Kulturë

Penelope Cruz i dedikon çmimin Santa Barbara grave në Ukrainë

Cruz ka shpërthyer në lot teksa ia ka dedikuar çmimin grave që po vuajnë pasojat e luftës në Ukrainë.

Published

on

Penelope Cruz ka shpërthyer në lot teksa ia ka dedikuar çmimin në Santa Barbara Festival të gjithë atyre që po vuajnë pasojat e luftës në Ukrainë.

“Personazhi im Jane, kishte frikë. Ajo kishte frikë se mos humbte fëmijën, mos humbte ata që donte më shumë. Dhe sa gra në botë, në këtë momente që flasim po përjetojnë tragjedi e po jetojnë në horror të tilla. Kështu që zemra dhe mendimet e mia janë me të gjitha ato gra në Ukrainë. Me të gjithë ata fëmijë apo burra që po vuajnë në këtë situatë të tmerrshme. Faleminderit shumë!”, u shpreh Cruz.

Si një pjesë e mirë e figurave publike, edhe aktorja i është bashkuar dhimbjes së madhe të Ukrainës.
Cruz dhe bashkëshorti i saj, aktori Javier Bardem, tani për tani po i mbajnë jashtë rrjeteve sociale fëmijët e tyre, djalin 10-vjeçar Leo dhe vajzën tetë-vjeçare Luna.
Cruz tha gjatë një interviste me “CBS Sunday Morning” se: “Ka diçka që nuk ka kuptim dhe po prek veçanërisht brezat e rinj”.
“Ndihem shumë keq për ata që janë adoleshente tani,” tha ajo. “Është thuajse [sikur] bota po bën një lloj eksperimenti mbi to. ‘Oh, le të shohim se çfarë ndodh nëse ekspozoni një 12-vjeçar kaq shumë ndaj teknologjisë’.”
Aktorja e “Parallel Mother” thotë se ajo përdor vetë rrjetet sociale “në një mënyrë shumë të kujdesshme” dhe tha se kur bëhet fjalë për të rinjtë sipas saj ata nuk kanë siguri.
“Nuk ka mbrojtje për ta, për trurin që është ende në zhvillim dhe se si kjo ndikon në mënyrën se si ata shohin gjërat.Se si gjithçka lidhet me bullizmin, kaq shumë gjëra që nuk janë fëmijëria që ne kemi pasur.”
“Nuk ka media sociale deri në të paktën 16 vjeç,” tha ajo.

Continue Reading

Magazinë

Divorci i prindërve, flet vajza e “Mr. Bean”: Ditët më të errëta

Published

on

Vajza e Rowan Atkinson ka folur për herë të parë rreth divorcit të prindërve. Lily Sastry është fëmija i vogël i aktorit të njohur kryesisht si Mr. Bean dhe ish-gruas së tij, Sunetra Sastry.

“Kalova shumë kaos dhe vetmi në të njëzetat e mia. Tani që jam 30 vjeçe, mund ta shoh qartë se ku isha dhe çfarë po ndodhte brenda meje gjatë ditëve më të errëta. Isha e humbur dhe nisa të ndihesha disi normale në të njëzetat e vona. Kam qenë gjithnjë e ngecur mes dy botësh, nuk e kam vendin këtu, por as atje.

Është e vështirë të zbulosh kush je kur nuk ke miq, një familje të përçarë dhe nuk di si t’ia dalësh të krijosh muzikë dhe të përpiqesh ta kuptosh botën. Më janë dashur vite të zgjidh problemet e mia dhe të kuptoj kush jam, si dhe të bëhem personi më i mirë që mund të jem. Kam bërë gabime të panumërta, jam lënduar, kam qenë e humbur dhe vetëm shumë herë. Arti ishte drita ime udhërrëfyese. Gjëja që e bëri vuajtjen të kishte vlerë, teksa unë punoja drejt një qëllimi, një ëndrre”.

Rowan Atkinson dhe Sunetra Sastry janë prindër edhe të një djali, Benjamin Atkinson, 31 vjeç.

Continue Reading

Kulturë

​Përvjetori i lindjes së aktorit Aleksandër Moisiu

Published

on

Më 2 prill 2025, kujtohet përvjetori i lindjes së aktorit të njohur Aleksandër Moisiu, i cili lindi në vitin 1879 në Trieste, me origjinë shqiptare. Ai është një nga emrat më të shquar në historinë e teatrit dhe kinemasë evropiane, i njohur për interpretimin e tij të paharrueshëm të disa nga rollet më të mëdha të letërsisë evropiane, nga tragjeditë antike greke deri tek krijimet bashkëkohore.

Karriera e tij nisi në moshën 19 vjeçare, kur u angazhua për herë të parë si “kompars” në skenën e Burgtheatër në Vjenë. Më vonë, ai vazhdoi karrierën e tij në teatrot e Pragës dhe Berlinit, ku u dallua për talentin e tij të jashtëzakonshëm, sidomos në rolet e Edipit Mbreti dhe Hamletit. Puna e tij në këto role e shndërroi në një figurë të njohur në skenat teatrale të Evropës dhe Amerikës Veriore.

Në vitin 1935, në perëndim të jetës së tij, Moisiu kërkoi shtetësinë italiane, e cila iu dha, ndërsa gjithashtu kërkoi edhe shtetësinë shqiptare, që mbeti i paplotësuar. Aleksandër Moisiu ndërroi jetë më 23 mars 1935 në Vjenë, duke lënë pas një trashëgimi të pasur artistike që vazhdon të nderohet edhe sot.

Karriera dhe jeta e tij ishin një dëshmi e pasionit dhe përkushtimit të tij për artin dhe kulturën, dhe ai mbetet një nga emrat më të mëdhenj të teatrit evropian./UBTNews/

Continue Reading

Magazinë

Filmi për Beatles, zbulohen aktorët që do të luajnë legjendarët

Published

on

Një vit pasi njoftoi se ishte duke përgatitur një projekt filmik për Beatles, Sam Mendes zbuloi detaje, ndërsa konfirmoi se Paul Mescal, Harris Dickinson, Barry Keoghan dhe Joseph Quinn do të luajnë legjendaret “Beatles”.

Konkretisht, Paul Mescal do të luajë Paul McCartney, Harris Dickinson do të luajë John Lennon, Barry Keoghan do të luajë Ringo Starr dhe Joseph Quinn do të luajë George Harrison.

Sam Mendes doli në skenën e Caesars Palace gjatë CinemaCon 2025 në Las Vegas dhe prezantoi katër aktorët kryesorë, duke zbuluar titullin e projektit: “The Beatles: Një ngjarje kinematografike me katër filma”.

Këto janë katër biografi të ndryshme kushtuar Beatles, siç zbulohet nga Sony. Filmat, të cilët të gjithë do të publikohen në prill 2028, do të fokusohen në secilin nga katër anëtarët e grupit legjendar.

“Ne nuk po bëjmë vetëm një film të Beatles, ne po bëjmë katër,” tha Mendes. “Ndoshta kjo është një mundësi për t’i kuptuar ato në thellësi.”

Ai rrëfeu se “Beatles ndryshuan mënyrën se si ai e perceptonte muzikën” dhe se prej vitesh po përpiqej të bënte një film për ta.

“Jam i nderuar të tregoj historinë e grupit më të madh rock të të gjitha kohërave dhe mezi pres të sfidoj perceptimin se çfarë do të thotë të shkosh në kinema”.

Continue Reading

Magazinë

Po vjen sezoni i pestë i serialit “You”: Një prej prodhimeve më të njohura të Netflix po përfundon

Published

on

Sezoni i pestë i serialit të njohur të Netflix “You” me Penn Badgley do të vijë së shpejti në Netflix (24 Prill), dhe kjo do të shënojë edhe fundin e serialit.

Badgley zbuloi më parë se sezoni i pestë i serialit hit të Netflix do të jetë gjithashtu i fundit. Të 10 episodet e sezonit të fundit të serialit thriller do të jenë të disponueshëm në platformën e serialeve më 24 prill.

“Çdo sezon arrijnë të gjejnë një hapësirë ​​të re për ta bërë atë interesant dhe relevant. Dhe këtë sezon, mendoj se disi kthimi atje ku filloi gjithçka e lejoi atë të forcohej ashtu siç duhet dhe ky lloj fundi spektakolar”, tha Badgley për Netflix në xhirimet e episodeve të fundit.

Producentët ekzekutivë Michael Foley dhe Justin W. Lo shtojnë: “Është kaq e rrallë që të kesh mundësinë për të xhiruar pesë sezone të një shfaqjeje, e lëre më të përfundoni historinë – dhe në të njëjtën kohë të ktheni personazhin tuaj dhe produksionin atje ku filloi gjithçka. Ishte një përvojë vërtet e veçantë dhe një kulm absolut i karrierës për të dy ne”.

Netflix së fundmi publikoi trailerin zyrtar për sezonin e pestë të serialit “You”.

Continue Reading

Të kërkuara