

Lifestyle
Përbërësit e dëmshëm të shampove – Çfarë duhet të evitoni?
Sipas ekspertëve disa prej tyre kanë efekte negative në shëndet e sidomos në flokët tuaj.
Published
2 years agoon
By
UBT newsShampo është nga ato produkte pa të cilat nuk mund të bëni. Kjo përbërje sintetike është përdorur masivisht nga njerëzit në vitet 1930 kur zëvëndësoi sapunin.
Ndër vite funksioni i saj ka mbetur i njëjti, por formulat kimike janë shtuar e pasuruar.
Kështu mund të gjeni shampo për flokë të thatë, me yndyrë, të drejtë, me kacurela, për burra apo për gra.
Po kështu brenda tyre ndryshojnë edhe përbërësit dhe kimikatet me të cilat përgatiten.
Sipas ekspertëve disa prej tyre kanë efekte negative në shëndet e sidomos në flokët tuaj.
Në këtë artikull nga AgroWeb do ju rendisim të gjithë përbërësit që duhet të evitoni në shampon që përdorni.
Sulfatet
Sulfatet janë një prej pastruesve kryesorë që të gjithë shampot përmbajnë.
Ato largojnë yndyrën e tepërt nga skalpi, pluhurin dhe çdo papastërti.
Shpesh mund t’i gjeni të shënuara me emrat SLS (sodium lauryl sulfate), SLES (sodium laureth sulfate) apo ammonium lauryl sulfate.
Të gjitha kanë efekte negative në shëndetin tuaj, flokë e lëkurë.
Mund të shkaktojnë reaksione alergjike në skalp dhe shpërsim të flokëve. Gjithashtu mund të ndikojnë edhe tek nivelet e hormoneve në trupin tuaj.
Parabenet
Për të rritur jetëgjatësinë e një produkti shpesh prodhuesit shtojnë parabene.
Kjo substancë ndalon zhvillimin e baktereve brenda një produkte, pra edhe tek shampo juaj.
Parabenet imitojnë rolin e hormonit të estrogjenit i cili është një hormone femëror përgjegjës për riprodhimin.
Mbipërdorimi i tij në trup mund të rrisë rrezikun e prekjes nga kanceri i gjirit tek gratë.
Poliethilene (PEG)
Në paketimet e shampove mund ta gjeni me emrin polyethylene glycols ose shkurt PEG.
Përdoret në shampoo si një agjent që ndihmon flokun të jetë më i dendur dhe më i plotë.
Megjithëse nuk ka ende kërkime të mjaftueshme mbi efektet negative të kësaj përbërje kimike në organizëm, sipas ekspertëve ajo shkatërron skalpin e kokës.
Falatet
Një substancë e cila shkakton pubertet më të hershëm tek adoleshëntët dhe mund të shkaktojë probleme me riprodhimin.
E gjeni të shënuar me emrin phthalates dhe është një kimikat i dëmshëm për ju dhe ambientin.
Formaldehyde
Shampot që përmbajnë keratinë apo trajtime të tjersha ushqyese për flokët kini parasysh të mos përmbajnë formaldehyde.
Kjo substancë është e dëmshme dhe thithet shumë shpejt nga lëkura duke ju shkaktuar një sërë problemesh me të.
Triclosan
Është një antibacterial i fuqishëm i pranishëm tek sapunët deri në vitet e fundit.
Ky kimikat mendohet se mblidhet në trup tek depozitat e dhjamit duke u kthyer në një substancë toksike.
Njihet si një disbalancues i hormoneve dhe shkakton probleme afatgjata.
Alkooli
Shumica e produkteve të flokëve përmbajnë alkool i cili i bën flokët dhe skalpin tuaj të thatë.
Alkooli përdoret për të trashur shampon, por mund të shkaktojë efekte negative në lëkurë dhe impalanca në hormone.
Parfume
Të gjithë shampot mbajnë erë të mirë dhe më siguroi ju zgjidhni me aromatiket, por a keni menduar ndonjëherë se çfarë shkaktojnë këto substance në trupin tuaj?
Parfumi është substancë sintetike e cila gjen vend në shumicën e produkteve të flokëve.
Në shumicën e rasteve këto aroma janë sintetike, të prodhuara në laborator dhe për rrjedhojë janë toksike për organizmin.
A janë shampot toksike?
Shumica e produkteve janë të mbushura me toksina dhe kimikate.
Këto përbërës ndihmojnë në shkëlqimin, zbutjen dhe aromën e flokëve për të dhënë në fund rezultatin e duhur në fund.
Gjithësesi të gjithë këto efekte pozitive kanë edhe anën e tyre negative afatgjatë.
Duke nisur që nga disbalanca e hormoneve, tek kanceri i lëkurës, probleme me mushkëritë e shumë të tjera.
Kështu që para se të blini një shampoo sigurohuni që është organike, e shëndetshme dhe pa silikon, parabene apo të gjithë përbërësit që përmendëm më lart./AgroWeb.org
Lifestyle
Dielli plak lëkurën/ Dermatologët: Kremi mbrojtës ul rrisqet për disa sëmundje
Published
5 hours agoon
June 26, 2025By
UBT News
Në një kohë që temperaturat e larta kanë pushtuar vendin, dhe sytë janë nga plazhi, specialistët rrëzojnë mitet e krijuara se aplikimi i kremit kundra diellit mund të ketë efekte anësore të parikuperueshme.
Sipas tyre është e rëndësishme që kremi kundra diellit të sigurohet nëpërmjet farmacive.
“E kam dëgjuar këtë mit, por nuk jam dakord, që dielli shkakton kancer të lëkurës. Është e mira që të merret në farmaci, sepse është i kontrolluar me kërkime shkencore, dhe ka firmë nga FDA-ja. “
Kremi duhet të aplikohet çdo stinë, por verës specialistët kërkojnë vëmendje të shtuar, kjo për shkak të rrezatimit të fortë.
Dermatologia Rozana Çela tregon për abc neës se çfarë ndodh me lëkurën tonë, nëqoftëse nuk aplikojm kremin mbrojtës.
“Dëmtimet nga dielli janë afatshkurtër, por edhe efekte afatgjatë. Duke marr parasysh që krijon probleme që nga fotoplakja, krijimi i njollave kafe….lezionet. Sidomos kancerin e lëkurës, si faktor kryesor rrezatimi nga dielli. Në këtë kontekst roli i kremit kundra diellit është i domosdoshëm, duhet vendos me patjetër sidomos gjatë verës.”
Kremi kundra diellit këshillohet për çdo moshë, dhe duhet të përshtatet me tipologjinë e lëkurës.
“Kremërat janë në bazë të tipologjisë së lëkurës. Mund të jetë me akne, a mature. Ndryshon në varësi të lëkurë, por edhe të moshës. Duhet të përshtatet me problemet e lëkurës, me akne apo jo. Kremi sa më pak shkëlqim nëse është me akne, nëse merr një krem tjetër mund të shkaktoj hiperhidrim. Ekziston edhe mundësia e alergjisë.”
Sa i takon mënyrës së përdorimit, në ditë normale, dermatologët këshillojnë aplikimin e kremit 20 minuta para ekspozimit, ndërsa gjatë kohës që jemi në plazh, shpeshtësia e aplikimit të tij duhet të jetë më i lartë, kjo për shkak të kohës së gjatë të ekspozimit në diell.

Organizata Ndërkombëtare Detare (IMO), 25 qershorin e ka shpallur si “Dita e Detarit” duke njohur kështu kontributin që japin detarët në tregtinë ndërkombëtare dhe ekonominë botërore, shpesh me sakrifica të mëdha në jetën e tyre personale dhe të familjeve të tyre.
Dita e Detarit u festua për herë të parë më 2011, duke pasuar kështu themelimin e kësaj dite në qershor të vitit 2010, në Manila të Filipineve, me rezolutën e pranuar nga Konferenca e Palëve në Konventën Ndërkombëtare mbi Standardet e Stërvitjes, Certifikimit dhe Ruajtjes për Detarët të vitit 1978.
Dita e Detarit tashmë është përfshirë në listën vjetore të kremtimeve të Kombeve të Bashkuara.
Dita e Detarit është një mundësi për të edukuar publikun rreth çështjeve me të cilat përballen detarët në ditët e sotme, si pirateria, por gjëja më e rëndësishme është mundësia që bota të thotë “Faleminderit detarë”.
Detarët janë shtylla e tregtisë botërore, duke transportuar mbi 80% të mallrave që konsumohen në botë. Pa punën e tyre, ekonomia globale do të ndalonte – nga ushqimet dhe energjia deri te teknologjia dhe materialet e ndërtimit.
Për më tepër, ata sigurojnë që zinxhiri i furnizimit të funksionojë pa ndërprerje, duke qenë shpesh të papërfillur në jetën e përditshme të njerëzve.
Megjithatë, puna në det është e rrezikshme dhe kërkon një nivel të lartë profesionalizmi dhe përkushtimi. Sfida si pirateria, aksidentet detare, dhe stresin psikologjik të izolimit larg familjes janë vetëm disa nga vështirësitë që ata përballojnë çdo ditë.
Dita e Detarit ofron një mundësi për të edukuar publikun për këto sfida, dhe për të kërkuar kushte më të mira dhe mbështetje për komunitetin e detarëve.
Lifestyle
Moti sot me diell, temperaturat arrijnë deri 31 gradë
Published
2 days agoon
June 24, 2025By
UBT News
Sot parashihet të mbajë mot kryesisht me diell.
Vranësirat mund të paraqiten për rreth relievit malor, ku atje mund të ketë edhe riga të izoluara shiu.
Sipas IHMK-së, temperaturat minimale do të lëvizin ndërmjet 13 deri 19 gradë Celsius, ndërsa maksimalet e ditës parashihen të lëvizin ndërmjet 27 deri 31 gradë Celsius.
Edhe nesër parashihet të mbaj mot i ngjashëm me temperatura nga 24 deri 32 gradë Celsius. /UBT News/
Lifestyle
Ja gjërat që prindërit e fëmijëve të suksesshëm i bëjnë ndryshe
Published
1 week agoon
June 17, 2025By
UBT News
Prindërit e fëmijëve me arritje të larta ndajnë disa zakone të përbashkëta që i ndihmojnë të rrisin fëmijët e tyre, por rrallë flasin për to me zë të lartë.
Në vend që të ushtrojnë presion, ata udhëheqin me dashuri, ushqejnë kuriozitetin dhe i lejojnë fëmijët të eksplorojnë botën vetë. Ja çfarë i dallon ata nga të tjerët.
Në shtëpinë e tyre, optimizmi është themeli i gjithçkaje.
Suksesi fillon me besimin se suksesi është i mundur. Prindërit e tyre ngjallin optimizëm që në moshë të vogël. Pavarësisht rrethanave përçojnë mesazhin se çdo gjë është e mundur. Në shtëpinë e tyre, motoja është e qartë: Çfarëdo që ëndërroni dhe për të cilën përpiqeni, mund ta arrini, raporton The Times of India.
Ata e përshtatin motivimin me interesat e fëmijës
Prindër bëjnë gabimin duke u përpjekur t’i motivojnë fëmijët në të njëjtën mënyrë. Ata që rrisin fëmijë të suksesshëm e dinë se motivimi duhet të jetë personal. Në vend që të shtyjnë para qëllime të përgjithshme, i lidhin me atë që fëmija i pëlqen. Nëse një fëmijë i do filmat, tregojini se si matematika mund ta ndihmojë në menaxhimin e financave të një karriere të ardhshme si aktor. Personalizimi i motivimit është çelësi i motivimit të brendshëm.
Ato i lejojnë fëmijët të mësojnë përmes përvojës së tyre
Mësimi nuk ndodh vetëm në klasë, por çdo ditë, përmes lojës, eksplorimit dhe gabimeve të vogla. Prindërit e suksesshëm nuk i zgjidhin çdo problem fëmijës, por i japin hapësirën për të provuar vetë. Prindërit i rezistojnë dëshirës për t’i bërë gjërat të lehta sepse e dinë se sfidat janë ato që ndërtojnë vetëbesim dhe zgjuarsi.
Ata kultivojnë kuriozitet, jo vetëm zakone pune
Kurioziteti është një nga themelet më të rëndësishme të suksesit. Prindërit përqendrohen jo vetëm në punë të palodhur, dhe në zbulimin e botës me gëzim. Udhëtimet, librat, bisedat rreth pyetjeve të mëdha, të gjitha këto janë mënyra për të inkurajuar dashurinë për të mësuar. Në vend që dija të jetë një detyrim, ajo bëhet një aventurë.
Ata udhëheqin me dashuri, jo me presion
Në shtëpi nuk ka disiplinë ushtarake. Prindërit nuk veprojnë si trajnerë ose komandantë. Përkundrazi, janë të pranishëm, mbështetës dhe e lejojnë fëmijën të udhëheqë lojën. Ata nuk e detyrojnë, nuk urdhërojnë, nuk kontrollojnë, por janë aty kur nevojitet ndihmë. Është ky ekuilibër që i jep fëmijës sigurinë për të eksploruar, për të bërë gabime dhe për t’u rritur.

Si ndikon ambienti ynë në qetësinë e mendjes dhe fuqinë e shpirtit?

“Smoke”, serial i bazuar në ngjarje të vërteta

Si ndikon qumështi i gjirit në kohët e nxehta?

KQZ dhe Komisioni i Venecias mbajnë punëtori për zgjedhjet parlamentare të 9 shkurtit

Hegseth mbron sulmet amerikane ndaj Iranit, paraqet 2 objektiva të qarta

Keni shumë mesazhe të palexuara? WhatsApp tani ka një zgjidhje

Influencuesja e famshme vdes pas një operacioni plastik në Turqi

UBT International Smart Schools tani edhe në Gjilan me dy programe në mjekësi

Tani edhe në Prizren: UBT International Smart Schools me dy drejtime të mjekësisë
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore