

Shëndeti
Për zemër të shëndetshme hani jogurt, arra dhe fasule
Published
4 years agoon
By
UBT newsPër të pasur trup të shëndetshëm duhet t’i kushtoni shumë rëndësi ushqimit!
Sipas mundësive kushtoni vëmendje fibrave, hani disa herë në javë peshk, kujdesuni për yndyrat e shëndetshme dhe ato të pashëndetshmet dhe kufizojeni sasinë e përdorimit të kripës dhe sheqerit.
Më poshtë mund të shihni disa nga ushqimet që përmirësojnë shëndetin tuaj të zemrës.
1.Jogurt
Hulumtimet tregojnë se jogurti mund të mbrojë nga sëmundjet e dhëmbëve. Sëmundjet orale mund të rrisin rrezikun për sëmundjet e zemrës.
Raporti i botuar në Journal of Periodontology, argumenton se probiotikët (“bakteret e mira”) janë një kampion i mundshëm i shëndetit.
Ekspertët besojnë se probiotikët mund të ndihmojnë për të luftuar rritjen e baktereve “jo miqësore” në gojë.
2.Rrush i thatë
Hulumtimet kanë treguar se antioksidantët në rrush të thatë luftojnë rritjen e një lloji të baktereve që mund të shkaktojnë inflamacion dhe sëmundje të gojës.
Njerëzit me sëmundje të dhëmbëve, kanë dy herë më shumë gjasa të vuajnë nga problemet e zemrës.
Pra, trajtimi i një problemi mund t’i ndihmojë njerëzit të shmangin tjetrin.
Si rezultat, zgjedhja e ushqimeve të caktuara, të tilla si rrush, mund t’ju ndihmojnë të mbroni dhëmbët dhe zemrën tuaj.
3.Fasule
Ngrënia e fasules rregullisht është e mirë për zemrën tuaj dhe ju nuk keni nevojë të hani shumë prej tyre për të përfituar.
Një studim i publikuar në Journal of Nutrition sugjeron që vetëm gjysmë filxhani fasule në ditë mund të ulin kolesterolin.
Poashtu, fasulet përmbajnë një shumëllojshmëri të kimikateve mbrojtëse të zemrës, duke përfshirë flavonoidet, komponimet e gjetura edhe në verë, manaferrat dhe çokollata, të cilat pengojnë adezionin e trombociteve në gjak, gjë që mund të ndihmojë në uljen e rrezikut për sulme në zemër dhe goditje në tru.
4.Peshku
Sipas studimeve, ngrënia e peshkut dy herë në javë ulë deri në 30% rrezikun nga sëmundjet e zemrës.
Llojet e ndryshme të peshkut, e sidomos ato “me vaj”, të tilla si salmoni dhe toni ndihmojnë në uljen e tensionit.
5. Arra
Arrat janë të mbushura plot me vitamina, minerale, yndyra të shëndetshme.
Hulumtimet sugjerojnë se njerëzit që hanë arra, bajame, lajthi, fëstëkë, arra pishe dhe kikirikë kanë më pak gjasa që të preken nga sëmundjet e zemrës.

Para se t’i provoni ilaçet e barnatoreve, provoni këtë recetë shtëpiake për vena të zgjeruara dhe kapilarë të pëlcitur.
Kapilarët e pëlcitur janë enë të vogla që janë dëmtuar dhe kanë plasur nën lëkurë. Kjo çon në një pamje të njollosur, që shfaqen në fytyrë ose këmbë. Në mjekësi, shpesh quhen edhe telangjiektazi ose “venat merimangë”. Janë shfaqje e pakëndshme dhe e keqe nën lëkurë, kanë ngjyrë të kaltër, vjollcë a të kuqe.
Shkaqet e mundshme përfshijnë:
Gjenetika – trashëgimi familjare
Ekspozimi ndaj diellit – dëmton lëkurën dhe enët e gjakut
Ndryshimet hormonale – sidomos tek gratë (shtatzëni, menopauzë)
Presioni i lartë i gjakut
Alkooli – zgjeron enët e gjakut
Disa sëmundje të mëlçisë
Rosacea – një gjendje kronike e lëkurës
Trauma lokale ose masazhe të forta.
Edhe pse janë të parrezikshëm, duken keq në lëkurë, ekziston mënyra si t’i eliminoni, me ndihmën e disa përbërësve që i keni në shtëpi.
Mënyra e parë – Merr kokrra domatesh të reja prisni në feta. Vendos në vendin ku ju kanë pëlcitur kapilarët. Përdorni domate të reja, jo të pjekura. Fetat e domates lini 2-3 minuta në lëkurë. Hiqni dhe lëkurën. Këtë proces përsëriteni edhe në 10 ditët në vijim dhe kapilarët do të duhej të zhdukeshin shumë shpejt.
Mënyra e dytë – Uthullën e mollës qiteni në regjionin ku kanë pëlcitur kapilarët. Këtë procedurë përsëriteni tri herë në ditë 10 minuta. Pas katër javësh më herët, kapilarët e pëlcitur zhduken. Uthulla mund të shkaktojë rritim të lëkurës, prandaj është me rëndësi që të mos e qitni në pjesët e ndjeshme të trupit.
Këshillë: Për çdo shqetësim shëndetësor që keni, sigurohuni që të konsultoheni me mjekun tuaj. /UBT News/
Shëndeti
Cilat janë shkaqet më të zakonshme të mungesës së hekurit?
Published
17 hours agoon
April 28, 2025
Hekuri është një mineral thelbësor që lejon trupin të krijojë hemoglobinë, një proteinë në qelizat e kuqe të gjakut që transporton oksigjen në të gjithë trupin dhe disa tregues mund të tregojnë mungesë të këtij minerali.
Kur nivelet e hekurit janë të ulëta, trupi mund të ketë vështirësi të funksionojë normalisht, duke çuar në një sërë simptomash që nuk duhen injoruar. Duke njohur në kohë shenjat e mungesës së hekurit, është e mundur të reagoni përpara se gjendja të përkeqësohet.
Sipas Dr. Janine Bowring, disa nga simptomat që tregojnë nivele të ulëta të hekurit përfshijnë buzët e çara, thonjtë e brishtë dhe dhimbje koke të shpeshta.
Mungesa e hekurit ndikon në shëndetin e flokëve, se trupi redukton shpërndarjen e oksigjenit dhe lëndëve ushqyese në zona më pak prioritare si skalpi.
Për shkak të kësaj, flokët mund të dobësohen, të thyhen ose të bien më shumë dhe rritja e flokëve mund të ngadalësohet.
“Ne mund të vërejmë se flokët na bien gjatë dushit ose se gjithnjë e më shumë janë në furçë kur i krehni. Të gjitha mund të jenë shenja të niveleve të ulëta të hekurit,” tha Dr. Bowring për SheFinds.
Shfaqja e buzëve të plasaritura mund të tregojë mungesë hekuri, ky mineral është vendimtar për shëndetin e lëkurës dhe mukozave, mungesa e tij mund të çojë në acarim dhe çarje të buzëve. “Nëse ndjejmë siklet ose plasaritje në cepat e buzëve, kjo mund të jetë shenjë e hekurit të ulët”, thotë Dr. Bowring.
Thonjtë që janë të brishtë, të hollë ose kanë formë të pazakontë tregojnë nivele të ulëta hekuri. Kur mungon hekuri, qelizat që pasqyrojnë strukturën e thonjve dobësohen, kështu që thonjtë mund të bëhen të sheshtë ose të thyhen lehtësisht.
Hekuri është thelbësor për rrjedhjen e oksigjenit në tru. Kur nuk ka mjaftueshëm, niveli i oksigjenit në tru bie, çon në dhimbje koke dhe migrenë. Nëse shpesh përjetoni dhimbje koke pa ndonjë arsye të dukshme, kjo mund të lidhet me mungesën e hekurit.
Nëse ndiheni “kokë të lehtë” ose marramendje kur ngriheni papritur, kjo mund të jetë për shkak të nivelit të ulët të hekurit. Mungesa e hekurit ulë nivelet e gjakut e çon në rrjedhje të dobët të oksigjenit, gjë që çon në marramendje momentale.
Njohja e këtyre simptomave mund t’ju ndihmojë të kërkoni këshilla profesionale në kohë dhe të përmirësoni shëndetin tuaj.

Mjekët zakonisht e gabojnë për tip 1 të diabetit por trajtimi i tij me insulinë mund të jetë i rrezikshëm. Një formë e re e lidhur me kequshqyerje, jo obezitet, është njohur zyrtarisht, ka raportuar “The Sun”.
I njohur si diabet i tipit 5, sëmundja mendohet se prek 25 milionë njerëz në të gjithë botën, zakonisht adoleshentët e kequshqyer, të dobëtit dhe të rinjtë në vendet me të ardhura të ulëta dhe të mesme. Federata Ndërkombëtare e Diabetit ka votuar ta klasifikojë gjendjen më herët të njohur si Diabeti me Fillimin e Pjekurisë së të Rinjve (MODY), në Kongresin Botëror të Diabetit në Bangkok më 8 prill.
“Historikisht nuk është diagnostikuar sa duhet e nuk është kuptuar mirë”, deklaroi profesoresha Meredith Hawkins e Kolegjit të Mjekësisë “Albert Einstein”.
“Njohja e saj nga IDF-i si ‘diabet i tipit 5’ është një hap i rëndësishëm drejt rritjes së ndërgjegjësimit për një problem shëndetësor që është aq i dëmshëm për shumë njerëz”, ka shtuar ajo.
Rreth 830 milionë të rritur jetojnë me diabet, shumica me tipat 1 dhe 2, sipas një studimi të vitit 2022, të dyja tipat ndikojnë në aftësinë e trupit për t’i kontrolluar nivelet e sheqerit në gjak. Në diabetin tip 1, trupi nuk mund të prodhojë insulinë – hormon që ndihmon me lëvizjen e sheqerit nga gjaku në qeliza për energji. Kjo shkakton rritje të sheqerit në gjak, që mund t’i dëmtojë organet.
Në diabetin tip 2, trupi prodhon insulinë por bëhet rezistuese ndaj saj, sheqeri qëndron në gjak në vend se të hyjë në qeliza. Me kalimin e kohës, kjo shkakton nivele të larta të sheqerit në gjak. Diabeti i tipit 5 është ndryshe. Shkaktohet prej kequshqyerjes, që ndikon në prodhim të vogël të insulinës. Duke e lënë trupin të paaftë të prodhojë mjaftueshëm insulinë për të menaxhuar si duhet nivelin e sheqerit në gjak.
Nuk është sikur mungesa e plotë e insulinës si tipi 1, a rezistenca e insulinës së tipit 2, trupi nuk prodhon mjaftueshëm, zakonisht si pasojë e kequshqyerjes.
Ndryshe nga tipat 1 dhe 2, tipi 5 është i trashëgueshëm. Nëse një prind e ka gjenin, shanset që fëmija e tyre ta zhvillojë janë 50%, pasi gjeni i bën të prekshëm nga gjendja. Shfaqet në adoleshencë të hershme a rreth të 20-tave, veçanërisht te djemtë e rinj në Azi dhe Afrikë, me indeks të masës trupore (BMI) prej 19.
BMI e shëndetshme është në mes 18 dhe 24.9 duke sugjeruar se ata me diabetin tip 5 priren të jenë në limite të të shëndetshmes.
Profesori Nihal Thomas, i Kolegjit Mjekësor Kristian në Indi, ka thënë se “sëmundja u shkakton qelizave beta pankreatike të funksionojnë në mënyrë jonormale, që çon në prodhim të pamjaftueshëm të insulinës”.
“Si pasojë e njohjes formale, kjo gjendje është e studiuar pak dhe është e keqdiagnostikuar”, ka shtuar ai.
Mjekët zakonisht e gabojnë atë për diabet të tipit 1 – por trajtimi me insulinë mund të jetë i rrezikshëm, sipas profesoreshës Hawkins.
“Diabeti i lidhur me kequshqyerje zakonisht është më i shpeshtë sesa tuberkulozi dhe pothuajse aq e shpeshtë sa HIV/AIDS”, ka deklaruar Hawkins. “Por mungesa e një emri zyrtar i ka penguar përpjekjet për të diagnostikuar pacientët apo të gjejmë terapi efektive”.
Ajo për herë të parë ka dëgjuar për këtë gjendje në vitin 2005 kur mjekët nga disa vende përshkruan një formë të panjohur të diabetit.
“Pacientët ishin të rinj dhe të dobët, që sugjeron se ata kanë diabet të tipit 1, që mund të menaxhohet me injektime të insulinës për ta rregulluar nivelin e sheqerit në gjak”, tha ajo. “Por insulina nuk i ka ndihmuar këta pacientë dhe në disa raste shkaktoi nivele të ulëta të rrezikshme të sheqerit në gjak”.
Pacientët nuk dukej se kishin as diabetin e tipit 2, pasi zakonisht lidhet me obezitetin, që mjekja tha se ishte shumë konfuze.
Në vitin 2010, Hawkins ka financuar Einstein’s Global Diabetes Institut, më shumë se një dekadë më vonë në vitin 2022, ajo dhe kolegët e saj në Kolegjin Mjekësor Kristian demonstruan se kjo formë e diabetit ishte thelbësisht ndryshe nga tipi 1 dhe tipi 2.
Ajo tha se personat me diabet të tipit 5 kanë një defekt të thellë në aftësinë për të sekretuar insulinë, gjë që nuk njihej më parë. Kjo do të thotë se trupat e tyre nuk mund ta absorbojnë dhe t’i ruajnë vlerat ushqyese siç duhet, veçanërisht sheqerin dhe yndyrën për të shtuar peshë apo të ruajnë muskujt.
Si rezultat, ata zakonisht qëndrojnë shumë të dobët, edhe nëse hanë mjaftueshëm.
“Kjo gjetje e ka revolucionarizuar mënyrën se si ne mendojmë për këtë gjendje dhe se si duhet ta trajtojmë”, tha ajo.
Por akoma nuk ka trajtim standard, me shumë pacientë që vdesin brenda një viti pas diagnostikimit.
Hawkins, tha se dietat të pasura me proteina dhe të pakta me karbohidrate, bashkë me mikronutrientë të caktuara mund të ndihmojnë.
Por ajo paralajmëroi: “Kjo duhet të studiohet me kujdes tani që ka gatishmëri globale dhe një mandat zyrtar nga IDF për ta bërë”.

Një mëngjes i lehtë e i shijshëm, shoqëruar me një kafe, është nisja më e mirë për ditën. Studime të ndryshme kanë këshilluar të konsumojmë mëngjes patjetër, duke u shprehur se është vakti më i rëndësishëm.
Mos e humb kurrë mëngjesin
Nuk duhet ta shmangësh konsumimin e mëngjesit. Disa persona nuk hajnë mëngjes me idenë se kjo do t’u shkaktojë kile të tepërta, por nuk është aspak e vërtetë, përkundrazi. Një mëngjes i kontrolluar dhe i konsumuar, thuajse çdo herë në të njëjtën kohë, është mënyra më e mirë dhe më e shëndetshme për të nisur ditën. Kjo është mjaft e rëndësishme, pasi mëngjesi të jep energji, të vë në lëvizje trupin dhe të ndihmon në djegien e kalorive të tepërta gjatë ditës.
Më shumë proteina se sheqer
Sheqeri, edhe pse të jep energji, ndodh për pak kohë. Më vonë shumë prej tyre kthehen në kalori se sa në energji. Edhe pse për të gjithë është normale që zgjimi të bëhet duke shijuar diçka të ëmbël, megjithatë këshillohet që kjo të shmanget ose të zëvendësohet me diçka tjetër më të lehtë, si drithërat. Ndërsa proteinat janë më të këshillueshme, pasi janë më të shëndetshme dhe një burim i pafund energjish.
Kujdes me sasinë
Edhe pse mëngjesi është vakti më i rëndësishëm, kjo nuk do të thotë se duhet ta teprojmë me sasinë. Mjafton për mëngjesin si edhe për drekën 300 kalori.
Sekreti, një copë parmixhano
Konsumimi i copëzave të parmixhanos në vaktin e mëngjesit është mjaft i këshillueshëm, pasi largojnë urinë dhe stimulojnë metabolizmin. Gjithashtu, është e provuar se ndihmon në uljen e nivelit të kolesterolit.
Ha brenda një ore nga zgjimi
Sa më parë që të konsumojmë mëngjes aq më shpejt aktivizohet metabolizmi. Duke qenë se mëngjesi është vakt i rëndësishëm, më mirë mos të presim gjatë. Zgjimi dhe konsumimi i sasisë së duhur të proteinave dhe karbohidrateve ndihmon madje që të evitoni zgjedhje të gabuara gjatë ditës.

Vazhdon për të tetën herë tentimi për konstituimin e Kuvendi

Nëna e Beyoncés zbulon padashje sekretet e vajzës së saj

Si të përballeni me kapilarët e pëlcitur?

29 prilli – Dita Botërore e Vallëzimit

Moti për ditën e sotme

Rriteni vetëbesimin përmes këtyre teknikave

Irani akuzon Netanyahun se po tenton t’i pengojë bisedimet me SHBA-në

Dubois vs Usyk më 19 korrik për unifikimin e katër titujve në peshën e rëndë

Gazetaria e sotshme dhe ajo hulumtuese, e skajshme, periferike dhe larg problemeve akute që po na rrethojnë
Të kërkuara
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet3 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Kulturë1 month ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur