Kryeministri i Kosovës, Albin Kurti, është takuar me kryetare e parë grua në komunën e Foçës, në provincën e Izmirit, Saniye Bora Fici.

Këtë e ka bërë të ditur përmes një postimi në Instagram, ku ka postuar edhe disa fotografi.

Shefi i qeverisë tha se ajo është me prejardhje shqiptare, dhe bashkë me familjen e saj, nuk u shkëputën nga identiteti e kujtesa e tyre kombëtare.

Policia e Kosovës sot ka njoftuar se ka arrestuar një person, i cili dyshohet se ka kanosur një prokuror në zyrën e tij në Prokurorinë Themelore të Prishtinës.

Lidhur me këtë rast ka dhënë detaje zëdhënësja e Prokurorisë Themelore të Prishtinës, Laureta Ulaj. Ajo ka thënë se prokurori i shtetit ndaj personit të dyshuar ka paraqitur kërkesë për caktimin e masës së paraburgimit.

“Ju njoftojmë se Prokurori i Shtetit ka lëshuar aktvendim mbi ndalimin e personit të dyshuar, për shkak të veprës penale “Kanosja” (ndaj personit zyrtar), më konkretisht ndaj një prokurori të Prokurorisë Themelore në Prishtinë, si dhe për të njëjtin, në Gjykatën Themelore në Prishtinë, ka paraqitur kërkesë për caktimin e masës së paraburgimit”, ka thënë Ulaj.

Përplasje e pakënaqësi patën anëtarët e Bordit të Ndërmarrjes Publike të Operatorit të Sistemit, Transmisionit dhe Tregut (KOSTT) me kryeshefin e këtij institucioni, Evatar Zeqiri. Ky i fundit akuzoi Bordin rreth tendencave për interferime.

Gjatë shqyrtimit të raportit vjetor të KOSTT-it në Komisionin për Ekonomi, Industri, Ndërmarrësi dhe Tregti, kryeshefi i KOSTT-it, Evatar Zeqiri, ka thënë se kohëve të fundit pjesën kryesore të punës është dashur të merret me dy anëtarët e Bordit, Ajrina Gashin dhe Nebih Zariqin, pasi sipas tij, janë marrë më shumë me prokurorim sesa vetë ai.

“Muajt e fundit ka pas tendenca për interferime nga anëtarët e Bordit. Këtu kem anëtarët të cilët janë marrë më shumë më prokurim sesa unë… ka raste të tilla individuale. Zonja Gashi dhe zotëri Zariqi kanë kërku që me raportu zyrtari i prokurimit. Përgjegjësitë janë individuale mirëpo llogaridhënia mbetet të kryeshefi. Kohëve të fundit është bërë e pamundshme me punu prej tyre. Pjesën kryesore të punës m’u ka dasht me u marrë me dy anëtarë të Bordit. Nuk e kam njoftuar Kuvendin se kam mendu që këto çështje mund të zgjidhen dhe janë kalimtare. Unë kam marrë vlerësimin 2-sh. Dosjet e prokurorimit janë në platformë. As unë s’kam qasje. Informatat që janë publike janë publike, ‘filet’ nuk janë publike. Kam pas probleme edhe me staf. Janë marrë me çështje që s’janë të Bordit, por të memaxhmentit. Nuk mundet dikush me konstatu shkelje përderisa janë institucionet kompetente”, ka thënë Zeqiri.

Anëtarja e Bordit, Ajrina Gashi, ka thënë se asnjëherë nuk i ka penguar në punë kryeshefit. Për këtë, tha se është e gatshme të japë përgjegjësi.

“Nuk e mohoj që kam kërku raporte që janë të incizuara. Në fillim të vitit 2024 një anëtar i bordit e ngrit një çështje për transformatorin… Edhe kur kemi kërku raport për të ka qenë procesi i mbyllur… kompania ‘Madkos’ na ka paditë. Po më vjen shumë keq nga kryeshefi. Unë e kam përkrah kryeshefin në çdo sferë. Asnjëherë të vetme kryeshefit ekzekutiv nuk i kam shku në zyre me i pengu gjatë punës. Nëse kam kërku diçka jashtë ligjit, jam e gatshme me dhanë përgjegjësi para cilitdo organ shqyrtues ose ligjor”, ka thënë ajo.

E anëtari tjetër i Bordit, Nebih Zariqi, ka thënë se kohëve të fundit kryeshefi i KOSTT-it e ka luajtur rolin “kinse bordi është jo-ekzistent”.

“Ia kemi dhanë përkrahjen maksimale, çdo moment që e ka kërku, çdo rregullore që e ka pru. Kohën e fundit në mënyrë shumë të ashpër ka nis me lu një rol gati se Bordi është jo-ekzistent. Me kënaqësinë më të madhe e kemi votu këtë djalë që është këtu.  Nuk kemi intervenu në fazën e prokurimit”, ka deklaruar Zariqi.

E anëtari tjetër i KOSTT-it, Jeton Mehmeti, ka thënë se kanë pas standarde të larta profesionale dhe ka pas probleme të brendshme, qysh në javën e parë. Sipas tij, e kanë pasur të vështirë me i respektuar standardet për faktin e problemeve të brendshme.

“KOSTT-i ka arrit të mbajë mirëkuptimin me mekanizma kombëtarë dhe ndërkombëtare, në periudhë të krizave është formuar komunitetin që ka marrë vendime. Probleme që nga lufta në Ukrainë. Me përkushtim maksimal, vërejmë rezultate pozitive, në aspektin e bilancit”, ka thënë Mehmeti.

“Kemi ç’bllokuar projekt kapitalet që kanë qene pezull për vite më radhë, ka hy në fuqi marrëveshja, filloi operimin e pavarur në kuadër të bllokut Shqipëri- Kosovë. U themelua bursa shqiptare për të dyja vendet Kosovë -Shqipëri, për 236 milionë dollarë do të rezultohet projekti për formimin e baterive për energji. Në aspektin e tregut, ka pas iniciativa të ndryshme, nënshkruhet kontrata për projekte që janë në fazën përfundimtare, ndërtimi i nënstacionit në Ferizaj”, ka shtuar ai.

Deputeti i PDK-së, Ferat Shala, iu drejtua Mehmetit se ka thënë atë çka ka qenë e ditur.

“E shfrytëzove me na tregu për ato çka i kemi degjuar dhe i kemi ditë. Për hir të korrektësisë për këtë nuk të kemi thirr”, ka thënë Shala.

Deputetja nga Lidhja Demokratike e Kosovës, Valentina Bunjaku, pyeti së sa ka qenë buxheti i planifikuar për vitin 2023 dhe sa është shpenzuar ai buxhet, si dhe sa kanë qenë projektet dhe sa prej tyre janë realizuar.

Kryeshefi ekzekutiv, Evatar Zeqiri, tha se buxheti i KOSTT-it, në total ka qenë 92 milionë euro, ndërsa është shpenzuar 28,5 milionë euro.

Anëtarja e Bordit, Ajrina Gashi, u shpreh se kur e  kanë kërkuar raportin procesi ka qenë i mbyllur.

“Kemi rastin me operatorë ekonomik që ka bë lëshim të energjisë pa e ditë dhe kjo ka ndodh një vit. Kompania Adkos na ka padit, ne nuk kemi pas asnjë informatë. Nëse kam kërkuar diçka jashtë ligji dhe kodit të qeverisë jam e gatshme me dhënë përgjegjësi para çdo organi të drejtësisë”, ka thënë ajo.

“Kam kërkuar me mirësjellje se ku janë projektet e KOST-it,  ku është zbatimi i tyre kam tri e-maila se nuk përputhen ndryshojnë datat elementet, nuk kam lyp jashtë asaj çka ma lejon ligji, nuk ka shkelë këmba e saj vetëm se ku e kam sallën e them me përgjegjësi këtë”, ka thënë Gashi.

Mbrojtësi turk Merih Demiral do të humbasë ndeshjen çerekfinale të ekipit të tij në Euro 2024 kundër Holandës pasi UEFA e pezulloi atë për dy ndeshje të premten për një përshëndetje të supozuar si ultra-nacionaliste.

Demiral shënoi dy gola në fitoren 2-1 të 1/16-tës të Euro 2024 ndaj Austrisë të martën dhe gjatë festimeve për golin e tij të dytë bëri një gjest të lidhur me grupin ekstremist turk të krahut të djathtë “Ujqërit gri”.

UEFA tha në një deklaratë se Demiral u ndalua “për shkelje të rregullave bazë të sjelljes së denjë, për përdorimin e ngjarjeve sportive për manifestime të një natyre josportive”.

Demiral do të humbasë gjithashtu një gjysmëfinale të mundshme kundër Anglisë ose Zvicrës nëse Turqia mposht Holandën të shtunën, përcjellë KosovaPress.

Demiral tha se festimi i tij lidhej me “identitetin e tij turk”. Ish-mbrojtësi 26-vjeçar i Juventusit, tani në Al-Ahli në Arabinë Saudite, tha se nuk kishte asnjë “mesazh të fshehur” në gjestin e tij.

Ujqërit gri mbrojtën ide radikale dhe përdorën dhunë në vitet 1980 kundër aktivistëve të majtë dhe pakicave etnike. Grupi është ndaluar në Austri dhe Francë, por jo në Gjermani.