

Sport
Pep Guardiola: Inovatori i palodhur i futbollit
Published
4 years agoon
By
Betim GashiNga Simon Kuper
Në vitin 2012 Pep Guardiola u transferua në Nju Jork për një vit pushim. Pas vetëm 4 sezonesh si trajner dhe 14 trofeve të fituara me Barcelonën, katalanasi ishte bërë figura më e admiruar në profesionin e tij, por ai kishte nevojë për ide të reja.
Dhe ai i vodhi ato në Nju York:i ulur në klasat e kursit të ekonomisë në Universitetin e Kolumbias, i fiksuar pas fitores së dytë të Barak Obamës,dhe duke u shoqëruar me Udi Alen dhe shahistin Gerri Kasparov. Guardiola e “futbollizoi” gjithçka që mësoi, duke zbatuar njohuritë në fushën e tij.
Një natë, gjatë një darke mes tyre Kasparov i tha:“Në momentin që fitova titullin e dytë botëror në vitin 1986, e dija se kush do të më rrihte në fund”. “Kush?”- pyeti Guardiola. “Koha”- u përgjigj Kasparov. Dhe koha i shkatërron shumë shpejt gjërat,veçanërisht në futboll.
Trajnerët e plotfuqishëm, bien shpejt nga piedestali. “Futbolli është evolucion”- i tha Guardiola biografit Marti Perarnau. Vetëm ai vazhdon që të përditësojë veten. Këtë javë ai fitoi kampionatin anglez me Mançester Sitin, titullin e tij të nëntë në kampionat në 3 vende të ndryshme dhe brenda 12 sezonesh.
Më 29 maj, Siti do të ndeshet me Çelsin në finalen e Ligës së Kampionëve. Por si u bë dhe si mbeti Guardiola trajneri më i madh i futbollit?Djali i një muratori lindi 50 vjet më parë në Santpedor, një fshat aq shumë katalanas, sa që shumë vendas flisnin gjuhën e ndaluar rajonale gjatë gjithë diktaturës së gjeneralit Francisko Franko.
Kur ishte adoleshent në akademinë e të rinjve të Barcelonës, ai u zbulua nga trajneri i Barçës, Johan Krojf, shpikësi kryesor i futbollit që po luhet në shekullin XXI. Guardiola kishte një trup elegant, ishte i ngadaltë dhe nuk ishte shumë i aftë në driblime, por Krojf
e përshiu gjithsesi në ekipin e parë, pasi Guardiola ishte shumë i aftë në leximin e lojës. Lojtari më i ngadaltë në ekip, ishte ai që e lëvizte më shpejt topin në fushë.
“Unë nuk dija asgjë për futbollin derisa takova Krojfin”- tha më vonë Guardiola. Tek Barça, ai përvetësoi parimet e Krojfizmit:luaj me pasime diagonale me një prekje në gjysmën e fushës kundërshtare, mundohu të fitosh topin në çast sapo e ke humbur, krijo hapësirë ose zvogëloje atë dhe mos hiq dorë në asnjë rast nga idetë e tua.
Ai mësonte gjithçka, nga poezia katalanase tek taktikat e basketbollit. Në vitin 2008, pasi kishte stërvitur ekipin B të Barçës për një sezon, klubi befasoi botën e futbollin duke e emëruar rishtarin 37-vjeçar si trajnerin e ekipit të parë. Brenda 10 muajsh ai fitoi ligën dhe kupën e Spanjës, si dhe Ligën e Kampionëve.
“Ai moment ishte fundi i karrierës sime, kisha fituar gjithçka tashmë”- kujton ai me shaka.
Ai ishte një trajner krojfist, por me më shumë rigorozitet dhe inteligjencë emocionale se sa vetë Krojf. Vetë holandezi e konsideronte dikur Guardiolën dhe Denis Bergkamp si lojtarët më racionalë dhe më largpamës që do të kishte dashur çdo trajner:“Ti mund t’i kërkosh atyre këshilla, pasi ata mund të mendojnë edhe për problemet e të tjerëve”.
Guardiola mundi të vinte në jetë idetë e tij në fushë. Ai i nxiti lojtarët të zbatonin “rregullin e 15 pasimeve” (bëni 15 pasime para se të përpiqeni të shënoni) dhe “rregullin e 5 sekondave” (pasi të humbni topin, shpenzoni 5 sekonda në ndjekje të topit,për ta fituar sërish atë).
Ai ishte po aq analist i videove të ndeshjeve sa edhe trajner i ekipit. Në një ditë të zakonshme pune, ai kalonte 90 minuta duke e trajnuar ekipin e tij, dhe 6 orë në zyrën e tij duke parë ndeshjet e kundërshtarëve të ardhshëm. Ai do t’i shikonte ato derisa “të vinte më në fund momenti i shkëlqyeshëm që i jep kuptim profesionit tim”.
Në një shpërthim frymëzimi që zgjaste mbase vetëm 1 minutë, ai do të identifikonte të metën fatale të kundërshtarit dhe do të thoshte “E kam gjetur atë, ne do të fitojmë!”. Më e famshmja, një mbrëmje maji të vitit 2009, ai vuri re një të metë serioze përpara mbrojtjes së Real Madridit, që do ta shfrytëzonte lojtari i tij më i mirë Lionel Messi.
Miku i Guardiolas, Ksavier Martín, ekonomist i Universitetit të Kolumbias, e krahasoi atë me kompaninë spanjolle“të modës së shpejtë” Zara, që mund të nxjerrë një koleksion të ri çdo dy javë:“Pep është një risi e vazhdueshme në botën e futbollit”.
Vështirë se dikush mund të largohet vullnetarisht nga Barcelona, apo të vazhdojë të sjellë risi edhe kur është në majë, por Guardiola e kuptoi se të mësuarit kërkonte emigrimin e tij diku tjetër. Pas Nju Jorkut, ai udhëtoi me gruan e tij Kristina dhe tre fëmijët në Gjermani, ku firmosi një kontratë të re me Bajernin e Mynihut.
Ai e orientoi lojën e ekipit të tij më shumë drejt qendrës së fushës. Synimi i Guardiolës nuk ka qenë kurrë thjesht për të fituar. Por të luajë futbollin më të mirë të së tashmes. Ai ka pasion golfin, filmat, ushqimin dhe ankesat mbi politikën spanjolle, por kurrë për shumë kohë.
Ndihmësi i tij Manuel Estiarte, dikur një lojtar legjendar i vaterpolos, foli për “ligjin e 32 minutave”:kjo është koha më e gjatë që Guardiola mund të kalojë pa menduar për futbollin. Në vitin 2016 ai shkoi tek Mançester Siti,pasi i besoi shefit ekzekutiv Ferran Soriano dhe drejtorit sportiv Tiki Begiristain, me të cilët kishte punuar tek Barça.
Guardiola ka vazhduar të prodhojë risi. Ndonjëherë eksperimentet e tij dështojnë, por nëse nuk eksperimenton, atëherë nuk je duke evoluar. Këtë sezon ai fuste në fushë një skuadër pa një sulmues të mirfilltë. Edhe në nëntorin e vitit të kaluar, kur Siti renditej i dhjeti në kampionat, ai ishte i kënaqur që ishte atje ku ishte, duke drejtuar një ekip kokë-ulur por ende të etur për të fituar.
Ai ka dhuntinë e rrallë të vlerësimit më shumë të procesit sesa të rezultateve. Por ku mund ta përditësojë veten në të ardhmen? Ai nuk do të gjejë një ambient pune të nivelit më të lartë, dhe që nuk ka shumë fërkime sesa tek Siti. “Unë kam trajnuar në Spanjë dhe Gjermani, dhe mund të them se liga angleze është më e vështira”- thotë ai.
Ai do të vazhdojë të evoluojë akoma, pasi këtë e kërkon edhe botëkuptimi i tij. “Fëmijët e mi do të jenë më të aftë se unë”- shpjegon ai. “Dhe padyshim që trajnerët e së ardhmes, do të më tejkalojnë mua. Por ndoshta jo ata të së tashmes”- thekson ai. / “Financial Times” – Bota.al
Sport
Tensionet në Kongresin e UEFA-s: Kosova përfaqësohet pa flamurin shtetëror në Beograd!
Published
2 hours agoon
April 3, 2025By
UBT NEWS
Një ngjarje e pazakontë ka ndodhur në Kongresin e UEFA-s që po mbahet në Beograd, ku përfaqësuesi i Federatës së Futbollit të Kosovës (FFK), Agim Ademi, u fotografua me flamurin e Kosovës, duke shkaktuar një reagim të menjëhershëm nga Federata Serbe të Futbollit. Si pasojë e kësaj fotoje, federata serbe ndërmori hapa të menjëhershëm për të larguar çdo simbol që përfaqësonte shtetin e Kosovës nga kongresi i UEFA-s.
Pas ngjarjes, Federata Serbe kërkoi falje publike nga serbët, ndërsa hoqi të gjitha simbolet që kishin lidhje me shtetin e Kosovës. Ky veprim nxori në pah tensionet që ekzistojnë mes dy shteteve, duke treguar se Kosova, ndonëse është një anëtare e UEFA-s, po përfaqësohet në këtë kongres vetëm me logon e FFK-së dhe jo me simbolet shtetërore, siç ndodh me shtetet e tjera të pranishme.
Një tjetër element që ka shtuar tensionet ishte vendimi i sekretarit të FFK-së, Marcus Weidner, i cili ka pranuar të ulet në tavolinë pa flamurin e Kosovës, një akt që thekson edhe më tej kompleksitetin e situatës politike dhe sportive që ka lindur pas njohjes ndërkombëtare të Kosovës dhe ndikimeve të këtij procesi në fusha të ndryshme, përfshirë futbollin.
Ky incident thekson edhe një herë vështirësitë me të cilat përballet Kosova në arenën ndërkombëtare, sidomos në fushën e sporteve, dhe rëndësinë e dialogut dhe bashkëpunimit për tejkalimin e tensioneve mes shteteve në rajon.
Sport
Nuk përmbahet Mourinho pas eliminimit, kap për hunde trajnerin kundërshtar
Published
5 hours agoon
April 3, 2025By
UBT NEWS
José Mourinho ka qenë protagonist i një episodi të pahijshëm pas eliminimit të skuadrës së tij nga Fenerbahçe në çerekfinalet e Kupës së Turqisë. Pas humbjes 2-1 ndaj Galatasaray-t, dhe ndërsa lojtarët dhe stafi teknik i Galatasaray-t po drejtoheshin drejt tifozëve të tyre, Mourinho e ka kapur për hunde trajnerin e kundërshtarëve, Okan Buruk. Ky veprim ka shkaktuar një skenë të tensionuar, ku Buruk u rrëzua në tokë dhe mbajti duar mbi fytyrë, si një lojtar pas një faulli të rëndë.
Pas ngjarjes, Buruk kërkoi të përballej me Mourinhon, i zemëruar nga sulmi, por u qetësua me ndërhyrjen e lojtarëve të tij dhe vazhdoi ecjen pa pasoja të tjera. Ky incident është një tjetër moment polemik për Mourinhon, i cili ka pasur përplasje të ngjashme edhe me trajnerë dhe figura të tjera, duke përfshirë një të famshëm me Tito Vilanovën në vitin 2011, kur i vuri gishta në sy gjatë një klasike mes Real Madridit dhe Barcelonës. Pas atij momenti, Mourinho ka kërkuar më vonë falje.
Ky veprim ka ngritur përsëri pyetje për sjelljen e trajnerit portugez, që shpesh është shoqëruar me polemika dhe situata të tensionuara.
Sport
Kosova ngritet për dy pozita në renditjen e FIFA-s
Published
5 hours agoon
April 3, 2025By
UBTNews
Pas promovimit nga Liga C në Ligën B të Ligës së Kombeve, Kombëtarja e Kosovës është ngritur për dy pozita më lartë në renditjen e re të publikuar nga FIFA.
Dardanët tashmë pozicionohen në vendin e 97, teksa Shqipëria zbret një vend duke u renditur në të 66-in pas humbjes nga Anglia dhe fitores kundër Andorrës.
Argjentina pozicionohet në vendin e parë dhe ndiqet nga Spanja, Franca, Anglia, Brazili, Holanda, Portugalia, Belgjika, Italia dhe Gjermania.
Sport
Barcelona eliminon Atleticon dhe shkon në finalen me Realin, Flick: Ëndërrojmë për tripletën!
Published
6 hours agoon
April 3, 2025By
UBT NEWS
Barcelona ka siguruar kalimin në finalen e Kupës së Mbretit, duke mposhtur Atletico Madrid në “Metropolitano”. Fitorja e Barcelonës ka qenë një rezultat i shkëlqyer për trajnerin Hansi Flick, i cili do ta drejtojë ekipin katalanas në finalen e tij të dytë.
Pas ndeshjes, Flick u shpreh shumë i kënaqur me paraqitjen e ekipit: “Ishte një ndeshje me dy pjesë të ndryshme. Në pjesën e parë dominuam, ndërsa në të dytën u mbrojtëm mirë. Të gjithë mund të jenë krenarë për këtë ekip”.
Me këtë fitore, Barcelona ka shtuar shpresat për tripletën këtë sezon. Ata janë në vendin e parë në La Liga, kanë siguruar finalen e Kupës së Mbretit dhe janë ende të pranishëm në çerekfinalet e Champions League. Sidoqoftë, Flick ka paralajmëruar se rruga drejt suksesit është ende e gjatë dhe kërkon përqendrim të vazhdueshëm. “Ëndërrimi është i lejuar, por duhet të qëndrojmë të përqendruar,” tha ai. “Do të kthehemi vonë në shtëpi dhe do të duhet të stërvitemi për ndeshjen kundër Betisit.”
Tifozët e Barcelonës janë të emocionuar nga mundësitë e tripletës, ndërsa ekipi i Flick ka treguar një nivel të lartë loje dhe angazhimi këtë sezon.

Kurti pret në takim ambasadorin suedez, flasin për aktualitetin politik në vend

Po bëni gabim, ja sa shpesh duhen pastruar furçat e grimit

Billie Eilish tregon se cilët janë artistët e saj të preferuar

Nën hetim në dosjen e Erion Veliajt, biznesmeni Elman Abule paraqitet në GJKKO

Përgatitjet për seancën konstituive, Konjufca javën tjetër mbledh kryetarët e partive politike

Kujdes nga pajisjet që shpenzojnë më së shumti energji në shtëpinë tuaj

Njëmbëdhjetë persona u arrestuan në Turqi si pjesë e hetimit për thirrjen e bojkotit

Fjalësi i “Enciklopedisë shqiptare” do të miratohet brenda 15 majit

Ekspertët: AI do të rrit papunësinë
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë