Lajmet

“People in Need” nënshkruan marrëveshje bashkëpunimi me MAShT dhe shkollën “Elena Gjika”

Qëllimi i projektit është përmbushja e arsimit të barabartë të fëmijëve me nevoja të veçanta dhe nga komunitetet e cenueshme.

Published

3 years ago

November 4, 2021

UBT news

Organizata “People in Need” ka nënshkruar marrëveshje bashkëpunimi me Ministrinë e Arsimit, Shkencës dhe Teknologjisë (MAShT) dhe shkollën fillore “Elena Gjika”.

Kjo marrëveshje është në kuadër të projektit “Edukimi për të gjithë-Përmbushja e të Drejtave të Fëmijëve dhe Adoleshentëve me nevoja të veçanta dhe nga komunitetet e cenueshme”. Qëllimi i këtij projekti është përmbushja e të drejtave për arsim të barabartë të këtyre fëmijëve.

Drejtori i organizatës “People in Need” në Kosovë, Ramadan Berisha tha se ky program po ndihmon fëmijët dhe prindërit në gjashtë komuna të Kosovës.

“Fatkeqësisht me fonde të limituara si dhe me pjesëmarrje gjeografike të limituar në vetëm gjashtë komuna dhe tetë shkolla dhe dy qendra burimore, por në përmbajtjen e saj ky program si pilot program përfshin realitetin më të mirë multi-etnik të Kosovës. Si e tillë është duke u implementuar që një kohë dhe kanë filluar të tregohen rezultatet e para pozitive. Po ndihmohen fëmijët, prindërit e fëmijëve të cilët kanë nevojë për një shërbim të tillë, stafi i sistemit arsimor të Kosovës duke i trajnuar dhe në fund fare edhe OJQ-të lokale në procesin e transferimit të kësaj njohurie nga niveli ndërkombëtar në nivelet lokale”, ka thënë ai.

Ministrja e Arsimit, Arbërie Nagavci theksoi se në shkollën “Elena Gjika” po vijojnë mësimin, fëmijë të komuniteteve të ndryshme ku ofrohen shërbime për të gjitha kategoritë. Ajo ka shtuar se MAShT është i përkushtuar për arsimin gjithëpërfshirës dhe krijimin e kushteve të barabarta për të gjithë fëmijët.

“Jemi shumë të interesuar dhe po punojmë edhe për sigurimin e zbatimit të këtyre politikave në praktikë. Synimi jonë është që të gjithë fëmijët të cilët janë të përfshirë në edukim, përfshirë fëmijët me nevoja të veçanta në këtë rast jo vetëm të kenë ambiente të përshtatshme për ta, por të ndihmojmë edhe në zhvillimin e kompetencave që ndihmojnë në pavarësim për gjatë gjithë jetës së tyre”, tha ajo.

Më tej, ajo u zotua se në projektligjin për buxhetin e vitit 2022 është paraparë punësimi i 100 asistentëve për këta fëmijë.

“Si Ministri e Arsimit jemi siguruar që në buxhetin e vitit 2022 të buxhetojmë edhe punësimin e 100 asistentëve për vitin e ardhshëm. Dhe kjo është synimi jonë që së paku gjatë katër viteve të qeverisjes të kemi për çdo vit punësimin e 100 asistentëve gjatë vitit”, ka deklaruar Nagavci.

Ky projekt financohet nga Bashkimi Evropian dhe implementohet nga organizata ndërkombëtare “People in Need” dhe dy organizata tjera lokale.

Udhëheqësi i Zyrës së BE-së në Kosovë, Tomas Szunyog tregoi se synim mbetet përmirësimi i situatës së këtyre fëmijëve në Kosovë.

“Përmes intervenimeve si këto ne duam që të përmirësojmë situatën e Kosovës dhe njerëzve të saj në nevojë. Mirëpo, që të kemi një impakt më të gjatë dhe më të mirë, neve na duhen edhe partnerë të tjerë. Duhet të pranojë që ne jemi duke parë shenja inkurajuese në këtë drejtim”, u shpreh ai.

Ndërkaq, ambasadori i Çekisë në Kosovë, Pavel Bilek tha se nuk është hera e parë që mbështesin Kosovën me projekte të tilla.

“Që nga viti i kaluar, organizata ‘People in Need’ ka implementuar projekte të ndryshme, qoftë përmes ndihmës së Republikës Çeke ose përmes projekteve të ndryshme. Programet tona e kanë për qëllim përfshirjen e njerëzve nga komunitetet e cenueshme. Ne kemi ndihmuar grupe të ndryshme të njerëzve me nevoja të veçanta. Dhe siç e ceka ne i kemi dhënë fokus të veçantë komunitetit që kanë probleme në të parë”, shtoi ai.

Për drejtorin e organizatës “People in Need”, Simon Panek është e papranueshme që fëmijët me nevoja të veçanta të mos trajtohen barabartë si fëmijët tjerë.

“Ne nuk e dimë nëse dikush prej këtyre fëmijëve do të jetë ministër i ardhshëm i financave dhe nuk është ideja që vetëm të krijojmë ambient për përmbushjen e të drejtave të tyre, por t’ju japim qasje dhe mundësi për një zhvillim të barabartë të të gjithëve. Nuk është mirë që një fëmijë i klasës së gjashtë apo shtatë të largohet ose të lihet anash edhe të mbes mbrapa dhe të mos i jepet një shanse e barabartë me gjithë fëmijët e tjerë”, ka deklaruar Panek.

Në shkollën fillore “Elena Gjika” vijojnë mësimin fëmijë të komunitetit shqiptar dhe turk. Po ashtu, është mundësuar edhe përfshirja e fëmijëve me nevoja të veçanta.

Bota

Ish-udhëheqësi i Hezbollah do të varroset të dielën

Published

2 days ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

2 days ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

2 days ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.