencës së shteteve anëtare, politikanë të zgjedhur dhe zyrtarë të lartë.

Lëvizja është e rëndësishme edhe nga Brukseli, pasi një grup organizatash mediatike zbuluan se softueri Pegasus po përdorej kundër gazetarëve, aktivistëve dhe politikanëve në shumë vende të botës, përfshirë edhe Evropën, transmeton UBT News.

Pasi të ketë përfunduar hetimi, komiteti do të paraqesë një raport për qeveritë kombëtare dhe Komisionin Evropian.

Bashkimi Evropian nuk ka ofruar ende një datë për fillimin e hetimit, por pas diskutimeve për respektimin e sundimit të ligjit në vende si Polonia dhe Hungaria, hetimet duken të pashmangshme.

Kompania që prodhon programin është mbrojtur duke deklaruar se spyware është krijuar për të luftuar terrorizmin. Megjithatë, raportet kanë treguar se dhjetëra mijëra mesazhe private janë vjedhur që nga viti 2016.

Grupi NSO ka thënë se ata nuk do t’u përgjigjen më pyetjeve të medias mbi atë që ata e quajnë një “fushatë mediatike të mirë-orkestruar” kundër tyre./UBTNews/

Teknologji

SpaceX arrin një tjetër arritje historike me Starship

Published

13 minutes ago

October 15, 2025

UBT News

SpaceX ka shënuar një tjetër moment historik në programin e saj ambicioz hapësinor, pasi raketa Starship përfundoi me sukses fluturimin e saj të 11-të provë nga Starbase në Teksas.

Ky ishte fluturimi i fundit i versionit të dytë të raketës (V2) përpara kalimit në Starship V3, një version më i avancuar dhe më i fuqishëm.

Nisja u realizua në orën 2:23 të mëngjesit,të gjitha fazat e misionit u kryen me saktësi. Ndarja me Super Heavy ishte e suksesshme, ndërsa të dyja pjesët, raketa dhe anija kozmike Starship kryen ulje të kontrolluara: Super Heavy në Gjirin e Meksikës dhe Starship në Oqeanin Indian.

Misioni përfshiu rinisjen e motorit në hapësirë, provë kritike për udhëtimet e ardhshme drejt Hënës dhe Marsit, si dhe lëshimin provë të tetë satelitëve Starlink. Përveç kësaj, SpaceX testoi një strategji të re zbritjeje për Super Heavy, duke përdorur 13 motorë për frenim dhe 5 motorë për fazën përfundimtare, duke rritur sigurinë për versionet e ardhshme të raketës.

Elon Musk ndoqi fluturimin nga Starbase dhe e përshkroi si një “përvojë të menjëhershme dhe prekëse”.

Platforma e lëshimit Pad 1 në Starbase do të përmirësohet për të mbështetur Starship V3, i cili do të jetë 400 metra i lartë dhe do të ketë 42 motorë Raptor, tre më shumë se versioni aktual.

Starship është një sistem hapësinor plotësisht i ripërdorshëm, i aftë të transportojë deri në 150 ton ngarkesë në orbitë.

NASA ka zgjedhur Starship si mjetin për programin Artemis 3, që synon të çojë njerëzit në Hënë në vitin 2027.

Suksesi i Fluturimit 11, i dyti radhazi pas Fluturimit 10, konfirmon besueshmërinë e Starship V2, arritur pas shumë sfidash dhe disa dështimeve spektakolare gjatë provave të mëparshme. /A.Z/UBT News/

Teknologji

Meta heq faqen që ngacmonte agjentët e ICE në Çikago

Published

2 hours ago

October 15, 2025

UBT News

Departamenti i Drejtësisë i Shteteve të Bashkuara njoftoi të martën se kompania Meta ka përmbushur kërkesën e tij për të larguar një faqe nga platforma Facebook, e cila, sipas agjencisë, po përdorej për të ngacmuar dhe “doksuar” agjentët e Imigracionit dhe Doganave (ICE) në qytetin e Çikagos.

Në një postim në rrjetin X, Prokurorja e Përgjithshme Pam Bondi tha se faqja ishte pjesë e një fushate për të “doksuar dhe synuar” 200 oficerë të ICE-së që kishin mbërritur në qytet si pjesë e zbatimit të politikave të presidentit Donald Trump mbi imigracionin.

“Doksimi” nënkupton shpërndarjen e informacionit personal të njerëzve në internet pa pëlqimin e tyre, me qëllim ngacmimi ose kërcënimi.

Një zëdhënës i Meta-s konfirmoi se kompania kishte hequr faqen për shkelje të politikave kundër ‘dëmit të koordinuar’, duke theksuar se platforma nuk lejon përdorimin e saj për ngacmime apo sulme të organizuara ndaj individëve.

Kjo ndërhyrje vjen pasi më herët gjatë muajit, Apple dhe Google kishin hequr disa aplikacione që u lejonin përdoruesve të gjurmonin lëvizjet e agjentëve të ICE-së, pas presionit nga administrata Trump.

Zyrtarët amerikanë madje kanë paralajmëruar se krijuesit e këtyre aplikacioneve mund të përballen me ndjekje penale.

Agjencia ICE ka qenë në qendër të politikave të ashpra të administratës ndaj emigrantëve. Agjentët kanë kryer bastisje e arrestime të shpeshta, ndërsa organizatat për të drejtat e njeriut kanë akuzuar qeverinë për shkelje të lirisë së fjalës dhe procedurave ligjore.

Pam Bondi nuk ofroi prova konkrete që lidhin faqen e hequr në Facebook me ndonjë incident specifik ndaj agjentëve të ICE-së, por tha se hetimet po vazhdojnë. Marrëdhëniet mes Meta-s dhe administratës Trump janë përpjekur të përmirësohen pas rizgjedhjes së tij në nëntor.

Kompania ka kontribuar 1 milion dollarë në fondin e inaugurimit të presidentit, dhe ka pezulluar disa programe diversiteti dhe verifikimi faktesh për të shmangur tensionet me administratën.

Sipas raporteve të mediave amerikane, Meta gjithashtu ka rënë dakord të paguajë 25 milion dollarë për të zgjidhur një padi të ngritur nga ekipi i Trump-it, lidhur me pezullimin e llogarive të tij. /A.Z/UBT News/

Teknologji

SteelSeries prezanton kufje me bateri që zgjat deri në 54 orë

Published

3 hours ago

October 15, 2025

UBT News

Kompania e njohur e pajisjeve për lojëra, SteelSeries, ka lansuar gjeneratën e dytë të kufjeve të saj popullore pa tel – Arctis Nova 7 Gen 2, që sjell përmirësime të dukshme në performancë dhe funksionalitet.

Modeli i ri ofron kontroll audio në kohë reale dhe rritje prej 40% të jetëgjatësisë së baterisë, duke lejuar deri 54 orë përdorim të pandërprerë përpara se të kërkojë karikim përmes portës USB-C.

Për ata që nuk synojnë modelet më të shtrenjta – Nova Elite (599.99 dollarë) ose Nova Pro (349.99 dollarë), Nova 7 Gen 2 mbetet zgjedhja më e përballueshme në gamën e mesme me çmim 199.99 dollarë.

Duke ruajtur estetikën elegante të modeleve premium, kufjeve u mungon sistemi i baterisë së ndërrueshme, anulimi aktiv i zhurmës dhe stacioni bazë pa tel, por kompensojnë me veçori praktike dhe performancë të lartë.

Një nga risitë është audioja e njëkohshme përmes lidhjes 2.4GHz e Bluetooth, që u mundëson të përziejnë audion nga PC ose konsola e lojërave me atë të telefonit. Kufjet lidhen me PC, PlayStation, Xbox, Switch, telefon apo tablet nëpërmjet një dongle USB-C në formë “L”.

Nova 7 Gen 2 mbështet kontrollin e audios në kohë reale përmes aplikacionit celular Arctis, i cili përfshin mbi 200 parazgjedhje (presets) për lojëra të ndryshme që optimizojnë EQ-në audio sipas titullit.

Në kompjuter, përdoruesit mund të shfrytëzojnë SteelSeries GG për të ndërruar automatikisht parazgjedhjet audio në varësi të lojës.

Ashtu si modelet Nova Pro dhe Nova Elite, Nova 7 Gen 2 përfshin një mikrofon me anulim të zhurmës, që tërhiqet brenda kupës së kufjeve ose të çaktivizohet nëse përdoruesi preferon mikrofonin e jashtëm.

Arctis Nova 7 Gen 2 është në dispozicion me çmim 199.99 dollarë, dhe vjen në tre ngjyra: të bardhë, të zezë e magenta. /A.Z/UBT News/

Teknologji

Microsoft ka lëshuar paralajmërim urgjent për përdoruesit e Windows 10

Published

23 hours ago

October 14, 2025

UBT News

Microsoft ka lëshuar një paralajmërim urgjent për përdoruesit e Windows 10, pasi nesër sistemi operativ do të ndalojë së marruri përditësime teknike dhe sigurie.

Ky ndryshim mund të rrezikojë miliona pajisje, duke përfshirë rreth 21 milionë përdorues vetëm në Mbretërinë e Bashkuar, të cilët mund të jenë më të cenueshëm ndaj sulmeve kibernetike.

Opsionet për përdoruesit e Windows 10

Përditësimi falas në Windows 11 për pajisjet e përshtatshme. Për pajisjet më të vjetra që nuk përputhen me Windows 11, ekziston mundësia për Përditësime të Zgjeruara të Sigurisë (Extended Security Updates) për 12 muaj të tjerë.

Pas kësaj periudhe, përdoruesit duhet ose të blejnë kompjuter të ri ose të përballen me rrezikun e sulmeve kibernetike

Lisa Barber nga Which? Tech paralajmëron: “Nëse kompjuteri juaj përdor Windows 10 ose version më të vjetër, tani është koha të bëni një plan veprimi. Nëse nuk veproni, mund të bëheni më të cenueshëm ndaj hakerave dhe mashtrimeve.”

Detajet e Përditësimeve të Zgjeruara të Sigurisë

Shërbimi mund të merret për një vit, duke përfshirë vetëm përditësime sigurie, pa mbështetje teknike. Regjistrimi nuk bëhet automatik dhe duhet të kryhet përmes seksionit “Updates and Security” në cilësimet e pajisjes.

Për përdoruesit komercialë, shërbimi kushton $61 (£45.75) për pajisje, ndërsa përdoruesit individualë mund ta marrin falas ose me një pagesë një herë £24.99.

Pasojat për mjedisin dhe e-waste

Fiona Dear nga The Restart Project paralajmëron: “Rreth 400 milionë kompjuterë në të gjithë botën do të humbasin mbështetje software nesër, dhe shumë prej tyre do të duhet të zëvendësohen, duke gjeneruar mbi 700 milionë kg e-waste.” /A.Z/UBT News/