Kulturë

Penelope Cruz i dedikon çmimin Santa Barbara grave në Ukrainë

Cruz ka shpërthyer në lot teksa ia ka dedikuar çmimin grave që po vuajnë pasojat e luftës në Ukrainë.

Published

on

Penelope Cruz ka shpërthyer në lot teksa ia ka dedikuar çmimin në Santa Barbara Festival të gjithë atyre që po vuajnë pasojat e luftës në Ukrainë.

“Personazhi im Jane, kishte frikë. Ajo kishte frikë se mos humbte fëmijën, mos humbte ata që donte më shumë. Dhe sa gra në botë, në këtë momente që flasim po përjetojnë tragjedi e po jetojnë në horror të tilla. Kështu që zemra dhe mendimet e mia janë me të gjitha ato gra në Ukrainë. Me të gjithë ata fëmijë apo burra që po vuajnë në këtë situatë të tmerrshme. Faleminderit shumë!”, u shpreh Cruz.

Si një pjesë e mirë e figurave publike, edhe aktorja i është bashkuar dhimbjes së madhe të Ukrainës.
Cruz dhe bashkëshorti i saj, aktori Javier Bardem, tani për tani po i mbajnë jashtë rrjeteve sociale fëmijët e tyre, djalin 10-vjeçar Leo dhe vajzën tetë-vjeçare Luna.
Cruz tha gjatë një interviste me “CBS Sunday Morning” se: “Ka diçka që nuk ka kuptim dhe po prek veçanërisht brezat e rinj”.
“Ndihem shumë keq për ata që janë adoleshente tani,” tha ajo. “Është thuajse [sikur] bota po bën një lloj eksperimenti mbi to. ‘Oh, le të shohim se çfarë ndodh nëse ekspozoni një 12-vjeçar kaq shumë ndaj teknologjisë’.”
Aktorja e “Parallel Mother” thotë se ajo përdor vetë rrjetet sociale “në një mënyrë shumë të kujdesshme” dhe tha se kur bëhet fjalë për të rinjtë sipas saj ata nuk kanë siguri.
“Nuk ka mbrojtje për ta, për trurin që është ende në zhvillim dhe se si kjo ndikon në mënyrën se si ata shohin gjërat.Se si gjithçka lidhet me bullizmin, kaq shumë gjëra që nuk janë fëmijëria që ne kemi pasur.”
“Nuk ka media sociale deri në të paktën 16 vjeç,” tha ajo.

Continue Reading

Kulturë

Koncert i dedikuar grave kompozitore

Published

on

Një koncert i veçantë, i dedikuar krijimtarisë së grave kompozitore, do të mbahet më 15 prill në Sallën e Ateliesë së Pallatit të Rinisë në Prishtinë, nga ora 19:00.

Ky aktivitet artistik do të interpretohet nga artiste gra, duke sjellë në skenë një kombinim të veçantë talentesh: mezzosopranoja Fiona Shabani, flautistja Entela Demi dhe pianistja Denita Dedushaj.

Programi i koncertit do të ofrojë një rrugëtim muzikor në kohë përmes veprave të kompozitoreve të njohura ndërkombëtarisht si Cécile Chaminade, Fanny Mendelssohn, Ethel Smyth, Amy Beach dhe Sofia Gubaidulina.

Përveç repertorit botëror, koncerti do të përfshijë edhe krijimtari shqiptare, duke prezantuar veprat e kompozitoreve Pranvera Badivuku, Ina Kosturi dhe Dafina Zeqiri Nushi. Ky koncert synon të vërë në pah kontributin dhe rolin e grave në muzikën klasike, si në arenën ndërkombëtare, ashtu edhe në atë vendore.

 

Continue Reading

Kulturë

Biblioteka Kombëtare do të promovojë në Belgjikë veprën “Ydriz Basha i Novosejt”

Published

on

Biblioteka Kombëtare e Kosovës “Pjetër Bogdani”, më 27 prill, do të promovojë botimin shumëvëllimësh “Ydriz Basha i Novosejt” në Ambasadën e Republikës së Kosovës në Belgjikë, në prani të komunitetit shqiptar.

Ky aktivitet synon të rrisë ndërgjegjësimin e komunitetit shqiptar dhe të publikut të gjerë për rëndësinë e ruajtjes së kujtesës historike, si dhe të promovojë veprën dhe kontributin e Ydriz Bashës – një figurë me rol të veçantë në çështjen e Kosovës dhe në procesin e ndërtimit të shtetit.

Botimi shumëvëllimësh është pjesë e kolanës së veçantë “Kujtesa e Kosovës”, e cila sjell në fokus vlera të rëndësishme të historisë dhe identitetit kombëtar.

Continue Reading

Kulturë

Komedia “ART” vjen në Podujevë me shfaqje mysafire nga Teatri Kombëtar i Kosovës

Published

on

Një nga veprat më të suksesshme bashkëkohore, “ART” sjell një mbrëmje plot humor, emocione dhe reflektim mbi miqësinë, artin dhe egon njerëzore.

Shfaqja do të mbahet më 15 prill 2026, në ora 20:00, në Teatrin “Avdush Hasani” në Podujevë.

Vepra është e autores Yasmina Reza, me regji të Bashkim Ramadanit, ndërsa në kastin e aktorëve janë Ard Islami, Ylber Bardhi dhe Butrint Lumi.

Continue Reading

Kulturë

“Carmina Burana” e Baletit Kombëtar të Kosovës në Bogotá në kuadër të turneut ndërkombëtar

Published

on

Baleti Kombëtar i Kosovës do të prezantojë shfaqjen “Carmina Burana” në Bogotá, si pjesë e turneut në Amerikën Qendrore dhe Latine.

Shfaqja do të mbahet më 21 maj në Teatro Municipal Jorge Eliécer Gaitán, një nga skenat më të rëndësishme kulturore në Kolumbi, duke sjellë para publikut kolumbian një nga veprat më të njohura të repertorit ndërkombëtar.

Kjo paraqitje vjen në kuadër të turneut që përfshin edhe El Salvadorin dhe Kolumbinë, duke shënuar një hap të rëndësishëm në prezantimin ndërkombëtar të Baletit Kombëtar të Kosovës.

Continue Reading

Të kërkuara